Taetɔ̌ 2:12 - Nyesoaa Kuo Win Jajle

¹² Ɔ tee ɛ ä le keǒ bä tɛ äa se Nyesoa ji kmɔ̌à bo klee kmɔ̌ɔ noǎ ä jlɛ̌ɛ, è bä jiǒ äa chɛ̀ɛ wlò mɔ̀ kwa bleblɛ̌ klee bä siǐnʼǒ jebo plě klě tǐà wlòmo bä nee Nyesoa dɛ kmɔ̌ kělɔ kmɔ̌à ä neɔɔ mɔ̀

Taetɔ̌ 2:12 ပူးပေါင်းရင်းမြစ်များ

Matiɔ̌n 12:32

Nyu wùɛ ɔ̈ boɛɛ win kukwǐ keǒ Jbɛjuu Jǔà jleě mǒ, Nyesoa mi ɔɔ tè wlò le pooba, kɛɛ nyuà ɔ̈ mii win kukwǐ boɔba keǒ Ngmà Je Ne Sùsu jleě mǒ, ɔɔ tè se wlò le pooba mu kělɔ kmɔ̌à ä neɔɔ mɔ̀ plě klee kmɔ̌ǒ ɛ̈ miǎ lěe diba.”

Matiɔ̌n 16:24

È kě Jùsu dɛ̌a Ɔɔ mɔ̀ cheěn nyo je Ɔ je, “Bɛ̌ nu bo nyu bɔ̌ jlɛ̌ bɔ naǎ de, è bɔ poo ɔɔ chɛ̀ɛ fònfno kla kɛn ɔ mǐ ɔɔ sònwɛ jejeɛ̌ɛ pète bɛ̌ tu mǒ dǔ ɔ mǐǐ de na.

Matiɔ̌n 28:20

plě ba tee u bu tùǒ noǎ wùɛà ble ï Ě tee amoo. È bi beě a wlòmo ɛ̈ moo Ě kɔn Boǒ neeě a mɔ̀ tǐ wùɛ mɔ̀, ɛ mǐ ɛ kpa kpa ɛ miǎ kmɔ̌à ɛɛ dlǒ chlɛ̀chlɛ kɛn jɛɛ le, kě bɛ ne.”

Lǔkù 1:6

Uu sɔ̌nʼǒ u mooa jebo siǐn nyo klě Nyesoa jǐ kɛn ǔ tùiaǒ Nyesoaa teteǎ wùɛ ble klee dɛ Ɔ tmɛɛ̌a nuu klě Ɔɔ win wlòmo.

Lǔkù 1:75

ä mǐ ngmà je ne, äa kmɔ̌ mǐ mǒ slɛɛ̌ le klě Ɔ jǐ kɛn ke ɛ mii jleě mǒ bo tonma ä mǐi kmɔ̌ ne.

Jɔ̀ɔ̌n 14:30

Kmɔ̌à ɛɛ win kwa kɔn nyu diě le ɔ̌ tɛ̀n ɛ mǒ keǒ bɔ duǔ wan. Ii tè Ě se dɛ pɛ̀tu kɔn Bo tmɔɔ̌ amo. Ɔ se kpě kɔn kěàǎ mɔ̀,

Jɔ̀ɔ̌n 6:25

Tà u jɛɛaě Ɔɔ klě jbǒǒ ɛɛ wakǎ tɛ̀ɛǒ mɔ̀, è u gbàla Ɔ wan u je, “Tee Nyu, è tǐ tae nynì niǐ kɛà tàà mǒ?”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:16

Ii tè tǐi pɛpɛ mɔ̀ Ě tɛ̀n ɛ mǒ keǒ bo nu ně tè le jbojbɛ bɛ snǎě mɔ̀le keǒ Nyesoa klee tùonyopo jemǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:25

Kɛɛ tà Pɔ̀ɔ̌ tùngmaeaa jebo siǐan klee ke nyu bɔ nu ɔɔ chɛ̀ win kwa konkɔn plě klee Nyesoaa blilǐ tù chnɛ̀ jlǒ waěe tè kɛn boɔɔa, è Felesè bea mǒ fano, kě ɔ dɛ̌a ɔ je ɔ je, “Noǎǒ bòɔɔ i nu seɔɔn klě tǐà wlòmo! Mu, bɛ̌ nu boǒ wɛ̀ mɔ̀ de, Ě miì daba.”

