मत्ती 5:18 - नाहाली

¹⁸ मी तुमूह हाचीच केथु, का जेवीह वोर आकाश एने पृथ्वी टेल नेय जाय, तेवी तक व्यवस्थाम रीन एक अतीच वात भी पुरी एय बिगेर टेली नेय.

खेरलो वचन नोवालो नियम

¹⁸ काहाकाय मी तुमूह खेरीच केथु, काय जाह वोर जुग एने देरती टेल नाय जाय, ताह वोर कायदाम रेन एक बी वात नाय टेली, पुण त्यु सोब पुरी एय जाती।

मत्ती 5:18 ပူးပေါင်းရင်းမြစ်များ

मत्ती 10:15

मी तुमूह खेरीच केथु का, न्यायान दिह ता नगरान दशा से सदोम एने गमोरान नगरान दशा से भी जादा सहने योग्य रेंय.

मत्ती 10:23

जेवी ता तुमूह एक नगर विताडति, ते तुमु दिहरा नगरमा नाह जाज्यो, मी तुमूह हाचलीन केथु का, तुमु माणहान सोरान इस्राएल ने आखा नगरामाय नाह फिरील रीहू ताह माणहान आव लागी.”

मत्ती 10:42

जो कूण जामरीन एका भी मारा, चेला मानीन एक गिलास थेन्डो पाणी आपीह मी खेरीच किथु, तो आपणा फोल गेमाडी नाय.”

मत्ती 11:11

“मी तुमूह खेरीज किथु का, बायकून पेटारीन जेल्मो लेईल मायरीन यूहन्ना बाप्तिस्मा आपणार रीन मोठू कुनुस नाहं एनो, तेभी पुण स्वर्गान राज्याम जो आत्या से आत्या हि तो ताहरीन मोठो हि.

मत्ती 13:17

काहाकाय मी तुमूह खेरो किथु कि जोलूम भविष्यवक्ता एने खेरा जनीन कि जी वातू तुमूह दिखील हि, देखीणे, नाह देखील, एने जीवात तुमूह होंबलेह हि, कोलाक नाह. होमेलने जुडणी नाह.

मत्ती 16:28

मी तुमूह खेरीच किथु कि जो न्या उबरीयेल हि, तामायरीन काही इही हि कि तो ताहउर माणहान सोराह तान राज्या आव तालून नय देखजी, तो ताहवोर मोरनेन अनुभव किदीहं आवूह नाह.”

मत्ती 17:20

तो ताह कियील तुमरो कमीथोडा विश्वासमरीन कारण मी तुमूह खेरीच किथु का जर तुमरो माय राईन दाणान ओलोक विश्वास एतो तर ज्याह डोंगराह यारीन तोथा हरके इही तुमूह कियील तो हरकले तुमूह कायीच असाध्य एय नाहं.

मत्ती 18:18

मी तुवाह किथु कि जो काही तुमूह पृथ्वीपोर बाधहु तो स्वर्गाम बाधील जाय एने जो काही तू पृथ्वीपोर बांध हो तो स्वर्गाम उगडन्यो.

मत्ती 18:3

मी तुमूह किथु, का जो ताहवोर पासाण फिरणार नाहं एने सोरान होस एय, तोच स्वर्गान राज्यामाय आखामरीन मोठलु हि.

मत्ती 19:23

ओवतो यीशु आपणो चेला कियील, “मी तुमूह खेरीच किथु कि धनवानान स्वर्गान राज्यातम प्रवेश केरणेन केठीन हि.

मत्ती 19:28

यीशु ताह कियील, “मी तुमूह खेरीच किथु का नोवीन जीवनामाय मी ताहेरया माणहान सोरान आपणा महिमान राजासनापूर बोहहू तेवी मारे पासाण चालणारा, बारा राजासनापूर बोहीन इस्राएलान बारा वंशान न्यायनिवाडू केरती.”

मत्ती 21:21

यीशु कियील, “मी तुमूह खेरीच किथु, जर तुमूह विश्वास मेलूह एने शंक केरुहू नाहं, तर तुमूह ओलख केरुहू नाहं जो अंजीरान झाडाह किरील नाहं पुण ओवतो डोंगराह पुण केनार तू उखाडीन जा एने समुद्रा माय जाइन पोड तर तो एईन जाय.

मत्ती 21:31

आवो दुयजाणामारीन कूण आपणो आबाकने ईच्छा पुरो केरील?” तास कियील दिहरो यीशु ताह कियील तुमूह खेरीच किथे कि तुमरो पेल्लो चुंगी लेणार एने विश्वास राज्यातम बोगवानान राज्य प्रवेश केरुहू.

मत्ती 23:36

मी तुमूह खेरीच किथु आवो आखा वातू आवो पिडीन मुंडीपोर पोळी.”

