Taetɔ̌ 3:8 - Nyesoaa Kuo Win Jajle

⁸ Dɛǒ nɛ̀ moo kàan tè! Bɛ̌ nu bò ke tee le, imo noǎǒ nì Ě jlɛ̌ bò maě mɛ debo ɛ̈ di ɛɛ numa nyopòǒ kpae lee Nyesoa wlò u mǐ ɛ mǒ tɛ̀n keǒ bu sàǒ tǐ bu nu dɛǒ monoo kàan dɛ. Keǒ bo nyu bɔ nu kàan konkwa ɛ nu kàan plě ɛ̌ peǒ nyopò wùɛ dɛ bo.

Taetɔ̌ 3:8 ပူးပေါင်းရင်းမြစ်များ

Matiɔ̌n 20:4

È kě ɔ dɛ̌a u je ɔ je, ‘A muě ně chè mǒ a mǐ konkwa nu, è dɛǒ wɛɛnʼǒo le nɛ̀ Ě mi a snǒ sàeba.’

Jɔ̀ɔ̌n 12:44

Ɛ kɔna tǐ tìi tà Jùsu pnaěaě jɔ mǒ, kě Ɔ dɛ̌a Ɔ je, “Nyu wùɛ bɔ̈ po Ně tè kàan tè, ɛ se bɔ po Ně tè kàan tèe do, kɛɛ Nyuà dboɔ Mǒo kělɔ kmɔ̌ɔ mɔ̀ Nɔ̀ kɔn tèǒ ɔ po kàan tè ke.

Jɔ̀ɔ̌n 5:24

Kàan tèà Ě tmɛɛ̌ amo, nyu wùɛ ɔ̈ pe Mǒo nɔkǔ jebo plě ɔ̈ poo Nyuà dbo Mǒo Ɔɔ tè kàan tè ɔ kɔn kmɔ̌ siee fònfno. Ɔmo nyuǒ ɔ seǎ blilǐ mɔ̀ tùtuɛ kɔnma mu, ɔ sɔn lě kmɔ̌ sie kǒla mǒ ɔ̌ kɔn kmɔ̌ sie fònfno.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 12:15

È kě u dɛ̌a ɔ je u je, “Nè dlǒ sɔnʼǒ mɔ̀ mǒ snǔ!” Kɛɛ ɔ mɛɛ̌aǒ wun bo kaǒ ɔ je, “I moo kàan tè!” Ii tè u je, “Ɛ kɔn bɛ moo Pitɛ̌ɛ najiǒpòi.”

Wlǔmɔ 4:5

Kɛɛ bɛ̌ nu bɔ̌ se konkwa nu keǒ ɔɔ wowa dɛ mɔ̀, bɔ̌ po Nyesoaa tè kàan tè Ɔ̈ nii nyopòà se pnɔ Ɔɔ ji jebo siǐn nyo mǒ, è Nyesoa mi ɔmoǒ kɔnʼɔ tè wlò popoɛ jebo siǐn nyu mǒ numa.

2 Kwnɛtiɛ̌ 4:13

I chleě le klě Nyesoaa win wlòmo i je, “Ě po i kàan tè, tèǒ nì kɔn tè Ě boɔa li.” (Ps 116.10) Ä kɔn tè wlò popoɛɛ doǒ nye ämoo Sùsu ke, tèǒ nì kɔn tè ä po i kàan tè plě ä boɛ Nyesoaa win.

Ifisiɛ̌n 4:28

Nyu bɔ̈ ke jlǐ, sɔɔnʼà tǐà jleě mǒ bɔ bɔ̌ lɛ, è bɔ pɔ̀n konkwa le ɔ mǐ nu ɛ̈ di ɛɛ numa ɔ mǐ sen bo mǎ kmɔ̌ ne keǒ ɔɔ chɛ̀ mɔ̀ plě ɔ miě ɛ wɔ̀ keǒ bɔ sɛ̀ɛ sònwɛ nyo mǒ.

1 Timɛtě 1:15

Winʼǒ tù lii ɛ̈ moo Tentǎn Jǔ Jùsu dia lɔ kmɔ̌ mɔ̀ Ɔ mǐ kpni kukwǐ nyu gblà klě Nyesoaa plɔɔ tu kɛn bo maěa bobo, i moo wlò kpae dɛ klee win ï blɛɛ je nyu bɔ blěǒo mɔ̀ kwa. Mǒà mǒ moo dɛ kukǔ nu nyoo dlǒ,

1 Timɛtě 2:8

Tèǒ nì kɔn tè Ě jlɛ̌ nyopò wùɛ ü nee tà wùɛ bu bàte Nyesoa, bu moo kàan Tentǎn Jǔu wǎn plě bǔ ke bɛ̀te bu po uu sonwe jɔ mǒ, uǔ kwɛnʼě jlo wlò jleě keǒ nyu tɔ̀ɔ mɔ̀ plě uǔ pe kplɛ ɛ̈ moo Nyesoa se uu bàteaǒ kɛ̀ɛn tùba mu.