Wlǔmɔ 12:2

Aǎ ne kmɔ̌ kukǔà nyopò tùu nee, kɛɛ aa dlǒ le sìɛnsiɛn bɛ bitǐ bo plě aa de nu kmɔ̌ bɛ bitǐ bo ɛ̈ di ɛɛ numa a mǐ dɛǒ monoo Nyesoaa kɛn wɔɔn dɛ ji klee dɛ monoo kàan klee dɛ ɛ̈ blee Ɔɔ plɔ plě ɛ̈ snǎ lěe mɔ̀le kpǎkpǎ.

Wlǔmɔ 6:12

Tèǒ nì kɔn tè aǎ sonwɛǒ kpni kukwǐ mɔ̀ mǒ iǐ kwɛn a win kwa keǒ ba po noǎ kukwǐǒ aa wlò jlɛ̌ɛ nɔkǔ jebo.

Wlǔmɔ 6:19

Winʼà aa wùɛ a pee nìà Ě pe Ě tmɛɛ̌ amo. Mɛ̌oǒ joo nɛ̀ moo a se kbě ja ne. Klě tǐà sìin wlòmo a nyea aa chɛ̀ kpni kukwǐ ǎ mooa ii kèiapo keǒ dɛ kukǔ nunuɛ mɔ̀ ǎ wala Nyesoaa teteǎ. Dɛɛ doǒ nɛ̀ ɛ mono a nye aa chɛ̀ Nyesoa ba moo Ɔɔ kèiapo, a mǐ kàan noǎ nu keǒ jebo siǐan mɔ̀ ɛ̈ di ɛɛ numa a mǐ ngmà je ne.

Wlǔmɔ 8:13

Bɛ̌ nu bǎ ne kmɔ̌ keǒ aa tùonyu kmɔ̌ kukǔ ni ɛɛ jlajlǎ, è a neǒ kokǒ snǔ mɔ̀. Kɛɛ bɛ̌ nu Nyesoaa Sùsu Bɛ̌ mǎǒ a mɔ̀ bǎ bɔ̌ dɛǒ aa tùonyu kmɔ̌ jlɛ̌ɛ nunuɛ, a mi kmɔ̌ nema ke ɛ toon jleě mǒ bo.

2 Kwnɛtiɛ̌ 1:12

Ɛ kɔn dɛ tɛ̀ɛ kɔn tè ä kuun kɛn le, è äa tè le jbojbɛ tmɛɛ̌ ämo ɛ̈ moo ɛ moo kàan dɛ. Nyesoa Nɔ̀ sɛ̀ɛ ä mǒ nɛ̀ nu ɛ tǐ wùɛ mɔ̀ ä ni dɛ keǒ nyopò wùɛ mɔ̀, sɛjesɛ keǒ amoà mɔ̀ klě kwa nmɔnmɔ klee sèn bo momǎ mǒ. Ɛ moo Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ nɛ̀ǒ ni ɛmoǒ, ɛ se tùonyugbee tɔ̀n ɛ se ä nu ä se ɛmoǒ nu.

2 Kwnɛtiɛ̌ 7:1

Tèǒ nì kɔn tè ně mɔ̀niapo ale, ɛ̈ kɔn ämo kɔn imoo pee noǎ fòfoaǒ ǐ sɔn lěe Nyesoa mɔ̀ mǒ, a nɛ bä sà noǎ wùɛ fǒ měne ï ni äa blǒ fǒ klee wlè ǐ nymii jǐ le plě a nɛ bä tùǒ Nyesoa ä mǐ äa chɛ̀ ngmà je tù kpǎkpǎ.

Kalesiɛ̌n 1:4

Tentǎn Jǔ tùǒ Nyesoaa kɛn wɔɔn dɛ bo Ɔ̈ moo äa Gbeǐ Ɔ̌ nu Ɔɔ chɛ̀ chɔ̀no mǒ keǒ äa dɛ kukǔ mɔ̀ ɛ̈ di ɛɛ numa dɛ kukǔà ä nee kekɛɛ kmɔ̌ ä mǐ dbǐ mǒ wan keǒ ɛ mɔ̀.

Kalesiɛ̌n 5:24

Nyopòà kɔn lěe Jùsu Tentǎn Jǔ mɔ̀ u bɔ̌ uu kpni kukwǐ kmɔ̌ǒ de nena ne klee ɛɛ noǎ kukwǐ wùɛ ɛ jlɛ̌ɛ.

