इफिसीयो 2:15 - नाहाली

¹⁵ एने आपणो शरीर माय वाला व्यवस्था वाईट म्हणजे ती परिस्थिती ज्यान आज्ञा विधीन रीतीपूर एती, निवरीगियो केरीन आपील कि दुयुन आपणो माय एक नोवालो माणुह उत्पन्न केरीन मेलावीन आपील.

खेरलो वचन नोवालो नियम

¹⁵ एने आपणा सेरीर माय खाराब मतलब तो नेम जान उकुम विदीन रिती पोर एती, मीटाड़ देनो काय दुयूह ता माय एक नोवालो माणुह बाणावीन तान विचीम मीलावे।

इफिसीयो 2:15 ပူးပေါင်းရင်းမြစ်များ

2 कुरिंथीयो 5:17

तान वजेसे जर कूण मसीहात हि तर तो नोवो सृष्टी: हि जुना वातू निकलीन गीया हेते: देखू, आखा वातू नोवालो एईल हेते.

गलातीयो 3:10

पुण ता आखा माणहे जे व्यवस्था विधानाचे पोहणे केरीन तापोर निर्भर रेणू, ते शापाधीन हि, काहाकाय पुस्तकाम इही लेखील हेते, “तो प्रत्येक माणुह शापित हि जो व्यवस्था माय प्रत्येक वातून पोहणे केरतीन नाहं.”

गलातीयो 3:28

ऐवी कुणामाय काही अंतर रेणा नाहं कूण यहूदा रेणू, यूनानी, दास रेणू, स्वांतत्र्य, माणहे, बायकू, कारण मसीह यीशु माय तुमूह आखा एक हेते.

गलातीयो 6:15

काहाकाय नाहं खतना एने बेखतना काही हि, पुण नोवालो जग.

इफिसीयो 2:10

कारण कि आमु तान बोणाविल हेते, एने मसीह यीशु माय ता हाजो कामान केरता बोणाविल गेलेले चिन्ह बोगवानान पेल्ला तारीन आमरा केरणेन केरता तियार किरील.

इफिसीयो 2:14

कारण कि तोच आमारो मेल हि तान केरता दुईजानाह एक्ठाच केरीन लीईल एने आलेग करणारी जी माय भितडो एती ती पाडीन टाकील,

इफिसीयो 2:16

एने क्रुस पोर निवरीगोयो केरीन ज्यान द्वारे दुईजानाह एक शरीर बोनाडीन बोगवाना हेर्यो मिलावणु.

इफिसीयो 4:16

जाकेरीन आखो शरीर, प्रत्येक भागह जुडणेन मदद एक्ठाच मिलिन एने एक्ठाच गडकर, ता प्रभावान होस जो आखा शरीरान हाजो हाजो केरणेन वजेसे तामाय एने हि, जीवाह वोडावील कि तो प्रेम उन्नती केरील.

कुलुसी 2:14

बोगवानान नियमान आमरीफायरीन टाकतजाईल, ज्यामाय ता विधीही उलेख किरील जाईल एता आमरा प्रतिकूल एने आमरा विरुद्ध एता तान ताह खीळ क्रुस पोर जाईल एताज.

कुलुसी 2:20

काहाकाय तुमूह मसीहा हेऱ्या मरण गीयो एता, एने संसारान बुनियादी शिकल्यापरत सुटका आपील गीयो हि तेभी ज्याह प्रकारान जीवन जीवतेह का केरतीन हि जोहलो काय? तुमूह आवो जगाचेच हेते एने अशांनी नियमांची पोहणे केरतीन हि.

कुलुसी 3:10

एने नोवालो व्यक्तित्व पेरील हि, जो आपणो निर्माणकर्तान स्वरूपाम स्थिर एय बोगवानान आखा ज्ञानाम कायम नोवालो एता जातेह.

कुलुसी 3:11

परिणाम स्वरूप ताजागेन यहूदी, एने यूनानी, ज्यामाय काही गालो रेणू नाहं कूण खतना युक्त, एने खतनाहित, माय असभ्य, एने बर्बर, माय दास एने एक स्वातंत्र: माणहामाय काही तेभी अंतर हि मसीह आखा काही हि एने आखा विश्वासी माणहामाय ताणुच निवास हि.

कुलुसी 3:15

तुमरो मोनापुर मसीहा फायरीन ह्नारो शान्तिन अधिकार, ओहलो ज्याह केरता तुमूह ताणुच एक शरीर हादील हि, कायम तुमरा ह्रदय मा राज्य केरी; एने धन्यवाद केरतीन रीवू.

इब्रानियो 7:16

जो शारीरिक आज्ञा व्यवस्था प्रमाणे नाहं, पुण नाश एय नाहं ओहला जीवनान सामर्थ्यान अनुसार मेलील हि.

इब्रानियो 8:13

नोवालो वाचा बनावल्या तास पेल्ला वाचान जुनो ठेरिनीन आपील; एने जी वस्तु जुनो एने जारकी एय जातेह ताह नाहीसे एय जाणे हाजो हि.

इब्रानियो 9:23

तामुळे जरुरी हि कि स्वर्गाम मेरयो सामानाहारखेज आवो बलीदाना केरता शुद्ध किरील जाणेन जुवी, पुण होर्गारीन वस्तु स्वताह यामाय श्रेष्ठ बलीदानाने शुद्ध एने जरुरी हि.