Taetɔ̌ 3:5 - Nyesoaa Kuo Win Jajle

⁵ Ɔ̌ gblà ämo, ɛ̈ see bä nu jebo siǐn dɛ tɛ̀ɛ, kɛɛ ɛ moo Ɔɔ wɔle je jbojbɛ Ɔ kɔnʼɔ keǒ ä mɔ̀, nɛ̀ nu ɛ Ɔ̌ gblà ämo ɛ̈ diiě ně dlǒ popoɛ mǒ ɛ̈ nye ämoo kmɔ̌ jajlo klee klě Ngmà Je Ne Sùsu mǒ Ɛ̈ pe ämoo kbě ja le chnɛ̀ jlǒ waě wùɛ mɔ̀.

Taetɔ̌ 3:5 ပူးပေါင်းရင်းမြစ်များ

Matiɔ̌n 3:11

Mǒà mǒ pe a ně dlǒ sosǒ ɛ̈ di ɛɛ numa a mǐ aa wlè bo bitǐ. Kɛɛ ɛ kɔn Chì Kpa Ämo Ɔ̈ neǒ mǒo demǒ Ɔ̈ diěe Ɔ̈ kɔn tè kunʼu chɔɔ ì sìnʼǒ mǒo mǒ. Ě seǒ je blɛɛ lee chɛ̀ bo di Ɔɔ nyɔkòɛbě blě. Nɔ̀ miě amoà po Ɔɔ tè kàan tè Ngmà Je Ne Sùsu ja poba klee Nɔ̀ miě nyopòǒ se Ɔɔ tè kàan tè po na ja poba.

Lǔkù 1:50

È Ɔ kɔn wɔle je jbojbɛ keǒ nyopòà mɔ̀ ü tùiǒ Ɔɔ bo.

Lǔkù 1:54

plě Ɔ diě Ɔ mǐ Ɔɔ na wien po nyebajle Ǐsòwɛ̌ kwɛɛn mǒ sɛ̀. Tǐ wùɛ mɔ̀ Ɔɔ wɔle je jbojbɛɛ tè beě Ɔ wlò jleě

Lǔkù 1:72

È Ɔ peeaě ɛ äa gbeǐpò ke ɛ̈ moo Ɔ mia wɔle je jbojbɛ kɔnma keǒ u mɔ̀, è Ɔɔ ngmà je ne kuo win Ɔ peeaě uu Ɔ sea ii tè snùma mu.

Lǔkù 1:78

Äa Nyesoa moo Wɔle Je Jbo Nyu Ɔ̌ nu kàan. Tèǒ nì kɔn tè Ɔ nu wowa dɛ ɛ̌ wɔ̀le ɛ keǒ tùonyugbe mɔ̀ Ɔ̌ nu Pepě Bɛ sɔn lě jɔkɛn mǒ Bɛ diɔ ä mɔ̀

Wlǔmɔ 11:14

Klě wakǎ tɛ̀ɛ wlòmo Ě kuun ɛ je wlò ɛ̈ moo ɛmoǒ nɛ̀ Ě ni ně chɛ̀ɛ Jùwɛ nyo ǔ ni chea keǒ a mɔ̀ klee Ě mǐ uu tìe wa.

Wlǔmɔ 11:6

A kɔn ɛ jijiɛ ɛ̈ moo Nyesoa tba ulu klě Ɔɔ wlòo jlajlǎ dɛ wlòmo ɛ̈ɛ̌ sà Ɔɔ wlò kǔ mǒ ɛ̈ see konkwa u nuu ɛɛ tè. Bɛ̌ monoo ɛ, è Ɔɔ wlòo jlajlǎ dɛǒ ɛ̈ɛ̌ sàa wlò kǔ mǒ ɛ̀ see kɛ̀ dɛ nynɛ̌ sɛ̀nma mu.

Wlǔmɔ 12:2

Aǎ ne kmɔ̌ kukǔà nyopò tùu nee, kɛɛ aa dlǒ le sìɛnsiɛn bɛ bitǐ bo plě aa de nu kmɔ̌ bɛ bitǐ bo ɛ̈ di ɛɛ numa a mǐ dɛǒ monoo Nyesoaa kɛn wɔɔn dɛ ji klee dɛ monoo kàan klee dɛ ɛ̈ blee Ɔɔ plɔ plě ɛ̈ snǎ lěe mɔ̀le kpǎkpǎ.

