यूहन्ना 17:3 - नाहाली

³ अनंत जीवन हे हि कि ते तारो एक मात्र खेरो बोगवान एने यीशु मसीहान, ज्याह तू मोकलील हि, ओलेख.

खेरलो वचन नोवालो नियम

³ एने जेलेमक्यी जीवाय ज्यी हे काय ता तुवाह एकुच खेरला बोगवानाह, एने यीशु मसी जाह तु मुकलेल हे, जाणे।

यूहन्ना 17:3 ပူးပေါင်းရင်းမြစ်များ

मरकुस 9:37

“जो कूण मारो नावानओला सेरामायरीन कूण भव एक सोराह ग्रहण कोरथू, तो मान्हा ग्रहण कोरथू; एने जो कूण मान्हा ग्रहण करने तो मान्हा नाहं, पुण मान्हा मोकेलनाराह ग्रहण कोरथू.”

लुका 9:48

एने ताह कियील, “जो कूण मारो नावान ओवतो सोराह स्वीकारीन, तो माहु स्वीकार करने; एने जोकोन मान्हा स्वीकारीन कारण तो तुमरे माय वाला आखान आत्यो हि तोच मोठू हि.”

यूहन्ना 10:36

ते ज्याह मारो आबुक पवित्र ठराविन जगाम मोकलील हि, तू निंदा केरणे केवळ जानकेरता कि कियील मी बोगवानान सोरो हि.

यूहन्ना 11:42

माहु मालूम एतो, कायम तू मारा होमलथू पुण जी गेर्दी आजुबाजू उभी हि तामाय मी हे कियील ज्यान मुळे कि ते विश्वास केरणे जुवी कि तू माहु मोकलील हि.

यूहन्ना 14:26

पुण मदत केरणार म्हणजे पवित्र आत्मा ज्याह आबोक मारो नावामाय मोकलुहु, तो तुमूह आखा वातू हिकाडू, एने जे काही मी तुमूह केयेल हे आखा तुमूह इआवीह केरीन आपुह.

यूहन्ना 17:18

जोहलो तू माहु ज्याह जगाम मोकलील तोहोलोच मी यान जगाम मोकलील हि.

यूहन्ना 17:21

ता आखा एक एने जुवी ते पुण आमरा माय एक एने जुवी जानकेरता आबाक जगान विश्वास केरणू कि माहु तू मोकलील हि.

यूहन्ना 17:23

मी तामाय रेंय एने तू कुणबी रेहू, ज्यासे ते पुरो एकताल प्राप्त केरुहू एने जग ओलखिन लेहु कि तू माहु मोकलील हि एने तू ताह तोहोलोच प्रेम किरील हि जोहलो तू मारपुर प्रेम किरील हि.

यूहन्ना 17:25

हे खेरो आबुक, जग तुवाह ओळखतेह नाहं पुण मी तुवाह ओलखिल हि एने मारा चेला ओलकतेह कि तू माहु मोकलील हि.

यूहन्ना 17:8

मी ताह तोच संदेश आपील एतो, एने तास ग्रहण किरील हि, ते निश्चय पूर्वक ओलकतेह, कि मी खेरीच तुवा फायरीन आवूह हि एने ताह विश्वास एनो हि कि तूच माहु मोकलील हि.

यूहन्ना 3:17

बोगवान आपणा सोराह जगामाय मोकलील का जगान न्यायनिवाडू केरणेन केरता नाहं, पुण तान द्वारे जगान उद्धार एने जुवी केरीन मुक्लील

यूहन्ना 3:34

काहा ज्याह बोगवानान मोकलील हि, तो बोगवानान वातू किथे; काहाकाय तो आत्मा नाहं आपतेन.

यूहन्ना 5:44

तुमूह जे एकदिहराफायरीन सन्मान लेनो एने तो सन्मान जो फक्त बोगवाना फायरीन हि लेतेन नाहं कायताहा प्रकारे विश्वास केरूह केरसेक्तालू?

यूहन्ना 6:57

जोहलो जीवतालू आबुक म ला मोकलील हि एने मी आबाकमुळे जीवतालू हि तोहोलोच तो पुण जो माहु खाण्यू मारीवजेसे जीवतालू रेहू.

यूहन्ना 7:29

मी ताह ओळखणे कारण मी ताफायरीन हि एने ताणुच माहु मोकलील हि.”

यूहन्ना 8:19

ह्यापूर माणहान ताह कियील, तारो आबोक का हि? यीशु उत्तर आपील, नाहं तुमु माहु ओलकतेह एने नाहं तुमूह मारो पित्याला ओलकतेह जर तुमूह माहु ओलखिल हि तर मारो पित्याला पुण ओलखिल हि.

