इफिसीयो 2:13 - नाहाली

¹³ पुण ऐवी मसीह माय तुमु जा पेल शेटे एता, मसीहान रक्तान द्वारे आहने आव गीयाह.

खेरलो वचन नोवालो नियम

¹³ पुण एवी मसी यीशु माय तुमू जा पेल सेटा एता, मसीन लुयी केरीन आहने एय गीयाह।

इफिसीयो 2:13 ပူးပေါင်းရင်းမြစ်များ

यूहन्ना 10:16

मारी उंजू मेंढरे हि जी ज्या टोळमाय नाहं माहु ताह पुण लीन आवही ते पुण मारी आवाज होमलती एने आवो टोलाम आवीन एक एय ओवतो आखान एकुच चालनारू एती.

प्रेरितान काम 15:14

शिमोन ने कियील एता कि बोगवानान दिहरी जातीन माय काही माणहाह आपणो नावाकेरता निवाडीन आखान देखील केवी प्रेम प्रकट किरील एता.

प्रेरितान काम 2:39

काहाकाय जी प्रतिज्ञा तुमूह, एने तुमरा सोराह आत्यासोराह, एने ता आखा सेटा-सेटेन माणहान केरता भी हि ज्याह प्रभु आमारो बोगवानान आपणो आहनी हादी.”

प्रेरितान काम 22:21

एने तान माहु कियील, निकलीन जा काहाकाय कि मी तुवाह दिहरी जाती उगे सेटो मोकलुहु.

प्रेरितान काम 26:18

कि तू तान डोला उघाडील कि ते आंधारामाय प्रकाशावूखीर एने शैतानान अधिकारा मायरीन बोगवानानाफाय वोलनु म्हणजे पापान क्षमा एने ता माणहान हेरी जे मारपुर विश्वास केरणेन पवित्र किरील गीया हि वतन जूळनू.

रोमीयो 8:1

सेवट ऐवी जो मसीह यीशु माय हि, तापोर दण्डाज्ञा नाह. काहाकाय ते शरीरान नियम नाह तेवी आत्मान नुसार चालणु.

1 कुरिंथीयो 1:30

पुण तुमूह यीशु मसीह ताणुच कारणाने स्थिर हि, तोज बोगवानान वरदानान रुपाम बुद्धी अर्थाम धार्मिकता, एने पवित्रता, एने सुटकारो.

1 कुरिंथीयो 12:13

कारण जर आमु यहूदी रेणा हि जर यूनानी, दास रेणा रेंय केव्ही हाजो एकुच शरीरान आलेग आलेग अवयव, बोणावणे केरता आपु आखाआ एकुच आत्मा द्वारे बाप्तिस्मा आपील गीयो हि, एने तीह भागवण्याकेरता आमु आखा एकुच आत्मा आपील गीयो हि.

1 कुरिंथीयो 6:11

एने तुमरे मायरीन कोलाक जन ओहलाच एता, पुण तुमूह प्रभु यीशु मसीहान नावान एने आमरा बोगवानान आत्मा माय धुवील गेलेले, एने पवित्र इयील खेरो ठेरना.

2 कुरिंथीयो 5:17

तान वजेसे जर कूण मसीहात हि तर तो नोवो सृष्टी: हि जुना वातू निकलीन गीया हेते: देखू, आखा वातू नोवालो एईल हेते.

गलातीयो 3:28

ऐवी कुणामाय काही अंतर रेणा नाहं कूण यहूदा रेणू, यूनानी, दास रेणू, स्वांतत्र्य, माणहे, बायकू, कारण मसीह यीशु माय तुमूह आखा एक हेते.

इफिसीयो 1:1

पौलुसा फायरीन जो बोगवानान ईछा से यीशु मसीहान प्रेरित हि ता पवित्र एने मसीह यीशु माय विश्वासी माणहान नावी जें इफिसुस माय हि:

इफिसीयो 1:7

आमूह तामाय तान रक्तान द्वारा सुटकारा, म्हणजे अपराधान क्षमा, तान ता कृपान धनान होस जुडील हि.

इफिसीयो 2:10

कारण कि आमु तान बोणाविल हेते, एने मसीह यीशु माय ता हाजो कामान केरता बोणाविल गेलेले चिन्ह बोगवानान पेल्ला तारीन आमरा केरणेन केरता तियार किरील.

इफिसीयो 2:12

तुमु आखा माणहे ता टाइमाह मसीहा फायरीन आलेग, एने इस्राएलान प्रजान पोदान केरीन आलेग किरील हेते, एने वाचान प्रतिज्ञान भागीदार नाह एता, एने आशाहीन एने जगामाय ईश्वरबिना एता

इफिसीयो 2:2

ज्यामाय तुमूह देखील आवो जगाच्या रीतीपूर, एने आकाशामाय अधिकारी म्हणजे ता आत्मानुसार चालतो एतो, जे ऐवी भी आज्ञा केरनारामाय कार्य केरणू.

इफिसीयो 2:6

एने मसीह यीशु माय तान हेरी उठाडील गीया हि, एने स्वर्गीय स्थानामाय ताहे-यो बोहाडया.

इब्रानियो 9:18

तामुळे पेल्लो वाचा पुण रक्तावासदिते बाधील गीयो नाहं.

1 पतरस 3:18

तान केरता कि मसीहाने पुण, म्हणजे अधर्मीन केरता धर्मीने, पाप्यान कारण से एक वेळा दुख सहन किरील, तान केरता कि आमूह बोगवानानाफाय पोचाडीने; तो देहरुपात जीवे मारील गीयो, पुण आत्मान रुपान जीवताला किरील गीयो.

प्रकाशितवाक्य 5:9

एने तां ज्यो नोवालो गीत गावणे लागिल, “तू ज्या पुस्तकाह लेणेन, एने तान शिक्का उगाडणेन योग्य हि; काहाकाय तू मोरीन पवित्र रक्ता केरीन प्रत्येक जात एने भाषान एने माणहे एने जाती मायरीन बोगवान केरता माणहाह वेचातो लीईल हि”