Wlǔmɔ 3:20

Tèǒ nì kɔn tè ke ɛ toon jleě mǒ bo Ɔɔ teteǎ nu ämoo ä jbo ɛɛ le ɛ̈ moo ä moo kpni kukwǐ nu nyo, nyu wùɛ nɔ̀ slě wɔ̀ bɔ̈ nu ɔɔ chɛ̀ jebo siǐn nyu mǒ klě Nyesoa jǐ kɛn keǒ Ɔɔ teteǎ bo tùtuɛ mɔ̀.

Wlǔmɔ 3:28

Tèǒ nì kɔn tè ä boɛ tè wlò popoɛɛ doo tè, nɛ̀ ni nyu jebo siǐn nyu mǒ ɛ̈ see nyu bɔ tùǒ Nyesoaa teteǎ bo.

Wlǔmɔ 4:5

Kɛɛ bɛ̌ nu bɔ̌ se konkwa nu keǒ ɔɔ wowa dɛ mɔ̀, bɔ̌ po Nyesoaa tè kàan tè Ɔ̈ nii nyopòà se pnɔ Ɔɔ ji jebo siǐn nyo mǒ, è Nyesoa mi ɔmoǒ kɔnʼɔ tè wlò popoɛ jebo siǐn nyu mǒ numa.

Wlǔmɔ 9:11

plě ɔ mǐa ɔɔ jlǔǒ kɔn üà sěɛɛ̌a jèe kàan dɛ klee dɛ kukǔ ji, Nyesoa teea lɛ ɛ̈ moo dɛ Ɔ poaa ble ɛ mia tùɔn kpaba,

Wlǔmɔ 9:16

Ii tè ɛ slě ɛ mɔ̀ kɔn dɛ moo aa kɛn wɔɔn dɛ plě dɛ a nii, ɛ se ɛ ɛɛ̌ nu a Nyesoaa nyopò mǒ. Kɛɛ Nyesoaa wɔle je jbojbɛ nɛ̀ ni ɛ.

Wlǔmɔ 9:30

Dɛɛ do ä wɔ̀le je bä sàě ii wlòmo nɛ̀ moo kuodakwɛ̌ üà uǔ pɔ̀n pnɔ ɛɛ le bü moo pnɔɔ jebo siǐn nyo u moo jebo siǐn nyo klě uu tè wlò popoɛ mǒ ɛ̈ u kɔnʼɔ klě Tentǎn Jǔ mǒ,

1 Kwnɛtiɛ̌ 6:11

Aa tìe tùu kmɔ̌ǒ nɛ̀ a ne pnɔě slè plě ǎ bitǐ aa wlè bo, kɛɛ äa Koɔn Jùsu Tentǎn Jǔ klee Nyesoaa Sùsu nì jla amo klě kpni kukwǐ slè nɛ̀ nu a ngmà je ne nyo klee jebo siǐn nyo mǒ klě Nyesoa jǐ kɛn.

Kalesiɛ̌n 2:16

kmɔ̌ neneɛ wɛɛnʼǒ Nyesoa jǐ kɛn le keǒ bɔ tùǒ Jùwɛ nyoo teteǎ bo wòje keǒ Jùwɛ nyo tùu nu nii kàan tè popoɛ. Kɛɛ dɛ ä poo kàan tè nɛ̀ moo nyu wùɛ wɛɛnʼǒ Nyesoa jǐ kɛn le keǒ ɔɔ tè wlò popoɛ ɔ kɔnʼɔ klě Tentǎn Jǔu do mǒ. Ii tè ä kɔn tè wlò popoɛ klě Ɔ mǒ, dɛǒ nɛ̀ nu ɛ ä wɛɛnʼǒ Nyesoa jǐ kɛn le keǒ äa tè wlò popoɛǒ mɔ̀ ɛ̈ see bä tùǒ Jùwɛ nyoo teteǎ bo. Nyu wùɛ nɔ̀ seǒ Nyesoa jǐ kɛne wɛɛn ne keǒ Nyesoaa teteǎ bo tùtuɛ mɔ̀.

Ifisiɛ̌n 2:4

Kɛɛ Nyesoa kɔn wɔle je jbojbɛ chɔɔ plě Ɔ̌ noɛɛ ä mǒ chɔɔ dɔ̌,

Ifisiɛ̌n 4:23

A kɔn ba kɔn dlǒ le sìɛnsiɛn jajlo

Ifisiɛ̌n 5:26

Ɔ nu ɛmo dɛǒ keǒ Bɔ tù u ngmà je Ɔ̌ nu Ɔɔ win klee ně dlǒ popoɛ Ɔ̌ wɔ̀ u sìnɛ

Klasɔ̌n 3:10

plě a tùngmae kmɔ̌ jajlo neneɛ klee a kɔn de jijiɛ jajlo wòje Tentǎn Jǔ Ɔ̈ nye amoo kmɔ̌ jajloǒ.