1 कुरिंथीयो 15:34

शुद्धीपूर आवो, हाजो जीवन आहने ली जोहलो तुमूह एणेन जुवी पाप केरणेन बंद केरू; कारण तुमरो मायरीन काय तेभी इही हेते जे बोगवानाबद्दल कायीच मालूम नाहं मी हे तान केरता किथी हि कि तुमूह लाज आवील जुवी.

1 कुरिंथीयो 8:4

केरीन मूर्ती ओगाण बलीदान वस्तून विषयाम आमूह मालूम हि कि मूर्ती जगामाय कायीच वस्तु नाहं, एने एकास सोडीन दिहरो कूण बोगवान नाहं.

2 कुरिंथीयो 4:6

तामुळे का बोगवानान हि जो कियील, “अंधराम प्रकाश चमकी” एने तोच आमरा हृदयाम चमकावीदे कि बोगवानान महिमान ओलखातीन प्रकाश यीशु मसीहान आखापूर लेहु.

फिलेपियो 3:10

मी मसीहान ओलखु इच्छितो एने ता सामर्थ्यह अनुभव केरहू हि, ज्यासे तान पुनरुस्थान एय गीयो एता मी तान क्लेशामाय पुण सहभागी एहू इच्छितो, एने तान एकरूप मिळवू इच्छितो ज्याह तान आपणो मृत्युसे जुळा विते एता.

फिलेपियो 3:8

ज्यान पेक्षा मटली वात हि कि मी आपणो प्रभु यीशु मसीहान ज्ञानान श्रेष्ठतेणे आजवोर आखा काही हानी होमजथी. तान केरताच मी आखा काही मी सोडीन आपील हि, एने आखा काही सामान घीन केरीन हि, तान केरता कि मी मसीहान मिळवू.

1 थिस्सलुनिक्यो 1:9

काहाकाय ता स्वताह च आमरा विषय माय केणु का तुमरे आहने आमरो आवणो कोहलो एनो; एने तुमु काहा मूर्ती से बोगवाना वूखेर फिरना काहाकाय जीवताला एने खेरा बोगवानान सेवा केरू,

2 थिस्सलुनिक्यो 1:8

एने जे बोगवानान ओळखतेह नाहं एने आपणा प्रभु यीशु च्या सुवार्ताह मानत नाहं ताफायरीन बदला लेहु.

इब्रानियो 3:1

तान केरता हे पवित्र बायहो, तुमु जें स्वर्गीय हादाडील माय भेलाईल जावो, ते प्रेरित एने महायाजक यीशुपुर ज्याह आमु स्वीकारीन, ध्यान किरो.

2 पतरस 1:2

बोगवाना फाय आपणा प्रभु यीशुन ओलखणे वजेसे कृपा एने शान्ति तुमु जुळी.

2 पतरस 1:3

काहाकाय तान बोगवानान सामर्थामाय आखो काही जो जीवन एने भक्तीसे संबंध मेलील हि, आमूह ताणुच ओलखात ने द्वारे आपील हि, जो आमूह ताणुच महिमा एने सत्वान हादील हि.

2 पतरस 1:8

काहाकाय जर हे गुण तुमरे माय वर्तमान रेंय एने वोदनेन रेंय, तर तुमूह आपणा प्रभु यीशु मसीहान ओलखित्लू नीरुदयोगी एने निष्फळ नाय एहू आपण्यू.

1 योहान 1:2

हे जीवन प्रगट एय गीयो, एने आमु ताह देखील, एने तान गवाही आपतेह, एने तुमूह ता अनंत जीवनान समाचार केरणू जे आबाकहे-यो एतो एने आमऱ्येपुररीन प्रगट एनो.

1 योहान 1:3

जे काही आमु देखील एने होमलेल हि तान समाचार तुमूह पुण आपथु, तान केरता कि तुमूह पुण आमरा हेरी सहभागी होवो; एने आमरी हि सहभागिता पित्यासोबत एने तान सोरो यीशु मसीहान हेरी हि.

1 योहान 2:23

जो कूण मुलाचा नकार करने तान आहने आबोक पुण नाहं: जो सोराह मानीन लेणे तान आहने आबोक पुण हि.

1 योहान 4:6

आमु बोगवानान हेते. जा बोगवानाह ओलखतेहे, तो आमरो होमलथू; जो बोगवानान नाहं ओळखतेह तो आमरा नाहं होंबलेह. ज्याह प्रकारे आमु सत्यान आत्मा एने भ्रमान आत्माह ओलखी लेणे.

1 योहान 5:20

एने आमु हे पुण ओळखणे कि बोगवानान सोरो आवा हि एने तास आमूह समझ आपील हि आमु ता खेरलाह ओलेखने; एने आमु तापोर जो सत्य हि म्हणजे बोगवानान सोरो यीशु मसीहा माय रेणे. खेरो बोगवान एने अनंत जीवन ज्याच हि.