मत्ती 24:2

ताह कियील, “तुमूह जो आखा दिखिह हि ना! मी तुमूह खेरो किथु, न्या देगडापूर दिगुड सुध उग्रील नाहं तो गाधल्या जाहू नाहं.”

मत्ती 24:47

मी तुमूह खेरो किथे तो आपणो संपत्ती उपेर अधिकार आपी.

मत्ती 25:12

पुण तान उत्तर आपील, “मी तुमूह खेरीच किथु, मी तुमूह ओलखित नाहं.”

मत्ती 25:40

ज्यापूर राजा ताह उत्तर आपण्यू, मी तुमूह खेरीच किथे कि जे काही तुमूह मारो आत्या से आत्या बाहाकरीन एका हेरी किरील, ते मारहे-या किरील हि.”

मत्ती 25:45

तेवी तो ताह उत्तर आपण्यू, मी तुमूह खेरीच किथे कि जो तुमूह ज्याह आत्याम मायरीन एका हेरी किरील नाहं, ते मारहे-या किरील नाहं.

मत्ती 5:26

मी तुमूह हाचलीन केथु का, जेवीवोर तू एक एक रुपयो नाह सुट देत ताहवोर तू सुटणार नाहं.

मत्ती 6:16

“जेवी तुमु उपास केरहू, ते कोपटीन होस उदासने गेत नाय जुवी, काहाकाय ता आपणो मूय उतार रेणू, काहाकाय ताह माणहे उपास केरीह केरीन ओल्खी. मी तुमूह खेरीच केथु, का ताह तान फोल जुड जाईल हि.

मत्ती 6:2

“केरीन जेवी तू दान केरणे, तेवी आपणे ओगांण वाजो वाजाडी मा, जीही कोपटी माणहे आराधनालय माय एने गल्ली माय केरणू, काहाकाय माणहे तान बोडाई केरणे जुवी, मी तुमूह खेरीज केथु, का ताह तान फोल ताहारूच जुड गीयो.

मत्ती 8:10

ज्यो होमलील यीशुह आश्चर्य एय गीयू, एने आपणे पासाण आवनाराहा कियो, “मी तुमूह खेरीज किथु का, माहु इस्राएल माय भी ओहलो विश्वास कुणामाय भी देखायील नाहं.

मरकुस 10:15

“मी तुमूह खेरिनच किथु जो कूण बोगवानान राज्याम आत्या सोरान होस ग्रहण केरी नाहं तर तो तामाय केधीच प्रवेश नाय केर साकी.”

मरकुस 10:29

यीशु कियेल, मी तुवाह खेरीच किथु, का ओहलो कूण नाह जो मारो एने मार सुवार्तान केरीन घेर, बाहाक बोणिक आहाक आबुक सोरा एने खेताह सुडील हि.

मरकुस 11:23

मी तुमूह मी तुमूह खेरीच किथु, कि जो कूण उवतू तो डोंगराह केह, तू उखाडव जा, एने समुद्रा माय जाइन पोड, एने आपणो मोनाम शक मां केरणे, तर एने विश्वास देरू कि जो किथी हि तो एय जाहू, तर तान केरता तोज लेहु.

मरकुस 12:43

तेवी तान आपणो चेला जागे हादिन ताह कियील, “मी तुमूह खेरो किथु का मंदिरान भांडारामाय टाकणार मायरीन जव गरिब विधवान आखान जादा टाकील ल;

मरकुस 13:30

मी तुमूह खेरिनच किथे का, जेवी पुर ज्याह आखा वातू पुरो एता नाहं ताहउर ज्यां पिढव नष्ट एय नाहं.

मरकुस 14:18

ताहेरया ते बोहन भोजन केरतीन एता, तर यीशु कियील, “मी तुमूह खेरिन खेरिनच किथे कि तुमरो मायरीन एक, तो मारो हेरी भोजन केरतीन एतो, माहु देरीन आपण्यू.”

मरकुस 14:25

मी तुमूह खेरिन खेरिनच किथे कि अंगूर रूह ता दिहावोर पोशा केध्दह नाहं पिनार, जेवी पुर बोगवानान राज्यातम मी नोवालो पिहु.”

मरकुस 14:30

यीशु ताह कियील, “मी तुवाह खेरिज किथु का आजुच रातव कुकडाह दुय वारीन आवेडणे पोयले, तू माहु तान वारीन नाकारहव.”

मरकुस 14:9

मी तुमूह खेरीच केथु, किथे, आखा जगाम जाहारी कां हा सुवार्ता पोरचार आपणे माय आवी, ताहारी आवो बोहीही कामान वर्णन पुण इआवीह केरणेम आवी.”

