प्रेरितान काम 26:18 - नाहाली

¹⁸ कि तू तान डोला उघाडील कि ते आंधारामाय प्रकाशावूखीर एने शैतानान अधिकारा मायरीन बोगवानानाफाय वोलनु म्हणजे पापान क्षमा एने ता माणहान हेरी जे मारपुर विश्वास केरणेन पवित्र किरील गीया हि वतन जूळनू.

खेरलो वचन नोवालो नियम

¹⁸ तान डोला उगाड़ने एने ताह आदारा माय रेन उजाला माय लावणे, एने सैतान ने आदिकार माय रेन बोगवानान उगे फिरनेन केरता, तुवाह मोकेलने बाजरिनोह। ताहसे तुवाह होमालीन मेलुह, ज्याह से ता पापान माफी सापड़ावती एने ता माणहान जागो सापड़ावती जो मार माय बोरहान कारेण चोखा ईयेल हेते।”

प्रेरितान काम 26:18 ပူးပေါင်းရင်းမြစ်များ

मत्ती 4:10

तेवी यीशु ताह कियो, “हे शैतान सेटू एय जा, काहाकाय ओहलो लिखील हि का, तू आपणा बोगवानाह नमन केर, एने ताचने भोक्ती केर.”

मत्ती 4:16

जा माणहा आंधाराम बोहरीयील एता, तापोर मोठू उजालो देखती, जां मोरणेन देशाम एने सावलामाय बोहील एता, तां पोर एक मोठू उजालो चोमकी.”

लुका 1:77

कि तान माणहा उद्धारान ज्ञान आप, जो तान पापांन क्षमा प्राप्त एता.

लुका 1:79

का आंधारो एने मोरणेन सावलामाय बोहनारा प्रकाश आपण्यू, एने आमरा पायांना शान्ति ने मार्गाम हास केरीन चालाडूहु.

लुका 2:32

का तो अन्यजात्यूह सत्य प्रकट केरणेन केरीन एक ज्योती एय, एने तारा निवाडील माणहा इस्राएलान महिमा एय.

लुका 24:45

ओवतो पवित्र शास्त्र सोमजाळणेन केरता तास तान डोला उगडीन आपील.

लुका 24:47

एने पाप्यान क्षमान केरता मोन फिरावान संदेश यरूशलेम पासून सुरुवात केरीन आखा नाव दिहरी जातीन पोरचार किरील जाहो.

लुका 4:18

“प्रभुन आत्मा मारामाय वास केरतीन हि, तान माहु अभिषेक किरील हि तान केरता कि मी गारीबांह सुवार्ता केणे जुव्ही तान माहु, बंदी मेलणारान सुटका एने आधलाह पोशो देखणु आवी घोषणा केरावी दाबिल जात हि ताहाच सोडवीन मोकलो,

यूहन्ना 17:17

सत्य के द्वारा तू ताह पवित्र केर: तारो वचन खेरो हि.

यूहन्ना 3:19

एने न्याय निवाडा मुळे हे हि कि प्रकाश जगाम आवा हि, एने माणहेच आंधाराह प्रकाशापैकी जादा प्रिय जाणिल आवरी किरील कारण तान कामे वाईट एती.

यूहन्ना 4:10

यीशुन उत्तर आपील, “जर तू बोगवानान दान ओलखणेस, एने ज्याह पुण ओलखणेस कि तो कूण हि जो तुवाह किथी हि, माहु पाणी पिवाड, तर तू तान फायरीन मांगेल, एने तो तुवाह जीवनाम पाणी आपुह.”

यूहन्ना 4:14

पुण जो कूण ज्या पाणी मायरीन पिईल जे मी ताह आपण्यू, तो शेवेट च्या कालो ताहवोर; तिह्ल्यो एय नाहं; नापून जे पाणी मी ताह आपुहू, तो तामाय एक एर बोणीन जाह कि अनंत जीवनान केरता उकलतालो पाण्यान झिर इही एय.”