Ifisiɛ̌n 1:4

Plě Nyesoa mǐa kmɔ̌ wùɛ nu, ämo Ɔ sàlaǒ bü kɔna tè wlò popoɛ klě Tentǎn Jǔ mǒ ɛ̈ di ɛɛ numa ä mǐa ngmà je ne plě kɔɔ̌ dɛ ɛɛ̌ diǎǒ ä jleě mǒ ne keǒ Nyesoa jemǒ. Nyesoa noɛɛ ä mǒ no,

Ifisiɛ̌n 2:2

Klě tǐǒ wlòmo kpni kukwǐà neɔɔ kmɔ̌ɔ mɔ̀ nì a neea kmɔ̌ ǎ tùiaǒ sùsuu win ɔ̈ moo sìsi kukwǐà nea lěe jɔ mǒ ii win kwa kɔn sùsu, ɔɔ doǒ nɔ̀ kɔn nyopòà seǒo Nyesoa bo tùtuɛ kɔn win kwa.

Klasɔ̌n 1:22

Kɛɛ klě tǐà wlòmo Nyesoa ja a de kělɔ Ɔɔ chɛ̀ mɔ̀. Ɔ nuuě ɛ Ɔ̀ɔ Jǔu kokoɛ̌ mǒ ɛ̈ di ɛɛ numa a mǐ ngmà je ne klee a mǐ sìnɛ wɛ̀ plě klee tè jɛɛa ɛɛ̌ diǒ a jleě mǒ ne keǒ Ɔmo Nyesoa jemǒ.

1 Tɛseloniǎ 4:7

Nyesoa se ä da keǒ bä ne se wòn mɔ̀ɔ wɛ̀ kmɔ̌, kɛɛ keǒ bä mǐ ngmà je ne.

1 Tɛseloniǎ 4:9

Ɛ seǒ le wɛɛn ne keǒ bä chleě a mɔ̀ ɛ̈ kwɛɛǒo Tentǎn Jǔu wǎnʼa mǒ nonoɛɛa tè jleě mǒ bo. Mɛ̌oǒ joo nɛ̀ moo Nyesoaa chɛ̀ tee ale keǒ ba nonoɛɛ měne.

1 Timɛtě 4:12

Nè sonwɛǒ nyu wùɛ mɔ̀ mǒ ɔɔ̌ jleě ɛɛ̌ dlii liì dlǒ měne tà mònoo nyemò tè, kɛɛ mò bɔ moo ɛɛ jboo dɛ keǒ kàan tè po nyo mɔ̀ u miě nè fì le sà. Boɔɔ kàan noǎa tè kɛn, jiǒ dìee wlò mɔ̀ kwa bleblɛ̌ tɛɛ klee noɛɛ nyopò tùu mǒ plě nyopò bu kuun nuù wlò je klee mìě mɔ̀le snǎ.

1 Timɛtě 6:17

Tmɔɔ̌ nyopòà pànʼa kělɔ kmɔ̌ɔ mɔ̀ buǔ jɛɛ̌ě uu chɛ̀ le plě buǔ peě uu wlò kpaea pònpan ja bo ɛ̈ see kɛn tee dɛ, kɛɛ u blɛɛ je bu poě uu wlò kpaea klě Nyesoa mǒ Ɔ̈ klě kwa nmɔ tǔn wlòmo Ɔ̈ nyee noǎ wùɛ ï ä sòɛɛ äa plɔ mǐi blo.

1 Timɛtě 6:9

Nyopòà pɛ̀nʼɛ pònpan le u beě měne tèntɛn slè, plɔɔ kokǒ noǎa klee jǐlenymi noǎǒ uu wlè jlɛ̌ɛ nì kɔn tutu kme nu ɛ̈ chlì u klě jǐlenymi dɛ slè klee ɛ̈ sùe u gbè.

2 Timɛtě 3:12

Nyu wùɛ ɔ̈ sòɛɛ bɔ̈ nenee tè wlò popoɛ kmɔ̌ klě Tentǎn Jǔ Jùsu mǒ, ɔ mi tè mɔ̀ tèteɛ jěba ke.

2 Timɛtě 4:10

Kmɔ̌à ɛɛ mǒ noɛnoɛ nɛ̀ Dimǎse beǒ demǒ, ii tè ɔ siǒǒ bo ɔ̌ muě dě fòɛǒ monoo Tɛslonikà kɛn. È Kwlɛsɛ̀n nɔ̀ muě Kalesìa wakǎ kɛn, è Taetɔ̌ nɔ̀ muě Damasiǎ wakǎ kɛn.

