Taetɔ̌ 3:2 - Nyesoaa Kuo Win Jajle

² Tmɔɔ̌ u buǔ boɛ nyu wùɛ win kukwǐ fǒ měne klee buǔ wɛ̀n, kɛɛ bu kɔn wlèe sɔ̌n keǒ nyopò tùu mɔ̀ klee tǐ wùɛ mɔ̀ bu tìeǒ uu chɛ̀ ja keǒ nyu wùɛ mɔ̀.

Taetɔ̌ 3:2 ပူးပေါင်းရင်းမြစ်များ

Matiɔ̌n 11:29

Ně konkwaǒ a mii numa ba pe ɛɛ kplɛkplɛɛ dɔ plě ba chěn neě mɔ̀. Dɛ ɛ nuu nɛ̀ moo Ě kɔn wlò dbadbǎ plě Ě nu kàan. Tèǒ nì kɔn tè a mi fefɛ jěba klě aa sùsu mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 23:5

Ɔ tùa u kɛ̀ɛn ɔ je, “Ně mɔ̀niapo ale, amo kpaǒ kɛ̀ɛn, Ě se i ji ɛ̈ moo ɔ moo Nyesoaa bodiɔ. Bɛ̌ nu bò jii li, Ě see ɛ boɔba mu. Mɛ̌oǒ joo nɛ̀ moo ɛ chleě le klě Nyesoaa win wlòmo ɛ̈ moo, ‘Nè boɛ dɛ ɛ̈ moo win kukwǐ keǒ nyopòà kɔn aa nyopò win kwa jleě mǒ.’ ” (Ex 22.28)

1 Kwnɛtiɛ̌ 6:10

klee jlǐ nyo klee wnɔwnǔ wlògbae nyo klee nmɔ nǎ nyo plě nyopò wùɛà ü pee nyopò tùu sen kɛne klee nyopòà nii kpě ü sɛ̀ɛ nyopò tùu noǎ kwa le, uu wùɛǒ Nyesoa se u win kwa kɔnma mu.

1 Kwnɛtiɛ̌ 9:19

Kàan tè Ě moo nyu ɔ̈ wanʼa dbǐ mǒ plě Ě se kèi keǒ nyu wùɛ mɔ̀, kɛɛ Ě nu ně chɛ̀ wòje kèi keǒ nyu wùɛ mɔ̀ ɛ̈ di ɛɛ numa Ě mǐ nyopò fòfoaa wlè bo bitǐ keǒ Nyesoa mɔ̀.

2 Kwnɛtiɛ̌ 10:1

Mǒ Pɔ̀ɔ̌ mǒà gbɛ̀ɛ ɛ a wan klě kàan dɛ klee wlò dbadbǎ mǒ wòje ke Tentǎn Jǔ nuaa. Kě aa tìe tùu dɛ̌ ɛ̈ moo bɛ̌ nu a klee mǒ bä neǒ tàa do, è Ě slɔ̀ɔ je keǒ bo boɔ dɛ keǒ a jemǒ, kɛɛ boǒ tmɔɔ a mɔ̀ plě Ě kwin jele Ě chlě chněedɛ̌ jakǎ klě a mɔ̀.

2 Kwnɛtiɛ̌ 12:20

Ě pe fano de ɛ̈ moo bɛ̌ nu boǒ diě a mɔ̀, Ě miě a dɔ̌ tǔn wlòmo jɛɛba ɛ̈ Ě see lě amoo ja le pɔ̀ɔn no. È a miěě tǔn tɛ̀ɛ wlòmo jeěba ɛ̈ a slě mǒo ja le pɔ̀ɔn no. È noǎ kɔn fano Ě pee Ě miě amoo slè jɛɛba nì moo chɛtlǐia klee chea klee jlo klee wlòo kɛn le kenkěa klee sadoě popoɛ klee de měne boboɔɔa klee de jaě sùsu plě klee nyopò bu jejǎea ja le.

Kalesiɛ̌n 5:22

Kɛɛ noǎ kɔn tè Ngmà Je Ne Sùsu kɔn lěe mɔ̀ nì moo mǒ noɛnoɛ klee chǒn le nunuɛ klee ně bo wnawna klee wlò dbadbǎ klee wlòo jǐlenmɔnmɔ klee kàan dɛ nunuɛ klee nyopò bu kɔn lěè wlò je kunkuɛn mǒ

Kalesiɛ̌n 6:1

Ně bǐì Tentǎn Jǔu wǎn ane, bɛ̌ nu bo nyu bɔ̌ ke dɛ kukǔ ni bǎ kme ɔ, è amoǒ Nyesoaa Sùsu neěe ja, a poě nyuǒ snǔ mɔ̀le klě ja tìe tǔn mǒ, è ba gbɛ̀ɛ aa chɛ̀ ke aǎ slě měne tèntɛn slè be.

Kalesiɛ̌n 6:10

Tèǒ nì kɔn tè tǐ wùɛ mɔ̀ bɛ̌ nu bä kɔn fɔ̌, è bä nu kàan dɛ keǒ nyu wùɛ mɔ̀, sɛjesɛ keǒ äa bǐì Tentǎn Jǔu wǎn mɔ̀.

Ifisiɛ̌n 4:2

Tǐ wùɛ mɔ̀ a tìeǒ aa chɛ̀ ja klee a kɔn wlèe sɔ̌n, è a kɔn wlò dbadbǎ keǒ nyopò tùu mɔ̀ plě a nonoɛɛ měne.

