Taetɔ̌ 3:6 - Nyesoaa Kuo Win Jajle

⁶ Dɛǒ Jùsu Tentǎn Jǔ nuu Ɔ̈ moo äa Wowa Nyu, nɛ̀ nu ɛ Nyesoa nye Ɔɔ Sùsu ämo Ɛ̌ sìnʼǒ le.

Taetɔ̌ 3:6 ပူးပေါင်းရင်းမြစ်များ

Jɔ̀ɔ̌n 1:16

Nyesoaa Jǔ noɛɛ äa wùɛ mǒ chɔɔ Ɔ̌ po ä ngmna mɔ̀, è Bɔ̌ po ä ngmna mɔ̀ bɛ̌ sìn, Ɔ̀ poě ɛɛ bě tɛ̀ɛ.

Jɔ̀ɔ̌n 16:7

Kɛɛ kàan tèà Ě tmɛɛ̌ amo, bɛ̌ nu Bo mu, ɛ mi kàan dɛ numa keǒ a mɔ̀. È bɛ̌ nu Boǒ se mu, Wlò Wlòmo Ble Tùɔ̌ slě diba mu kělɔ a mɔ̀. Bɛ̌ nu Bo mu, Ě mi Ɔ dboba kělɔ a mɔ̀.

Jɔ̀ɔ̌n 4:10

È Jùsu tùa ɔ kɛ̀ɛn Ɔ je, “Bò jii dɛ Nyesoa nyee nyopò plě Nyuà Ɔ̈ sòɛ mòo ně, è Nɔ̀ sòaa ně, è Ɔ mii mò něà nyee nyu kmɔ̌ siee fònfno nyema.”

Jɔ̀ɔ̌n 7:37

Tà demǒ bɔɔ̌ chnɛ̀ jlǒ waěǒ ɛ̈ kɔn tè kmanaa chɔɔ keǒ ɛmo jalǎǒ mɔ̀ ɛ wǒaǒo, Jùsu nynana bo klě Nyesoaa kǎ fòɛ bo Ɔ̌ jɛɛ̌aě win Ɔ̌ boɛa Nyesoaa tè Ɔ je, “Bɛ̌ nu nyu wùɛ bo nenǎ to bɛ̌ ke ni, bɔ diɔɔ̌ mɔ̀ ɔ mǐ nǎ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:45

Jùwɛ nyoo dɛà moo kàan tè po nyo ü nanaa Pitɛ̌ de ü sɔna lěe Japà dǐa mǒ i kɛɛnʼa u le wlò keǒ Nyesoa Bɔ dia Ɔɔ Nyee Dɛ kuodakwɛ̌ nye ke Ɛ̈ moo Ngmà Je Ne Sùsu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:33

Nyesoa dǔa Ɔ jemǒ Ɔ̌ tùaǒ Ɔ tùɔnʼà kɔnʼǒo tùtuɛ kɛn bo klě Ɔɔ chɛ̀ɛ dilǎ son mɔ̀. Tàǒ keǒ Ɔ jeěaǒ Ngmà Je Ne Sùsuǒ Ɛ̈ Nyesoa pooaě Ɔɔ Ɔ mia Lɔɔ nyema. Ɛmo Sùsuǒ Nɛ̀ Jùsu dbo kělɔ ä mɔ̀, Nɛ̀à a jě plě Ɛ̈ kɔn win a wɛ̌n klě tǐà wlòmo.

Wlǔmɔ 2:4

Deě Nyesoa Nɔ̀ kɔn tè jè sɛ̀ɛ kɛǒ lee Ɔ̈à nuu kàan keǒò mɔ̀ plě Ɔ̈ kɔnʼɔ wlò dbadbǎ pɛ̀tu keǒò mɔ̀? Sè kɛ i je ɛ̈ moo Nyesoa moo kàan keǒò mɔ̀ ɛ̈ di ɛɛ numa Ɔ mǐì nu nè wlò mǐ bo bitǐ le?

Wlǔmɔ 5:5

Ɛmo wlò je kunkuɛnʼǒ ɛɛ̌ boo ä mǒ. Nyesoa poě Ɔɔ mǒ noɛnoɛ klě äa wlò jleě ɛ̈ moo Ɔɔ Ngmà Je Ne Sùsu Ɔ nye ämoo.

Wlǔmɔ 8:2

Dɛ ɛ nuu nɛ̀ moo Nyesoaa Sùsuu win kwa konkɔnʼà nye ämoo kmɔ̌ sie fònfno klě Jùsu Tentǎn Jǔ mǒ Nɛ̀ gblà ämo Ɛ̈ sàě ä kpni kukwǐi win kwa konkɔnʼà bobo ɛ̈ nye ämoo kokoɛ̌.

Ifisiɛ̌n 3:8

Kàan tè kě ně tè se kma klě Nyesoaa nyopò wùɛ slè, Ɔ nyeě fɔ̌ keǒ bo tmɔɔ̌ kuodakwɛ̌ wlòlekaen noǎ ï sɔn lěe Tentǎn Jǔ mɔ̀ mǒ

Ifisiɛ̌n 4:2

Tǐ wùɛ mɔ̀ a tìeǒ aa chɛ̀ ja klee a kɔn wlèe sɔ̌n, è a kɔn wlò dbadbǎ keǒ nyopò tùu mɔ̀ plě a nonoɛɛ měne.

1 Timɛtě 6:17

Tmɔɔ̌ nyopòà pànʼa kělɔ kmɔ̌ɔ mɔ̀ buǔ jɛɛ̌ě uu chɛ̀ le plě buǔ peě uu wlò kpaea pònpan ja bo ɛ̈ see kɛn tee dɛ, kɛɛ u blɛɛ je bu poě uu wlò kpaea klě Nyesoa mǒ Ɔ̈ klě kwa nmɔ tǔn wlòmo Ɔ̈ nyee noǎ wùɛ ï ä sòɛɛ äa plɔ mǐi blo.

Taetɔ̌ 1:4

Ě chleě ɛ mò Taetɔ̌ mɔ̀ ɔ̈ wǒo je ně chɛ̀ɛ wlòmo sà jǔ klě tè wlò popoɛ mǒ ɛ̈ ä paěn mǒo. Nɛ Nyesoa Ɔ̈ moo äa Gbeǐ klee Jùsu Tentǎn Jǔà Ɔ̈ moo äa Wowa Nyu Uu wlòo jlajlǎ dɛà ɛ̈ɛ̌ sà Uu wlè kǔ mǒ keǒ ɔ mɔ̀ bɛ muu nya klee Bu nye ɔ ně bo wnawna.