Taetɔ̌ 1:4 - Nyesoaa Kuo Win Jajle

⁴ Ě chleě ɛ mò Taetɔ̌ mɔ̀ ɔ̈ wǒo je ně chɛ̀ɛ wlòmo sà jǔ klě tè wlò popoɛ mǒ ɛ̈ ä paěn mǒo. Nɛ Nyesoa Ɔ̈ moo äa Gbeǐ klee Jùsu Tentǎn Jǔà Ɔ̈ moo äa Wowa Nyu Uu wlòo jlajlǎ dɛà ɛ̈ɛ̌ sà Uu wlè kǔ mǒ keǒ ɔ mɔ̀ bɛ muu nya klee Bu nye ɔ ně bo wnawna.

Taetɔ̌ 1:4 ပူးပေါင်းရင်းမြစ်များ

Lǔkù 2:11

Kekɛɛà aa Gblàgbla Nyu Ɔ̈ moo Nyesoaa Tentǎn Jǔ Koɔn Ɔ kɔɔn no klě klɔ̀ba Dèběsee dǐa.

Jɔ̀ɔ̌n 4:42

È nyopòǒ u tmɔɔ̌a nynɔǒ u je, “Ä po Ɔɔ tè kàan tè, ɛ se bò tmɔɔ̌ ämo ɛɛ doǒ ɛɛ tè. Ä wɔ̌n dɛ Ɔ boɔɔ lo äa chɛ̀, ii tè ä po Ɔɔ tè kàan tè plě ä ji ɛle sɛjesɛ Nɔ̀ moo Wowa Nyu keǒ kmɔ̌ɔ nyopòà mɔ̀.”

Wlǔmɔ 1:12

È dɛ Ě sɛ̀nʼɛ nynɛ̌ nɛ̀ moo a klee mǒ ä mǐ kbě ja le popoo lo klě äa do doo tè wlò popoɛ mǒ.

Wlǔmɔ 1:7

Ě chlě chněedɛ̌à keǒ nyu wùɛ mɔ̀ ɔ̈ neěe dě fòɛǒ moo Wlùun wlòmo ɔ̈à Nyesoa noɛɛ mǒ plě Ɔ daa bɔ̈ moo Ɔɔ nyu. Nɛ äa Gbeǐ Nyesoa klee äa Koɔn Jùsu Tentǎn Jǔ Uu wlòo jlajlǎ dɛ ɛ̈ɛ̌ sà Uu wlò kǔ mǒ klee ně bo wnawna U kɔnʼɔ keǒ a mɔ̀ bi muu nya.

2 Kwnɛtiɛ̌ 12:18

Ě bàtea Taetɔ̌ bɔ diaě a mɔ̀ ɔ klee äa bě tɔ̀ɔ mǎna ɔɔ debo. Dɛ̌ɛ̀ Taetɔ̌ seaǒ a kɛn jlǐǒ? Ɔ klee mǒ ä blě kàan ble po dɛɛ do plě äa kmɔ̌à ä nee ɛ̌ moo kàan.

2 Kwnɛtiɛ̌ 2:13

Kɛɛ tà Ě sea lěe ně bě Taetɔ̌ jɛɛ le, ně wlò sea blo, ii tè umoǒ nea lěe Ě kpala u wlu, è mǒǒ mua Masedonìa wakǎ kɛn.

2 Kwnɛtiɛ̌ 4:13

I chleě le klě Nyesoaa win wlòmo i je, “Ě po i kàan tè, tèǒ nì kɔn tè Ě boɔa li.” (Ps 116.10) Ä kɔn tè wlò popoɛɛ doǒ nye ämoo Sùsu ke, tèǒ nì kɔn tè ä po i kàan tè plě ä boɛ Nyesoaa win.

2 Kwnɛtiɛ̌ 7:6

Kɛɛ Nyesoaà Ɔ̈ nyuu wlò bɛ̌ bee wɔ̀ɔn Ɔ̈ tùiě ɔɔ wlò wlòmo ble, tà Taetɔ̌ nynii Nɔ̀ tùiě ä wlò wlòmo ble.

2 Kwnɛtiɛ̌ 8:16

Ä pe Nyesoa tàto keǒ Bɔ di Taetɔ̌ dlǒ le sìnsiɛn taeǒ nye keǒ a mɔ̀ ɛɛ doà ä kɔnʼɔ.

