Noo Mian 3:7 - Noo Mian 1748

⁷ ¶ Agh tra honnick e ymmodee jeh ny Phariseyn as ny Sadduceyn cheet gys e vashtey, doort e roo, O heeloghe dy ard‐nieughyn, quoi t’er chur raue div, dy hea veih’n chorree ta ry heet?

Yn Vible Casherick 1775 1819

⁷ Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe dy ard-nieughyn, quoi t’er chur raaue diu dy hea veih yn jymmoose ta ry-heet?

Yn Conaant Noa 1810

⁷ Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe ard‐nieughyn, quoi t’er chur raaue diu dy hea veih yn jymmoose ta ry heet?

Noo Mian 3:7 ပူးပေါင်းရင်းမြစ်များ

Noo Mian 12:24

Agh tra cheayl ny Phariseyn jeh, doort ad, Cha vel e shoh tilgey magh drogh spyrrydyn, agh liorish Beelzebub, prince ny drogh spyrrydyn.

Noo Mian 12:34

O heeloghe dy ard‐nieughyn, kys oddys shiuish, ta olk, reddyn mie y loart? son magh veih stoyr y chree, ta’n beeal loart.

Noo Mian 15:12

Eishtagh haink huggey yn vooinjer va sheer marish, as doort ad rish, Nagh vel fys ayd dy row ny Phariseyn jymmoosagh, tra cheayl ad y raa shoh?

Noo Mian 16:1

As haink ny Phariseyn as ny Sadduceyn, dy violaghey e, as hir ad er, e dy yeaghyn cowrey ennagh daue veih niau.

Noo Mian 16:6

¶ Eishtagh doort Yeesey roo, Cur‐jee twoai as gow‐jee tastey jeh soorit ny Phariseyn as ny Sadduceyn.

Noo Mian 22:15

¶ Eishtagh hie ny Phariseyn, as hug ad nyn goyrle dy cheilley, kys oddagh [ad] e y hayrn ayns rybbey, liorish e ocklyn.

Noo Mian 22:23

¶ Yn laa keddyn haink huggey ny Sadduceyn, ta gra nagh vel irree-seose-reesht dy ve ayn, as dênee ad jeh,

Noo Mian 22:34

¶ Agh tra va ny Phariseyn er chlashtyn, dy row e er chur er ny Sadduceyn ve nyn dost, va’d er nyn jaglym cooidjagh.

Noo Mian 23:33

Shiuish ard‐nieughyn, sheeloghe dy ard‐nieughyn, kys oddys shiu kerraghey nivrin y scapail?

Noo Mian 5:20

Son ta mee gra riu, mannagh bee yn Ynrycys eauish er‐skyn ynrycys ny Scruderyn as ny Phariseyn, nagh vod shiu er aght erbee goll stiagh ayns reeriaght niau.