याकुब 5:3 - नाहाली

³ तुमरो होनो चांदी माय जंग लागिल हि; एने तो जंग तुमरे पोर गवाही आपण्यू, एने हि प्रमाणे तुमरो माह खाइल टाकणे, तुमूह शेवटेस दिहान केरता धन टुलू केरील हि.

खेरलो वचन नोवालो नियम

³ तुमरा होना चांदी माय जेंग लाग जायेल हे; एने ती जेंग पोर गोवाय देय, एने आक्‍ठान गेत तुमरो माह खाय जाय। तुमू सेवेटल्या काला माय माल टुलो किरेल हेते।

याकुब 5:3 ပူးပေါင်းရင်းမြစ်များ

प्रेरितान काम 2:17

बोगवानान केणे, कि शेवटेस दिहामाय इही एय कि मी आपणो आत्मा आखा माणहापूर वर्षाव केरुहू, एने तुमरो सोरा एने तुमरो सोरी भविष्यवाणी केरुहू, एने तुमरो डावाला वार्ता होपीन पोडती.

रोमीयो 2:5

पुण तू आपणो कठोरपणाने एने हटीला मोनान कारण ता रागान दिहान केरता, ज्यामाय बोगवानान खेरो न्याय प्रगट एय, आपणे केरता राग कामाविह हि.

2 तीमुथीयुस 2:17

एने तान वचन सोडील जखमेहोसे पसारीन जाहो. हुमीनयुस एने फिलेतूस तामायरीन हि.

2 पतरस 3:3

पेल्ला हे ओलखिन ली कि शेवटेस दिहामाय ओहलो थट्टा केरणारा आवती जे आपणाच वोचनेनुसार चालणारे.

प्रकाशितवाक्य 17:16

जे दहा हिंग तू देखील, ते जीव तापोर वेश्या हेरी द्वेष केरणू, एने तीह उजाड एने नग्न केरीन आपती, एने तीन माह खाइल टाकतीह, लावी तीह आकठाम पेटालीन टाकतीह.

प्रकाशितवाक्य 20:15

एने जा कुणीन नाव जीवनान पुस्तकामाय लिखील नाय सापडी, ताह आकठान कुंडामाय टाक देना.

प्रकाशितवाक्य 21:8

“पुण बिणारा, एने अविश्वासी, मिलीह काय एने अशुद्ध, एने खुनी एने जारकर्मी, एने जादू टोना, एने मूर्ती पुजारो, एने आखा झूठाह भाग ता झऱ्या माय जुडी जी आकठाम एने गंधकाने हेलगतालो रेणेन: ते दिहरा मृत्यू हि.”