प्रकाशितवाक्य 2:25 - नाहाली

²⁵ पुण होव, जो तुमरे आहने हि ताह मारा आवहू ताहवोर थोबाडीन मेलू.

खेरलो वचन नोवालो नियम

²⁵ पुण जो काय तुमू फाय हे, ताह मार पोशो आवणे वोर देरीन रिवो।

प्रकाशितवाक्य 2:25 ပူးပေါင်းရင်းမြစ်များ

यूहन्ना 14:3

एने केध्दीह मी जाइन तुमरो केरता जागो तियार केरूह, तर ओवतो आवीन तुमूह लेईन जाह किजी मी रेणे ताहरी तुमूह पुण रेंय.

प्रेरितान काम 11:28

तामायरीन अगब नावान एक उबरील रेयीन आत्मान हि कियील कि आखा जगाम दुष्काळ पोडती क्लौदिमुस टायीमा हे एय गीयो.

रोमीयो 12:9

प्रेम निष्कपट रेणू जुवी; बाक्ताह रीन सेटा रेवू; हाजाला कामाह लेटकीन रीवू.

1 कुरिंथीयो 11:26

कारण ताहेरया तुमूह हि रूटू खाणु एने हा प्याला पियलू तेवी प्रभुन मोरणाह ताहेरया ताहवोर तो आविह नाहं ताहउर पोरचार केरतीन रेणू.

1 कुरिंथीयो 4:5

तान केरता जो ताहवोर प्रभु आविह नाहं, वेलान पेलूच काल्लूच वातून न्याय एय नाहं; तेवी आंधाराम लिकाईल वातू उजालाम देखाळूहु, एने मोनान पुसिलो उघड केरुहू, तेवी बोगवाना फायरीन आखान वाहवा केरनेमाय आवी.

1 थिस्सलुनिक्यो 5:21

आखा वातून ओलेख केरू; जे हाजो हेते ताह देरावीन रीवू.

इब्रानियो 10:23

चाला आपु आपणो आशान देरणे मजबूत देरीन रिजी, कारण ज्यान प्रतिज्ञा आपील हि, तो खेरो हि.

इब्रानियो 3:6

पुण मसीह सोरान होस बोगवानान घेरान अधिकारी हि; एने तान घेर आपु हेते, जर आपु हिम्मत एने आपणो आशान अभिमानापुर शेवटपुररीन स्थिर रेणा तर.

इब्रानियो 4:14

तामुळे ताहेरया आमारो ओहलो मोठू महायाजक हि, जो स्वर्गाहून गीयो हि म्हणजेच बोगवानान सोरो यीशु, तर आवो, आपु आपणो देरणे मजबूत देरीन रिजी.

2 पतरस 3:10

पुण तो बोगवानान दिह चोरान होस आव जाय, एने ता दिहा स्वर्गान माय मोठला आवाजा हेर्यो शब्द जात रेती एने तत्व जुलुम ता ता एईन पिगली जाती एने पृथ्वी एने तान कामान न्याय एय.

प्रकाशितवाक्य 1:7

देखू, तो वाद्लाहेर्यो आवूह हि, एने प्रत्येक डोलो ताह देखीह, एने तान केरता ताह भोसकाले ते पुण ताह देखणे, एने जोमनिन आखा कुळ तान कारणाने छाती ठोकती. होव. आमेन.

प्रकाशितवाक्य 22:20

जो ज्यू वातून गवाही आपथु तो हे किथे, “हा, मी जेल्दी आवूह हि” आमेन. हे प्रभु यीशु आव!

प्रकाशितवाक्य 22:7

“देखू, मी जेल्दी आवूह हि! धन्य हि तो, जो ज्या पुस्तकामाय भविष्यवाणीच्या वातू माणने.”

प्रकाशितवाक्य 3:11

मी लागीच आवूह हेते; जे काही तारहेर्यो हेते ताह थोबाडीन मेलील का कूण तारो मुकूट सांडाळील घेवो.

प्रकाशितवाक्य 3:3

ज्ञान केरता एर केर का तू केवी शिक्षण प्राप्त किरील एने होमलील एता, एने ताणुच एईन रीवू एने मोन फिरीन. जर तू जागृत नाहं रेंय तर मी चोर हारका आवीन जाहो, एने तू केदिमेदी नाहं ओलखु शकणार का मी कायताहा वेलान तारपोर आवीन पोळी.