Taetɔ̌ 2:11 - Nyesoaa Kuo Win Jajle

¹¹ Nyesoa po Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ pepě mǒ, nɛ̀ nu ɛ ɛ̌ wɔ̀le ɛ keǒ nyopò wùɛ bu gblàe le klě uu kpni kukwǐi plɔɔ tu kɛn bo maěa bobo.

Taetɔ̌ 2:11 ပူးပေါင်းရင်းမြစ်များ

Matiɔ̌n 28:19

Tèǒ nì kɔn tè a mu dakwɛ̌ wùɛ mɔ̀le a mǐ u Ně mɔ̀ cheěn nyo mǒ nu. È uu mɔ̀ cheěn nyo mǒ nunuɛ nɛ̀ moo a po u ně dlǒ klě Gbeǐ klee Jǔ klee Ngmà Je Ne Sùsuu nynɛ̌ wlòmo

Mǎkè 16:15

È kě Ɔ dɛ̌a u je Ɔ je, “A mu a be kmɔ̌ wùɛà kɛn a mǐ tuposàà po ɛ̈ kwɛɛǒ Něe tè jleě mǒ bo klě nyu wùɛ mɔ̀.

Lǔkù 24:47

È kě imo winʼǒ i dɛ̌a ke ɛ̈ moo, ‘Ba boɔ Jùsuu tè dakɔ̌ wùɛ je, ba tmɔɔ̌ u bu bitǐ uu wlè bo, Nyesoa mǐ uu kpni kukwǐi tè wlò le poo lo.’ Ɛmo dɛǒ klě Jlǔsnɛ klě bǎ tùuě ɛ wlò.

Lǔkù 3:6

È nyopò wùɛ miǎ Nyuǒ jěba Ɔ̈ Nyesoa dboo keǒ Bɔ̈ gblà luu.’ ” (Is 40.3-5)

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 1:9

Ɛmo kàan Pepěǒ nɛ̀ moo Nyuà Ɔ̈ diɔɔ kmɔ̌ɔ mɔ̀ keǒ Bɔ̈ fɔɔnʼǒo nyopò wùɛ dlǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:23

Tà Banàbɔ nynia lěe ɔ jěaa ke Nyesoa nua Ɔɔ wlòo jlajlǎ dɛ ɛɛ̌ sà Ɔɔ wlò kǔ mǒ konkɔn keǒ nyopòǒ mɔ̀, è ɔɔ plɔ bloa le, ii tè ɔ pea u kbě ja le bu kmeaǒ uu tè wlò popoɛ u kɔnaa klě Koɔn mǒ mɔ̀ bo kpankpa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:43

Tà u sɔnaěe Nyesoa koǔǒ bo mǒ, Jùwɛ nyoo dɛ fòfoa klee kuodakwɛ̌ɛ dɛ fòfoa ü poa uu chɛ̀ Jùwɛ dɛ mǒ nù beaǒ Pɔ̀ɔ̌ klee Banàbɔ demǒ. È Pɔ̀ɔ̌ klee Banàbɔ boɛaě u mɔ̀ ǔ pea u kbě ja le keǒ bu kpaea uu kàan tè popoɛ nya klě Tentǎn Jǔ mǒ Ɔ̈ monoo Nyesoaa wlòo jlajlǎ Dɛ Ɛ̈ɛ̌ sà Ɔɔ wlò kǔ mǒ Ɔ nye nuu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:47

Koɔnʼɔ chɛ̀ tmɔɔ̌a ämo Ɔ je, ‘Ě nuù mǒ pepě keǒ kuodakwɛ̌ mɔ̀ ɛ̈ di ɛɛ numa mò Ně wowa dɛɛ tuposà po klě kmɔ̌ɔ nyopò wùɛ mɔ̀.’ ” (Is 49.6)

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:30

Klě tǐǒ sìin wlòmo ɛmo se dɛ ji kmɔ̌ taeǒ Nyesoa blɛa ɛ jleě le, kɛɛ klě tǐà ä neěe wlòmo Ɔ sòɛ nyopò wùɛ ü nee tà wùɛ bu bitǐ uu wlè bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:24

Kɛɛ ke ɛ mii jleě mǒ bo tonma, bɛ̌ nu boǒ wɔ̀le je boǒ wɔ̀ ně konkwa mɔ̀ ɛ̈ Koɔn Nyesoa nye mǒo keǒ bo po Ɔɔ kàan tuposàà ɛ̈ kwɛɛǒo Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ jleě mǒ bo keǒ tùonyopo wùɛ mɔ̀, mǒà Ě se ně chɛ̀ɛ fònfno dɛ mǒ jě.

