Taetɔ̌ 1:2 - Nyesoaa Kuo Win Jajle

² Tè wlò popoɛ nyna kɛn bo wlò je kuuan keǒ kmɔ̌ sie fònfno mɔ̀ ɛ̈ plě kmɔ̌à ɛ mǐaa wlò tùe Nyesoaà monoo Wlò Kpae Nyesoa Ɔ peeě keǒ ä mɔ̀.

Taetɔ̌ 1:2 ပူးပေါင်းရင်းမြစ်များ

Matiɔ̌n 25:34

È kě Klɔ̀baǒ Ɔ miǎ nyopòǒ neɔɔ dilǎ son mɔ̀ je dǎba, ‘Amoà amo Ně Gbeǐ po ngmna mɔ̀, a diě a mǐ jɔkɛn deplěà kɔn ɛ̈ Nyesoa wɔ̀ɔ mɔ̀le keǒ a mɔ̀ sɔɔnʼě kmɔ̌à ɛɛ wlò tùla mǒ.

Matiɔ̌n 25:46

È u miǎǒ Klɔ̀ba jemǒ sɔnma u mǐǎě tàa de mooěe kmɔ̌ siee plɔɔ tu kɛn bo maěa mǒ mu, kɛɛ jebo siǐn nyo miǎ muma u mǐǎ kmɔ̌ siee fònfno kɔn tǐ wùɛ mɔ̀.”

Mǎkè 10:17

È chnɛ̀ jlǒ waě tɛ̀ɛ mɔ̀ Jùsu sɔnaě koǔ bo mǒ Ɔ̌ diaɔ snǔ fòɛ mɔ̀ Ɔ̌ mia topodìe mǒ, è pònpan jbɛju tɔ̀ɔ kpalaě Ɔ mɔ̀ plùplɛ ɔ̌ kɔlaǒ Ɔ kwne jemǒ bo ɔ̌ gbàla Ɔ wan ɔ je, “Kàan Tee Nyu, mɛ bo nuǔ kɛ Ě miǐ kmɔ̌ sie fònfno kɔn?”

Mǎkè 10:30

sɛjesɛ ɔ mi noǎ fòfoa jěba ii wlèe m̀m m̀m kplěe fòfoa kělɔ kmɔ̌ɔ mɔ̀. Ɔ mi keǐ kɔnma klee mamǔ jbɛjlu klee mamǔ nynejlu klee naǎpò klee jlǔ plě klee chèa. Nyopò mi ɔɔ tè mɔ̀ tèba, kɛɛ ɔ miǎ kmɔ̌ sie fònfno kɔnma klě kmɔ̌ǒ miǎěe diba wlòmo.

Jɔ̀ɔ̌n 10:28

Ě nye u kmɔ̌ sie fònfno, tèǒ nì kɔn tè u seǎ gbè sùe kpe plě nyu slě uǔ kwete mǒ sàba mu.

Jɔ̀ɔ̌n 17:2

Keǒ nùu È nye Ɔ kpě keǒ tùonyopo wùɛ dlǒ mǒ, kě Bɔ nu Bɔ nye nyopò wùɛ kmɔ̌ sie fònfno ü nyè Ɔɔ.

Jɔ̀ɔ̌n 17:24

Ně Gbeǐò, Ě jlɛ̌ nyopòà ü nyè Mǒo bu neǒǒ gbàa tà wùɛ Ě miǒo nema ɛ̈ di ɛɛ numa tè jǐ boaboǎà nyèa Mǒo keǒ tà noɛɛ Mǒo mǒ ɛɛ tè mɔ̀, u mǐ ɛ jě ɛ̈ Ě kɔnaa plě kmɔ̌ɔ chɛ̀à ɛ mǐi nuu nu.

Jɔ̀ɔ̌n 5:39

A jě lɛ ɛ̈ moo klě Nyesoaa win chencheɛ̌n wlòmo klě a kɔɔnʼě kmɔ̌ sie fònfno, ii tè a chěn ni, è imo winʼi chɛ̀ǒ nì moo sàse keǒǒ mɔ̀.