मरकुस 3:28

मी तुमूह खेरिनच किथु का मानव सोराह आखा प्रकारान पापान एने निंदा केरील दुर्भाशनान क्षमा एय.

मरकुस 6:11

एने जा जागापूर तुमरो स्वीकार नाहं एय, एने ताहरी वाला माणहे तुमरो नाय होमलव, ते तारीन निकेलतेन ता आपणा पायान मातड्यो ताच झेटकव दिवू का तापोर गवाही एय.

मरकुस 8:12

तो आपणा आत्मा माय दुखव एय लेईन कियील, “उवतू तो वेलान माणहे का? चिन्ह मागताला? मी तुमूह खेरो किथु कि आवीन माणहान केरता नाहं चिन्ह नाहं आपील जाय.”

मरकुस 9:1

तो ताह कियील, “मी तुमु खेरो किथु का तो न्या उब्रिन हेते, तायमाईल कुणईहव हेते का जाह ताहवोर बोगवानान राज्यम सामर्थ्य हेरी आवो हि, ज्यो देख नाह लेते, तो ताहवोर र मोरने होवाद, केदव मेदव नाह चाखणार.”

मरकुस 9:41

जो कूण तुमूह एक वाटकु पाणी ज्यान केरीन पिवाडी का तुमु यीशु मसीहान हेते ते मी तुमूह मी हाचीस केथु का ताह आपणो फोल काल्ली भी कारण से मा गोमाडू.”

लुका 11:51

हाबेलान खुन मायरीन जख-यान खुणेपर्यंत जो वेदीन एने मंदिरान माय घात किरील एतो मी तुमूह खेरीच किथु ज्याह आखा वातून हिशोब ज्याह पिडीन माणहा फायरीन लियेल जाय.

लुका 12:37

धन्य हि ते दास ताहेर्यो मालक आवीन जागृत देखू; मी तुमूह खेरी खेरीच किथे कि तो कंबर बाधील ताह भोजन केरणे केरता बोहावूह एने आहने आवीन तान सेवा केरूह.

लुका 13:35

देखू, तार केरता तारो घेर बोगवानान द्वारे आपील हि मी तुवाह किथी हि, तू केरीन, धन्यवादीत हि तो जो प्रभुन नावान आविह हि तू मारी ता टायमापोरउर पोशो देखणार नाहं जेवीवोर टाइम आवी निह एय.”

लुका 16:17

आकाश एने पृथ्वी नाहीशी एय पुण व्यवस्था मायरीन एक भी बिंदूह निकाल देणे से सहज हि.

लुका 18:17

मी तुमूह खेरो किथे कि जो कूण बोगवानान राज्या सोरोन हारका स्वीकार केरुहू नाहं तो तामाय केधीच प्रवेश केरूह शकणार नाहं.”

लुका 18:29

तान ताह केयेल, “मी तुमूह खेरोच किथु कि ओहलो कुणीचनाह जो बोगवानान राज्या केरता घेर किवा बायकू, किवा बाहाक, किवा आई-आबाक किवा सोराह सोडीन आपील हि.

लुका 23:43

तो ताह कियील, “मी तुवाह खेरीच केथु का आज तू मार हेर्यो स्वर्ग लोकामाय रेहि.”

लुका 4:24

तेवी यीशु ताह कियील, “मी तुमूह खेरीच किथु कि काल्लोबी भविष्यवक्ताह आपणो गावाम मान्यता नाह हि.

यूहन्ना 1:51

ओवतो माहु कियील, “मी तुहा खेरो खेरो किथे कि तुमूह स्वर्गाला उघड एतो, एने बोगवानान सोरान स्वर्गदूतांन माणहान सोरान उपेर उतरतालान एने उपेर जातेन देख हो.”

यूहन्ना 10:1

यीशु ताह कियील, “मी तुमु खेरीज किथे, जो मेंढराह वाडाम बायनामाय माय जात नाह. एने दिहीरा बाजूने माय जाथू, तो चोर एने लुटणार असतो.

यूहन्ना 10:7

तेवी यीशु ताह पोशो केदा, “मी तुमूह खेरो किथी हि, कि मेंढरा केरता बायणो मी हि.”

यूहन्ना 12:24

मी तुमूह खेरो खेरो किथे कि ताहेरया ताहुकवोर गोवान दाणा जोमनि पोर मेलीन मोरीन नाहं जात तो एखालो रेणे; पुण ताहेरया मोरीन जाथू, तेवी जादा फोल आपथु.

यूहन्ना 13:16

मी तुमूह खेरो किथु एक दास आपणा मालिकाहारीन मोठू नाहं एणेन संदेश आपणार मोठू हि ज्यान तुवाह मोकलील हि.