Taetɔ̌ 3:3

Bi beěè wlò jleě ä moo pnɔ nyopòà kɔn plɔ kǒaa klee üǔ tùaǒo Nyesoa bo. U booa ä mǒ no plě ä mooa kèiapo keǒ kmɔ̌ kukǔu jlajlǎ dɛ wùɛ mɔ̀ klee ɛɛ plɔɔ bloo noǎa doědoe. Ä nea pnɔě kmɔ̌ kukǔ slè klee chea nunuɛ, ä fonfaea ne plě nyopò tùu faenʼa ämo ke.

Hiblǔ 8:11

Nyu wùɛ se kɔn bɔ tee ɔɔ je tintǐi nyu plě ɔɔ mamǔ keǒ bɔ ji Mǒ Nyesoa. Sɔɔnʼě nyeflabutupò mɔ̀ mǒ bò jɛ nyopòà kɔn tè kunʼu, nyu wùɛ miǐ jiba.

Jìmǐse 1:27

È äa Gbeǐ Nyesoa dɛ Ɔ pɛ̀ɛnʼěe nyopò ja le ü snǎ lěe mɔ̀le kpǎkpǎ plě sɛjesɛ ü moo Ɔɔ nyopò nɛ̀ moo bu sɛ̀ɛ kwiějlu klee kotia nyno měne üà dɛ pɛɛ wan le, è bu tù uu chɛ̀ jǐ mɔ̀ kmɔ̌ɔ noǎ kukwǐ iǐ se u jǐlenymii ni.

2 Pitɛ̌ 2:9

Uu wùɛǒ nù moo jboo dɛ ü tee ɛ ke Koɔn Nyesoa nii nyopòà moo Ɔɔ nyopò gblàgbla klě měne tèntɛn slè plě klee ke Ɔ niǒo se jebo siǐn nyoo plɔ tu kɛn bo maěa ɛ mǐ ɛɛ kpa kpa ɛ mǐi blilǐ tù chnɛ̀ jlǒ waě kɛn jɛɛ le.

2 Pitɛ̌ 3:11

Ke ɛ toon jleě mǒ bo noǎ wùɛ ǐ miǎ bòo gbè sùesuɛ numa, tùonyopo tae ba mooǎaǎ kɛ? Ba ne ngmà je a miě aa chɛ̀ Nyesoa kwete mǒ tù

1 Jɔ̀ɔ̌n 2:27

Ngmà Je Ne Sùsu Nɛ̀ pooě a mǒ Ɛ̈ Tentǎn Jǔ nye amoo. Bɛ̌ nu Bɛ̌ neě a mǒ bo, è a see kɛ̀ nyu tɔ̀ɔ sòaba mu keǒ bɔ̈ tee amoo ɛ̈ kwɛɛǒo Nyesoa jleě mǒ bo. Mɛ kɔɔ̌n tèǒ joo nɛ̀ moo Ɔɔ Sùsuǒ Nɛ̀ mi a noǎ wùɛ teeba klee Nɛ̀ tmɛɛ̌ a kàan tè ɛ̈ see sen. Tèǒ nì kɔn tè keǒ Ngmà Je Ne Sùsu ni ɛ amoo teeaa, kě ba nu kmɔ̌ neneɛ. Aa tè wlò popoɛ a kɔnʼɔ klě Tentǎn Jǔ mǒ bɛ muu nya.

1 Jɔ̀ɔ̌n 2:6

Bɛ̌ nu nyu bɔ̌ boɔ li ɛ̈ moo Ɔ ne kmɔ̌ keǒ Nyesoa mɔ̀, è kmɔ̌ɔ doǒ Jùsu neaa nɛ̀ ɔ kɔn bɔ ne.

1 Jɔ̀ɔ̌n 5:19

Ä ji ɛle ɛ̈ moo ä moo Nyesoaa jlǔ, è kmɔ̌ wùɛà ɛ neě kǔu win kwa konkɔn bobo.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:18

U tmɔɔ̌a ane ɛ̈ moo klě demǒ bɔɔ̌ chnɛ̀ jlǒ wě wlòmo ɛ miǎ nyopò kɔnma ü miǎ amoo pà kɛn poba klee ü miǎ uu chɛ̀ɛ noǎ kukwǐi jlajlǎ dɛ de nama.

Wlɛ̀velesɔ̌n 14:12

Dɛǒ nɛ̀ kɔn tè Nyesoaa nyopòà ü tùiǒ Ɔɔ teteǎ ble plě ü kɔnʼɔ tè wlò popoɛ klě Jùsu mǒ u kɔn bu nyna ɛ jebo ɛ̈ di ɛɛ numa uǔ diǒ ɛ jleě mǒ kplɛɛ le plě Ɔɔ̌ se lu ù kɛn po keǒ plɔɔ tu kɛn bo maěa mɔ̀.