1 पतरस 4:10 - नाहाली

¹⁰ ज्याह जे वरदान जुडील हि, ते ताह बोगवानान आंगेआगे प्रकारान कृपादाणा नुसार हाजो कारभारी प्रमाणे एक तीहरा सेवा केरू.

खेरलो वचन नोवालो नियम

¹⁰ जाह जो वरदान जुड़ेल हे, तो ताह बोगवानान हाजाला कारबारीन गेत जो गीण तुमूह जुड़ेल हे, ताकेरीन एका दिहरान सेवा किरो।

1 पतरस 4:10 ပူးပေါင်းရင်းမြစ်များ

मत्ती 20:28

ज्यानहोस माणहान सोरो, सेवा केरीन ओहलान केरी नाहं, तर सेवा केरीन केरता एने आखान सुटकारान केरता तान जीव आपी.”

मत्ती 24:14

एने राज्यान हे पोरचार आखा जगामाय किरील जाह कि आखा दिहरी जाती गवाही एय तेवी शेवेट आवी.

मत्ती 24:21

काहाकाय ता समयी ओहलो बारो क्लेश एय, जोहलो जगान आरंभापासून एनो नाहं.

मत्ती 24:45

“ता टायीमा विश्वास योग्य एने बुद्धिमान दास कूण हि, ज्याह स्वामींनी आपणो दास चाकारापुर सरदार नेमिल कि वेलेपूर ताह जेवण आपी?

मत्ती 25:17

ज्यानहोस ज्याह दुय हजार आपील एता, तान पुण ओहलाच दुय हजार उंजू कोमाविले.

मत्ती 25:44

“तेवी ते ताह फुसहु, प्रभु आमु केवी तुवाह बुखो, तिह्ल्यो, उघडा केव्ही दुखारया केव्ही बोन्दिलखानो देखील एतो, एने तारी सेवाकिरील केरील नाहं?

मरकुस 10:45

काहाकाय माणहान सोरू पुण आपणी सेवा केरीन केरता नाहं पुण सेवा केरणे एने कोल्लाकतेबव वेचातो लेणे केरता आपणो जीव एने आपणेन आवा हि.

लुका 12:42

प्रभु कियील, “तो विश्वास योग्य एने बुद्धिमान कूण हि, ज्यान मालक ताह दास चाकारापुर सरदार नेमिल कि ताह वेलेपूर भोजन सामग्री आपण्यू.

लुका 19:13

तान आपणो दासामाय दहा जाणाह हादाडळीन ताह दहा शिक्का आपील एने ताह कियील, मी पोशा आवूह ताहउर लेनदेन केरुहू.

लुका 8:3

हेरोदेसान कारभारी खोजा ज्ञान बायकू योअन्ना, तोहोलोच सुस्सना, एने दिहीरा मोक्तास बायकू एता. ज्याह बायकू आपणाच वस्तु केरीन यीशु एने तान चेला ज्यान सेवा चाकरी केरतीन एता.

रोमीयो 15:25

पुण ऐवी तर मी पवित्र माणहान सेवा केरता यरूशलेम ला जात हि.

रोमीयो 15:27

ताह हाजो तर लागनो, पुण ते तान कर्जदार हि, काहाकाय दिहरी जातीन केध्दीह अध्यात्मिक वातीमाय भागीदार एयताहा ताह पुण उचित हि कि शारीरिक वातीमाय तान सेवा केरू.

1 कुरिंथीयो 15:10

कारण बोगवानान कृपेने मी तोहोलो बोणील हि, आज हि मारपुर तान वाया कृपा केरील गीयी नाहं, मी तर ता आखा पेक्षा आखारीन जादा मेहनत किरील हिपूण तो मेहनत केरणार मी नाहं एतो, पुण ती बोगवानान कृपा एती जी मारहे-या रेथे एती.

1 कुरिंथीयो 3:10

बोगवानान ता कृपेने अनुसार जे माहु आपील हि, मी बुद्धिमान राजमिस्र्या सारखा पाया टाकील, एने दिहीरा तापोर राद्दा मेली. पुण प्रत्येक व्यक्तीने होमंबालीन रिजी कि तो तापोर कोहलो बांधकाम करने.

1 कुरिंथीयो 4:7

काहाक्य तुमरीम एने बिहरा कूण भेद करने? एने तारहेर्यो काय हि जे तू दिहरापुररीन जुळा विते नाहं? एने ताहेरया तू दिहरापुररीन जुळील तर इही गर्व का करने जोहलो काय जुळील नाहं.

2 कुरिंथीयो 6:1

आमु बोगवानान मदतकेरन्या हेते पुण होमजाडणे कि तान कृपा जी तुमरे पोर एनी, ताह वाया जाहू आपुह मा.

2 कुरिंथीयो 9:1

ऐवी ता सेवान विषयी जी पवित्र माणहा केरता केरील जातेह, माहु तुमूह लिखील गिरीज नाहं.

इफिसीयो 3:8

मारपुर जे आखा पवित्र माणहामाय भी आत्या हि, हि कृपा एनी का मी दिहरी जातीन मसीहान अगाध संपतीई सुवार्ता होमलावणार,

इफिसीयो 4:11

तास काही जाणाह प्रेरित निवाडीन, एने कोणीही भविष्यवक्ता निवाडीन, एने आदीहा होमालणार एने उपदेशक निवाडीन आपील,

2 तीमुथीयुस 1:18

प्रभु केरणे जुवी कि ता एक दिह तां पोर प्रभुन दया रेणार एने जी जी सेवा तास इफिसुस माय केरील हि ते पुण तुवाह हाजे मालूम हि.

तीतुस 1:7

कारण अध्यक्षाहा बोगवानान कारभारी एणेन कारणाने निर्दोष रेणेन जुविकाय; हंट्टी नाहं, खतत्यागतली नाह, होरूपिनारु नाहं, देनारा नाहं, एने अधर्मने पोशा मेलविणारा ऐन जाण्यांरेवू,

इब्रानियो 6:10

कारण बोगवान अन्यायी नाहं कि तुमरो काम, एने ता प्रेमाला विहिरीन, जो तुमूह तान नावाकेरता ज्यानप्रमाणे देखाडील हि, हि पवित्र माणहान सेवा एने केरतेच हि.

1 पतरस 5:10

ऐवी बोगवान जो आखा कृपान दाता हि, जामाय तुमूह मसीहा माय तान अनंत महिमान केरीन हादील, तुमरे थोडोक टाइमवोर दुख सहन केरणे बादमाय तो जीवेच सिद्ध एने स्थिर एने बलवान केरी.

1 पतरस 5:12

मी सिलवानुसने आथे, ज्याह मी विश्वासु बाहाकह सोमजणे संझेप माय लेखीन तुवाह होमजाळील हि, एने हि गवाही आपील हि कि बोगवानान खेरो कृपा जिच हि, जामाय स्थिर रीवू.