यूहन्ना 8:12

ओवतो ताजागेन उपस्थित माणहाह यीशु कियील, “जगान प्रकाश हि; जो कूण मार पासाण आवी तो आंधाराम रेय नाय, एने ताह ता प्रकाशाची जुळणी एय जो जीवन आपथु.”

यूहन्ना 9:39

तेवी यीशु कियील, “मी जगाम न्यायनिवाडू केरणे केरता आवील हि, कारण जां नाह देखते ता देखती, एने जां देखतेह ता आंधला एय जाती.”

यूहन्ना 9:5

जेवीवूर मी जगाम हि, ताहुकवोर मी जगान उजालो हि.”

प्रेरितान काम 10:43

तान आखा भविष्यवक्ता गवाही आपणु कि जो कूण तापोर विश्वास केरूह ताह तान नावापुर पापान क्षमा जुडी.”

प्रेरितान काम 13:47

काहाकाय का प्रभु हि आज्ञा आपील हि का, “मी तुवाह दिहरी जातीन केरीन प्रकाश इही ठेराव्यू हि, काहाकाय तू पृथ्वीन शेवेट ताहवोर उद्धारान बायणो हि.”

प्रेरितान काम 15:9

विश्वासान द्वारे तान हृदयान पवित्र केरीन आमरा माय एने तामाय काय भी भेदभाव देखाडील नाहं.

प्रेरितान काम 2:38

पतरस ताह कियील, “मोन फिरावू, एने तुमरे मायरीन प्रत्येक जाण आपणा-आपणा पापान क्षमान केरता यीशु मसीहान नावामाय बाप्तिस्मा लेवू; ते तुमूह पवित्र आत्मा ने दान जुडी.

प्रेरितान काम 20:21

नापून यहूदी एने यूनानी यान सुमोर गवाही आपतेन रीईलका बोगवाना उखेर पश्चाताप केरणेन एने आमरा प्रभु यीशु ख्रीस्तापूर विश्वास केरणे जुवी.

प्रेरितान काम 20:32

एने ऐवी मी तुमूह बोगवानाह, एने तान कृपा वचनाह होप देथु जो तुमरी उन्नती केर सेकीह, एने ऐवी आखा पवित्र किरील माणहामाय मेल केरीन वतन आप सेकीह

प्रेरितान काम 26:19

ऐवी, हे राजा अग्निप्पा, मी ता स्वर्गीय दर्शनान वात नाह टाली,

प्रेरितान काम 26:23

कि मसीहान दुख बोगणे लागी एने तोच पेल्ला मुरील मायरीन जीवतालू एईन आमरा माणहान एने दिहरी जातीमाय प्रकाशान पोरचार केरुहू.

प्रेरितान काम 3:19

जानकेरता मोन फिरावू एने पोशा आवो कि तुमरो पाप बुजील जातीमाय ज्यासे प्रभुन संमुखाने विश्रांतिचे मुख आवती.

प्रेरितान काम 5:31

ताहुच बोगवान ने प्रभु एने उद्धारकर्ता ठेरावीन, तान जेवड्या आथा केरीन आखाह रीन उपेर केरील, का तो इस्राएल माणहान केरीन मोन फिरावणेन शक्ती एने पापान क्षमा प्रदान केरी.

रोमीयो 8:17

एने जर सोरा हेते तर वारिस पुण हेते पुण बोगवानान वारिस एने मसीहा हेरी वारिस हि कि ऐवी आमु तान हेरी दुख पालोह, तर तान हेरी वैभव पुण बोगणे.

1 कुरिंथीयो 1:2

बोगवानान ता कलीसियान नावापुर जी कुरिन्थियो माय हेते हि, म्हणजे तान नाव जे मसीह यीशु माय पवित्र किरील हेते, एने पवित्र एणेन केरता हादाडील हेते; एने ता आखाह हाजो नावान जे प्रत्येक जागीपोर आमुफायरीन आपणो प्रभु यीशु मसीहान नावान प्रार्थना केरणू.

1 कुरिंथीयो 1:30

पुण तुमूह यीशु मसीह ताणुच कारणाने स्थिर हि, तोज बोगवानान वरदानान रुपाम बुद्धी अर्थाम धार्मिकता, एने पवित्रता, एने सुटकारो.

