Taetɔ̌ 2:14 - Nyesoaa Kuo Win Jajle

¹⁴ Tentǎn Jǔ koǒǒ äa tèe tà keǒ ä mǒ dbǐ mǒ wan klě kmɔ̌ kukǔ wùɛ slè plě Ɔ mǐ ä mɔ̀le snǎ nyo mǒ nu ü kɔnʼǒ Ɔɔ mɔ̀ɔ do plě ü kɔn fě nymɛ̌ɛ bü nuu kàan dɛ.

Taetɔ̌ 2:14 ပူးပေါင်းရင်းမြစ်များ

Matiɔ̌n 1:21

Ɔ miǎ Jbɛjuju kɔnma, Jǔǒ Nɔ̀ miǎ Ɔɔ nyopò gblàba klě uu kpni kukwǐi plɔ tu kɛn bo maěa slè. Ii tè tùe Ɔ nynɛ̌ ɛ̈ moo Jùsu ɛ̈ sɛ̀nʼɛ nynɛ̌ Koɔn Gblà Ämo.”

Matiɔ̌n 20:28

Dɛɛ doǒ nɛ̀ ɛ mono, Mǒ Jbɛjuu Jǔà Ě slě di nyopò mi Ně konkwa nu, kɛɛ Ě diě keǒ Bo mǐ nyopòo konkwa nu plě Ě mǐ kǒ, dɛǒ nɛ̀ mi tùonyopo fòfoa gblàba klě uu kpni kukwǐi plɔɔ tu kɛn bo maěa slè.”

Matiɔ̌n 3:12

Ɔɔ nyaka neě Ɔ kwete mǒ Ɔ̌ flè Ɔɔ kou měne Ɔ̌ sɛ̀ ɛ fle mɔ̀le Ɔ mǐ ɛ bo tù klě wùlo, è ɛɛ fleǒ nì Ɔ mi tǎn poba klě naà see chlechlɛ kɔn slè.”

Jɔ̀ɔ̌n 10:15

wòje keǒ ɛ nuu Ě ji Něe Gbeǐ plě Ně Gbeǐ ji Mǒo. Ě wɔɔn ɛ kɛn keǒ Bo kǒ keǒ blableǎǒ ii tè mɔ̀.

Jɔ̀ɔ̌n 6:51

Mǒ moo Kou Ɛ̈ sɔn lěe jɔkɛn mǒ Ɛ̈ nyee nyopò fònfno. Nyu wùɛ ɔ̈ mi Ɛɛ diba ɔ mi kmɔ̌ nema tǐ wùɛ mɔ̀. Ně fǒà nɛ̀ moo kou Ě mi nyema ɛ̈ di ɛɛ numa nyopòà neɔ kmɔ̌ɔ mɔ̀ u mǐ kmɔ̌ sie fònfno kɔn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:14

kèkeà Saemɔ̌ Pitɛ̌ sèsae ä wlòmo ke Nyesoa nua lěe kuodakwɛ̌ slè didiɛ Ɔ̌ sàla lěe nyopò keǒ bu nu Ɔɔ konkwa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:9

Nyesoa nu ɛ ɛ se dɔ̌ ne keǒ u klee ämoo sɔ̌n slè, ke kɔn do Ɔ nuě ämoo mɔ̀le snasnǎ keǒ äa tè wlò popoɛ kɛn, kě kɔn do Ɔ nuě u mɔ̀le snasnǎ klě uu tè wlò popoɛ mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:28

A tù aa chɛ̀ jǐ mɔ̀ a mǐ aa bǐì Tentǎn Jǔu wǎn jǐ mɔ̀ tù ü Ngmà Ne Je Sùsu poě amoo kwete mǒ ba tùu jǐ mɔ̀. Ba moo jǐ mɔ̀ tù nyo keǒ Tentǎn Jǔu wǎn mɔ̀ ü Nyesoa nu Ɔɔ chɛ̀ɛ nyopò mǒ keǒ Ɔɔ Jǔu kokoɛ̌ kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:36

Klě diěǒ moo Japà kɛn ɛ kɔna nynɔ tɔ̀ɔ, ɔɔ nynɛ̌ mooa Tabità. Ɔ mooa Jùsuu mɔ̀ na nyoo nyuu do. È ɔɔ Kwlǐki nynɛ̌ mooa Dakɔsè ɛ̈ sɛ̀nʼɛ nynɛ̌ Nyaǎ. Tǐi pɛpɛ mɔ̀ ɔ nia kàan dɛ ɔ̌ sɛ̀ɛa sònwɛ nyo měne.