Jɔ̀ɔ̌n 6:54

Kɛɛ nyu wùɛ ɔ̈ mi Něe fǒ diba plě ɔ̈ mi Něe nymɔ nǎma ɔ kɔn kmɔ̌ siee fònfno plě klě demǒ bɔɔ̌ chnɛ̀ jlǒ waěǒ wlòmo Ě miǎ ɔ jemǒ dǔba ɔ miǎě kǒla mǒ sɔn.

Jɔ̀ɔ̌n 6:68

È Saemɔ̌ Pitɛ̌ tùa Ɔ kɛ̀ɛn ɔ je, “Koɔn, mɔ ä kɔɔ̌n kɛ ä miě mɔ̀ muma? Nè winʼà nì blě kmɔ̌ sie fònfno.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:18

ǐ jiia seela tǐ jleě.

Wlǔmɔ 1:2

ɛ̈ klě Ɔɔ ngmà je ne winʼǒ wlòmo Ɔ peea lěe seela tǐ jleě klě Ɔɔ wnɔsàɔpo mǒ.

Wlǔmɔ 16:25

A nɛ bä po Nyesoaa nynɛ̌ le Ɔ̈ nye amoo kbě ǎ nee kmɔ̌ wòje keǒ kàan tuposà klee tuposàà Ě pee keǒ Tentǎn Jǔ Jùsu jleě mǒ nu ɛɛ boɔboɔ. Tentǎn Jǔ mooa Je Wɛ̌ Dɛ klě jlě fòfoa wlòmo plě Nyesoa po Ɔ pepě mǒ.

Wlǔmɔ 2:7

Nyopòà peěe kbě le ü kwɛnʼɛ wlò dbadbǎ keǒ bü nuu kàan dɛ keǒ tè jǐ boaboǎ klee bo tùtuɛ klee ně sɔ̀n fǒo tè mɔ̀, nù Ɔ miǎ kmɔ̌ sie fònfno nyema.

Wlǔmɔ 5:2

Klě äa tè wlò popoɛ mǒ Jùsu bɛ̌ ä dbǐ mɔ̀ ä kɔn Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ ɛ̈ ä nyna lěe slè bo klě tǐà wlòmo. Ä ni le chǒn keǒ tè jǐ boaboǎa wlò je kunkuɛn mɔ̀ ɛ̈ Nyesoa mi ämoo nyema.

Wlǔmɔ 5:21

Tèǒ nì kɔn tè keǒ kpni kukwǐ nuu win kwa konkɔn ǐ jɛ lěe kokoɛ̌, kě Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ nu ɛ̌ nu ä jebo siǐn nyo mǒ ɛ̈ diiě Jùsu Tentǎn Jǔ mǒ Ɔ̈ moo äa Koɔn ɛ̈ di ɛɛ numa ä mǐ kmɔ̌ sie fònfno kɔn.

Wlǔmɔ 5:4

Ɛɛ jebo nynanynaǒ nɛ̀ ni ɛ Nyesoa poo ä kòo kɛn plě Bɔ poo ä kòo kɛn ɛ nye ä wlò je kunkuɛn klě Ɔ mǒ.

Wlǔmɔ 6:23

Kokoɛ̌ nɛ̀ moo snǒ sàe dɛ kpni kukwǐ mi a nyema. Kɛɛ Nyesoaa nyee dɛà Ɔ nye ämoo ɛ̈ see dɛ po nɛ̀ moo kmɔ̌ sie fònfno ɛ̈ diiě Tentǎn Jǔ Jùsu mǒ Ɔ̈ moo äa Koɔn.

Klasɔ̌n 1:27

Ɔ jlɛ̌ Bɔ poa wlòlekaen je wɛ̌ dɛ fòɛǒ pepě mǒ keǒ Ɔɔ nyopò mɔ̀ ɛ̈ Ɔ kɔnʼɔ ɛ̈ neǒo keǒ dakɔ̌ wùɛ mɔ̀. Ɛmo je wɛ̌ dɛǒ nɛ̀ moo Tentǎn Jǔ neě a mǒ, dɛǒ nɛ̀ nye a wlò je kunkuɛn ɛ̈ moo a miǎ tè jǐ boaboǎ kɔnma.