2 Timɛtě 1:9

Nyesoa Nɔ̀ moo Nyu Ɔ̈ gblà ämo klě kpni kukwǐi plɔɔ tu kɛn bo maěa bobo Ɔ̌ da ämo keǒ bä tù äa chɛ̀ ngmà je. Ɛ se bä nu dɛ tɛ̀ɛ ɛ̈ blɛɛ ɛɛ je, ii tè Bɔ nua ɛmo dɛǒ keǒ ä mɔ̀, kɛɛ plě kmɔ̌à ɛ mǐa wlò tùe ɛ mooa Ɔ ble po dɛ keǒ Bɔ kɔna Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ klě tè wlò popoɛ mǒ ɛ̈ ä kɔnʼɔ klě Tentǎn Jǔ Jùsu mǒ.

Taetɔ̌ 3:4

Kɛɛ Nyesoa Ɔ̈ moo äa Wowa Nyu Nɔ̀ po Ɔɔ kàan wlò klee mǒ noɛnoɛ pepě mǒ keǒ ä mɔ̀

Hiblǔ 10:22

a nɛ bä sɛ̀n ɛ nynɛ̌ bä konwaě Nyesoa le keǒ äa wlò wùɛ mɔ̀ bä kɔn wlò je kunkuɛn ɛ̈ moo Ɔ mi ä jebo kmema. Mɛ kɔɔ̌n tèǒ joo nɛ̀ moo äa tè le jbojbɛ Jùsuu nymɔ gblàe ɛ kɛne ɛ̈ snǎě ämoo mɔ̀le ɛ̈ sàě ämoo kpni kukwǐi tè jɛɛa bobo klee äa fǒ jlae le klě něà mɔ̀ ɛ̈ snǎ lěe mɔ̀le.

Hiblǔ 4:16

Tèǒ nì kɔn tè a nɛ bä kɔn kponkpɛ bä muě klě Nyesoa mɔ̀ Ɔ̈ kɔnʼɔ wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ ä mɔ̀ ɛ̈ di ɛɛ numa bä ke mǒ sèsɛ jlɛ̌ Ɔ mǐ ä wɔle je jbo klee Ɔ mǐ ä Ɔɔ wlòo jlajlǎ dɛǒ nye.

Hiblǔ 6:6

bǔ kplɛɛǒ uu tè wlò popoɛ kɛn, u slě wɔ̀ bu bitǐ uu wlè bo de u mǐ tè wlò le poo lo. Dɛǒ u nuu ɛ wǒ je keà u kɔǒo Nyesoaa Jǔà pète bɛ̌ tu jleě de plě ɛ moo u kpaǒ Ɔ klɔ̀ slè ǔ sà Ɔ kǔ kɛn.

1 Pitɛ̌ 1:3

De bìsea keǒ Nyesoa mɔ̀ Ɔ̈ moo äa Koɔn Jùsu Tentǎn Jǔu Gbeǐ Ɔ̈ kɔnaa wɔle je jbojbɛ chɔɔ keǒ ä mɔ̀ plě Ɔ̈ nyea ämoo wlò je kunkuɛn keǒ kmɔ̌ sie fònfno mɔ̀ ɛ̈ Ɔ jaeěe Tentǎn Jǔ Jùsuu jemǒ duduɛ̌ mǒ keǒ Bɔ sɔnʼě kǒla mǒ.

1 Pitɛ̌ 2:10

A se pnɔ Ɔɔ nyopò, kɛɛ klě tǐà wlòmo a moo Ɔɔ nyopò. A se pnɔ Nyesoaa wɔle je jbojbɛ kɔn, kɛɛ klě tǐà wlòmo Ɔ kɔn ɛ ne keǒ a mɔ̀.

1 Pitɛ̌ 3:21

Něǒ nɛ̀ nynanaǒ ně dlǒ popoɛ pènmo bo ɛ̈ gblà amoo klě tǐà wlòmo. Ně dlǒ popoɛ se nyu bɔ jla ɔɔ fǒ le bɔ sà mnǒ fǒ měne, kɛɛ ɛ moo pee win klě Nyesoa mɔ̀ ï sonwɛ lěe nyuu chɛ̀ɛ tè le jbojbɛ mǒ ɛ̈ snǎ lěe mɔ̀le. Jùsu Tentǎn Jǔ dǔ jemǒ Ɔ̌ sɔnʼě kǒla mǒ, ii tè Ně dlǒ popoɛ nɛ̀ gblà amo klě kpni kukwǐi plɔɔ tu kɛn bo maěa bobo.