Taetɔ̌ 2:10 - Nyesoaa Kuo Win Jajle

¹⁰ klee uǔ jlǐ u le, kɛɛ bu tee ɛ ɛ̈ moo u mǎ lě bo sèn tɛɛ ɛ̈ di ɛɛ numa dɛ wùɛ u mii numa ɛ mǐ teeaà ä tee lee kàan nynɛ̌ nye ɛ̈ kwɛɛǒo Nyesoa jleě mǒ bo Ɔ̈ moo äa Gblàgbla Nyu.

Taetɔ̌ 2:10 ပူးပေါင်းရင်းမြစ်များ

Matiɔ̌n 24:45

È kě Jùsu dɛ̌a u je de Ɔ je, “Mɔ kɔɔ̌n kɛ ka miǐ sèn bo mǎ tɔ̀n kɔn nyebajlo je wǒba ɔ̈à ɔɔ chì kpa ämo poě ɔɔ nyebajle tùu kwete mǒ bɔ̈ nye uu didi dɛ tǐǒ jleě ɔ see tùɔn kɛn nema mu?

Matiɔ̌n 5:16

Dɛɛ doǒ nɛ̀ ɛ mono, ba sɔnʼǒ aa de nu kmɔ̌ mɔ̀ mǒ bɛ tee kàan dɛ keǒ nyopò jemǒ ɛ̈ di ɛɛ numa bǔ jě ale kàan kpniǒ a nii, u mǐ aa Gbeǐǒ neěe jɔkɛn Ɔɔ nynɛ̌ le po.”

Lǔkù 1:47

“Ně wlò wùɛ bìse le Nyesoa, Ě ni chǒn le. Mɛ̌oǒ joo nɛ̀ moo Nyesoa moo ně Wowa Nyu

Lǔkù 1:80

Tà jǔǒ ɔ keaa kwin, ɔɔ sùsu nea kɛn kbě, ɔ tǐnʼaě kpatekpǎ blǒ kɛn ɛ̌ kpala ɛ kpa ɔ̌ tùngmaea Nyesoaa win boɔboɔ klě klɔ̀ slè klě Ǐsòwɛ̌ kwɛɛn mɔ̀.

Lǔkù 16:10

Nyu wùɛ ɔ̈ mǎ lěe sèn bo keǒ noǎ klɔkwlěe tè mɔ̀, nɔ̀ miě sèn bo mǎma ke keǒ noǎ fòfoaa tè mɔ̀. Nyu wùɛ ɔ̈ slě sèn bo mǎ keǒ noǎ klɔkwlěe tè mɔ̀, ɔ slě sèn bo mǎma mu ke keǒ noǎ fòfoaa tè mɔ̀.

Jɔ̀ɔ̌n 12:6

È tè kɔn tè Jùdǎse boɛa imoo tèǒ nɛ̀ moo ɔ mooa jliɔ̌, ɛ se bɔ kɔnaě sònwɛ nyoo tè mɔ̀ chɔɔ. Nɔ̀ mooa wlě bo tùɔ̌, bɔ̌ neǒ bo ne ɔ sɛ̀ǒ wlejoɛ̌ɛ keǒ ɔɔ chɛ̀ mɔ̀.

1 Kwnɛtiɛ̌ 4:2

Dɛ Nyesoa pɛ̀ɛnʼěe nyopòǒ Ɔ nyee konkwaǒ ja le nɛ̀ moo bu wɔ̀le wlò kpaea.

Ifisiɛ̌n 4:1

Tèǒ nì kɔn tè mǒà monoo wùlo po nyu keǒ Koɔnʼɔ konkwaa nunu tè mɔ̀, Ě bɛ̀te ale aa de nu kmɔ̌ bɛ tee ɛ ɛ̈ moo dedaǒ Nyesoa da amoo a blɛɛ ɛ je keǒ ba nu Ɔɔ konkwa.

Flepiɛ̌n 1:27

Dɛ bɛ̈ jě bɛ̈ kpa tùɔn, aa kmɔ̌ neneɛ bɛ tee ɛ wòje nyopò ü blɛɛǒ je bü kɔnʼɔ kàan tuposàǒ kwɛɛǒo Tentǎn Jǔu tè jleě mǒ bo. Bǎ ke ɛmoǒ ni, baǎje Ě diě ä mǐ jejěe le ɔ̀ɔ̌ Ě kɛ̀nʼě nya bo Ě wɔ̌n aa tè, Ě mi ɛ jiba ɛ̈ moo kɛn kenkmeea neǒ a slè plě klee a niǒ tàa do konkwa tǐ wùɛ mɔ̀ keǒ ba gbɛ̀tɛɛ tuposàǒ le.

