Taetɔ̌ 2:8 - Nyesoaa Kuo Win Jajle

⁸ Nè boɔboɔ win bi pàe chnɛ̀ le ï nyu wùɛ slě wɔ̀ bɔ boɔǒo dɛ jleě mǒ ɛ̈ di ɛɛ numa nè jlae nyo mǒ tònwe měne be plě uǔ di dɛ kukǔ kɔn u miǒ ämoo jleě mǒ boɔ.

Taetɔ̌ 2:8 ပူးပေါင်းရင်းမြစ်များ

Mǎkè 12:17

È kě Ɔ dɛ̌a u je Ɔ je, “Dɛǒ kɔn lěe klɔ̀ba mɔ̀ a nye ɛ ɔ̀, è dɛǒ kɔn lěe Nyesoa mɔ̀ a nye ɛ Nyesoa.” È tà u wɔ̌na imoo tèǒ, ì kaenʼa uu wùɛǒ le wlò keǒ Ɔ jleě mǒ.

Mǎkè 12:28

Teteǎ tee nyu tɔ̀ɔ nɔ̀ dia lě ɔ̈ wɛ̌na chɛtlǐiaǒ u klee Jùsu kwɛnaa ɔ̌ jia lɛ ɛ̈ moo Jùsu tùa u kɛ̀ɛn tɛɛ, ii tè ɔ gbàla Jùsu wan ɔ je, “È klě Nyesoaa teteǎà slè tetě tae kɔn tè kuǔn kɛ chɔɔ dɔ̌?”

Mǎkè 12:32

È kě teteǎ tee nyuǒ ɔ dɛ̌a Jùsu je ɔ je, “Tee Nyu, kàan tè nìǒ bòɔ, i moo kàan tè È boɔ li ɛ̈ moo, ‘Nyesoa ne do sosǒ, nyesoa tɔ̀ɔ see kɛ̀ Ɔ debo mǎ.’ (Deut 4.35, Is 45.21)

Mǎkè 12:34

Tà Jùsu wɔ̌na ɔɔ kɛ̀ɛn tùtuɛǒ, è tɔ̀n neaě ɛ wlòmo, kě Ɔ dɛ̌a teteǎ tee nyuǒ je Ɔ je, “Keǒ bo Nyesoa Bɔ kɔn nè kmɔ̌ neneɛ win kwa ɛ seè mɔ̀ tmɔɔ no.” È sɔɔnʼa kɛ̀ǒ tǐǒ jleě mǒ nyu wùɛ nɔ̀ sea je le kun ɔ̈ mǐa Ɔ wan gbà de.

Lǔkù 13:17

È dɛǒ Ɔ boɔlaa ɛ poa Ɔɔ jlae nyo tònwe je, kɛɛ nyopò tùu wùɛǒ neaǒo uu plɛ bloa le keǒ wlòlekaen noǎ wùɛ Ɔ niaa mɔ̀.

2 Tɛseloniǎ 3:14

Bɛ̌ nu bo nyu wùɛ bɔ̌ seǒ chněedɛ̌à ä chleě amoo mɔ̀ ɛɛ win tù, ba maě ɔmo nyuǒ jleě kɛn bo, è ɔ klee amo aǎ bebee mɔ̀ aǎ niǒ dɛ tàa do ɛ̈ di ɛɛ numa tònwe miǒ ɔ je be.

1 Timɛtě 5:14

Ně wlò jě ɛ ɛ̈ moo tògba nynɔ bɔ pa tǐn koǔ bo de ɔ mǐ jlǔ kɔn klee ɔ miě ɔɔ koǔu tè mɔ̀ kɔn. Ɔɔ̌ nye äa jlae nyo fɔ̌ keǒ bu kɔn dɛ kukǔ bu boɔɔ keǒ ä jleě mǒ.

1 Timɛtě 6:3

Bɛ̌ nu bo nyu bɔ̌ tee dɛ ɛ̈ nee dɔ̌ keǒ i mɔ̀ plě bɔ̌ se noǎà slɛɛ̌ mǒo ii tè kɛn wɔɔn no ïà äa Koɔn Jùsu Tentǎn Jǔ teea klee bɔ̌ se teeaǒ a tee lee ɛɛ tè kɛn wɔɔn no ɛ̈ moo ä kɔn bä ne ngmà je ne kmɔ̌,

Taetɔ̌ 3:14

Äa nyopò bu chěn ɛ ke bu nuǒ uu tǐ sèsa keǒ kàan dɛ nunuɛ mɔ̀ ɛ̈ di ɛɛ numa dɛǒ u sòɛɛ u mǐ ɛ kɔn klee uu kmɔ̌ neneɛ mǐ dɛ wlòmo sɔn.

1 Pitɛ̌ 2:12

A ne kàan kmɔ̌ klě se Nyesoa ji nyo slè ɛ̈ di ɛɛ numa bɛ̌ nu uu nyu bɔ̌ wǒ a lee chɛ̀ ɛ̈ moo a ni kenkan dɛ klě tǐ gbei wlòmo, u mi aa kàan dɛǒ a nii jěba uu wlè mǐ bo bitǐ, è chnɛ̀ jlǒ waěǒ Nyesoa miǎa je tbaeba, u miǎ Ɔɔ nynɛ̌ le po.

1 Pitɛ̌ 2:15

Mɛ̌oǒ joo nɛ̀ moo dɛǒ nɛ̀ moo Nyesoaa kɛn wɔɔn dɛ ɛ̈ moo ba nu kàan dɛ, dɛǒ nɛ̀ bǎ nu, nɛ̀ mi nyopòà kaen wan poba ü kɔn plɛ kǒo ü see dɛɛ tè měne ji.

1 Pitɛ̌ 3:16

Kɛɛ bɛ̌ nu bǎ ke nyopòǒ kɛ̀ɛn tùi, a nu ɛ klě ja tìe tǔn mǒ klee bo tùtuɛ. Aa tè le jbojbɛǒ neě amoo mǒ bɛ snǎě mɔ̀le ɛ̈ di ɛɛ numa tònwe mi nyopòǒ nu ü boɛɛ win kukwǐ keǒ aa kàan dɛǒ jleě mǒ ɛ̈ neě amoo mǒ ɛ̈ a nii ǎ nii Tentǎn Jǔu konkwa.