Kalesiɛ̌n 1:4

Tentǎn Jǔ tùǒ Nyesoaa kɛn wɔɔn dɛ bo Ɔ̈ moo äa Gbeǐ Ɔ̌ nu Ɔɔ chɛ̀ chɔ̀no mǒ keǒ äa dɛ kukǔ mɔ̀ ɛ̈ di ɛɛ numa dɛ kukǔà ä nee kekɛɛ kmɔ̌ ä mǐ dbǐ mǒ wan keǒ ɛ mɔ̀.

Kalesiɛ̌n 2:20

dɛǒ nɛ̀ nu ɛ ně ne kmɔ̌ ke Ě ni ɛɛ jlajlǎ, kɛɛ Tentǎn Jǔu kmɔ̌ nɛ̀ neěě mǒ. Tà Ě neɔ kmɔ̌ɔ mɔ̀ Ě kɔn kmɔ̌ sie fònfno ɛ̈ ně tè wlò popoɛ Ě kɔnʼɔ klě Nyesoaa Jǔ mǒ nye mǒo Ɔ̈ noɛɛ mǒo mǒ plě Ɔ̈ kǒo keǒǒ mɔ̀.

Kalesiɛ̌n 3:13

Tentǎn Jǔ Nɔ̀ gblàlaě ä chlǒǒ bobo ɛ̈ neaǒ ämoo kɛn ɛ̈ Nyesoaa teteǎ mǎna ämoo kɛn bo. Ke Ɔ nu ɛɛ nunuɛ nɛ̀ moo Nɔ̀ chlǒǒ ɛ pooa mɔ̀ keǒ ä pènmo wòje ke ɛ nuu chleěa klě Nyesoaa win wlòmo ɛ̈ moo, “Nyu wùɛà ɔ̈ kɔɔǒo pète bɛ̌ tu jleě ɔ poo mɔ̀ chlǒ.” (Deut 21.23)

Ifisiɛ̌n 1:11

nɛ̀ nu ɛ Nyesoa tbala ämo sɔɔnʼě kmɔ̌à ɛɛ wlò tùla mǒ. Ɔ ni dɛ wùɛ ke Ɔ nu ɛɛ ble popoɛ, ii tè dɛǒ nɛ̀ mooa Ɔɔ ble po dɛ

Ifisiɛ̌n 2:10

Mɛ kɔɔ̌n tèǒ joo nɛ̀ moo Nyesoa Nɔ̀ nu ämo ä neě tǔnʼà wlòmo keǒ ba kɔn tè wlò popoɛ klě Tentǎn Jǔ Jùsu mǒ ɛ̈ di ɛɛ numa ä mǐ kàan dɛ kmɔ̌ nee ne ke Ɔ jlɛ̌ bä nee, dɛǒ nɛ̀ Ɔ poa ble seela keǒ ä mɔ̀ bä nu.

Ifisiɛ̌n 5:2

È a nɛ mǒ noɛnoɛ bɛ kɔn aa kmɔ̌ neneɛ win kwa wòje dɛɛ doǒ Tentǎn Jǔ nuu Ɔ̌ noɛɛ ämoo mǒ ii tè Ɔ̌ kǒo keǒ äa tè mɔ̀ wòje keà wan nmɔ nyee dɛ ɛ̈ pee sonsnǒ klee chɔ̀no ɛ̈ pie lee Nyesoa je.

1 Timɛtě 1:15

Winʼǒ tù lii ɛ̈ moo Tentǎn Jǔ Jùsu dia lɔ kmɔ̌ mɔ̀ Ɔ mǐ kpni kukwǐ nyu gblà klě Nyesoaa plɔɔ tu kɛn bo maěa bobo, i moo wlò kpae dɛ klee win ï blɛɛ je nyu bɔ blěǒo mɔ̀ kwa. Mǒà mǒ moo dɛ kukǔ nu nyoo dlǒ,

1 Timɛtě 2:10

kɛɛ bu nu kàan noǎ wòje nyno ü monoo Nyesoaa konkwa nu nyo.

1 Timɛtě 2:6

Ɔ̈ nyea Ɔɔ chɛ̀ wòje chɔ̀no keǒ Bɔ gblàla nyopò wùɛ. Dɛǒ Ɔ nuaa nɛ̀ tee ɛ ɛ̈ moo Nyesoa jlɛ̌ nyopò wùɛ bu kɔn wowa dɛ klě ɛɛ tɛɛ tǐ wlòmo.

1 Timɛtě 6:18

Tmɔɔ̌ u, bu nu kàan dɛ klee kàan konkwa fòfoa, è bu nmɔ kwa klee bu wɛ̀ mɔ̀le u mǐ nyopò tùu měne sɛ̀ɛ le keǒ uu konkɔn noǎ mɔ̀.

