Taetɔ̌ 3:7 - Nyesoaa Kuo Win Jajle

⁷ Dɛ sɔnʼě ɛɛ wlòmo nɛ̀ moo Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀, nɛ̀ nu ämo ä moo jebo siǐn nyo klě Ɔ jǐ kɛn klee ä moo Ɔɔ jlǔ ü kɔnʼɔ wlò je kunkuɛn keǒ kmɔ̌ sie fònfno mɔ̀.

Taetɔ̌ 3:7 ပူးပေါင်းရင်းမြစ်များ

Matiɔ̌n 25:34

È kě Klɔ̀baǒ Ɔ miǎ nyopòǒ neɔɔ dilǎ son mɔ̀ je dǎba, ‘Amoà amo Ně Gbeǐ po ngmna mɔ̀, a diě a mǐ jɔkɛn deplěà kɔn ɛ̈ Nyesoa wɔ̀ɔ mɔ̀le keǒ a mɔ̀ sɔɔnʼě kmɔ̌à ɛɛ wlò tùla mǒ.

Mǎkè 10:17

È chnɛ̀ jlǒ waě tɛ̀ɛ mɔ̀ Jùsu sɔnaě koǔ bo mǒ Ɔ̌ diaɔ snǔ fòɛ mɔ̀ Ɔ̌ mia topodìe mǒ, è pònpan jbɛju tɔ̀ɔ kpalaě Ɔ mɔ̀ plùplɛ ɔ̌ kɔlaǒ Ɔ kwne jemǒ bo ɔ̌ gbàla Ɔ wan ɔ je, “Kàan Tee Nyu, mɛ bo nuǔ kɛ Ě miǐ kmɔ̌ sie fònfno kɔn?”

Wlǔmɔ 11:6

A kɔn ɛ jijiɛ ɛ̈ moo Nyesoa tba ulu klě Ɔɔ wlòo jlajlǎ dɛ wlòmo ɛ̈ɛ̌ sà Ɔɔ wlò kǔ mǒ ɛ̈ see konkwa u nuu ɛɛ tè. Bɛ̌ monoo ɛ, è Ɔɔ wlòo jlajlǎ dɛǒ ɛ̈ɛ̌ sàa wlò kǔ mǒ ɛ̀ see kɛ̀ dɛ nynɛ̌ sɛ̀nma mu.

Wlǔmɔ 3:24

Kɛɛ Nyesoa kɔn wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ nyopò wùɛ mɔ̀, ii tè Ɔ nu nu bu moo jebo siǐn nyo ɛ̈ see dɛ wùɛ po plě ɛ̈ diiě wowa dɛ mǒ ɛ̈ Jùsu Tentǎn Jǔ ja lěe.

Wlǔmɔ 3:28

Tèǒ nì kɔn tè ä boɛ tè wlò popoɛɛ doo tè, nɛ̀ ni nyu jebo siǐn nyu mǒ ɛ̈ see nyu bɔ tùǒ Nyesoaa teteǎ bo.

Wlǔmɔ 4:16

Tèǒ nì kɔn tè Nyesoaa pee dɛ keǒ ä mɔ̀ ɛ̈ monoo kmɔ̌ sie fònfno ɛ nynaǒ tè wlò popoɛ kɛn bo. Dɛǒ nɛ̀ nu ɛ ɛmo pee dɛǒ ɛ̌ tee Nyesoaa wlòo jlajlǎ dɛ ɛ̈ɛ̌ sàa Ɔɔ wlò kǔ mǒ kɛn keǒ ä mɔ̀. Ii tè pee dɛǒ ɛɛ tè se kplɛ ɛ̈ kɔnʼǒo Eblɛ̌hɛ̀moo jlǔu jlǔ mɔ̀. Ɛ se nyopò bu tùǒ Nyesoaa teteǎ boo do, ɛ kɔnʼǒ nyopòà ü kɔnʼɔ tè wlò popoɛ mɔ̀ ke wòje Eblɛ̌hɛ̀mo ɔ̈ moo äa wùɛ äa gbeǐ.

Wlǔmɔ 4:4

Bɛ̌ nu nyu bɔ̌ nu konkwa, ɔɔ snǒ sàe dɛǒ uǔ dae ɛ nyenye dɛ, kɛɛ ɛ moo dɛ ɛ̈ sɔnʼě ɔɔ chɛ̀ɛ konkwa ɔ nuu wlòmo.

