Noo Mian 17:12 - Noo Mian 1748

¹² Agh ta mish gra riu, dy vel Elias er jeet hanna, as cha dug ad enney er, agh ta’d er ghellal rish lurg nyn aigney hene, as er yn aght keddyn ghellys ad myrgeddyn rish yn mac dooinney.

Yn Vible Casherick 1775 1819

¹² Agh ta mish gra riu, dy vel Elias er jeet hannah, as cha dug ad geill da, agh t’ad er ghellal rish lurg nyn aigney hene: as er yn aght cheddin nee Mac y dooinney neesht surranse lioroo.

Yn Conaant Noa 1810

¹² Agh ta mish gra riu, dy vel Elias er jeet hannah, as cha dug ad geill da, agh t’ad er ghellal rish lurg nyn aigney hene: as er yn aght cheddin nee Mac y dooinney neesht surranse lioroo.

Noo Mian 17:12 ပူးပေါင်းရင်းမြစ်များ

Noo Mian 11:2

Nish tra va Ean er chlashtyn ayns y phryssoon jeh obbraghyn Chreest, hug e jees jeusyn v’er ny ve sheer marish er chaghteraght huggey,

Noo Mian 16:21

¶ Veih’n tra shen magh, ren Yeesey toshiaght dy hoilshaghey dauesyn va kinjagh geyrt er, kys dy begin da goll seose gys Jerusalem, as ymmodee dy reddyn y hurranse veih’n chanstyr, as ny ard‐saggyrtyn, as ny scruderyn, as dy beagh e er ny choyrt gy baase, as dy nirragh e reesht kione y tress laa.

Noo Mian 17:11

Dansoor Yeesey as doort e roo, Hig Elias hoshiaght, as liassee e dy chooilley nee.

Noo Mian 17:13

Eishtagh hoig e ostyllyn dy nee my‐chione Ean Bashtey ve loart roo.

Noo Mian 17:22

¶ As choud as va’d ayns Galilee, doort Yeesey roo, Bee mac y dooinney er ny vrah gys lauyn deney.

Noo Mian 17:9

As myr va’d cheet neose jeh’n clieau, hug Yeesey currym daue, gra, Ny insh‐jee yn ashlish da annane erbee, derrey vees yn mac dooinney er nirree veih ny merriu.

Noo Mian 21:32

Son haink Ean hiuish ayns raad y chairys, as cha chred shiu eh: agh chred ny publicanee as ny streebaghyn e. As tra honnick shiuish shoh, cha ghow shiu arrys ny lurg shen, dy voddagh shiu e y chredjal.

Noo Mian 8:20

As doort Yeesey rish, Ta tuill ec ny shynnee, as idd ec eeanlee’n aer, agh ec Mac y dooinney cha vel boal dy chur e chione ayn.