2 कुरिंथीयो 4:4

एने ता अविश्वास्यांसाठी, ज्यान बुद्धी आवो जगाच्या देवतांनी आधडू केरीन आपील हि, म्हणजे मसीह जो बोगवान प्रतिरूप हि तान तेजाचा सुवार्तान प्रकाश तापोर चमकेन मां.

2 कुरिंथीयो 4:6

तामुळे का बोगवानान हि जो कियील, “अंधराम प्रकाश चमकी” एने तोच आमरा हृदयाम चमकावीदे कि बोगवानान महिमान ओलखातीन प्रकाश यीशु मसीहान आखापूर लेहु.

2 कुरिंथीयो 6:14

तुमूह अविश्वास मेकानाराकेरीन सबंध जोडीन विजोड एहू मा काहाकाय धार्मिकता एने अधर्म ज्याह माणहाहेरो भागीदारी कोहली एय? उजालो एने आंधारो ज्यामाय जोडीदार केरणेन केवी एय?

गलातीयो 2:20

मी मसीहा हेरी क्रुसांपोर सोडवियू गीयो एतो, ऐवी मी जीवतालू रेणू नाहं, पुण मसीह कुणबी जीवतालो रेंय; एने मी शरीराम जीवतालू हि तर कारण ता विश्वासाआ मुळे जो बोगवानान सोरान प्रेम केरील, एने मारो केरता जीवाह आपील आपुह.

गलातीयो 3:14

तान केरता एयील कि अब्राहामाह आपले आशीर्वाद मसीह यीशुच्याद्वारे दिहरी जातीन पुण जुडील, तान केरता विश्वासान आपु ता आत्माह प्राप्त केरणू ज्यान प्रतिज्ञा आपील गीया हि.

गलातीयो 3:2

माहु तुमरेहरीन ओलोक सोमजी लेणे हि का तुमूह आत्मान वरदान कायताहा व्यवस्था विधानाने आत्मा प्राप्त एनो, एतो कि सुवार्ता होमलने एने तापोर विश्वास केरणेन?

इफिसीयो 1:11

तामाय ज्यामाय आमु पुण तामाय संकल्पनाने जो आपणो इच्छेकेरिन मनापुररीन आखा काही करने, पेल्लारीन ठेरायेल जाइन वतनदार बना.

इफिसीयो 1:14

तो ताह वेचातो लेद्लू सुट्टीकेरिन आमरा हिसाचे बोणाविल हि, कि तिया महिमाची वाहवा ओहलो.

इफिसीयो 1:18

एने तुमरो मोनान डोला उजालो ओहलो का तुमूह ओलखिन ली का तिया बलवंत आशा काय हि, एने पवित्र माणहामाय तान वाटे महिमान धन कोहलो हि.

इफिसीयो 1:7

आमूह तामाय तान रक्तान द्वारा सुटकारा, म्हणजे अपराधान क्षमा, तान ता कृपान धनान होस जुडील हि.

इफिसीयो 2:8

कारण कि विश्वासान द्वारे कृपा मायुच तुमरो उद्धार एनो हि, एने हे तुमरेफायरीन नाहं, तर हे बोगवानान दान हि.

इफिसीयो 4:18

कारण तान बुद्धी आंधाराम एय गीयी हि, एने ता अज्ञानाच्या कारण से ते बोगवानान जीवना मायरीन आलेग किरील हि;

इफिसीयो 5:11

आधाराम निष्फळ कामामाया भेलाईल होवो, नापून तां पोर प्रतिकार केरू.

इफिसीयो 5:14

ज्या कारणाने तो किथे, “हे हुवानारह, जागो एने मुरील मायरीन जीवतालू एवू, म्हणजे मसीहान प्रकाश तारपोर चमकीनारा.”

इफिसीयो 5:8

काहाकाय कि तुमु तर पेल्ला आंधाराम एता पुण ऐवी प्रभु माय प्रकाश असो, सेवट उजालान सोरा हारका चाला.

