Taetɔ̌ 3:1 - Nyesoaa Kuo Win Jajle

¹ Pooě i Tentǎn Jǔu wǎnʼǒ neěe wlò jleě bu tùǒ blǒo win kwa kɔn nyo klee nyefòapo. Bu po uu win nɔkǔ jebo plě bu wɛ̀ mɔ̀le u mǐ kàan dɛ wùɛ nu.

Taetɔ̌ 3:1 ပူးပေါင်းရင်းမြစ်များ

Matiɔ̌n 22:21

U tùa Ɔ kɛ̀ɛn u je, “Wlǔmɔ nyoo klɔ̀bao.” Ii tè kě Ɔ dɛ̌a u je Ɔ je, “Dɛǒ kɔn lěe klɔ̀ba mɔ̀ a nye ɛ ɔ̀, è dɛǒ kɔn lěe Nyesoa mɔ̀ a nye ɛ Nyesoa.”

1 Kwnɛtiɛ̌ 15:58

Ii tè ně kàan bǐì Tentǎn Jǔu wǎn ane, a nyna bo kpankpa, aǎ wě tùɔn mǒ klě aa tè wlò popoɛ mǒ. Tǐ wùɛ mɔ̀ a poě kbě le a nu Nyesoaa konkwa. Ba kɔn ɛ jijiɛ ɛ̈ moo aa konkwa a nii keǒ Koɔn mɔ̀ ɛ se putu.

Ifisiɛ̌n 2:10

Mɛ kɔɔ̌n tèǒ joo nɛ̀ moo Nyesoa Nɔ̀ nu ämo ä neě tǔnʼà wlòmo keǒ ba kɔn tè wlò popoɛ klě Tentǎn Jǔ Jùsu mǒ ɛ̈ di ɛɛ numa ä mǐ kàan dɛ kmɔ̌ nee ne ke Ɔ jlɛ̌ bä nee, dɛǒ nɛ̀ Ɔ poa ble seela keǒ ä mɔ̀ bä nu.

Flepiɛ̌n 1:11

klee a mǐ mǒ slɛɛ̌ dɛ nu ɛ̈à Tentǎn Jǔ Jùsu nu amoo a wɔ̀le ba nuu ɛ̈ di ɛɛ numa Nyesoa mǐ de bìsee le klee Ɔɔ tè mǒ jǐ boaě le.

Klasɔ̌n 1:10

ɛ̈ di ɛɛ numa a mǐ kmɔ̌ ne wòje keǒ Ɔɔ nyopò blɛɛ je bu nuu klee a mǐ Ɔɔ wlò bloo lo klě wakǎ wùɛ mǒ klee a mǐ Ɔɔ konkwa nu ɛ̈ monoo kàan noǎ wùɛɛ nunuɛ klee a miǒ Ɔ noǎ fòfoa jleě mǒ ji kaǒ.

1 Timɛtě 2:2

Sɛjesɛ bu bàteeǒ klɔ̀bapoo tà klee nyu wùɛà kòngmna kpě neěe kwete mǒ ɛ̈ di ɛɛ numa ä mǐ kmɔ̌ ne klě ně bo wnawna mǒ, fano ɛɛ̌ di ä nu ä mǐ Nyesoaa konkwa nu klee ä mǐ mǒ slɛɛ̌ dɛ nu.

1 Timɛtě 4:6

Bɛ̌ nu noǎǒ bò tee i Tentǎn Jǔu wǎnʼǒ neěe tàě, è mì kàan na wien po nyebajlo tùba keǒ Tentǎn Jǔ Jùsu mɔ̀ plě ɛ̌ tee ɛ sɛjesɛ ɛ̈ moo jbò tuposàǒ le ɛ̈ kwɛɛǒo tè wlò popoɛ klee kàan teea jleě mǒ bo ɛ̈ dùaa kmɔ̌ neea mǒ.

1 Timɛtě 5:10

Bo nyopò bu ji ɛ ke ɛ̈ moo koti nynɔǒ ɔ ni le kàan noǎ ï monoo ɔɔ jlǔ le sèsa klee bɔ kme nyopò jebo ü miě ɔɔ tà diba klee bɔ jla ɔɔ bǐì Tentǎn Jǔu wǎn be le klee bɔ sɛ̀ɛ nyopò mǒ ü neěe tǐ jakě slè plě klee bɔ nu jǐ měne keǒ kàan noǎ wùɛ ii nunu tè mɔ̀.

2 Timɛtě 1:6

Tèǒ nì kɔn tè Ě peeě iì wlòmo, tǐǒ jleě Ě poa mòo sonwe dlǒ bo, Sùsuu nyee dɛǒ Nyesoa nye mòo nuu ɛ konkwa ke ɛ nuě ɛɛ wòwɔ.