यूहन्ना 13:38

यीशु उत्तर आपील, “तू स्वताहन जीव आपण्यू? मी तुवाह खेरीच केथु का कुकडू वाह नाह देत ताहवोर तू माहु तीन वारीन नाकार दीही.”

यूहन्ना 14:12

मी तुमु खेरो खेरो किथे कि जो मारो उपेर विश्वास करने, हे कामे मी करने ते तो पुण केरूह, नाहं तर तान पेक्षा भी काही कामे तो केरूह, काहाकाय मी पित्याफाय जाथू

यूहन्ना 16:20

मी तुमूह खेरो खेरो किथे कि तुमूह रेडनु एने दुख केरती, पुण जग आनंद केरती; तुमूह दुख केरती पुण तुमरो दुख आनंदम बोदलीन जाह.

यूहन्ना 16:23

ता एक दिह तुमूह माहु कायीच फुसहु नाहं मी तुमूह खेरो खेरो किथु, केध्दीह पित्या फायरीन काही मागू तर, तो मारो नावान तुमूह आपुहू.

यूहन्ना 21:18

मी तुवाह खेरो किथे, ताहे-यो तू जुवान एतो तेवी तू आपणो कोमराह रुमाल बांधीन जाहारी ईच्छा एती ताजागेन जात एतो पुण ताहे-यो तू डावाला एय तेवी आथ सेटो केरुहू एने कूण दिहरो तारो कोमरोह रुमाल बांधीन ज्याडगी तू जाहू नाह एतो ता जागापूर तुवाह लीन जाहू.

यूहन्ना 3:11

मी तुमूह खेरी खेरीच केथु का आमु जे होमजथी तोज केतेह, एने ज्याह आमु देखील हि तान गवाही आपणु, एने तुमूह आमरी गवाही स्वीकार नाहं केरतीन.

यूहन्ना 3:3

यीशु ताह उत्तर आपील, “मी तुमूह खेरी खेरीच किथे कि, जर कूण नवालान जेन्मोलेदो नाहं तर बोगवानान राज्य देख नाहं सेकते.”

यूहन्ना 3:5

यीशु उत्तर आपील, “मी तुमूह खेरी खेरीच किथे, जेवीवोर कूण माणुह पाण्याकेरिन एने आत्मा फायरीन जन्मल्या वाचीन तर तो बोगवानान राज्यातम प्रवेश नाहं केरूह शकत.

यूहन्ना 5:19

ज्यापूर यीशु ताह कियील, “मी तुमूह खेरीच खेरीच किथी हि, सोरो स्वताह कायीच केरू शकत नाहं फक्त तोज जे आबाक केरतालोन दिखेह काहाकाय या ज्या कामान केरता तो करने ताह सोरो पुण तान प्रमाणे करने.

यूहन्ना 6:26

यीशु ताह उत्तर आपील, मी तुमूह खेरीच खेरीच किथे तुमूह माहु जानकेरता होदतेन हि इही नाहं कि तुमूह आश्चर्य काम देखाडील पुण तुमूह तान केरता आवा कि रोटा खाइन तृप्त एय गीयो.

यूहन्ना 6:32

यीशु ताह कियील, मी तुमूह खेरीच खेरीच किथे कि मुसान तुमूह ती रूटू तर आपील नाहं पुण मारो आबुक तुमूह स्वर्गामाय रीन खेरो रूटू आपथु.

यूहन्ना 6:47

मी तुमुहू खेरीच खेरीच किथे कि जो कूण विश्वास करने अनंत जीवन तान हि.

यूहन्ना 6:53

यीशु ताह कियील, मी तुमूह खेरीच खेरीच किथे कि जेवीवोर तुमूह माणहान सोरो माह खाण्यू नाहं एने तान रक्त पिनार नाहं तुमु तामाय जीवन नाहं.

यूहन्ना 8:34

यीशु ताह उत्तर आपतेन कियील, “मी तुमूह खेरीज किथे प्रत्येक जो पाप करने तो पापाहा गुलाम हि.

यूहन्ना 8:51

मी तुमूह खेरो किथे जर कूण मारो संदेशाला ग्रहण करने तर तो मोरणाह केधीच देखणार नाहं.

यूहन्ना 8:58

यीशु ज्यापूर ताह कियील, मी तुमूह खेरीच किथे, अब्राहामान पेल पासून मी हि.

1 पतरस 1:25

पुण प्रभुन वचन कायम स्थिर रेणे. एने ज्याच सुवार्तान वचन हि जो तुमूह होबलीन जाईल एता.

प्रकाशितवाक्य 20:11

ओवतो मी एक मोठा दोवल्या राजासन एने ताह, जो तापोर बोहील हि, देखू; तान ओगाणरीन पृथ्वी एने आकाश पोडीन गीया, एने तान केरता जागो नाहं जुडी.