Wlǔmɔ 10:18

Kɛɛ boǒ gbà a wan, Jùwɛ nyoà u se kɛ ɛmo tuposàǒ wɔ̌n le? I moo jiji tè u wɔ̌n ini. Kě Nyesoaa win dɛ̌ ɛ̈ moo, “Uu win wɔ̀ kmɔ̌ɔ nyopò wùɛ dlǒ, uu tuposàǒ ɛ nyniě kmɔ̌ɔ chlɛ̀ɛa mǒ no.” (Ps 19.4)

Wlǔmɔ 5:15

Kɛɛ Nyesoaa Pee Dɛǒ Ɛ klee Ɛdɛ̌moo kpni kukwǐ se dɛɛ do nu. Keǒ ɛ nuu nyuu doo kpni kukwǐ ja lěe kokoɛ̌ keǒ nyopò wùɛ mɔ̀, kě ä nu ɛ wlò je kuuan ɛ̈ moo Nyesoaa mǒ noɛnoɛ klee Ɔɔ Pee Dɛǒ Ɛ̈ɛ̌ poo dɛ, i sɔnʼě mǒ Nyuu doo mǒ noɛnoɛ mǒ Ɔ̈ moo Jùsu Tentǎn Jǔ Ɔ̈ Ɔ nye nee keǒ nyu wùɛ mɔ̀.

Wlǔmɔ 5:2

Klě äa tè wlò popoɛ mǒ Jùsu bɛ̌ ä dbǐ mɔ̀ ä kɔn Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ ɛ̈ ä nyna lěe slè bo klě tǐà wlòmo. Ä ni le chǒn keǒ tè jǐ boaboǎa wlò je kunkuɛn mɔ̀ ɛ̈ Nyesoa mi ämoo nyema.

2 Kwnɛtiɛ̌ 6:1

Amoà moo äa bǐì Nyesoa konkwa mɔ̀ nuu nyo, ä bɛ̀te ale aǎ ni Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ Ɔ nye amoo ɛɛ̌ moo putu.

Kalesiɛ̌n 2:21

Ě se Nyesoaa mǒ noɛnoɛ jleě mɔ̀ sàba mu wòje keǒ nyopò tùu nii ü tɛ̀n nɛɛ mǒ bü wɛɛnʼǒ Nyesoa jǐ kɛn le keǒ Ɔɔ teteǎ bo tùtuɛ mɔ̀. Bɛ̌ nu sɛje äa Nyesoa jǐ kɛn le wɛɛnʼa bɛ̌ monoo keǒ bä tùǒ Ɔɔ teteǎ bo, è ɛ sɛ̀n nynɛ̌ Tentǎn Jǔu kokoɛ̌ mooa putu.

Ifisiɛ̌n 2:5

ii tè kàan tè kmɔ̌ sie kokoɛ̌ blɛɛa ä je keǒ äa kpni kukwǐi tè mɔ̀, Nyesoa nyea ä kmɔ̌ sie fònfno keǒ äa tè wlò popoɛ ä kɔnʼɔ klě Tentǎn Jǔ mǒ ɛɛ tè mɔ̀. Nyesoa kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀, ii tè a gblàe le klě aa kpni kukwǐi tè jɛɛa bobo.

Ifisiɛ̌n 2:8

Ɛ moo Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ ɛ̌ nu amo ǎ kɔn wowa dɛ ɛ̈ diiě tè wlò popoɛ a kɔnʼɔ mǒ, ɛ se aa chɛ̀ a se ɛ nu. Wowa dɛ moo Nyesoaa nyee dɛ Ɔ nye amoo.

Klasɔ̌n 1:23

Ke ɛ toon jleě mǒ bo ǎ nynaa bo kpankpa klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ klee ǎ se aa wlò je kuuan bo tɛba mu ɛ̈ kɔn tè a wɔ̌naa klě Nyesoaa kàan tuposà mǒ. Ɛmo tuposàa doà ɛ̈ dǔaa pooa mǒ klě nyopò wùɛ mɔ̀ ü neɔɔ kmɔ̌ɔ mɔ̀ nɛ̀ mǒ Pɔ̀ɔ̌ Ě pe ke.

