प्रकाशितवाक्य 21:12 - नाहाली

¹² तीह मोठो एने उच्चो बांन्द इतू, एने ताह बारा बायणा एता एने ता बारा बायणापुर बारा स्वर्गदूत उबरीयील एता; एने ता बायणापुर इस्राएलान बारा वोचन नाव लिखील एतो

खेरलो वचन नोवालो नियम

¹² ज्या हेयरान बितड़ा उचा एता एने बारा बायणा एता, एने ता बारा बायणा हेऱ्या राखवाली केरनेन केरता बारा हेरोगदुत एता। एने ता बायणा पोर इस्राएल ने बारा गेराणान नाव लिखेल एतो।

प्रकाशितवाक्य 21:12 ပူးပေါင်းရင်းမြစ်များ

मत्ती 18:10

“देखू, तुमूह आत्या मोठलाह तुमु कुणीहुच तुच्छ माणहु मा, कारण मी तुमूह किथे कि स्वर्गाम तान दूत मारो स्वर्गीय आबाकने मूय कायम दिखिह रेतेह.

लुका 15:10

मी तुमूह केणेन कि ज्यानहोस एक मोन फिरावणार पाप्यान केरता पुण बोगवानान दूतांन उपस्थित ताजागेन आनंद किरील जाहो.”

लुका 16:22

एने ओवतो इही एय गीयो कि तो गरीब माणुह मोरणु तेवी स्वर्गदूत आवीन ताह लीन गीया एने अब्राहामान गोदमाय जाइन बोहाडया तो श्रीमंत माणुह पुण मारीन गीयो ताह जोमनि माय गाळील.

प्रेरितान काम 26:7

तान वाटजोवणु पुरो एयनेण आशा देरीन आमरा बारा वंश आपणो आखा मोनाकेरिन रात दिह सेवा केरतीन आवा आहेहे राजा ज्योच आशान विषयाम यहूदी मारपुर दोष लागडते.

इब्रानियो 1:14

कायता आखा पावणाय करणारी आत्मा नाहं, जे उद्धार मिलवीन सेवा केरणे मोकलील जातेह?

प्रकाशितवाक्य 21:13

पूर्वीवालो उगे उन्जू तीन फाटेक, दक्षिण उगे उन्जू तीन फाटेक, एने पश्चीमी उगे तीन फाटेक एता.

प्रकाशितवाक्य 21:15

जो मारो हेरी वातू केरतीन एतो तान आहने नगर एने तान फाटेक एने तान तट ला मोजणेन केरीन होनान बोरुचे माप एता.

प्रकाशितवाक्य 21:25

ज्यान फाटेक दिह केधीच बद नाहं एय, एने रात तिथ नाहं एय.

प्रकाशितवाक्य 22:14

“धन्य हि जो, जो आपणा फाडका धोवीन लेणे, काहाकाय ताह जीवनान झाडवोगे आवणेन अधिकार जुळी, एने ते फाटापूररीन नगरात प्रवेश केरुहू.”