Taetɔ̌ 2:7

Nè chɛ̀ mò bɔ moo ɛɛ jboo dɛ keǒ u mɔ̀ keǒ kàan noǎ wùɛ mìi numa mɔ̀. Bò ke tee le, nu ɛ bu ji ɛ ɛ̈ moo noǎǒ tèe le sɛ̀n ɛ nynɛ̌ plě i moo kàan tè è boɛ li.

Taetɔ̌ 3:8

Dɛǒ nɛ̀ moo kàan tè! Bɛ̌ nu bò ke tee le, imo noǎǒ nì Ě jlɛ̌ bò maě mɛ debo ɛ̈ di ɛɛ numa nyopòǒ kpae lee Nyesoa wlò u mǐ ɛ mǒ tɛ̀n keǒ bu sàǒ tǐ bu nu dɛǒ monoo kàan dɛ. Keǒ bo nyu bɔ nu kàan konkwa ɛ nu kàan plě ɛ̌ peǒ nyopò wùɛ dɛ bo.

Hiblǔ 1:3

Nɔ̀ moo Nyu Ɔ̈ tee ɛɛ ɛ̈ moo Nyesoa ne kɛn tùɔn plě Nyesoaa kmɔ̌ nɛ̀ neě Ɔ ja teěn. Nɔ̀ ni kmɔ̌à ɛ̌ neǒ klě Ɔɔ kpě kɛne win wlòmo. Tà Ɔ nu ɛɛ ɛ wɔ̀le ɛɛ keǒ tùonyugbee dɛ kukǔu tè bi poo loo wlò le, è Ɔ ne bo klě jɔkɛn klě Ja Tmɔ Nyesoaa dilǎ son mɔ̀ keǒ tùɔnʼǒ kɔnʼǒo tùtuɛ fòɛ kɛn.

Hiblǔ 10:24

È a nɛ bä sìɛn ɛ dlǒ mɔ̀le ke ä mii kbě ja le popooa numa ä mǐi Nyesoa klee nyopò tùu mǒ noɛɛ ne plě ä mǐi dɛà monoo kàan dɛ nu.

Hiblǔ 9:14

Kɛɛ Tentǎn Jǔu kokoɛ̌ nu dɛ fòɛ keǒ ä mɔ̀ ɛ̌ sìnʼǒ i mǒ. Kmɔ̌ sie Sùsu Nɛ̀ nu Tentǎn Jǔ Ɔ̌ wɔ̀le ɛ keǒ Bɔ nyee Ɔɔ chɛ̀ Nyesoa keǒ Bɔ moo Chɔ̀no Ɛ̈ snǎ lěe mɔ̀le kpǎkpǎ. Ɛmo Chɔ̀noǒ Nɛ̀ snǎě ä mɔ̀le ɛ̈ di ɛɛ numa ä bɔ̌ noǎà nunuɛ ï miě ämoo kmɔ̌ sie kǒla mǒ kpaba, ä mǐ kmɔ̌ ne Nyesoaa konkwa nu.

Jìmǐse 4:8

A diě a mǎ aa chɛ̀ Nyesoa debo, è Ɔ miě diba Ɔ mǐ a debo mǎ. Kpni kukwǐ nu nyo, ba bɔ̌ kpni kukwǐǒ a nii. Amo ä jěè kɛn ä daà kàan chènyɔ Nyesoa nyo, ba snǎě aa wlè jleě le a sàě kpni kukwǐǒ neěe.

1 Pitɛ̌ 1:18

Mɛ kɔɔ̌n tèǒ joo nɛ̀ moo a ji dɛ Ɔ sàa le keǒ Bɔ sà amoo dbǐ mǒ klě kmɔ̌ kukǔà slè ɛ̈ see dɛ mǒ ne ɛ̈ aa gbeǐpò teea amoo. Ɔ se dɛà see wlɛ̀ɛa kɔn nu wòje keà sěbla klee klòo ka nee je,

1 Pitɛ̌ 1:22

Klě tǐà wlòmo ɛ̈ kɔn amo tùiǒ imoo Nyesoaa kàan tèǒ bo, aa kpni kukwǐi tè poo le wlò. Dɛǒ nɛ̀ nu ɛ ǎ wɔ̀le ɛ ba sɛ̀n ɛ nynɛ̌ ba nonoɛɛ měne. Tǐ wùɛ mɔ̀ a nonoɛɛ měne keǒ aa wlè wùɛ mɔ̀ wòje Tentǎn Jǔu wǎn.

