Taetɔ̌ 1:5 - Nyesoaa Kuo Win Jajle

⁵ Tè kɔn tè Ě siaě mòo klě blǒ tìeǒ moo Kwliì kɛn ɛ̈ ně poěe gbàe mǒ nɛ̀ moo keǒ bò mìa Tentǎn Jǔu wǎn dɛǒ wlò tù klě wakě tìiǒ siǒo kɛn klee mìa uu bòlibo tba klě deě wùɛ kɛn wòje ke Ě nua mòo tmɔɔ̌a.

Taetɔ̌ 1:5 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:30

Dɛǒ nɛ̀ u nua uu nyee noǎ u bòaa le ǔ nyea i Banàbɔ klee Sɔ̀ɔ̌ ǔ kpala li klě Tentǎn Jǔu wǎnʼa bòlibo u nea lěe Jùdǐa wakǎ kɛn mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:23

Pɔ̀ɔ̌ klee Banàbɔ tbala nyefòapo klě Tentǎn Jǔu wǎnʼa koǔ wùɛ bo bü mooa Tentǎn Jǔu wǎnʼa bòlibo, ǔ chìnʼa plě ǔ bàtea ɛ̈ mooaě nyopòǒ Koɔn kwete mǒ popoɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:11

Jùwɛ nyo klee nyopòà po uu chɛ̀ Jùwɛ Nyesoa dɛ slè klee nyopòà sɔnʼě dě fòɛǒ moo Kwliì mǒ plě klee klě blǒǒ monoo Awlebìa kɛn mǒ nù neà, plě kaǒ äa do do ä wɛ̌n u äa blětà win wan ǔ boɛ noǎ fòe ï Nyesoa nuu ii tè!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 27:12

Wàǒ ɛ sea kàan nu keǒ bä sìnʼaǒ wìdli tǐǒ, ii tè jbɛjluǒ uu fòfoa jlɛ̌ bä muua nya bä tɛ̀na ɛ mǒ ä mǐa diěǒ u dɛɛ Finì kɛn nyni, ä mǐaě wìdli tǐǒ sìn. Finì kɔna wà ɛ̈ neaǒo blǒ tìeǒ u dɛɛ Kwliì kɛn ɛ̈ chèaa togbea klee batle wakěe wɛnʼɛ pala mǒ ja, ii tè ɛ nua tɛɛ keǒ kpǒ je bebeɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 27:13

È fèflɛà sonwɛa lěe batle wakǎ kɛn mǒ ɛ̈ seaa kbě kɛn ne nɛ̀ tùngmaea le didiɛ, ii tè u jěa lɛ ɛ̈ moo dɛǒ u poaa ble u miaě ɛ wɔ̀ba keǒ bu kpala ɛ dlǒ mɔ̀. Tèǒ nì kɔn tè u sàla du ǔ nɛa blǒ tìeǒ moo Kwliì ɛɛ jbǒ wien.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 27:21

Tà ɛ kpalaa dɛ pɛ̀tu u seaa dɛ di, Pɔ̀ɔ̌ nynanaǒ u nya bo, kě ɔ dɛ̌a u je ɔ je, “Jbɛjlu ale, a kɔn ba pooa ně win nɔkǔ jebo, è a seeaě Kwliì mǒ sɔn, è noǎà nymii jǐ le klee noǎà mǎa ìi dɛ see bo je ne.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 27:7

Klě chnɛ̀ jlǒ wě fòfoa wlòmo měeǒ ɛ nɛa kàan doɛɛ doɛɛ ɛ̌ mooa wan kma dɛ keǒ bä nyniaě diěǒ mooa Senadò kɛn. Fèflɛǒ ɛɛ̌ wɔnʼa ämo bä muua nya, ii tè měe kpaeaě ä blǒ tìeǒ u dɛɛ Kwliì wakǎ mǒ ɛ̈ ně poěe gbàe mǒ, ä sìinʼaǒ blǒo kotoeǒ muě jbǒ wlòmo u dɛɛ Samonì gbàa.

1 Kwnɛtiɛ̌ 11:34

Bɛ̌ nu aa nyu sàno bɛ̌ ke ɔ ni, bɔ di dɛ klě koǔ bo ɛ̈ di ɛɛ numa bǎ bò le, Nyesoa Ɔɔ̌ seǒ ɔɔ plɔɔ tu kɛn bo maě ne. Bɛ̌ nu bo diǎ a jebo chèba, Ě miǎ a tee noǎ tìi tmɔɔ̌ma.

1 Kwnɛtiɛ̌ 14:40

Kɛɛ noǎ wùɛ a mii numa klě Nyesoaa wɛ̀ sàla mǒ bi neě tùtuɛɛ tǔn wlòmo plě bi beě tu mǒ tɛɛ tɛɛ.

1 Kwnɛtiɛ̌ 4:17

Dɛǒ nɛ̀ kɔn tè Ě dbe Timɛtě, ně mǒ noɛɛ jǔ ɔ̈ moo wlò je kuun nyu keǒ Koɔn mɔ̀, nɔ̀ miě i a wlòmo poba ke Ě nuu Tentǎn Jǔ Jùsuu konkwa nunuɛ, ɛɛ doǒ nɛ̀ Ě tee nyopò wùɛ klě uu Nyesoa keǐ bo ble le.

Klasɔ̌n 2:5

Kàan tè Ě se tùɔn kɛn ne klě a mɔ̀, kɛɛ Ě sìɛn aa tè mɔ̀le dlǒ plě ɛ̌ niniǐ chǒn keǒ bo di ɛ wɔ̌n ke a nii Nyesoaa wɛ̀ sèsa tɛɛ tɛɛ plě klee ke aa tè wlò popoɛ a kɔnʼɔ klě Tentǎn Jǔ mǒ ɛ nuu bo nynanyna kpankpa.

1 Timɛtě 1:3

Tà Ě mia lěe Masedonìa wakǎ kɛn, keǒ Ě nua ɛ mòo tmɔɔ̌a kě bò nu, Ě jlɛ̌ bò neě klě dě fòɛǒ moo Ɛfèse kɛn bo. Dɛǒ nɛ̀ bò nu mì nyopòǒ neěe ü tee lee sen noǎ keǒ Jùsu jleě mǒ je kan.

2 Timɛtě 2:2

Dbo nyopò ü kun nuu wlò je bu kpa winʼà wɔ̀n mǒo wan Ě boɔɔ keǒ sàsepo fòfoa jemǒ. Tba nyopò ü miě ɛɛ wɔ̀ba keǒ bü tee lee nyopò tùu.

Taetɔ̌ 1:12

Uu chɛ̀ɛ wnɔsàɔpoi nɔ̀ dǎ bò ɛ̈ moo, “Nyopò wùɛǒ sɔn lěe blǒ tìeǒ moo Kwliì kɛn mǒ u moo sen le tmɔ̌ nyo klee kpnii jǐlenymi soa plě klee fnàfna nyo ü kɔnʼɔ wnɔwnǔ.”