Taetɔ̌ 2:2 - Nyesoaa Kuo Win Jajle

² Tee kunkunyo ke bu nuě jǐ mǒ bo tbatba klee bu nu noǎ nyopò miǒ u tùtuɛ nye klee bu jiǒ uu chɛ̀ɛ wlò mɔ̀ kwa bleblɛ̌. Uu tè wlò popoɛǒ u kɔnʼɔ klě Tentǎn Jǔ Jùsu mǒ bɛ nyna bo kpankpa klee bu noɛɛ Nyesoa klee tùonyopo mǒ plě bu ji tǐ jakě wùɛ jebo nynanyna.

Taetɔ̌ 2:2 ပူးပေါင်းရင်းမြစ်များ

Mǎkè 5:15

Tà u nyniaǒo Jùsu mɔ̀, ù jěa jbɛjuǒ kǔ sìsi fòfoa nea lěe ja ɔ̌ nea bo ɔ̌ poa wlawlě měne plě ɔɔ dlǒ beaǒ snǔ mɔ̀, ùu wùɛǒ ù pea fano.

Lǔkù 8:35

È nyopò nùǒ kpala dǐa plùplɛ klě Jùsu mɔ̀ u mǐa dɛǒ kpalaa tùɔn jě. È tà u nyniaǒo, u jɛɛaǒ jbɛjuǒ kǔ sìsiǒ i sɔnaěe ja mǒ ɔ̌ nea bo keǒ Jùsuu be wakǎ mǒ ɔ̌ poa wlawlě měne ɔɔ dlǒ beaǒ snǔ mɔ̀. È tà u jěaa dɛǒ, u pea Jùsuu fano. Mɛ kɔɔ̌n tèǒ joo nɛ̀ moo u sea dɛǒ kpalaa tùɔn le jbo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:25

Kɛɛ tà Pɔ̀ɔ̌ tùngmaeaa jebo siǐan klee ke nyu bɔ nu ɔɔ chɛ̀ win kwa konkɔn plě klee Nyesoaa blilǐ tù chnɛ̀ jlǒ waěe tè kɛn boɔɔa, è Felesè bea mǒ fano, kě ɔ dɛ̌a ɔ je ɔ je, “Noǎǒ bòɔɔ i nu seɔɔn klě tǐà wlòmo! Mu, bɛ̌ nu boǒ wɛ̀ mɔ̀ de, Ě miì daba.”

Wlǔmɔ 12:3

Nyesoa nyeě nyee dɛ ɛ̈ moo Ɔɔ mǒ noɛnoɛ keǒ aa wùɛ mɔ̀. Tèǒ nì kɔn tè Ě tmɛɛ̌ amo, aa nyu ně jě ɔɔ chɛ̀ nyu mǒ chɔɔ ɛɛ̌ sìnʼǒ le. Kɛɛ nyu wùɛ bɔ jě ɔɔ chɛ̀ɛ tǔnʼǒ ɔ neěe wlòmo, ɔɔ wlò bɛ bloo ɛ kɛn, ɛ klee tè wlò popoɛǒ Nyesoa nye amoo bi wonwɔɔ kɛn.

1 Kwnɛtiɛ̌ 15:34

A di aa chɛ̀ mɔ̀ a mǐ kpni kukwǐ bɔ̌. Aa tìe tùu ni dɛ wòje keà nyu see Nyesoa ji, Ě boɛ ili ɛ miǒ a tònwe je po.

1 Kwnɛtiɛ̌ 9:25

Nyu wùɛ ɔ̈ monoo jǎgbàiple ɔ peě kbě ɔ̌ chěn gbàe wònwɔn ɛ̈ di ɛɛ numa ɔ mǐ duduɛ kɔn. Bɛ̌ nu bɔ̌ du u nye ɔ dudu flɛ̌ ɛ̈ see wlɛ̀ɛba mu, kɛɛ ämoà dɛ ä wɛ̀ɛn nee kɛn nɛ̀ moo duduɛ ɛ̈ see bo wèwɛ kɔn.

2 Kwnɛtiɛ̌ 5:13

Bɛ̌ nu bä wǒ je nyopò kɔn dlǒ sɔnʼǒo snǔ mɔ̀ mǒ, ɛ moo Nyesoaa tè. Bɛ̌ nu äa dlǒ bɛ̌ neǒ snǔ mɔ̀, è amo kɔn tèǒ.

Kalesiɛ̌n 5:23

klee tìeǒ dìe ja plě klee bò jiě dìee wlò mɔ̀ kwa bleblɛ̌. Ɛ se tetě kɔn ɛ̈ neǒ imoo noǎǒ kɛn.

