Noo Mian 5:18 - Noo Mian 1748

¹⁸ Son dy firrinagh ta mee gra riu, derrey nee aer as talloo cherraghtyn, cha bee yn ockle ny yn tittle er ny ghoal veih yn leigh, derrey vees ooilley jeant magh.

Yn Vible Casherick 1775 1819

¹⁸ Son dy firrinagh ta mee gra riu, Derrey nee yn aer as yn ooir lheïe ersooyl, cha bee un ockle, ny’n floag sloo er ny ghoaill veih’n leigh, derrey vees ooilley jeant mie.

Yn Conaant Noa 1810

¹⁸ Son dy firrinagh ta mee gra riu, Derrey nee yn aer as yn ooir lheïe ersooyl, cha bee un ockle, n’yn floag sloo er ny ghoaill veih’n leigh, derrey vees ooilley jeant mie.

Noo Mian 5:18 ပူးပေါင်းရင်းမြစ်များ

Noo Mian 10:15

Dy firrinagh ta mee gra riu, dy vow cheer Sodom as Gomorrah ny smoo dy foar, ec laa ny briwnys, ny yiow yn ard‐valley shen.

Noo Mian 10:23

Agh tra vees ad janoo tranlaase erriu ’sy derrey ard‐valley, roie-jee shiuish er‐chea gys ard‐valley elley: son dy firrinagh ta mee gra riu, dy bee mac y dooinney er jeet, roish my bee shiu er gholl harrish ard‐valjyn Israel.

Noo Mian 10:42

As quoi‐erbee ver cappan dy ushtey feayr da annane jeh’n vooinjer veggey shoh dy iv, ayns ennym annane jeusyn ta sheer geyrt orryms, dy firrinagh ta mee gra riu, nagh jean e er aght erbee e leagh y choall.

Noo Mian 11:11

Dy firrinagh ta mee gra riu, nyn mastey ocsyn t’er nyn mreh jeh mraane, cha vel fer syrjey ny Ean Bashtey er nirree seose: ny yei ta’n fer sloo t’ayns reeriaght niau ny syrjey ny eshyn.

Noo Mian 13:17

Son dy firrinagh ta mee gra riu, dy vel ymmodee phaderyn as deney cairagh er ve aignagh dy akin ny reddyn ta shiuish dy akin, as cha vel ad er nyn vakin ad; as dy chlashtyn ny reddyn ta shiu dy chlashtyn, as cha vel ad er chlashtyn ad.

Noo Mian 16:28

Dy firrinagh ta mee gra riu, Dy vel part nyn shassoo ayns shoh, nagh jean blashtyn er y baase, derrey hee ad mac y dooinney cheet ayns e reeriaght.

Noo Mian 17:20

Doort Yeesey roo, Kyndagh rish y vee-chredjue eu: son dy firrinagh ta mee gra riu, My ta credjue eu myr greine dy rass mustard, jir shiu rish y slieau shoh, Scugh ass shoh noon ayns shid, as nee eh scughey; as cha bee nee erbee niau‐phossible diu.

Noo Mian 18:18

Dy firrinagh ta mee gra riu, Cre‐erbee nee shiu y chiangley er y talloo, bee eh kainlt ayns niau: as cre‐erbee nee shiu y eysley er y talloo, bee eh feyslit ayns niau.

Noo Mian 18:3

As doort e, Dy firrinagh ta mee gra riu, mannagh jean shiu chyndaa as cheet dy ve myr cloan veggey, cha jed shiu stiagh ayns reeriaght niau.

Noo Mian 19:23

¶ Eishtagh doort Yeesey roosyn va sheer geyrt er, Dy firrinagh ta mee gra riu, dy goan hed dooinney berchiagh stiagh ayns reeriaght niau.

Noo Mian 19:28

Doort Yeesey roo, Dy firrinagh ta mee gra riu, ec y yiennaghtyn reesht, tra nee mac y dooinney soie er stoyl-reeoil e ghloyr, dy jean shiuish myrgeddyn t’er neyrt orryms, soie er daa stoyl-reeoil yeig, briwnys daa heeloghe yeig Israel.

Noo Mian 21:21

Dreggyr Yeesey, as doort e roo, Dy firrinagh ta mee gra riu, My vees credjue eu, as mannagh jean shiu dooteil, nee shiu cha nee ynrycan shoh, ta jeant rish y billey‐figgagh, agh my jir shiu rish y slieau shoh, Bee er dty scughey, as er dty hilgey ayns y cheayn, bee eh er ny yianoo.

Noo Mian 21:31

Quoi jeu shoh nyn neesht ren aigney e ayrey? Doort adsyn rish, Yn chied vac. Doort Yeesey roo, Dy firrinagh ta mee gra riu, dy jed ny publicanee as ny streebaghyn stiagh ayns reeriaght Yee, reuish.

Noo Mian 23:36

Dy firrinagh ta mee gra riu, dy jig dy chooilley nee jeu shoh er y cheeloghe shoh.

Noo Mian 24:2

As doort Yeesey roo, Nagh vaik shiu ooilley ny reddyn shoh? Dy firrinagh ta mee gra riu, nagh bee faagit yn chlagh er clagh elley, nagh bee er ny hilgey sheese.

Noo Mian 24:47

Dy firrinagh ta mee gra riu, dy livrey e dys y churrym echey ooilley e chooid.

Noo Mian 25:12

Agh dreggyr eshyn as doort e, Dy firrinagh ta mee gra riu, nagh voddym goall riu.

Noo Mian 25:40

As freggyree yn Ree, as jir e roo, Dy firrinagh ta mee gra riu, ayns wheesh as dy vel shiu er nianoo eh son y fer sloo jeu shoh my vraaraghyn, ta shiu er nianoo eh er my hons.

Noo Mian 25:45

Eisht nee e nyn vreggyrt ad, gra, Dy firrinagh ta mee gra riu, ayns wheesh as nagh ren shiu eh son annane jeh’n vooinjer sloo jeu shoh, cha ren shiu eh er my hons.

Noo Mian 5:26

Dy firrinagh ta mee gra rhyt, nagh jig oo magh ass shen, derrey vees oo erreish yn farling sodjey magh y eeck.

Noo Mian 6:16

¶ As tra vees shiu trostey, ny bee-jee jeaghyn trimshagh, myr ny crauee-foalsey, son tar adsyn sollagh nyn eddinyn er chee deney dy chur tastey da’n trostey oc. Dy firrinagh ta mee gra riu, dy vel nyn leagh oc.

Noo Mian 6:2

Shen-y-fa tra t’ow coyrt da ny Boughtyn, ny lig da cayrn ve’r ny heidey royd, lurg aght ny crauee‐foalsey, ayns ny kialteenyn, as ayns ny straadjyn, er coontey moylley gheddyn veih deney. Dy firrinagh ta mee gra riu, ta nyn Leagh oc.

Noo Mian 8:10

Tra cheayl Yeesey shoh, ghow e yyndyss, as doort e roosyn va geyrt er, Dy firrinagh ta mee gra riu, Leid y credjue lajer shoh, cha vel mee er gheddyn ayns Israel hene.