2 Kwnɛtiɛ̌ 8:23

Dɛ tɛ̀ɛ Ě blɛɛ je bo tmɔɔ̌ amoo de nɛ̀ moo Taetɔ̌ klee mǒ ä niǒ konkwa tàa do keǒ bä sɛ̀ɛ a mǒ. Jbɛjlu tùuǒ mǎa Taetɔ̌ debo u moo Nyesoaa tuposà kpa nyo ü Tentǎn Jǔu wǎn dboo. U ni konkwa u mǐ Tentǎn Jǔ tè jǐ boaboǎ nye.

2 Kwnɛtiɛ̌ 8:6

Tèǒ nì kɔn tè ä neǒ Taetɔ̌ demǒ bɔ sɛ̀ɛ a mǒ bɔ wɔ̀ wlòo jlajlǎ dɛ ɛ̈ɛ̌ sàa wlò kǔ mǒ ɛɛ konkwaǒ mɔ̀ ɛ̈ ɔ tùu wlò.

Kalesiɛ̌n 2:3

U poa ně tuposàǒ kɛn kòo, ii tè ně nenawai Taetɔ̌ ɔ̈ kɔn lěe Kwlǐki nyo slè u sea ɔ kpě kpae lee chɛ̀ keǒ bɔ bɛ̌a foeě wòje keǒ Jùwɛ nyoo tetě dɛ̌ɛ.

Kalesiɛ̌n 3:26

Aa wùɛ a moo Nyesoaa jlǔ klě tè wlò popoɛ a kɔnʼɔ mǒ klě Tentǎn Jǔ Jùsu mǒ.

Kalesiɛ̌n 3:28

Tèǒ nì kɔn tè mɔ̀le bebɛ̌ seǒ Jùwɛ nyo klee kuodakwɛ̌ slè ne klee keǒ kèiapo klee nyopòà see kèiapo slè ne plě keǒ jbɛju klee nynɔ slè. Aa wùɛ a moo dɛɛ do klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ.

Ifisiɛ̌n 1:2

Nɛ bo Nyesoa ɔ̈ moo äa Gbeǐ klee äa Koɔn Jùsu Tentǎn Jǔ Uu wlòo jlajlǎ dɛ ɛ̈ɛ̌ sà Uu wlè kǔ mǒ klee ně bo wnawna keǒ a mɔ̀ bi muu nya.

Klasɔ̌n 1:2

amo Tentǎn Jǔu wǎn mɔ̀ ü neěedě fòɛǒ moo Kolasà wlòmo ü moo äa bǐì ü mǎ lěe sèn bo keǒ Tentǎn Jǔ mɔ̀. Nɛ bo Nyesoa Ɔ̈ moo äa Gbeǐ Ɔɔ wlòo jlajlǎ dɛǒ ɛ̈ɛ̌ sà Lɔɔ wlò kǔ mǒ klee Ɔɔ ně bo wnawna keǒ a mɔ̀ bi muu nya.

1 Timɛtě 1:12

Ě pe Tentǎn Jǔ Jùsu tàto Ɔ̈ moo äa Koɔn Ɔ̈ nye mǒo kbě keǒ Bɔ miǐ jě ɛ̈ moo Ě blɛɛ ɛ je keǒ Bɔ tba mǒ boǒ nu Ɔɔ konkwa.

2 Timɛtě 1:1

Mǒ Pɔ̀ɔ̌à chlě chněedɛ̌à ɔ̈ moo Tentǎn Jǔ Jùsuu tuposà kpa nyu ɛ̈ monoo Nyesoaa kɛn wɔɔn dɛ, Ɔ̌ dbo mǒ boǒ boɔɔ Ɔɔ pee dɛɛ tè kɛn ɛ̈ kwɛɛǒo kmɔ̌ sie fònfnoo tè jleě mǒ bo ɛ̈ ä kɔnʼɔ ɛ̈ diiě tè wlò popoɛà ä kɔnʼɔ mǒ klě Tentǎn Jǔ Jùsu mǒ. Ě chleě ɛ

2 Timɛtě 1:2

mò Timɛtě mɔ̀ ɔ̈ Ě noɛɛ nee mǒ wòje keà ně chɛ̀ɛ wlòmo sà jǔ. Nɛ bo Nyesoa Ɔ̈ moo äa kàan Gbeǐ klee Tentǎn Jǔ Jùsu Ɔ̈ moo äa Koɔn Uu wlòo jlajlǎ dɛà ɛ̈ɛ̌ sà Uu wlè kǔ mǒ klee Uu wɔle je jbojbɛ keǒò mɔ̀ bi muu nya plě Bu nyeè ně bo wnawna.