इफिसीयो 6:12

कारण कि आमरा हे युद्ध रक्त माह हेर्यो नाहं तर प्रधानांनी, एने अधिकारी, एने आवो जगाच्या अंधकारान पुढारीइ एने आकाशामाय वालो दूर आत्मा हेया हि.

2 तीमुथीयुस 2:26

एने यान द्वारे तान ईच्छा पुरो केरणेन केरता सावधानीकेरता शैतानान लोगडी फादु सुळीन जाहू.

इब्रानियो 10:10

ताच इच्छासे आमु यीशु मसीहान शरीरान एकुच वारीन बलीदान चेढाव देणे से आमु पवित्र किरील हि.

इब्रानियो 10:14

काहाकाय तान एकुच चेढाविल ताह जे पवित्र किरील जातेह, आखान केरता पुरो केरीन आपील हि.

इब्रानियो 11:6

एने नेउनारू ताह आनंद केरणेन अशक्य हि; कारण बोगवानान आहने आवणाराह विश्वास केरणे जुवी, कि तो हि एने आपणो होदणारा तो प्रतिफोल आपथु.

इब्रानियो 9:15

ज्यानकेरता तो नोवालो वाचान मध्यस्थ हि, म्हणजे तान मोर गीयो जे पेल्ला वाचान टाइमो अपराधा पासून सुटका एणेन केरता एनो हि, हादाळल्यु माणहे वचनामाय अनंत वारिस मिलीजावू.

याकुब 2:5

हे मारो प्रिय बायहो, होमलू. काय बोगवानान आवो जगातल्या कागाला नाहं निवाडील कि विश्वासामाय धनवान एने ता राज्यान अधिकारी होव, ज्यान शपथ तान ताह केरील हि जे तापोर प्रेम केरणू?

1 पतरस 1:4

म्हणजे एक अविनाशी, एने निर्मळ, एने अक्षय वतन मिलावनेकेरीन जे तुमरीकेरता स्वर्गामाय मिलील हि;

1 पतरस 2:25

कारण तुमूह पेल्ला फिरनारो मेंढरा होस एता, पुण ऐवी आपणो जीवणो देखणार एने राखवाल ताफाय फिरीन आवा हि.

1 पतरस 2:9

पुण तू एक निवाडील वंश, एने याजकिय याजकगण, एने पवित्र माणहे, एने बोगवानान प्रजा ओहलो, तान केरता कि तान केरता तुमूह आंधारामाय आपणो अदभूत उजालाम हादाड्या हि, तान गुण प्रगट केरू.

1 योहान 1:9

जर आमु आपणो पाप मानीन लेहु, तर तो आमरा पाप क्षमा केरणेन केरता एने आमु आखान पापापासून शुद्ध केरणेन केरता विश्वास योग्य एने खेरो हि.

1 योहान 2:12

हे सोरा, मी तुमूह जानकेरता लेखथु हि कि तान नावान तुमरो पाप क्षमा एय गीयो हि.

1 योहान 3:8

जो कूण पाप करने तो शैताना फायरीन हि, कूण शैतान पेलुजरीन पाप केरीन आवा हि. बोगवानान सोरो तान केरता प्रगट एनो कि शैतानान काम नाश केरणेन केरता.

1 योहान 5:19

आमु ओळखणे कि आमु बोगवाना फायरीन हि, एने आखा जग ता दुष्टाच्या वशमाय पोडील हि.

यहुदा 1:1

यहूदा फायरीन जो यीशु मसीहान दास एने याकूबान बाहाक हि, ता हादील जाणारान नाव जो बोगवान आबोक माय प्रिय एने यीशु मसीहाकेरता सुरक्षित हि.

प्रकाशितवाक्य 21:27

एने तामाय कूण अपवित्र वस्तु, किंवा अशुद्ध काम केरणाराह, किंवा असत्य आचारणाराह काल्लीच रीतीमाय प्रवेश नाहं सोतो, पुण केवळ ता माणहे ज्यान नाव कोकऱ्यान जीवनान पुस्तकामाय लिखील हि.