Wlǔmɔ 8:17

Bɛ̌ nu bä moo Ɔɔ jlǔ, è ä ji ɛle tɛɛ tɛɛ ɛ̈ moo Ɔɔ konkɔn noǎ kɔnʼǒ ä mɔ̀. Ä klee Tentǎn Jǔu sɔ̌n ä mǐ ii plɔ bloblɛ kɔn, ke ɛ toon jleě mǒ bo ä klee Tentǎn Jǔ ä jěe sònwɛ. Tèǒ nì kɔn tè ä miǎ tè jǐ boaboǎ kɔnma klě Ɔ mɔ̀.

1 Kwnɛtiɛ̌ 6:11

Aa tìe tùu kmɔ̌ǒ nɛ̀ a ne pnɔě slè plě ǎ bitǐ aa wlè bo, kɛɛ äa Koɔn Jùsu Tentǎn Jǔ klee Nyesoaa Sùsu nì jla amo klě kpni kukwǐ slè nɛ̀ nu a ngmà je ne nyo klee jebo siǐn nyo mǒ klě Nyesoa jǐ kɛn.

Kalesiɛ̌n 2:16

kmɔ̌ neneɛ wɛɛnʼǒ Nyesoa jǐ kɛn le keǒ bɔ tùǒ Jùwɛ nyoo teteǎ bo wòje keǒ Jùwɛ nyo tùu nu nii kàan tè popoɛ. Kɛɛ dɛ ä poo kàan tè nɛ̀ moo nyu wùɛ wɛɛnʼǒ Nyesoa jǐ kɛn le keǒ ɔɔ tè wlò popoɛ ɔ kɔnʼɔ klě Tentǎn Jǔu do mǒ. Ii tè ä kɔn tè wlò popoɛ klě Ɔ mǒ, dɛǒ nɛ̀ nu ɛ ä wɛɛnʼǒ Nyesoa jǐ kɛn le keǒ äa tè wlò popoɛǒ mɔ̀ ɛ̈ see bä tùǒ Jùwɛ nyoo teteǎ bo. Nyu wùɛ nɔ̀ seǒ Nyesoa jǐ kɛne wɛɛn ne keǒ Nyesoaa teteǎ bo tùtuɛ mɔ̀.

Kalesiɛ̌n 3:29

Bɛ̌ nu bǎ kɔn lě Tentǎn Jǔ mɔ̀, è a moo Eblɛ̌hɛ̀moo jlǔu jlǔ plě a moo ngmnaǒ Nyesoa peea lěe ɛɛ konkɔn nyo.

Kalesiɛ̌n 4:7

Tèǒ nì kɔn tè sè kèi klě teteǎ boboo kɛ̀, mòo Nyesoaa jǔ. Ke ɛ toon jleě mǒ bo Nyesoa nu mòo Ɔɔ jǔ mǒ, Ɔ nuù mǒ nyu ɔ̈ kɔnʼǒo noǎ wùɛǒ wakǎ jleě mǒ ï Ɔ peeě Ɔɔ jlǔ.

2 Tɛseloniǎ 2:16

Äa Koɔn Jùsu Tentǎn Jǔ klee äa Gbeǐ Nyesoa noɛɛ ä mǒ no plě Ǔ kɔn Uu wlòo jlajlǎ dɛ ɛ̈ɛ̌ sà Uu wlò kǔ mǒ keǒ ä mɔ̀. Ii tè U mii nya Ǔ pe ä kbě ja le klee Ǔ nye ä kàan wlò je kunkuɛn.

Taetɔ̌ 1:2

Tè wlò popoɛ nyna kɛn bo wlò je kuuan keǒ kmɔ̌ sie fònfno mɔ̀ ɛ̈ plě kmɔ̌à ɛ mǐaa wlò tùe Nyesoaà monoo Wlò Kpae Nyesoa Ɔ peeě keǒ ä mɔ̀.

Taetɔ̌ 2:11

Nyesoa po Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ pepě mǒ, nɛ̀ nu ɛ ɛ̌ wɔ̀le ɛ keǒ nyopò wùɛ bu gblàe le klě uu kpni kukwǐi plɔɔ tu kɛn bo maěa bobo.