1 Pitɛ̌ 2:12

A ne kàan kmɔ̌ klě se Nyesoa ji nyo slè ɛ̈ di ɛɛ numa bɛ̌ nu uu nyu bɔ̌ wǒ a lee chɛ̀ ɛ̈ moo a ni kenkan dɛ klě tǐ gbei wlòmo, u mi aa kàan dɛǒ a nii jěba uu wlè mǐ bo bitǐ, è chnɛ̀ jlǒ waěǒ Nyesoa miǎa je tbaeba, u miǎ Ɔɔ nynɛ̌ le po.

1 Pitɛ̌ 2:9

Kɛɛ amo moo nyopò Nyesoaa chɛ̀ sàǒo bü moo Ɔmo Klɔ̀ba Nyesoaǒ Ɔɔ kpatòapoo klee ngmà je ne dakɔ̌ klee Ɔɔ nyopò Ɔ sàǒo keǒ bü poo sàe ɛ̈ kwɛɛǒo wlòlekaen noǎà Ɔ nuu jleě mǒ bo Ɔ̈ da amoo ǎ sɔn lěe kwijlě slè mǒ ǎ diɔ Ɔɔ wlòlekaen pepěɔ slè.

1 Pitɛ̌ 3:18

Tentǎn Jǔ kǒa waěe do keǒ kpni kukwǐ wùɛɛ tè mɔ̀, Nɔ̀ moo Jebo Siǐn Nyu Ɔ̈ kǒa keǒ ämo se jebo siǐn nyoo tè mɔ̀ ɛ̈ di ɛɛ numa Ɔ miě ä Nyesoa mɔ̀ kpa. U dbǎla Ɔɔ fǒ, kɛɛ Ɔɔ Sùsu neě jè kmɔ̌.

1 Jɔ̀ɔ̌n 1:7

Kɛɛ bɛ̌ nu bä neě pepě mǒ wòje keǒ Ɔ nuu, è äa wùɛ ä nɛǒ tàa do. Ɔɔ Jǔ Jùsu Tentǎn Jǔu nymɔǒ nɛ̀ jla ä le ɛ̈ sà ä kpni kukwǐ wùɛ fǒ měne.

1 Jɔ̀ɔ̌n 1:9

kɛɛ bɛ̌ nu bä wɔɔn äa kpni kukwǐ je, è Nyesoaà moo Wlò Je Kuun Nyu klee Ɔ̈ kɔn kmɔ̌ slɛɛ̌ mǒo Ɔ mi äa kpni kukwǐi tè wlò le pooba Ɔ miǒ äa seǒ jebo siǐn kmɔ̌ wùɛǒ slè sà.

1 Jɔ̀ɔ̌n 3:2

Ně mǒ noɛɛ nyopò ane, klě tǐà wlòmo ä moo Nyesoaa jlǔ plě Ɔ sěɛ ɛ pepě mǒ pe keǒ ä mɔ̀ ke tae ä miǎa nema, kɛɛ ä ji ɛle ɛ̈ moo bɛ̌ nu bo Tentǎn Jǔ Bɔ̌ tbaeǎ je, ä miǎ Ɔ jěba wòje tǔnʼǒ Ɔ neěe wlòmo, tèǒ nì kɔn tè ä miǎ Ɔ je wǒba.

Wlɛ̀velesɔ̌n 1:5

klee klě Jùsu Tentǎn Jǔ mɔ̀ Ɔ̈ moo wlò kpae Sàse klee klekle Nyu Ɔ̈ sàeěe kǒla mǒ plě Ɔ̈ kɔnʼɔ klɔ̀bapoo wùɛ win kwa ü neɔɔ blǒɔ mɔ̀. Bìsea keǒ Jùsu mɔ̀ keǒ Bɔ di ä mǒ noɛɛ ne Bɔ di ä kpni kukwǐi plɔ tu kɛn bo maěe dbǔ mɔ̀ bɛ̌ ɛ̈ Ɔɔ kokoɛ̌ nuu.

Wlɛ̀velesɔ̌n 5:9

U blea wlɛ̌ jajlo, è kě uu wlɛ̌ win dɛ̌a ɛ̈ moo, “Mò ɛ blɛɛ je Bɔ̈ dǔ ɛmo plaplǎ chněedɛ̌à mǒ Bɔ̈ sà ɛ sluu wùɛǒ jele. Mɛ kɔɔ̌n tèǒ joo nɛ̀ moo u dbǎlaà le, è Nè nymɔǒ nɛ̀ nù È tɔ̀n nyopò keǒ Nyesoa mɔ̀ ü sɔnʼɔ blǒ wùɛ kɛn mǒ plě ü pee winʼi doědoe plě ü sɔnʼɔ dakwɛ̌ wùɛ mɔ̀ měne klee tùonyopoo doědoe wùɛ.