2 Timɛtě 4:10

Kmɔ̌à ɛɛ mǒ noɛnoɛ nɛ̀ Dimǎse beǒ demǒ, ii tè ɔ siǒǒ bo ɔ̌ muě dě fòɛǒ monoo Tɛslonikà kɛn. È Kwlɛsɛ̀n nɔ̀ muě Kalesìa wakǎ kɛn, è Taetɔ̌ nɔ̀ muě Damasiǎ wakǎ kɛn.

Taetɔ̌ 1:3

Tà tɛɛ tǐ nyniaǒo, Ɔ̀ poa Ɔɔ winʼǒ mǒ pepě, è Ɔmo Nyesoa Ɔ̈ moo äa Wowa Nyu Nɔ̀ tmɔɔ̌ mǒ bo boɔ Ɔɔ win.

Taetɔ̌ 2:13

ɛ̈ kɔn ämo fee ü kuun ɛ wlò je keǒ ngmna ä miǎa kɔnma mɔ̀ bo äa Nyesoa Ɔ̈ kɔn tè kuun plě ï boǎa jǐ klee äa Wowa Nyu Jùsu Tentǎn Jǔ Bǔ wǒǎ tàmo.

2 Pitɛ̌ 1:1

Mǒ Saemɔ̌ Pitɛ̌à chlě chněedɛ̌à ɔ̈ monoo na wien po nyebajlo klee Jùsu Tentǎn Jǔu tuposà kpa nyu, Ě chleě ɛ amo nyopòà mɔ̀ ü kɔnʼɔ kàan tè wlò popoɛɛ doà ä kɔnʼɔ ɛ̈ sɔn lěe jebo siǐn Nyesoa mɔ̀ mǒ klee äa Wowa Nyu Jùsu Tentǎn Jǔ.

2 Pitɛ̌ 1:11

È a miǎ tɛɛ jebo kmekmɛ kɔnma klě Tentǎn Jǔu kmɔ̌ sie deplě slè Ɔ̈ moo äa Koɔn klee Wowa Nyu.

2 Pitɛ̌ 2:20

Bɛ̌ nu nyopò bǔ plùu kmɔ̌à ɛɛ noǎ sòen je keǒ bu ji äa Koɔn klee Wowa Nyu Jùsu Tentǎn Jǔ, kɛɛ plě bǔ pìnpin uu chɛ̀ klě imo noǎǒ slè bǐ kɔn u win kwa de, è uu kmɔ̌ǒ u nee ɛ nymi le jǐ ɛ̌ sìnʼǒ kmɔ̌ǒ u neaa mǒ plě ǔ kee Tentǎn Jǔ ji.

2 Pitɛ̌ 3:18

Kɛɛ a muu nya, a kun klě äa Koɔn Jùsu Tentǎn Jǔu wlòo jlajlǎ dɛ mǒ ɛ̈ɛ̌ sà Ɔɔ wlò kǔ mǒ keǒ a mɔ̀ klee klě Ɔɔ de jijiɛ mǒ. Nɛ Bɔ kɔn de bìsea klě tǐà wlòmo plě ke kmɔ̌ mii jleě mǒ bo tonma, kě bɛ ne.

2 Pitɛ̌ 3:2

Ě jlɛ̌ bi beě a wlòmo dɛ Nyesoaa ngmà je ne wnɔsàɔpo boɔlaa seela tǐ jleě klee dɛǒ äa Koɔn Ɔ̈ moo äa Wowa Nyu tmɔɔ̌a amoo klě Ɔɔ tuposà kpa nyo mǒ.

1 Jɔ̀ɔ̌n 5:14

Dɛà nɛ̀ moo wlò je kunkuɛn ä kɔn klě Nyesoa mǒ ɛ̈ moo bɛ̌ nu bä gbàa Ɔ dɛ wan klě Ɔɔ kɛn wɔɔan mǒ, tǐ wùɛ mɔ̀ Ɔ wɛ̌n äa win ni.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:3

Ně mǒ noɛɛ nyopò ane, Ě dǔa ɛ le pònpɔn mǒ seela keǒ bo chleěa a mɔ̀ ɛ̈ kwɛɛǒo wowa dɛà äa wùɛ ä kɔnʼɔ jleě mǒ bo, klě tǐà wlòmo Ě kɔn bo chlě, bo bàte amo keǒ ba wɔ̀n aa tè wlò popoɛɛ tè ɛ̈ Nyesoa nye Ɔɔ nyopò waěe do ɛ̈ nee kɛ̀ǒo tǐ wùɛ mɔ̀.