1 Tɛseloniǎ 2:15

Umo Jùwɛ nyoǒ nù dbǎla äa Koɔn Jùsu klee Nyesoaa wnɔsàɔpo plě ǔ tè äa tè mɔ̀ ke. Uǔ bloo Nyesoaa plɔ plě u moo jlae nyo keǒ nyu wùɛ mɔ̀.

1 Tɛseloniǎ 5:8

kɛɛ ämoà ä kɔnʼě Chnɛ̀ mǒ. Ii tè keǒ tabɔ̀ nii ǔ kɔnʼɔ chnu paě ɛ̈ u mɛ̌ǒo wùlee bo keǒ to wònwɔn mɔ̀, kě bä nu bä wɛ̀ mɔ̀le bä kɔn tè wlò popoɛ klee mǒ noɛnoɛ i mǐ ä jǐ mɔ̀ tù keǒ dɛ kukǔ mɔ̀. È keǒ tabɔ̀ nii ǔ tùii pně gbàkla dlǒ keǒ to mɔ̀, kě bä nu ke bä kɔn wowa dɛɛ wlò je kunkuɛn ɛ̈ tùi ämoo jǐ mɔ̀.

1 Timɛtě 6:12

Keǒ bo nyu bɔ kɔn tè wlò popoɛ ɛ wǒ je keà nyu peěe kbě ɔ wɛ̀nʼɛ klě to kɛn. Ii tè wɔ̀ɔn ɛɛ tè kɛn mì duduɛ kɔn ɛ̈ monoo kmɔ̌ sie fònfno ɛ̈ kɔn tè Nyesoa dala mòo mii kɔn tǐǒ jleě sèsaea kàan dɛɛ tè kɛn le ɛ̈ kwɛɛaǒ nèe tè wlò popoɛ jleě mǒ bo keǒ tè mɔ̀ sà nyo fòfoa tùu jemǒ.

1 Timɛtě 6:19

Klě ɛmo dɛǒ ɛɛ nunuɛ mǒ u mi mǒ tèe dɛ kɔnma ɛ̈ moo dɛ nye uu wlò je kunkuɛn keǒ kmɔ̌ sie fònfno mɔ̀ klě kmɔ̌ǒ miǎ lěe diba wlòmo.

2 Timɛtě 1:1

Mǒ Pɔ̀ɔ̌à chlě chněedɛ̌à ɔ̈ moo Tentǎn Jǔ Jùsuu tuposà kpa nyu ɛ̈ monoo Nyesoaa kɛn wɔɔn dɛ, Ɔ̌ dbo mǒ boǒ boɔɔ Ɔɔ pee dɛɛ tè kɛn ɛ̈ kwɛɛǒo kmɔ̌ sie fònfnoo tè jleě mǒ bo ɛ̈ ä kɔnʼɔ ɛ̈ diiě tè wlò popoɛà ä kɔnʼɔ mǒ klě Tentǎn Jǔ Jùsu mǒ. Ě chleě ɛ

2 Timɛtě 1:9

Nyesoa Nɔ̀ moo Nyu Ɔ̈ gblà ämo klě kpni kukwǐi plɔɔ tu kɛn bo maěa bobo Ɔ̌ da ämo keǒ bä tù äa chɛ̀ ngmà je. Ɛ se bä nu dɛ tɛ̀ɛ ɛ̈ blɛɛ ɛɛ je, ii tè Bɔ nua ɛmo dɛǒ keǒ ä mɔ̀, kɛɛ plě kmɔ̌à ɛ mǐa wlò tùe ɛ mooa Ɔ ble po dɛ keǒ Bɔ kɔna Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ klě tè wlò popoɛ mǒ ɛ̈ ä kɔnʼɔ klě Tentǎn Jǔ Jùsu mǒ.

2 Timɛtě 2:10

Tèǒ nì kɔn tè Ě nyna sònwɛ jejeɛ̌ wùɛà jebo keǒ nyopòà Nyesoa sà lěe uu tè mɔ̀ ɛ̈ di ɛɛ numa u mǐ wowa dɛ jě klee kmɔ̌ sie tè jǐ boaboǎ ï diiě tè wlò popoɛà ä kɔnʼɔ klě Tentǎn Jǔ Jùsu mǒ.

