Taetɔ̌ 3:3 - Nyesoaa Kuo Win Jajle

³ Bi beěè wlò jleě ä moo pnɔ nyopòà kɔn plɔ kǒaa klee üǔ tùaǒo Nyesoa bo. U booa ä mǒ no plě ä mooa kèiapo keǒ kmɔ̌ kukǔu jlajlǎ dɛ wùɛ mɔ̀ klee ɛɛ plɔɔ bloo noǎa doědoe. Ä nea pnɔě kmɔ̌ kukǔ slè klee chea nunuɛ, ä fonfaea ne plě nyopò tùu faenʼa ämo ke.

Taetɔ̌ 3:3 ပူးပေါင်းရင်းမြစ်များ

Matiɔ̌n 21:29

È ɔɔ jǔ tùa ɔ kɛ̀ɛn ɔ je, ‘Òooǒn, Ě slě muma mu.’ Kɛɛ ɔ neaǒ ne è wlò jɛɛa ɔ tè, è nɔ̀ǒ bɔɔ̌a demǒ ɔ̈ muaě chè mǒ ɔ̈ mua konkwa mɔ̀.

Lǔkù 21:8

Ɔ̀ tùa u kɛ̀ɛn Ɔ je, “Ba tù aa chɛ̀ jǐ mɔ̀ nyu tɔ̀ɔ ně di a mǒ boo lo. Mɛ̌oǒ joo nɛ̀ moo nyopò fòfoa nù miǎě Ně nynɛ̌ wlòmo diiba, kě u miǎ dǎba ɛ̈ moo, ‘Mǒà mǒ moo Nyesoaa Tentǎn Jǔ, demǒ bɔɔ̌ tǐ nìà,’ kɛɛ aǎ nɛ u de.

Jɔ̀ɔ̌n 8:34

È kě Jùsu dɛ̌a u je Ɔ je, “Ě tmɛɛ̌ a kàan tè, nyu wùɛ ɔ̈ moo dɛ kukǔ nu nyu ɔ neeě kpni kukwǐi kpě bobo.

Wlǔmɔ 11:30

Amo kuodakwɛ̌ a sea pnɔǒ Nyesoa tù, kɛɛ Jùwɛ nyo seǒ Ɔ tù ke, tèǒ nì kɔn tè klě tǐà wlòmo Nyesoa kɔn wɔle je jbojbɛ keǒ a mɔ̀.

Wlǔmɔ 6:12

Tèǒ nì kɔn tè aǎ sonwɛǒ kpni kukwǐ mɔ̀ mǒ iǐ kwɛn a win kwa keǒ ba po noǎ kukwǐǒ aa wlò jlɛ̌ɛ nɔkǔ jebo.

Wlǔmɔ 6:17

Tǐ gbeià sìnʼaa a mooa kèiapo keǒ kpni kukwǐ mɔ̀, kɛɛ ä pe Nyesoa tàto keǒ ba di aa wlè wùɛ kwlǎ mǒ sà ba diǒ Ɔ bo tù, ba mǒ jebo siǐn kmɔ̌ǒ u teea amoo ne.

Wlǔmɔ 6:22

È klě tǐà wlòmo Nyesoa sà a kpni kukwǐi kpo bo Ɔ̌ gblà amo ǎ moo Ɔɔ kèiapo. Bɛ̌ nu bǎ ne ngmà je ne kmɔ̌, ɛ miǒ a dɛ bo poba ɛ̈ kɔn dlǒ chlɛ̀chlɛ mi amoo kmɔ̌ sie fònfno nyema.

Wlǔmɔ 6:6

È ke ä nu ɛɛ jijiɛ nɛ̀ moo ä jaě äa kpni kukwǐ kmɔ̌ dakěà ǐ kɔɔǒ pète bɛ̌ tu jleě i klee Tentǎn Jǔu sɔ̌n ɛ̈ di ɛɛ numa ä mǐ kpni kukwǐ fǒ měne sà äǎ dii kɛ̀ kèiapo tù keǒ i mɔ̀.

2 Kwnɛtiɛ̌ 12:20

Ě pe fano de ɛ̈ moo bɛ̌ nu boǒ diě a mɔ̀, Ě miě a dɔ̌ tǔn wlòmo jɛɛba ɛ̈ Ě see lě amoo ja le pɔ̀ɔn no. È a miěě tǔn tɛ̀ɛ wlòmo jeěba ɛ̈ a slě mǒo ja le pɔ̀ɔn no. È noǎ kɔn fano Ě pee Ě miě amoo slè jɛɛba nì moo chɛtlǐia klee chea klee jlo klee wlòo kɛn le kenkěa klee sadoě popoɛ klee de měne boboɔɔa klee de jaě sùsu plě klee nyopò bu jejǎea ja le.