Klasɔ̌n 1:6

dia lɔ amoo mɔ̀ ɛ gbɛ̀tɛɛ kmɔ̌ wùɛà kɛn le ɛ̌ ni dɛɛ doǒ ɛ nuaa kělɔ a slè sɔɔnʼě chnɛ̀ jlǒ waěǒ kɔn wlòmo a wɔ̌naa Nyesoaa wlòo jlajlǎ dɛà ɛ̈ɛ̌ sà Lɔɔ wlò kǔ mǒ keǒ a mɔ̀ ɛɛ tè plě ǎ jboa ɛɛ le dɛ wlòo jlajlǎ dɛǒ sɛje ɛ monoo.

2 Tɛseloniǎ 2:16

Äa Koɔn Jùsu Tentǎn Jǔ klee äa Gbeǐ Nyesoa noɛɛ ä mǒ no plě Ǔ kɔn Uu wlòo jlajlǎ dɛ ɛ̈ɛ̌ sà Uu wlò kǔ mǒ keǒ ä mɔ̀. Ii tè U mii nya Ǔ pe ä kbě ja le klee Ǔ nye ä kàan wlò je kunkuɛn.

1 Timɛtě 1:14

Äa Koɔnʼɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ nɛ̀ Ɔ kɔn keǒǒ mɔ̀ chɔɔ ɛ̌ sìnʼǒ le. Ii tè klě tǐà wlòmo Ě kɔn tè wlò popoɛ klě Tentǎn Jǔ Jùsu mǒ plě Ě noɛɛ Ɔ mǒ.

1 Timɛtě 2:4

Nyesoa jlɛ̌ nyopò wùɛ bu kɔn wowa u mǐ kàan dɛ ji ɛ̈ kwɛɛǒ Ɔɔ jleě mǒ bo

2 Timɛtě 1:10

È Nyesoa tee ä Ɔɔ wlòo jlajlǎ dɛ le ɛ̈ Ɔ kɔnʼɔ keǒ ä mɔ̀. Ke Ɔ nu ɛɛ nunuɛ nɛ̀à, Tentǎn Jǔ Jùsu Ɔ̈ moo äa Wowa Nyu Nɔ̀ diɔ kmɔ̌ɔ mɔ̀ Ɔ̌ sùe kokoɛ̌ɛ kpě gbè klee Ɔ̌ nye ä Nyesoaa kàan tuposà ɛ̈ poo kmɔ̌ sie fònfno pepě mǒ keǒ ä mɔ̀.

2 Timɛtě 4:17

Kɛɛ Koɔn Nɔ̀ nynaeaǎ wun Ɔ poaǎ kbě ja le, ii tè Ě boɔla Nyesoaa win wùɛǒ ï kwɛɛǒo Tentǎn Jǔ jleě mǒ bo keǒ kuodakwɛ̌ wùɛ mɔ̀ u mǐa i wɔ̌n. Koɔn Nɔ̀ gblàla lěě jǐlenymi dɛǒ slè.

Hiblǔ 12:15

Ba tùě jǐ bo plě aa nyu ɔɔ̌ di Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ a mɔ̀ kɛn tbɛ, è aǎ sonwɛǒ kpni kukwǐ nyu mɔ̀ mǒ ɔɔ̌ neě a slè ɔɔ̌ seě a kmɔ̌ kukǔ ja po wòje momae tu.

Hiblǔ 2:9

Kɛɛ ä ji Jùsu Ɔ̈ Nyesoa tìeaa ja najiǒpòo tè sìnʼaǒo mǒ dɛ gbee, klě tǐà wlòmo Nyesoa nye Ɔ tè jǐ boaboǎ klee bo tùtuɛ keǒ sònwɛǒ Ɔ jěaa mɔ̀ Ɔ̌ kǒaa. Nyesoaa wlòo jlajlǎ dɛà Ɔ kɔnʼɔ ɛ̈ɛ̌ sà Lɔɔ wlò kǔ mǒ keǒ ä mɔ̀ nɛ̀ kɔn tè Jùsu koǒaǒ nyu wùɛɛ tà.