2 Timɛtě 2:13

Baǎje bä se wlò je kuun nyoo chɛ̀, Ɔ moo Wlò Je Kuun Nyu. Mɛ kɔɔ̌n tèǒ joo nɛ̀ moo Ɔ slě wɔ̀ Bɔ chnɛ̀ Ɔɔ chɛ̀ɛ tè mɔ̀.

2 Timɛtě 2:15

Poě kbě, nu dɛǒ wɔ̀lee nunuɛ ɛ̈ di ɛɛ numa Nyesoa mǐì kòo kɛn poo lo wòje konkwa nuɔ ɔ̈ see dɛ jě ɛ̈ kɔn tè ɔ mǐi tònwe pe. Tee Nyesoaa kàan winʼà teěn teěn.

Taetɔ̌ 2:13

ɛ̈ kɔn ämo fee ü kuun ɛ wlò je keǒ ngmna ä miǎa kɔnma mɔ̀ bo äa Nyesoa Ɔ̈ kɔn tè kuun plě ï boǎa jǐ klee äa Wowa Nyu Jùsu Tentǎn Jǔ Bǔ wǒǎ tàmo.

Taetɔ̌ 2:7

Nè chɛ̀ mò bɔ moo ɛɛ jboo dɛ keǒ u mɔ̀ keǒ kàan noǎ wùɛ mìi numa mɔ̀. Bò ke tee le, nu ɛ bu ji ɛ ɛ̈ moo noǎǒ tèe le sɛ̀n ɛ nynɛ̌ plě i moo kàan tè è boɛ li.

Taetɔ̌ 3:7

Dɛ sɔnʼě ɛɛ wlòmo nɛ̀ moo Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀, nɛ̀ nu ämo ä moo jebo siǐn nyo klě Ɔ jǐ kɛn klee ä moo Ɔɔ jlǔ ü kɔnʼɔ wlò je kunkuɛn keǒ kmɔ̌ sie fònfno mɔ̀.

1 Jɔ̀ɔ̌n 2:25

Bɛ̌ nu bǎ nu ɛ, Tentǎn Jǔu chɛ̀ peeě ɛ keǒ Bɔ nye ä kmɔ̌ sie fònfno.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:21

Ɛ̈ kɔn amo fee äa Koɔn Jùsu Tentǎn Jǔ kɛn mǒ Ɔ̈ kɔnʼɔ wɔle je jbojbɛ keǒ ä mɔ̀ Ɔ mǐ amoo kmɔ̌ sie fònfno nye, ba muu nya ba noɛɛ Nyesoa mǒ.

Wlɛ̀velesɔ̌n 13:8

Nyopò wùɛ neɔɔ blǒɔ mɔ̀ nù mi ɔɔ wɛ̀ sàba ü sɔɔnʼaě kmɔ̌à ɛɛ wlò tùla mǒ ü kɔn nyneǎ seaa chleě le klě Blajǔà kǒaa Ɔɔ fònfno chněedɛ̌ wlòmo.

Wlɛ̀velesɔ̌n 17:8

Nmiǒ jèaa ɔ nea kmɔ̌, kɛɛ ɔ see kɛ̀ kmɔ̌ ne. Ɔ seǒ wlɛ̀ba mu ɔ miě bǐtìe fòɛǒ see mɔ̀ kɔn wan mǒ sɔn ɔ mǐ mu ɔ mǐ gbè sùee le. Nyopòà neɔɔ blǒɔ mɔ̀ ü kɔn nyneǎ sěɛlǎa chleě le klě fònfno chněedɛ̌ wlòmo sɔɔnʼě kmɔ̌à ɛɛ wlò tùla mǒ bǔ jě nmiǒ, ɛ mi u wlò le kaenma. Mɛ̌oǒ joo nɛ̀ moo ɔ nea kmɔ̌ plě ɔ̌ see kɛ̀ kmɔ̌ ne klě tǐà wlòmo, kɛɛ ɔ mi kmɔ̌ nema de.