Noo Mian 24:3 - Noo Mian 1748

³ ¶ As myr ve ny hoie er cronck ny Olivyn, haink y vooinjer va sheer geyrt er huggey er lieh, gra, Insh dooin cooin vees ny reddyn shoh? as cre’n cowrey vees jeh’n cheet ayd as jeh jerrey’n teihll?

Yn Vible Casherick 1775 1819

³ As myr v’eh ny hoie er cronk ny Oliveyn, haink e ostyllyn huggey er-lheh, gra, Insh dooin, cuin vees ny reddyn shoh? as cre’n cowrey vees jeh’n cheet ayd, as jeh jerrey yn theihll?

Yn Conaant Noa 1810

³ As myr v’eh ny hoie er cronk ny Oliveyn, haink e ostyllyn huggey er‐lheh, gra, Insh dooin, cuin vees ny reddyn shoh? as cre’n cowrey vees jeh’n cheet ayd, as jeh jerrey yn theihll?

Noo Mian 24:3 ပူးပေါင်းရင်းမြစ်များ

Noo Mian 13:36

Eishtagh hug Yeesey yn cheshaght ersooyl, as hie e stiagh ayns y thie; as haink huggey adsyn va sheer marish, gra, Soilshee dooin coraa dorraghey coggyl yn vagher.

Noo Mian 13:49

Myr shen vees eh, ec jerrey’n teihl: hig ny ainlyn magh, as scarree ad y vee-chrauee veih mastey’n chloan chairagh;

Noo Mian 15:12

Eishtagh haink huggey yn vooinjer va sheer marish, as doort ad rish, Nagh vel fys ayd dy row ny Phariseyn jymmoosagh, tra cheayl ad y raa shoh?

Noo Mian 16:27

Son hig mac y dooinney ayns gloyr e Ayrey, as e ainlyn casherick marish, as ec y tra shen cooilleenee e da dy chooilley ghooinney cordail rish e obbraghyn.

Noo Mian 16:28

Dy firrinagh ta mee gra riu, Dy vel part nyn shassoo ayns shoh, nagh jean blashtyn er y baase, derrey hee ad mac y dooinney cheet ayns e reeriaght.

Noo Mian 17:19

Eishtagh haink e ostyllyn gys Yeesey er lieh, as doort ad, Cre liorish nagh voddagh shinyn e y hilgey ass?

Noo Mian 21:1

As tra va’d tayrn er‐gerrey da Jerusalem; as dy row ad er jeet gys Bethphage, gys cronck ny Olivyn, hug Yeesey jees jeusyn va kinjagh geyrt er, er chaghteraght,

Noo Mian 24:27

Son myr ta’n tendeil cheet ass y shar, as cur soilshey choud as gys y sheear, myr shen myrgeddyn vees cheet yn mac dooinney.

Noo Mian 24:30

As eishtagh bee cowrey jeh’n Mac dooinney er ny akin ayns yn aer: as ec y tra shen nee ooilley sheeloghyn y tallooin dobberan, as hee ad yn Mac dooinney cheet ayns bodjallyn yn aer, lesh pooar as gloyr woar.

Noo Mian 24:37

Agh myr va laghyn Noe, myr shen myrgeddyn vees cheet yn Mac dooinney.

Noo Mian 24:39

As cha dug ad tastey, derrey haink y thooilley as ghow eh ad ooilley ersooyl, myr shen myrgeddyn vees cheet yn Mac dooinney.

Noo Mian 24:43

Agh shoh toig‐jee, dy beagh fys er ve ec maishter y thie cre’n oor veagh y maarlagh er jeet, veagh e er watchal, as cha beagh e er liggey da e hie y vrishey stiagh.

Noo Mian 28:20

Gynsaghey daue dy realley dy chooilley nee cre‐erbee ta mish er chur ayns sarey diu; as cur‐my‐ner, ta mish meriu kinjagh gys eer jerrey’n teihll. Amen. Jerrey yn Sushtal scruit liorish yn NOO MIAN.