Flepiɛ̌n 4:8

Ně bǐì Tentǎn Jǔu wǎn ane, demǒ bɔɔ̌ dɛ nɛ̀à, aa dlǒ le sìɛnsiɛn bɛ neǒ dɛà monoo kàan dɛ kɛn klee dɛà kɔn tè boǎa jǐ klee dɛà monoo mǒ slɛɛ̌ dɛ klee dɛà snǎ lěe mɔ̀le klee dɛà monoo jǐlenmɔ dɛ klee dɛà blee lee plɔ plě dɛ wùɛ ɛ̈ nyu bɔ̌ nuu ɛ̈ nii tɛɛ ɛ̈ kɔn tè u bɛɛ ɔɔ klee dɛà nyu bɔ̌ nuu ɛ̈ nii kàan tɛɛ.

1 Tɛseloniǎ 5:6

Tèǒ nì kɔn tè a nɛ bäǎ wě je nyopò tùu ü see mɔ̀le wɛ̀ keǒ Koɔnʼɔ de didiɛ mɔ̀, kɛɛ a nɛ bä wɛ̀ mɔ̀le ä miǒ äa chɛ̀ mɔ̀ kwa blě.

1 Tɛseloniǎ 5:8

kɛɛ ämoà ä kɔnʼě Chnɛ̀ mǒ. Ii tè keǒ tabɔ̀ nii ǔ kɔnʼɔ chnu paě ɛ̈ u mɛ̌ǒo wùlee bo keǒ to wònwɔn mɔ̀, kě bä nu bä wɛ̀ mɔ̀le bä kɔn tè wlò popoɛ klee mǒ noɛnoɛ i mǐ ä jǐ mɔ̀ tù keǒ dɛ kukǔ mɔ̀. È keǒ tabɔ̀ nii ǔ tùii pně gbàkla dlǒ keǒ to mɔ̀, kě bä nu ke bä kɔn wowa dɛɛ wlò je kunkuɛn ɛ̈ tùi ämoo jǐ mɔ̀.

1 Timɛtě 1:10

nyopòà kɔnʼɔ se wòn mɔ̀ɔ wɛ̀ kmɔ̌ klee jbɛjluà pɛn nuu bǐì jbɛjlu mɔ̀ klee nyopòà jlǐi tùonyopo klee sen le tmɔ̌ nyo klee nyopòà bü pooě dɛ üǔ nyna nɛɛ kɛn bo plě klee nyopòà nii dɛ wùɛ ɛ̈ moo kenkan dɛ ɛ̈ tbaa Nyesoaa kàan teea kàkae je.

1 Timɛtě 1:14

Äa Koɔnʼɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ nɛ̀ Ɔ kɔn keǒǒ mɔ̀ chɔɔ ɛ̌ sìnʼǒ le. Ii tè klě tǐà wlòmo Ě kɔn tè wlò popoɛ klě Tentǎn Jǔ Jùsu mǒ plě Ě noɛɛ Ɔ mǒ.

1 Timɛtě 1:2

Ě chleě ɛ mò Timɛtě mɔ̀ ɔ̈ wǒ něe jbɛjuju keǒ tè wlò popoɛ ɔ kɔnʼɔ mɔ̀ klě Tentǎn Jǔ mǒ. Nɛ bo Nyesoa Ɔ̈ moo äa Gbeǐ klee Tentǎn Jǔ Jùsu Ɔ̈ moo äa Koɔn Uu wlòo jlajlǎ dɛ ɛ̈ɛ̌ sà Uu wlò kǔ mǒ keǒò mɔ̀ klee Uu wɔle je jbojbɛ keǒò mɔ̀ bi muu nya plě Bu nyeè ně bo wnawna.

1 Timɛtě 1:5

Dɛ kɔn tè Ě tmɛɛ̌ mòo dɛà nɛ̀ moo u mǐ nyopò tùu mǒ noɛɛ ne ɛ̈ sonwɛ lěe wlèà snǎ lěe kɛn le mǒ klee kàan tè le jbojbɛ mǒ plě klee uu tè wlò popoɛ mǐ ɛ nynɛ̌ sɛ̀n.

1 Timɛtě 3:11

Dɛɛ doǒ nɛ̀ bɛ mono, uu nynoo kmɔ̌ bɛ nu kàan, uǔ boɛɛ nyopò de měne, bu tbaě jǐ mǒ bo plě tǐ wùɛ mɔ̀ bu mǎě sèn bo.

1 Timɛtě 3:2

Tèǒ nì kɔn tè ɛ wɛɛnʼǒ le keǒ Tentǎn Jǔu wǎnʼa je siɔ kɔɔ̌ dɛ bɛɛ̌ neǒ ɔ jleě mǒ. Bɔ kɔn nynɔɔ do sosǒ, ɔɔ dlǒ le sìɛnsiɛn bɛ snǎě mɔ̀le, bɔ blěǒ ɔɔ chɛ̀ɛ wlò mɔ̀ kwa, kàan kmɔ̌ be neě ɔ ja, bɔ kme nyopòǒ jebo ü miě ɔɔ tà diba plě bɔ wɔ̀le ɛ keǒ bɔ tee le.

