यूहन्ना 2:4 - नाहाली

⁴ यीशु तान आईकिह कियील, “हे बायकू, तू माहु काहा किथी हि? मारी टाइम उंजू आईल नाहं सोतो.”

खेरलो वचन नोवालो नियम

⁴ यीशु तीह जापाप आप्यो, “एय बाय, माहु काय केरनु हे तो माहु मा केय, काहाकाय एवी मारो टेम नाह आयेल सुतो।”

यूहन्ना 2:4 ပူးပေါင်းရင်းမြစ်များ

मत्ती 15:28

तेवी यीशु कियील, “हे बायकू, तारो विश्वास मोठू हि. जोहलो तुवाह लागीह तोहोलोच तार केरता एय.” तीन सोरी चालूच हाजी हूदरी गीयी.

मत्ती 8:29

एने देखू, ता ताह आयडीन कियील, “हे बोगवानान सोरो, आमारो तारहेरी काय काम? काय न्या तू आमूह टायमान पेल दुख आपणेन आवोह का.”

लुका 2:49

तो ताह कियील, “तुमूह माहु काहा होदताला एता? काय तुमूह मालूम नाहं कि तुमूह माहु मारो आबाकने घेराम एय या मालूम नाहाकाय?”

यूहन्ना 12:23

ज्ञान उपेरीन यीशु केयेल, “ती टाइम आवीन गीयी हि, कि माणहान सोरान महिमा ओहलो”

यूहन्ना 13:1

फसहने तीवारान पेल, यीशु ने देखील कि ज्याह जागाह सोडणे एने मारो आबाक फाय जाणेन टाइम आवा हि तेवी आवो जगाम जें तान एता एने ज्यापूर तो प्रेम केरतीन एता तापोर तान शेवेटरान प्रेम देखाडणे.

यूहन्ना 2:3

तेवी ती जागावालो अंगूररस निवरीगियो, तेवी यीशुन आहाक यीशुह कियेल, “ताफाय ऐवी अंगूररस नाहं सोतो.”

यूहन्ना 20:13

तास तीह केयेल, “हे सोरी, तू का रेडतेन हि?” ती ताह कियील, “ते मारो प्रभुह विसीन लेईन गीया एने माहु मालूम नाहं कि ताह कुठ मिलील हि.”

यूहन्ना 20:15

यीशु तीह केयेल, “हे सोरी तू का रेडतेच? कोणीही होदतेन हि?” तिने माळी होमजाडीन ताह केयेल, “हे महाराज, केध्दीह तू उखीलील रेंय तर माहु किजी कि ताह कां मिलील हि, एने मी ताह लेईन जाह.”

यूहन्ना 7:30

जापोर तान ताह देरणेन प्रयत्न किरील, तेभी कुनुस तापोर आथ टाकु शकील नाहं कारण तान टाइम उंजू आवी नाहां एती.

यूहन्ना 7:6

तेवी यीशु ताह कियील, “मारी टाइम उंजू आवी, नाहं पुण तुमरीकेरता आखीच टाइम हि.

यूहन्ना 7:8

तुमूह तीवारामाय जा; मी ऐवी आवो तीवाराम जात नाहं, कारण उंजू ताहवोर मारो टाइम पुरो एनो नाहं.”

यूहन्ना 8:20

यीशु मंदिराम हिकाडतेन एतो तेवी भेट सामानाबारामाय तो बोल्णु एतो पुण कूण ताह दिरील नाहं कारण उंजू तान टाइम आवा नाह एतो.

2 कुरिंथीयो 5:16

ज्यानकेरता एविरीन आमु कुणबी शरीराप्रमाणे समजी नाहं. म्हणजे आमु मसीहान पुण शरीराप्रमाणे समजील एता, तेभी पुण एविरीन ताह इही समजी नाहं.