कुलुसी 1:5 - नाहाली

⁵ हे ता आशा माय एय गीयो हि जी ओहला सुरक्षित स्वर्गाम हि, एने ज्या विषयी तुमूह पेलूच खेरो सुवार्ता म्हणजे वचन द्वारे होमलील हि,

खेरलो वचन नोवालो नियम

⁵ जेवी खेरली खुबेर, हाजाली खुबेर, पेल्‍ली वार तुमरी फाय आवो, तेवी तुमू ज्यी आसान बाराम होमल्या जो ज्यी आसा पोर आदारीत हे तानकेरता तुमरो मोंग ती हाजाली खोबरी पोर आदारीत हे, जो तुमरी केरता हेरगा माय हास केरीन मेलायेल हे।

कुलुसी 1:5 ပူးပေါင်းရင်းမြစ်များ

लुका 12:33

आपणी संपत्ती पाकील दान केरू; तोहोलोच स्वर्गामायील अक्षय धनान जीर्ण एने आवो थैली आपणे केरता केरीन मेलू ताहरी चोर आविह नाहं एने उदय लागणे नाहं.

प्रेरितान काम 10:36

जो वचन तो ताह इस्राएल माणहाफाय मुकलेल, तेवी तो यीशु मसीहान द्वारे जो आखान प्रभु हि शान्तिन सुवार्ता होमलावील

प्रेरितान काम 13:26

“हे बायहो, तुमूह जे अब्राहामान सोरा हि; एने बोगवानान ओगांण रेडनु, तुमरीफाय ज्योच उद्धारान वचन मोकलील हि.

प्रेरितान काम 23:6

तेवी पौलुसुसाने ओलखिल का एक भाग सदुकीयांचा एने दिहरो भाग फरीसीचा हि सभा माय आयडीन कियील, “हे बायहो मी फरीसी एने फरीसी वंशाजान हि, मुरीलताहा आशा एने पुनरुस्थान विषय माय मारी चौकशी एता हि.”

प्रेरितान काम 24:15

एने बोगवानापोर आशा मेलीकि जे आपु पुण मेलतेन कि धर्मी एने अधर्मी दुयुन जीवतालू उठणे एय.

रोमीयो 10:8

पुण ते काय किथी, ज्याच कि वचन तारहेर्यो हि, तारो मुयामाय एने तारो मोना माय हि, हे तोज विश्वासाचे वचन हि जे आमु सुवार्ता किथे.

1 कुरिंथीयो 13:13

पुण ऐवी विश्वास, आशा, प्रेम आवो तीन वातूह रीन हेते पुण आवो आखा मायरीन प्रेम मोठा हि.

1 कुरिंथीयो 15:19

जर आमु आपणे ओगांण भौतिक जीवनेनकेरिन यीशु मसीहात आपणी आशा मिलील हि तर ओवतो आमु आखा माणहा फायरीन लाचार हेते.

2 कुरिंथीयो 5:19

केरीन बोगवानान मसीहाम रेयीन आपणेहेर्यो जगान एक्ताहोने केरीन लियेल, एने तान अपराधान दोष तां पोर लागाडया नाहं, एने तान मेल मिलापाचे वचन आमूह होपीन आपील हि.

2 कुरिंथीयो 6:7

खेरा प्रेमाकेरता, सत्यान वचनाने, बोगवानान सामर्थ्यान, धार्मिकतान हत्याराने, जे जेवड्यो बांगाडू आथाम हेते.

गलातीयो 2:14

पुण तेवी मी देखू कि ते सुवार्ताच्या खेरो पणाने वागणे नाह एता, तर मी आखा ओगाण कैफाला कियील, “जेवी तू यहूदी असून तू दिहरी जातीयां सारकोस वागणे हि एने यहूद्यान सारकोस नाहं तर तू दिहरी जातीमाय यहूद्यान सारकोस चालणे का लागाडणे?”

गलातीयो 2:5

एक वेल तान आमु तान अधीन एनो नाहं, जानकेरता कि सुवार्ता ची खेरोपणा तुमूहहु माय बोणावीन रेंय.

गलातीयो 5:5

काहाकाय आत्मान कामा केरीन आमु विश्वासान, आशा केरतालून धार्मिकता वाट देखताला.

इफिसीयो 1:13

एने ज्यामाय तुमपूर पुण, ताहेरया तास सत्याचे वचन होमलील, जे तुमरो उद्धाराची सुवार्ता हि एने ज्यापूर तुमूह विश्वास किरील, प्रतिज्ञा किरील पवित्र आत्मान शिक्का लागाडया.

