Taetɔ̌ 2:7 - Nyesoaa Kuo Win Jajle

⁷ Nè chɛ̀ mò bɔ moo ɛɛ jboo dɛ keǒ u mɔ̀ keǒ kàan noǎ wùɛ mìi numa mɔ̀. Bò ke tee le, nu ɛ bu ji ɛ ɛ̈ moo noǎǒ tèe le sɛ̀n ɛ nynɛ̌ plě i moo kàan tè è boɛ li.

Taetɔ̌ 2:7 ပူးပေါင်းရင်းမြစ်များ

2 Kwnɛtiɛ̌ 1:12

Ɛ kɔn dɛ tɛ̀ɛ kɔn tè ä kuun kɛn le, è äa tè le jbojbɛ tmɛɛ̌ ämo ɛ̈ moo ɛ moo kàan dɛ. Nyesoa Nɔ̀ sɛ̀ɛ ä mǒ nɛ̀ nu ɛ tǐ wùɛ mɔ̀ ä ni dɛ keǒ nyopò wùɛ mɔ̀, sɛjesɛ keǒ amoà mɔ̀ klě kwa nmɔnmɔ klee sèn bo momǎ mǒ. Ɛ moo Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ nɛ̀ǒ ni ɛmoǒ, ɛ se tùonyugbee tɔ̀n ɛ se ä nu ä se ɛmoǒ nu.

2 Kwnɛtiɛ̌ 2:17

Nyesoaa winʼà ä boɛɛ äǎ tba nyopò dɛ mǒ wòje keǒ nyopòo dɛ fòfoa nii, kɛɛ keǒ nyopòà Nyesoa dboo u nuu, kě ä nu ä mǎě sèn bo ä boɛ klě Tentǎn Jǔu kpě wlòmo keǒ Nyesoa jemǒ.

2 Kwnɛtiɛ̌ 4:2

Kɛɛ ä poo je wɛ̌ noǎa kukwǐ klee tònwe noǎ kukwǐ wakǎ mɔ̀. Äǎ nu dɛ bɛ̈ boo loo nyu mǒ plě äǎ tetbɛɛě Nyesoaa win kɛne, kɛɛ ä boɛ kàan dɛ ɛ̈ pàe lee chnɛ̀ le, è nyu wùɛ ɔ̈ kɔn wlò snǎěe kɛn le keǒ Nyesoa jemǒ nɔ̀ mi a tmɔɔ̌ma ɛ̈ moo i moo kàan tè.

2 Kwnɛtiɛ̌ 8:8

Ɛ se bo kpae a kbě keǒ ba sà wlě, kɛɛ Ě tbaě a bo Ě mǐ ɛ jě ke a nu ɛɛ nynɛ̌ sènsɛn keǒ nyopò tùu mǒ noɛnoɛ mɔ̀, nɛ̀ kɔn tè Ě pe ɛ ke nyopò tùu wlè nii jɔ měne bebeɛ je keǒ bu sɛ̀ɛ lee nyopò tùu měne.

Ifisiɛ̌n 6:24

Nɛ bo Nyesoaa wlòo jlajlǎ dɛà ɛ̈ɛ̌ sà Lɔɔ wlò kǔ mǒ keǒ nyopò wùɛ mɔ̀ bɛ muu nya ü noɛɛ äa Koɔn Jùsu Tentǎn Jǔ mǒ plě ü kɔn mǒ noɛnoɛ sěɛɛ dɛ bɛ̌ keǒ Ɔ mɔ̀.

Flepiɛ̌n 1:10

È ba wɔ̀ě ɛ keǒ ba tba kàan noǎǒ a miǒ jleě měne nunuuma. Dɛǒ nɛ̀ mi a mǒ sɛ̀ɛba a miě mɔ̀le snǎ klee aǎ di tè jɛɛa kɔn keǒ chnɛ̀ jlǒ waěǒ Tentǎn Jǔ miǎa de diba mɔ̀

2 Tɛseloniǎ 3:9

Ä blěa kpě keǒ bä gbàla a wan keǒ mǒ sɛ̀ɛa mɔ̀, kɛɛ ä sea ɛ nu ɛ̈ di ɛɛ numa ä mǐa ɛɛ tee dɛ tù keǒ a mɔ̀, a mǐaě äa fì le sà.

1 Timɛtě 4:12

Nè sonwɛǒ nyu wùɛ mɔ̀ mǒ ɔɔ̌ jleě ɛɛ̌ dlii liì dlǒ měne tà mònoo nyemò tè, kɛɛ mò bɔ moo ɛɛ jboo dɛ keǒ kàan tè po nyo mɔ̀ u miě nè fì le sà. Boɔɔ kàan noǎa tè kɛn, jiǒ dìee wlò mɔ̀ kwa bleblɛ̌ tɛɛ klee noɛɛ nyopò tùu mǒ plě nyopò bu kuun nuù wlò je klee mìě mɔ̀le snǎ.

1 Timɛtě 5:10

Bo nyopò bu ji ɛ ke ɛ̈ moo koti nynɔǒ ɔ ni le kàan noǎ ï monoo ɔɔ jlǔ le sèsa klee bɔ kme nyopò jebo ü miě ɔɔ tà diba klee bɔ jla ɔɔ bǐì Tentǎn Jǔu wǎn be le klee bɔ sɛ̀ɛ nyopò mǒ ü neěe tǐ jakě slè plě klee bɔ nu jǐ měne keǒ kàan noǎ wùɛ ii nunu tè mɔ̀.

Taetɔ̌ 3:8

Dɛǒ nɛ̀ moo kàan tè! Bɛ̌ nu bò ke tee le, imo noǎǒ nì Ě jlɛ̌ bò maě mɛ debo ɛ̈ di ɛɛ numa nyopòǒ kpae lee Nyesoa wlò u mǐ ɛ mǒ tɛ̀n keǒ bu sàǒ tǐ bu nu dɛǒ monoo kàan dɛ. Keǒ bo nyu bɔ nu kàan konkwa ɛ nu kàan plě ɛ̌ peǒ nyopò wùɛ dɛ bo.

1 Pitɛ̌ 5:3

Nyopòǒ Nyesoa poě amoo kwete mǒ aǎ ne u dlǒ bo, kɛɛ a moo ɛɛ jboo dɛ keǒ u mɔ̀ u mǐi de na.