1 Timɛtě 5:10

Bo nyopò bu ji ɛ ke ɛ̈ moo koti nynɔǒ ɔ ni le kàan noǎ ï monoo ɔɔ jlǔ le sèsa klee bɔ kme nyopò jebo ü miě ɔɔ tà diba klee bɔ jla ɔɔ bǐì Tentǎn Jǔu wǎn be le klee bɔ sɛ̀ɛ nyopò mǒ ü neěe tǐ jakě slè plě klee bɔ nu jǐ měne keǒ kàan noǎ wùɛ ii nunu tè mɔ̀.

2 Timɛtě 1:12

Tèǒ nì kɔn tè baǎje mǒà bo ke noǎǒ ii sònwɛ jě, ɛɛ tònwe ně nu mǒ keǒ tuposàǒ mɔ̀. Ě ji Nyu tae Ě kpae lee wlò lo plě Ě ji ɛ ɛ̈ moo Ɔ wɔ̀le je Bɔ tù ɛmo tuposàǒ jleě mɔ̀ tɛɛ tɛɛ ɛ̈ Ɔ poě mǒo kwete mǒ ɛ mǐ ɛ kpa kpa ɛ mǐ blilǐ tù chnɛ̀ jlǒ waě kɛn jɛɛ le.

Taetɔ̌ 1:9

Bɔ blěǒ Nyesoaa win mɔ̀ kwa kpankpa ïà u tee ämoo bä poo kàan tè ɛ̈ di ɛɛ numa ɔ miě ɛ wɔ̀ keǒ bɔ tee nyopò tùu mǒ slɛɛ̌ dɛ ɛ̈ pe uu kbě ja le klee ɔ mǐ nyopòǒ wɛ̀nʼɛ winʼǒ je kaen wan po.

Taetɔ̌ 2:14

Tentǎn Jǔ koǒǒ äa tèe tà keǒ ä mǒ dbǐ mǒ wan klě kmɔ̌ kukǔ wùɛ slè plě Ɔ mǐ ä mɔ̀le snǎ nyo mǒ nu ü kɔnʼǒ Ɔɔ mɔ̀ɔ do plě ü kɔn fě nymɛ̌ɛ bü nuu kàan dɛ.

Taetɔ̌ 2:7

Nè chɛ̀ mò bɔ moo ɛɛ jboo dɛ keǒ u mɔ̀ keǒ kàan noǎ wùɛ mìi numa mɔ̀. Bò ke tee le, nu ɛ bu ji ɛ ɛ̈ moo noǎǒ tèe le sɛ̀n ɛ nynɛ̌ plě i moo kàan tè è boɛ li.

Taetɔ̌ 3:1

Pooě i Tentǎn Jǔu wǎnʼǒ neěe wlò jleě bu tùǒ blǒo win kwa kɔn nyo klee nyefòapo. Bu po uu win nɔkǔ jebo plě bu wɛ̀ mɔ̀le u mǐ kàan dɛ wùɛ nu.

Taetɔ̌ 3:14

Äa nyopò bu chěn ɛ ke bu nuǒ uu tǐ sèsa keǒ kàan dɛ nunuɛ mɔ̀ ɛ̈ di ɛɛ numa dɛǒ u sòɛɛ u mǐ ɛ kɔn klee uu kmɔ̌ neneɛ mǐ dɛ wlòmo sɔn.

Falimɔ̌ 1:11

Nyane tà ɔ sea mǒ sɛ̀ɛ nyu keǒò mɔ̀, kɛɛ klě tǐà wlòmo ɔ moo mǒ sɛ̀ɛ nyu keǒ mǒ klee mòo sɔ̌n mɔ̀.

Hiblǔ 10:24

È a nɛ bä sìɛn ɛ dlǒ mɔ̀le ke ä mii kbě ja le popooa numa ä mǐi Nyesoa klee nyopò tùu mǒ noɛɛ ne plě ä mǐi dɛà monoo kàan dɛ nu.

1 Pitɛ̌ 1:21

Tentǎn Jǔ Nɔ̀ nu ɛ ǎ kɔn wlò kpaea klě Nyesoa mǒ Ɔ̈ dǔa Ɔɔ jemǒ Ɔ̈ sàlaě Ɔɔ kǒla mǒ Ɔ̌ nyea Ɔ tè jǐ boaboǎ ɛ̈ di ɛɛ numa a mǐ Ɔmo Nyesoa wlò kpae le klee a mǐ Ɔ wlò je kuun nu.