Ifisiɛ̌n 4:31

Aǎ kwɛn dɛ kukǔu kɛ̀ keǒ aa wlè jleě keǒ nyopò tùu mɔ̀. Bǎ ke jlo pe, aǎ se je kenkan ji. Aǎ ke jlo pe aǎ pnɛ̌ le plě aǎ cheɛɛ̌ nyopò tùu le. Aǎ fɛɛn nyu wùɛ.

Flepiɛ̌n 4:5

A kɔn wlèe sɔ̌n keǒ nyu wùɛ mɔ̀. Koɔn miě diba pase.

1 Tɛseloniǎ 2:7

Ke ɛ toon jleě mǒ bo ä monoo Tentǎn Jǔu tuposà kpa nyo, ä blɛɛ je bä gbàa amo wan keǒ ba sɛ̀ɛ lee ä mǒ, kɛɛ ä kɔn wlèe sɔ̌n keǒ a mɔ̀ keà naǎ kɔnʼǒ ɔɔ jlǔu tè mɔ̀.

1 Timɛtě 3:11

Dɛɛ doǒ nɛ̀ bɛ mono, uu nynoo kmɔ̌ bɛ nu kàan, uǔ boɛɛ nyopò de měne, bu tbaě jǐ mǒ bo plě tǐ wùɛ mɔ̀ bu mǎě sèn bo.

1 Timɛtě 3:3

Bɔɔ̌ moo nyuà nɛ̌ɛ nmɔ ɛ nii plě bɔɔ̌ moo slɛ̀ mɔ̀ neɔ, kɛɛ bɔ moo nyuà kɔnʼɔ wlèe sɔ̌n keǒ nyopò tùu mɔ̀ plě bɔɔ̌ kwɛn bògblɛ klee ɔɔ̌ kwɛn wlěe ngmnano.

Jìmǐse 3:17

Kɛɛ nyopòà kɔn tɔ̀n sɔn lěe Nyesoa mɔ̀ mǒ, u snǎě le mɔ̀ kpǎkpǎ ǔ moo nyopò ü jɛ lěe ně bo wnawna tà plě ǔ kɔn wlèe sɔ̌n keǒ nyopò tùu mɔ̀ ǔ tùiǒ nyopòǒ neǒ uu dlǒ mǒ ǔ kɔn wɔle je jbojbɛ ǔ ni kàan dɛ ǔ mǎ lě sèn bo, è měne chlachlǎ slě u mǒ ne.

Jìmǐse 4:11

Ně bǐì Tentǎn Jǔu wǎn ane, baǎ boboɛɛ tè fǒ měne. Nyu wùɛ ɔ̈ mi ɔɔ bǐì Nyesoa nyo tè fǒ měne boɔba plě ɔ̈ mi nuu tè jɛɛba, è sɛjesɛ Nyesoaa teteǎǒ ɔ boɛ tè fǒ měne plě ɔ jɛɛ tè. È bɛ̌ nu bǎ ke ii tè jɛɛ le, è aǎ nu dɛ i boɛɛ, kɛɛ a jɛɛ i tè sosǒ.

1 Pitɛ̌ 2:1

Tèǒ nì kɔn tè noǎ kukwǐ wùɛ a sàě i aa kmɔ̌ neneɛ mǒ, jà sen le tmɔtmɔ̌ klee ä jěè kɛn ä daà kàan chènyɔ Nyesoa nyo kmɔ̌ klee chea kmɔ̌ plě klee sadoě popoɛ.

1 Pitɛ̌ 3:10

wòje keǒ Ɔɔ win dɛ̌ɛ ɛ̈ moo, “Nyu wùɛ bɔ̈ ke ɛ jlɛ̌ keǒ bɔ nee plɔɔ bloblɛ klee kàan tǐ kmɔ̌, è bɔɔ̌ tmɛ̌ sen klee bɔɔ̌ boɛ dɛ kukǔ wùɛ.

1 Pitɛ̌ 3:8

È kě Ě ni win wɔ̀ɔn popoɛ, nɛ bo kɛn wonwɔɔa bɛ neě aa wùɛ slè, a jejěe wɔle jele plě a nonoɛɛ měne wòje Tentǎn Jǔu wǎn. A konkɔɔǒ kàan wlò jleě měne a mǐ aa chɛ̀ ja tìe.

1 Pitɛ̌ 4:4

Klě tǐà wlòmo tà aǎ bee se Nyesoa ji nyoǒ kɛn keǒ ba nee se wòn mɔ̀ɔ wɛ̀ kmɔ̌ǒ, nɛ̀ kɔn tè ɛ kɛɛn u wlò le plě u pe a fla wan.

2 Pitɛ̌ 2:10

Sɛjesɛ Nyesoa mɛɛ̌ǒ nyopòà uu plɔ tu kɛn bo ü uu kpni kukwǐi jlajlǎ dɛ kɔnʼɔ win kwa plě ü sɛ̀ɛǒo Nyesoaa kpěe tè le. Nyopò taeǒ u kun le je plě ǔ jɛɛě uu chɛ̀ le plě uǔ pe fanoo chɛ̀ keǒ bu po najiǒpò fla wan.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:10

Kɛɛ nyopòǒ u cheɛɛ̌ dɛ wùɛ le ɛ̈ kɔn tè u see měne jbo. Noǎ u jboo le nì sùe u gbè wòje bu sɔn pɛna mǒ keà kwlǎ slè soa.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:8

Dɛɛ doǒ nɛ̀ ɛ moo kekɛɛà, kpni kukwǐ nyo jɛ jajii ï ni nuu ǔ sɛ̀ɛǒ uu chɛ̀ɛ blǒ fǒo tè le uǔ tùǒ Nyesoa kpě plě ǔ cheɛɛ̌ tè jǐ boǎ najiǒpò le.