इफिसीयो 4:21

पुण तुमूह खेरीच ताणुच होमलेल एने, जोहलो यीशु माय सत्य हि, तामाय हिकाळनेल पुण गीया.

कुलुसी 1:23

जर तुमूह विश्वासाम मसीहा माय अटल बोणीन रेवू, एने सुवार्तान आशा जीह तुमु होमेल चुकील हेते तीह मां सुडहू, जान पोरचार आकाशामाय बुंबोगवानानाली आखी सृष्टीमाय केराय जाईल हि, एने मी, पौलुस, ताणुच दास बोणील हि.

कुलुसी 1:27

जो बोगवान प्रकट केरणेन ईच्छा एती, का तांह मालूम जोवी का दिहरी जातीमाय ती वातीन मोल काय हि, एने तो ज्यो हि, का मसीहान जी महिमान आशा हि तुमु माय रेणें,

कुलुसी 3:16

यीशु मसीहान वचनाह आपणा मोना माय हाजो केरीन बोहाड लिवू, एने सिद्ध ज्ञानाहेर्यो एक दिहराह हिकाडू, एने चीन्तान, एने आपणा-आपणा मोना माय अनुग्रहा हेर्यो बोगवानान केरता भजन एने आत्मिक गीते गावू.

1 थिस्सलुनिक्यो 2:13

तामुळे आमु पुण बोगवानान कायम धन्यवाद करने कि ताहेरया आमरे पोररीन बोगवानान वचन तुमरेहे-यो पोचेल, तेवी तुमूह ताह माणाहान नाहं पुण बोगवानान समजून (एने खेरी खेरीच हे ओहलाच हि) इही समजून स्वीकारून लीईल; एने तो विश्वास माय जो विश्वास मेलील, तो प्रभावशाली हि.

2 थिस्सलुनिक्यो 2:16

आमारो प्रभुन यीशु मसीह स्वताह, एने आमारो आबुक बोगवान, ज्यान आमरेपुरेन प्रेम किरील एने कृपा माय अनंत शान्ति एने श्रेष्ठ आशा आपील हि,

1 तीमुथीयुस 1:15

हि वात खेरो एने मोकता प्ररकारान माणने योग्य हि कि मसीह यीशु पापान उद्धार केरणेन केरता जगाम आवा, ज्यामाय आखान मोठू मी हि.

2 तीमुथीयुस 4:8

भविष्यामाय मारकेरीन धार्मिकतान तो मुकूट मोकलील हि, ज्याह प्रभु जो धर्मी एने न्यायी हि, माहु ता एक दिह आपण्यू एने माहूच नाहं पुण ता आखा जे तान प्रकट प्रिय एणेन प्रिय होमोजणु.

तीतुस 1:2

ता अनंत जीवनान आशा उपेर ज्यान शपथ बोगवानान, जो उठीन बोलहू शकत नाहं सनाता ने केरील हि,

इब्रानियो 7:19

ज्यानकेरता कि व्यवस्थाने काल्लूच वातील पुरावत्लू केरील नाहं, एने तान जागीपोर एक ओहलो हाजो आशा मिलील गीयी हि ज्यान केरीन आपु बोगवानान आहने जाहू शकणे.

1 पतरस 2:2

नोवालो जेल्मो इयील सोरा सारकोस निर्मळ आत्मिक दुधाची लोभा देरू, म्हणजे तान द्वारे उद्धार मिळवणे केरयता वोदनेन जाणे,

1 पतरस 3:15

पुण मसीहान प्रभु होमजाडीन आपणो आपणो मोनाम पवित्र होमजू. जी कूण तुमूह तुमरो आशान विषयातमाय काही फुसील, ताह उत्तर आपणे केरता दाडीन तियार रीवू, पुण नम्र एने बिय हेरी;

2 पतरस 1:12

तान केरता कधाचित तुमूह हि वात समजील रेंय, एने जे सत्य वचन तुमूह मिलना हि तामाय तुमूह स्थिर रेतेह, तेभी पुण मी तुमूह जी वातुंन दाडीन इआवीह आपणेन दाडीन तियार रेहू.

1 योहान 3:3

एने जो कूण तापोर आशा मेली, तो आपणो स्वता: ला तोहोलोच पवित्र करने तोहोलोज तो पवित्र हि.