प्रकाशितवाक्य 15:4 - नाहाली

⁴ “हे प्रभु, कूण तुवाह नाय बिय एने तार नावान महिमा नाय केरी? काहाकाय फक्त तूच पवित्र हि. एने आख्यू जात्यू तार ओगांण आवीन तुवाह वोंदती, काहाकाय तार न्यायान काम प्रगट एय जायेल हेते.”

खेरलो वचन नोवालो नियम

⁴ एय मालीक, कुण हे जो तुवाह नाय बिय? एने तार नावान बोड़ाय नाय केरी? काहाकाय तु उलोस चोखालो हे। एने आखा देसान माणहे आवी एने तार आरादना केरती, काहाकाय तार नियाव ने काम आखा पोर देखाय जायेल हेते।”

प्रकाशितवाक्य 15:4 ပူးပေါင်းရင်းမြစ်များ

रोमीयो 15:9

एने दिहरी जाती पुण दया कारणाने बोगवानान स्तुती केरीन केरील लेखील हि, “जानकेरता मी जातीई-जातीई माय तारो धन्यवाद केरुहू, एने तारो नावान भजन गावीही.”

1 पतरस 1:16

काहाकाय लिखील हि, “पवित्र बना, कारण मी पवित्र हि.”

प्रकाशितवाक्य 11:15

जेवी सातवो दूताने तुरही वाजाडीत, तेवी स्वर्गामाय आवो विषयान मोठा मोठा शब्द आवहू लागिल: “जगान राज्य आमरा प्रभुन एने तान मसीहान एय गीयो, एने ते पिडीने पिडी राज्य केरती.”

प्रकाशितवाक्य 14:7

तान मोठली शब्दान कियील, “बोगवानान बिणु एने तान आराधना केरू, कारण कि तान न्याय केरणेन टाइम आवीन गीयी; एने तान भजन केरू, जीयाहा स्वर्ग एने पृथ्वी एने समुन्द्र एने पाण्यान खोदरा निर्माण किरील.”

प्रकाशितवाक्य 16:5

एने मी पाण्यान स्वर्गदूताह ज्यो केतालू होमलील, “हे पवित्र, जो हि एने जो इतू, तू न्यायी हि एने तूच ज्यो न्याय किरील.”

प्रकाशितवाक्य 16:7

ओवतो मी वेदी उगेरीन हा शब्द होमलील, “होव, हे सर्वशक्तीमान प्रभु बोगवान, तारो निर्णय हाजो एने योग्य हि.”

प्रकाशितवाक्य 19:2

“काहाकाय कि तान निर्णय खेरो एने हाजो हेते. तो ती मोठली वेश्याच्या, जी आपणो व्यभिचाराने पृथ्वी भ्रष्ट केरताली, न्याय किरील एने ताह आपणो दासाह रक्ता बदला लियेल हि.”

प्रकाशितवाक्य 19:8

ताह शुद्ध एने चंमकीनारो तागान मलमल फाडका पेरणेन अधिकार आपील गीयो, “कि ता महान मलमलचा अर्थ पवित्र माणहान धार्मिक नाव हि.”

प्रकाशितवाक्य 3:7

“फिलादेल्फियान कलीसियान दूताह ज्यो लिख” “जो पवित्र एने सत्य हि, एने जो दाविदान किल्यु मेलणे, जान उघाडील कुणी बोंद नाह केर शकणे एने बोंद केरीलाह कुणी उगाड नाह शकणे, तो ज्यो किथे”

प्रकाशितवाक्य 4:8

एने चारू प्राणीन सोंव-सोंव फाकडा एता, एने चारू वूखेर, एने माय डोलाच-डोला हेते; एने ता रात-दिह बिना आराम केरील ज्यो केते रेतेह, “पवित्र, पवित्र, पवित्र प्रभु बोगवान, सर्वशक्तीमान, जो हि एने जो एतो एने जो आवणार हि.”

प्रकाशितवाक्य 6:10

एने तो मोठला शब्दांमाय आयडीन कियील, “हे स्वामी, हे पवित्र एने सत्य; तू केवी वोर न्याय नाय केरही? एने पृथ्वी पुर रेणार आमरा रक्तान बोदलु केवी वोर नाय एय?”