Kalesiɛ̌n 6:3

Bɛ̌ nu nyuà kɔn tè see kun bɔ̌ jě ɛ ɛ̈ moo ɔɔ tè kun nu, ɔ gbee ɔɔ chɛ̀ mǒ no.

Klasɔ̌n 1:21

Dlǒ le sìɛnsiɛnʼǒ a blěaa klee noǎ kukwǐǒ a niaa nì nua amo ǎ tmɔɔ Nyesoa mɔ̀ plě ǎ mooa Ɔɔ jlae nyo.

Klasɔ̌n 3:7

Tǐǒ jleě a nea pnɔě ɛmoo dɛ kukǔ kmɔ̌ǒ slè, dɛɛ doǒ u nii nɛ̀ a nia.

2 Timɛtě 3:13

È dɛ kukǔ nu nyo klee nyopò kɛn jlǐ nyo mi uu kmɔ̌ǒ dlǒ mɔ̀ kpaba chɔɔ, u mǐ nyopò mǒ boo lo klee u mǐ uu chɛ̀ mǒ boo lo ke.

2 Timɛtě 3:6

Uu tìe miě nyopò tùu tà ǔ gbee plɔɔ kokǒ nyno mǒ ü kpni kukwǐ kɔnʼɔ win kwa klee ü nɛɛ kpni kukwǐi ble po noǎa doědoe wùɛ de.

Taetɔ̌ 1:16

U je u ji Nyesoa, kɛɛ uu de nu kmɔ̌ nɛ̀ tee ɛ ɛ̈ moo u se Ɔ ji. Jejlae kmɔ̌ klee seǒ nyu tùtuɛ kɔn nì neě u mǒ plě klee u slě wɔ̀ bu nu kàan dɛ wùɛ.

Taetɔ̌ 2:12

Ɔ tee ɛ ä le keǒ bä tɛ äa se Nyesoa ji kmɔ̌à bo klee kmɔ̌ɔ noǎ ä jlɛ̌ɛ, è bä jiǒ äa chɛ̀ɛ wlò mɔ̀ kwa bleblɛ̌ klee bä siǐnʼǒ jebo plě klě tǐà wlòmo bä nee Nyesoa dɛ kmɔ̌ kělɔ kmɔ̌à ä neɔɔ mɔ̀

Jìmǐse 1:26

Bɛ̌ nu nyuà ɔ̈ kɔn lě ɛɛ wlò jleě ɛ̈ moo ɔ moo Nyesoa nyuò plě ɔ̈ɔ̌ tù ɔɔ chɛ̀ɛ boɔboɔ win jǐ mɔ̀, ɔ gbee ɔɔ chɛ̀ mǒ no, è ɔɔ Nyesoa wɛ̀ sèsaǒ ɛ moo flo.

1 Pitɛ̌ 1:14

A tùǒ Nyesoa bo wòje Ɔɔ jlǔ, è aǎ ne kmɔ̌ kukǔǒ a ne pnɔɔ plě ǎ jii kàan dɛɛ tè.

Wlɛ̀velesɔ̌n 12:9

Dɔsmɛ fòɛǒ ǔ sàlaě ɔ jɔkɛn. Nɔ̀ moo smɛ kpaklǎà u dɛɛ kǔ ɔ̀ɔ̌ Setɛ̀n ɔ̈ boo kmɔ̌ wùɛà mǒ. U tuǔnʼa lɔɔ klee ɔɔ nablewa blǒ mɔ̀.

Wlɛ̀velesɔ̌n 13:14

Nɔ̀ booa nyopò wùɛ ü nea nɔɔ blǒɔ mɔ̀ keǒ ɔɔ wlòlekaen noǎ ɔ niaa mɔ̀ ï u sɔnaǒ ɔɔ mɔ̀ mǒ bɔ nuaa keǒ klekle nmiǒ pènmo. Ɔ tmɔɔ̌a nu bu nua klekle nmiǒ ɔɔ sùsu tu bɛ nynanaǒ ɔ pènmo bo keǒ ɔɔ tùtuɛ mɔ̀ ɔ̈ u nuaa pan u tbalaa dɛ, kɛɛ ɔ̈ neěa jèe kmɔ̌.

Wlɛ̀velesɔ̌n 18:2

Ɔ pnǎna dɛ jleě klě kpě kɛne win wlòmo, kě ɔ dǎla ɔ je, “Babòlɔn fòɛ wlɛ mǒ blǒ! Ɛ monoo kɛ̀ tùɔnʼà kɔn kɛn kǔ sìsi neěe klee se wòn le wɛ̀ sìsi plě noeà see sìnɛ wɛ̀ klee ä faen nee.