Noo Mian 5:22 - Noo Mian 1748

²² Agh ta mish gra riuish, quoi‐erbee ta corree rish e vraar fegooish oyr, dy doill e dy ve deyrit liorish y vriwnys: as quoi‐erbee jir rish e vraar, Raca, dy doill e ve’r ny gheyrey liorish y choonceil: agh quoi‐erbee jir, Uss ommydan, dy doill e deyrey gys aile Nivrin.

Yn Vible Casherick 1775 1819

²² Agh ta mish gra riuish, Quoi-erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi-erbee jir rish e vraar, Raca: dy jig eh fo briwnys yn ard-whuaiyl: agh quoi-erbee jir, Uss ommydan, dy bee eh ayns gaue aile niurin.

Yn Conaant Noa 1810

²² Agh ta mish gra riuish, Quoi‐erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi‐erbee jir rish e vraar, Raca: dy jig eh fo briwynys yn ard‐whuaiyl: agh quoi‐erbee jir, Uss ommydan, dy bee eh ayns gaue aile niurin.

Noo Mian 5:22 ပူးပေါင်းရင်းမြစ်များ

Noo Mian 3:17

As cur‐my‐ner, coraa veih Niau, gra, Shoh my Vac graihagh, jeh ta mee dy moar soiaghey.

Noo Mian 5:34

Agh ta mish gra riu, Ny loo‐jee er aght erbee, edyr liorish Niau, son she stoyl‐reeoil Yee eh:

Noo Mian 5:44

Agh ta mish gra riu, Bee‐jee graihagh er nyn Noidjyn, bannee-jee adsyn ta guee mollaghtyn diu, jean‐jee mie dauesyn ta cur feoh diu, as gow-jee padjer er nyn son ocsyn, ta cur seaghyn as janoo tranlaase erriu.

Noo Mian 10:17

Agh cur‐jee twoai jeh deney, son livrey‐ee ad shiu seose gys ny coonceilyn as custee ad shiu ayns ny kialteenyn oc.

Noo Mian 10:28

As ny bee‐jee agglagh rowesyn varrys y corp, agh nagh jiarg er yn annym y varroo: agh bee‐jee ayns aggle smoo roishyn, oddys corp as annym neesht y stroie ayns Nivrin.

Noo Mian 12:24

Agh tra cheayl ny Phariseyn jeh, doort ad, Cha vel e shoh tilgey magh drogh spyrrydyn, agh liorish Beelzebub, prince ny drogh spyrrydyn.

Noo Mian 17:5

Choud as ve foast loart, cur‐my‐ner, ren bodjal sollys scadoo y hilgey harrystoo, as cur‐my‐ner coraa ass y vodjal, doort, Shoh my vac graihagh, jeh ta mee dy moar soiaghey, easht‐jee rish.

Noo Mian 18:21

¶ Eishtagh haink Peddyr huggey, as doort e, Cre cha mennick as ta orryms leih da my vraar, tra vees e janoo peccah m’oi? choud as shiaght keartyn?

Noo Mian 18:35

Myr shen myrgeddyn nee my Ayr flaunyssagh riuish, mannagh leih shiu veih nyn greeaghyn dy chooilley ghooinney da e vraar e loghtyn.

Noo Mian 23:15

Smerg diu, scruderyn as Phariseyn, chrauee‐foalsey; son ta shiu goll my‐geart keayn as talloo, dy hayrn yn yoarree gys y chredjue, as tra te er jyndaa hiu, ta shiu dy yanoo e ny liannoo dy nivrin ghaa wheesh as shiu hene.

Noo Mian 23:33

Shiuish ard‐nieughyn, sheeloghe dy ard‐nieughyn, kys oddys shiu kerraghey nivrin y scapail?

Noo Mian 25:41

Eishtagh jir e roosyn myrgeddyn er y laue chiare, Immee‐jee voym chloan chursit gys yn aile dy bragh farraghtyn, ta kiarit son y drogh spyrryd as e ainlyn.

Noo Mian 26:59

Nish va ny ard-saggyrtyn as y chanstyr as ooilley’n choonceil shirrey fenish foalsey noi Yeesey dy choyrt e gy baase.