Taetɔ̌ 2:13

ɛ̈ kɔn ämo fee ü kuun ɛ wlò je keǒ ngmna ä miǎa kɔnma mɔ̀ bo äa Nyesoa Ɔ̈ kɔn tè kuun plě ï boǎa jǐ klee äa Wowa Nyu Jùsu Tentǎn Jǔ Bǔ wǒǎ tàmo.

Hiblǔ 1:14

Deě najiǒpò wùɛ u se kɛ sìsi sosǒ ï nii Nyesoaa konkwa Ɔ̈ dbe lee keǒ bï mǎǒo nyopòà mɔ̀ üà Ɔ wɔ̀ɔ mɔ̀le Bɔ gblàa klě uu kpni kukwǐi plɔɔ tu kɛn bo maěa bobo?

Hiblǔ 11:7

Tè wlò popoɛɛ doǒ nɛ̀ Nòwǎ kɔna, ii tè tà Nyesoa wala ɔɔ wlò je ɛ̈ kwɛɛaǒo jijǐ ně jleě mǒ bo, ɔ poa i jebo nɔkǔ, ɔ sěɛɛ̌a jè jijǐ něǒ jě ɔ̌ nua blǎgbè ɔ mǐa ɔɔ koǔ bo kwɛɛn gblà. Tè wlò popoɛɛ doǒ nɛ̀ nua nɛ ɔ̌ bɛ̌a kpni kukwǐ nyo wùɛ nea lɔɔ kmɔ̌ɔ mɔ̀ wun kɛn ɔ̌ jěa jebo siǐanʼa snǒ sàe dɛ ɛ̈ Nyesoa nyea nɔɔ ɛ̈ monoo snǒ sàe dɛ keǒ nyopòà kɔnʼɔ tè wlò popoɛ mɔ̀.

Hiblǔ 11:9

Klě Eblɛ̌hɛ̀moo tè wlò popoɛ ɔ kɔnaa mǒ, ɔ neaě blǒǒ wlòmo ɔ̌ mooa dakpǎi ɛ̈ Nyesoa peeaě ɔɔ Ɔ mia lɔɔ nyema. Ɔ klee Aesěè klee Jèkɔ̌po tǐnʼaě blea ngmɛ̀ɛ ü mooa nyopò Nyesoa peeaěe pee dɛɛ doǒ.

Hiblǔ 6:17

Nyesoa jlɛ̌ Bɔ sèsaea ɛ kɛn le klě nyopòǒ mɔ̀ bɛ pàea chnɛ̀ le ɛ̈ moo Ɔɔ dɛǒ Ɔ peeěe Ɔ se Ɔɔ ble po dɛ de sàba mu. Ii tè Ɔɔ tànma winʼǒ ii kòo kɛn popoɛ nɛ̀ moo Ɔɔ chɛ̀ win kɛne popoɛ

Jìmǐse 2:5

A po nɔkǔ bo ně kàan Tentǎn Jǔu wǎn ane, Nyesoa Nɔ̀ sà sònwɛ nyo ü neɔɔ kmɔ̌ mɔ̀ ɛ̈ di ɛɛ numa u mǐ tè wlò popoɛ jakǎ kɔn u mǐ Ɔɔ deplě kɔn ɛ̈à Ɔ peeěe nyopò wùɛ ü noɛɛ Ɔɔ mǒ.

1 Pitɛ̌ 3:7

Amo jbeapò, dɛɛ doǒ nɛ̀ ɛ mono, a kɔn wlèe sɔ̌n keǒ aa nyno mɔ̀. Ke ɛ toon jleě mǒ bo ǎ ji ɛɛ ɛ̈ moo u moo nyopò ü see kbě mǒ ne, a tùǒ u plě a jě ɛ ɛ̈ moo u moo nyopò ü klee amoo sɔ̌n Nyesoaa nyee dɛà monoo kmɔ̌ sie fònfno ɛ̈ aa wùɛ a kɔnʼǒo wakǎ jleě mǒ. Dɛǒ nɛ̀ ba nu ɛ̈ di ɛɛ numa bǎ klě Nyesoa mɔ̀ boɛ Ɔɔ̌ di aa win nɔkǔ mɔ̀ sà.