यूहन्ना 5:30 - नाहाली

³⁰ मी स्वताह कायीच केर शकत नाहं; जोहलो होमलथू तोहोलो न्याय करने एने मारो न्याय खेरो हि मी मारी ईच्छा नाहं पुण माहु मोकीलनारान ईच्छा जुवी.

खेरलो वचन नोवालो नियम

³⁰ मी सोतान मोरजी माय काय नाह केर सिकेत; एने मी नियाव किरेत नाह, पुण बोगवान कियेल हे तिहे नियाव केरथु, एने मारो नियाव खेरलो हे, काहाकाय मी मारी मोरजी नाह पुण माहु मोकेलनारान मोरजी होदथु।

यूहन्ना 5:30 ပူးပေါင်းရင်းမြစ်များ

मत्ती 26:39

ओवतो तो थोडो ओगाण गीयो पाया पोडीन प्रार्थना केरूह लागिल “हे मारो आबुक, जर शेक्यो रेंय तर हा प्याला माफायरीन निकलीन जाहू आप तेभी पुण मारी नाहं तारी ईच्छा पुरो एहू आप.”

यूहन्ना 14:10

काय तू विश्वास नाहं केरतीन कि मी पित्या माय हि एने आबोक मारो माय हि वात मी तुवाह किथे, मार फायरीन नाहं केहू शकत, पुण पित्या मारो माय रेयीन तान काम करने.

यूहन्ना 17:4

जे काम तू माहु आपील एता, ते पुरो केरीन जगाम मी तुवाह महिमा किरील हि.

यूहन्ना 18:11

तेवी यीशु पतरसाह कियील, “आपणी तलवार म्यानामाय मेल जो प्याला मार आबोक माहु पीणेन आपील हि, काय मी ताह नाय पीवं?”

यूहन्ना 4:34

यीशु ने ताह कियील, “मारा जेवण ज्याच हि कि माहु मोकलणारा च्या ईच्छा नुसार चालू एने तान काम पुरो केरूह.”

यूहन्ना 5:19

ज्यापूर यीशु ताह कियील, “मी तुमूह खेरीच खेरीच किथी हि, सोरो स्वताह कायीच केरू शकत नाहं फक्त तोज जे आबाक केरतालोन दिखेह काहाकाय या ज्या कामान केरता तो करने ताह सोरो पुण तान प्रमाणे करने.

यूहन्ना 6:38

कारण मी मारी ईच्छा नाहं पुण माहु मोकलणारान ईच्छा पुरो केरणेन केरता स्वर्गामाय रीन उतरना हि.

यूहन्ना 8:28

ओवतो यीशु ताह कियील, ताहेरया तुमूह माणहान सोराह उचो मुडोपुर तेवी तुमूह ओलखु कि मी तोच हि मी माफायरीन काही केरतीन नाहं तर मी जे काही किथी हि ते ज्याच हि कि जे माहु मारो परम आबुक हिकाडील हि.

यूहन्ना 8:42

यीशु ताह उत्तर आपील, जर बोगवान तुमरो आबोक येतो तर तुमूह मारपुर प्रेम किरील हि कारण मी बोगवाना फायरीन आवा हि एने ऐवी मी न्या हि मी न्या स्वता: रीन आवा नाहं पुण तान माहु मोकलील हि.

यूहन्ना 8:50

मी आपणी महिमा केरतीन नाहं पुण एक ओहलो हि जो मारी महिमा केरूह इच्छितो एने न्याय पुण करने.

रोमीयो 15:3

काहाकाय कि मसीहाने आपणो स्वताह प्रसन्न किरील नाहं, पुण जाणेन लिखील हि, “तारो निंदकांची निंदा मारपुर आवी हि.”

रोमीयो 2:2

आमूह मालूम हि ओहला ओहला काम केरनारापूर बोगवाना फायरीन खेरला दण्डान आज्ञा एने.

रोमीयो 2:5

पुण तू आपणो कठोरपणाने एने हटीला मोनान कारण ता रागान दिहान केरता, ज्यामाय बोगवानान खेरो न्याय प्रगट एय, आपणे केरता राग कामाविह हि.