Taetɔ̌ 3:11 - Nyesoaa Kuo Win Jajle

¹¹ Nè chɛ̀ ji ɛle ɛ̈ moo nyu taeǒ ɔ kɔn kmɔ̌ sòan klee ɔ moo kpni kukwǐ nuɔ. Ɔɔ kpni kukwǐ tee ɛ ɛ̈ moo ɔ wlǎǒ lo.

Taetɔ̌ 3:11 ပူးပေါင်းရင်းမြစ်များ

Lǔkù 19:22

Ɔɔ chì kpa ämo tùa lɔ kɛ̀ɛn ɔ je, ‘Mò kpnii jǐlenymi nyebajloà! Nè chɛ̀ɛ boɔboɔ win nì Ě mi kɛn bo nynama Ě mǐ nè tè tù. Jì ɛle ɛ̈ moo ně dɛ kma wan, tàà ně poǒ dɛ bo keǒ Ě sɛ̀ǒ ɛ, è tàà ně dɔ̌ǒo dɛ keǒ Ě chɛ̌nʼǒ ɛ.

Lǔkù 7:30

Kɛɛ Fɛlesǐi wǎn klee teteǎ tee nyo seaǒ Jɔ̀ɔ̌n mɔ̀ mǒ sɔn ɔ sea u ně dlǒ po. Dɛǒ nɛ̀ u nua ǔ sàla Nyesoaa ble po dɛ jleě mɔ̀.

Jɔ̀ɔ̌n 3:18

Nyu wùɛ ɔ̈ mi Ɔɔ tè kàan tè poba ɔ se tè jɛɛa kɔn, kɛɛ nyu wùɛ ɔ̈ se Ɔɔ tè kàan tè po tè jɛɛa nɛ̀ neǒ ɔ kɛn ɛ̌ wɛ̀ mɔ̀le. Mɛ̌oǒ joo nɛ̀ moo ɔɔ̌ po Nyesoaa Jǔu doo tè kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:46

Kɛɛ Pɔ̀ɔ̌ klee Banàbɔ seaě mɛ nyěkà mǒ bo gbà ǔ tùa u kɛ̀ɛn u je, “Ä kɔn bä boɔ amo Jùwɛ nyo Nyesoaa win je klekle, kɛɛ ke ɛ toon jleě mǒ bo ǎ sà lii jleě mɔ̀ plě ǎ jě ɛɛ ɛ̈ moo a seǒ je blɛɛ le keǒ kmɔ̌ sie fònfno mɔ̀, nɛ̀ kɔn tè ä bitǐ bo ä miɔ kuodakwɛ̌ mɔ̀ klě tǐà wlòmo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:24

Ä wɔ̌n dɛ ɛ̈ moo nyopò tùu nù sɔn nɔ ä mɔ̀ mǒ u muě a mɔ̀ ü ä see kbě nye, nù jaě jale jejǎea klě a slè ɛ̈ po aa wlè wɔ̀ɔn, kě u dɛ̌ ɛ̈ moo, ‘A blɛɛ je ba bɛ̌ foeě ba tùǒ Nyesoaa tetě bo plě a mǐ wa.’

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 23:25

Nyefòɛǒ ɔ chlěa chněedɛ̌ ke, kě ɛ dɛ̌a ɛ je,

Wlǔmɔ 3:19

Ä ji ɛle dɛà Nyesoaa teteǎ boɔɔ i boɛ lɛ keǒ nyopòà mɔ̀ ü neěe imo teteǎǒ bobo, dɛǒ nɛ̀ nu ɛ nyuu doo chɛ̀ ně di kanfinǎ kɔn keǒ ɔɔ dɛ kukǔ ɔ nii mɔ̀ klee kmɔ̌ɔ nyopò wùɛ u miǎě Nyesoaa tè tùtuɛ bobo beba.

2 Timɛtě 2:14

Pooě noǎà ii tè nyopòǒ wlòmo ü monoo tee nyo, mì u wlò je wa keǒ Nyesoa jemǒ keǒ buǔ chɛtlǐi win be kɛn. Ɛmo dɛǒ ɛɛ̌ poǒ nyu wùɛ dɛɛ̌dɛ̀ɛ bo, dɛɛ do ɛ nii nɛ̀ moo nyopòǒ wɛ̌n nii nù kɔn tè wlò popoɛ ɛ nymii jǐ le.

Taetɔ̌ 1:11

Kɔ̀n bò kan u je. Bǔ tee noǎà u see je blɛɛ le bu tee lee, è tùgbee tè wlò popoɛǒ u nymii jǐ le. U ni ɛ sosǒ keǒ bu mǐ wlě jě.

Taetɔ̌ 1:14

klee uǔ di Jùwɛ nyoo blětà noǎǒ see kàan tè nɔkǔ jebo po klee uǔ diǒ nyopòà sàa Nyesoaa kàan dɛ jleě mɔ̀ bo tù.

Hiblǔ 10:26

Nyesoa nye ä tè le jbojbɛ keǒ Ɔɔ kàan dɛ mɔ̀, ii tè bɛ̌ nu bä klě ɛ jǐ mǒ bo chè bä ke kpni kukwǐ ni kaǒ, chɔ̀no tɛ̀ɛ see kɛ̀ tà ne keǒ äa kpni kukwǐǒ mɔ̀.