2 Timɛtě 2:14

Pooě noǎà ii tè nyopòǒ wlòmo ü monoo tee nyo, mì u wlò je wa keǒ Nyesoa jemǒ keǒ buǔ chɛtlǐi win be kɛn. Ɛmo dɛǒ ɛɛ̌ poǒ nyu wùɛ dɛɛ̌dɛ̀ɛ bo, dɛɛ do ɛ nii nɛ̀ moo nyopòǒ wɛ̌n nii nù kɔn tè wlò popoɛ ɛ nymii jǐ le.

2 Timɛtě 2:21

Bɛ̌ nu nyu bɔ̌ snǎě ɔɔ chɛ̀ mɔ̀le bɔ̌ tɛ dɛ kukǔ nunuɛ bo, ɔ mi je wǒba chěleaǒ tè kmɛ kekɛɛ plě u ninii dɛ mǒ. Ɔ mi ngmà je nema plě ɔ mǐ konkwa fòɛ kɔn keǒ Nyesoa mɔ̀, è ɔ mi mɔ̀le wɛ̀ba keǒ bɔ nu kàan konkwa wùɛɛ doědoe.

Taetɔ̌ 1:16

U je u ji Nyesoa, kɛɛ uu de nu kmɔ̌ nɛ̀ tee ɛ ɛ̈ moo u se Ɔ ji. Jejlae kmɔ̌ klee seǒ nyu tùtuɛ kɔn nì neě u mǒ plě klee u slě wɔ̀ bu nu kàan dɛ wùɛ.

Taetɔ̌ 2:14

Tentǎn Jǔ koǒǒ äa tèe tà keǒ ä mǒ dbǐ mǒ wan klě kmɔ̌ kukǔ wùɛ slè plě Ɔ mǐ ä mɔ̀le snǎ nyo mǒ nu ü kɔnʼǒ Ɔɔ mɔ̀ɔ do plě ü kɔn fě nymɛ̌ɛ bü nuu kàan dɛ.

Taetɔ̌ 3:14

Äa nyopò bu chěn ɛ ke bu nuǒ uu tǐ sèsa keǒ kàan dɛ nunuɛ mɔ̀ ɛ̈ di ɛɛ numa dɛǒ u sòɛɛ u mǐ ɛ kɔn klee uu kmɔ̌ neneɛ mǐ dɛ wlòmo sɔn.

Taetɔ̌ 3:8

Dɛǒ nɛ̀ moo kàan tè! Bɛ̌ nu bò ke tee le, imo noǎǒ nì Ě jlɛ̌ bò maě mɛ debo ɛ̈ di ɛɛ numa nyopòǒ kpae lee Nyesoa wlò u mǐ ɛ mǒ tɛ̀n keǒ bu sàǒ tǐ bu nu dɛǒ monoo kàan dɛ. Keǒ bo nyu bɔ nu kàan konkwa ɛ nu kàan plě ɛ̌ peǒ nyopò wùɛ dɛ bo.

Hiblǔ 13:21

Nɛ bo Nyesoa Bɔ nye a kàan noǎ wùɛ ɛ̈ di ɛɛ numa a miě ɛ wɔ̀ a mǐ Ɔɔ kɛn wɔɔn dɛ nu plě Bɔ nu dɛǒ blee Ɔɔ plɔ klě ä mǒ ɛ̈ diiě Jùsu Tentǎn Jǔ mǒ. Nɛ Tentǎn Jǔ Bɔ kɔn tè jǐ boaboǎ ke ɛ mii jleě mǒ bo tonma, kě bɛ ne.

2 Pitɛ̌ 1:12

Tèǒ nì kɔn tè baǎje a ji ili plě ǎ blěǒ Nyesoaa kàan dɛà mɔ̀ kwa kpankpa, tǐ wùɛ mɔ̀ Ě miě i a wlòmo pooba keǒ imo noǎǒ ii tè mɔ̀.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:5

Kàan tè a ji noǎ wùɛà le ɛ̌ wɛ̀ mɔ̀le, kɛɛ Ě jlɛ̌ bo pooě i a wlòmo ke Koɔn Nyesoa nua Nɔɔ nyopò gblàgbla Ɔ nuaě uu Ǐjɛ̀te blǒ kɛn sèsa. Kɛɛ tà Ɔ sàlaě uu ɛ sìnʼaa, nyopòǒ sea Lɔɔ wlò je kuun nu nù kɔn do Ɔ sùea gbè.