1 Timɛtě 3:4

Bɔ ji ɔɔ koǔ bo kwɛɛn win kwa konkɔn tɛɛ tɛɛ klee ɔɔ jlǔ bu tùǒ ɔ bo plě kàan kmɔ̌ bɛ neě u ja.

1 Timɛtě 3:8

Dɛɛ doǒ nɛ̀ ɛ mono keǒ nyopòà monoo mǒ sɛ̀ɛ nyo keǒ Tentǎn Jǔu wǎnʼa je si nyo mɔ̀. Uu kmɔ̌ bɛ nu kàan. Buǔ ne meaa sɔ̌n wan, buǔ nɛ̌ nmɔ ɛɛ̌ ni nu plě buǔ kwɛn pònpan noǎa ngmnano.

1 Timɛtě 5:1

Nè pnɛɛ̌ kunkunyo dlǒ le, kɛɛ boɔě u mɔ̀ wòje keà u nu wiěn gbèǐǒò. Nu nyengmè wòje keà u nu wiěn nè mamǔ jbɛjluǒò.

Taetɔ̌ 1:13

Tèǒ ɔ boɔɔ i moo kàan tè, tèǒ nì kɔn tè poě u snǔ mɔ̀le kàan wɛ̀ keǒ uu dɛ kukǔǒ ɛɛ tè mɔ̀ ɛ̈ di ɛɛ numa uu tè wlò popoɛ mǒ kbě kɛne

Taetɔ̌ 1:8

Kɛɛ Tentǎn Jǔu wǎnʼa je si nyu kɔn bɔ kme nyopòǒ jebo ü miě ɔɔ tà diba klee bɔ noɛɛ kàan dɛ mǒ klee bɔ kɔn tɔ̀n klee bɔ siǐnʼǒ jebo klee bɔ tù ɔɔ chɛ̀ ngmà je plě bɔ jiǒ ɔɔ chɛ̀ɛ wlò mɔ̀ kwa bleblɛ̌.

Taetɔ̌ 2:7

Nè chɛ̀ mò bɔ moo ɛɛ jboo dɛ keǒ u mɔ̀ keǒ kàan noǎ wùɛ mìi numa mɔ̀. Bò ke tee le, nu ɛ bu ji ɛ ɛ̈ moo noǎǒ tèe le sɛ̀n ɛ nynɛ̌ plě i moo kàan tè è boɛ li.

Falimɔ̌ 1:9

kɛɛ Ě ji ɛle nòɛɛ nyopò mǒ no, ii tè dɛà nɛ̀ Ě gbɛ̀ɛ leè wan. È mǒ Pɔ̀ɔ̌à ɔ̈ moo nyekpaklǎ klee ɔ̈ moo wùlo po nyu klě tǐà wlòmo keǒ tà Ě nii Tentǎn Jǔu konkwa tè,

1 Pitɛ̌ 1:13

Tèǒ nì kɔn tè ba wɔ̀ aa chɛ̀ mɔ̀le keǒ dɛ nunuɛ mɔ̀, a jiǒ aa chɛ̀ɛ wlò mɔ̀ kwa bleblɛ̌ plě a poě aa wlò je kunkuɛn klě wlòo jlajlǎ dɛ ɛ̈ɛ̌ sàa wlò kǔ mǒ ja bo kpǎkpǎ ɛ̈ Nyesoa mi amoo nyema tǐǒ jleě Jùsu Tentǎn Jǔ miǎa de diba.

1 Pitɛ̌ 4:7

Noǎ wùɛ mi dlǒ chlɛ̀ba pase, tèǒ nì kɔn tè aa dlǒ le sìɛnsiɛn bɛ snǎě mɔ̀le klee a jiǒ aa chɛ̀ɛ wlò mɔ̀ kwa bleblɛ̌ ɛ̈ di ɛɛ numa a miě ɛ wɔ̀ a miě Nyesoa mɔ̀ boɔboɔ ji tɛɛ.

1 Pitɛ̌ 5:8

A wlǎě wlò bo, kɛɛ a gbɛ̀ɛ le. Mɛ̌oǒ joo nɛ̀ moo aa jlae nyuà monoo kǔ ɔ wǒ je jejǎ sà ɔ̈ ngmìi le ɔ̈ pɛ̀nʼɛ nyu le ɔ mǐi di.

2 Pitɛ̌ 1:6

A jiě aa chɛ̀ɛ wlò mɔ̀ kwa bleblɛ̌, a mǐ ɛ le jijiɛ debo mǎ, è tǐ jakě jebo nynanyna nɛ̀ ba mǎ aa wlò mɔ̀ kwa bleblɛ̌ debo klee a mǎ aa Nyesoa dɛ aa tǐ jakě jebo nynanyna debo.