Flepiɛ̌n 4:8

Ně bǐì Tentǎn Jǔu wǎn ane, demǒ bɔɔ̌ dɛ nɛ̀à, aa dlǒ le sìɛnsiɛn bɛ neǒ dɛà monoo kàan dɛ kɛn klee dɛà kɔn tè boǎa jǐ klee dɛà monoo mǒ slɛɛ̌ dɛ klee dɛà snǎ lěe mɔ̀le klee dɛà monoo jǐlenmɔ dɛ klee dɛà blee lee plɔ plě dɛ wùɛ ɛ̈ nyu bɔ̌ nuu ɛ̈ nii tɛɛ ɛ̈ kɔn tè u bɛɛ ɔɔ klee dɛà nyu bɔ̌ nuu ɛ̈ nii kàan tɛɛ.

1 Timɛtě 1:1

Mǒ Pɔ̀ɔ̌à chlě chněedɛ̌à ɔ̈ äa Wowa Nyu Nyesoa klee äa wlò je kuun Nyu Tentǎn Jǔ Jùsu nyeaa snǒ bɔ̈ mooa tuposà kpa nyu keǒ Ɔmo Tentǎn Jǔ Jùsu mɔ̀.

1 Timɛtě 5:17

Tentǎn Jǔu wǎnʼa bòliboà ü nii kàan konkwa u blɛɛ je bu popoo uu snǒ sàe dɛ kɛn le, sɛjesɛ nyopòà ü peěe kbě le ü boɛɛ Nyesoaa win klee ü tee ii,

1 Timɛtě 6:1

Nyopò wùɛ ü moo na wien po nyebajle klee nynejlu u kɔn bu tùǒ uu chì kpa ämopò kpǎkpǎ. Dɛǒ nɛ̀ bǔ ke ni, è nyu wùɛ seǒ dɛ kukǔ Nyesoaa nynɛ̌ jleě mǒ boɔba mu klee noǎà ä tee lee.

1 Timɛtě 6:3

Bɛ̌ nu bo nyu bɔ̌ tee dɛ ɛ̈ nee dɔ̌ keǒ i mɔ̀ plě bɔ̌ se noǎà slɛɛ̌ mǒo ii tè kɛn wɔɔn no ïà äa Koɔn Jùsu Tentǎn Jǔ teea klee bɔ̌ se teeaǒ a tee lee ɛɛ tè kɛn wɔɔn no ɛ̈ moo ä kɔn bä ne ngmà je ne kmɔ̌,

Taetɔ̌ 1:3

Tà tɛɛ tǐ nyniaǒo, Ɔ̀ poa Ɔɔ winʼǒ mǒ pepě, è Ɔmo Nyesoa Ɔ̈ moo äa Wowa Nyu Nɔ̀ tmɔɔ̌ mǒ bo boɔ Ɔɔ win.

Taetɔ̌ 3:4

Kɛɛ Nyesoa Ɔ̈ moo äa Wowa Nyu Nɔ̀ po Ɔɔ kàan wlò klee mǒ noɛnoɛ pepě mǒ keǒ ä mɔ̀

1 Pitɛ̌ 2:12

A ne kàan kmɔ̌ klě se Nyesoa ji nyo slè ɛ̈ di ɛɛ numa bɛ̌ nu uu nyu bɔ̌ wǒ a lee chɛ̀ ɛ̈ moo a ni kenkan dɛ klě tǐ gbei wlòmo, u mi aa kàan dɛǒ a nii jěba uu wlè mǐ bo bitǐ, è chnɛ̀ jlǒ waěǒ Nyesoa miǎa je tbaeba, u miǎ Ɔɔ nynɛ̌ le po.

1 Pitɛ̌ 3:16

Kɛɛ bɛ̌ nu bǎ ke nyopòǒ kɛ̀ɛn tùi, a nu ɛ klě ja tìe tǔn mǒ klee bo tùtuɛ. Aa tè le jbojbɛǒ neě amoo mǒ bɛ snǎě mɔ̀le ɛ̈ di ɛɛ numa tònwe mi nyopòǒ nu ü boɛɛ win kukwǐ keǒ aa kàan dɛǒ jleě mǒ ɛ̈ neě amoo mǒ ɛ̈ a nii ǎ nii Tentǎn Jǔu konkwa.

2 Jɔ̀ɔ̌n 1:9

Nyu wùɛà mii sen noǎa teeba plě ɔ̈ see kàan dɛɛ teea dlǒ mɔ̀ kpaba mu ɛ̈ kwɛɛǒo Tentǎn Jǔ jleě mǒ bo, ɔ se Nyesoa kɔn klě ɔɔ wlò jleě. Kɛɛ nyu wùɛà mii kàan dɛɛ teea dlǒ mɔ̀le kpaba ɛ̈ kwɛɛǒo Tentǎn Jǔ jleě mǒ bo, ɔ kɔn äa Gbeǐ Nyesoa klee Ɔɔ Jǔ klě ɔɔ wlò jleě.