Taetɔ̌ 1:16 - Nyesoaa Kuo Win Jajle

¹⁶ U je u ji Nyesoa, kɛɛ uu de nu kmɔ̌ nɛ̀ tee ɛ ɛ̈ moo u se Ɔ ji. Jejlae kmɔ̌ klee seǒ nyu tùtuɛ kɔn nì neě u mǒ plě klee u slě wɔ̀ bu nu kàan dɛ wùɛ.

Taetɔ̌ 1:16 ပူးပေါင်းရင်းမြစ်များ

Wlǔmɔ 1:28

Ke ɛ toon jleě mǒ bo tùonyopo je ǔ see wɔn bu sìɛn nee Nyesoaa kɛn wɔɔn dɛɛ tè dlǒ mɔ̀le, Nyesoa tɛ u bo bu neě uu dlǒ le sìɛnsiɛn kukǔǒ slè ɛ̈ di ɛɛ numa u mǐ noǎ nu ï u see je blɛɛ le bu nuu.

Ifisiɛ̌n 5:6

Aǎ sonwɛǒ nyu wùɛ mɔ̀ mǒ ɔɔ̌ ni bobo chɛtlǐia ɔɔ̌ gbee a mǒ. Noǎ kukwǐǒ kɔn tè Ě boɛ amoo je nì ni ɛ Nyesoaa jlo neǒ nyopòà kɛn üǔ tùǒ Ɔɔ bo.

1 Timɛtě 1:9

Ä ji ɛle ke ɛ̈ moo Nyesoa se Ɔɔ teteǎ po keǒ kàan nyo mɔ̀, kɛɛ keǒ tè wlǎ nyo mɔ̀ klee nyopòà slě Nyesoa dɛ mɔ̀ kɔn klee Ɔɔ dɛ slěe mǒ ne ü moo kpni kukwǐ nu nyo klee nyopòà üǔ tù uu chɛ̀ ngmà je klee nyopòà üǔ nuu Nyesoa dɛ plě klee nyopòà dbɛ̌ uu naǎpò klee gbeǐpò klee mnùngma po nyo tùu klee

1 Timɛtě 5:8

Nyu wùɛ ɔ̈ slě ɔɔ kmɔ̌ wǒ nyoo tè mɔ̀ kɔn, sɛjesɛ ɔɔ chɛ̀ɛ koǔ bo kwɛɛn, è Nyesoaa tè wlò popoɛà nɛ̀ǒ ɔ sà jleě mɔ̀. Ɔɔ kmɔ̌ nymi le jǐ ɛ̌ sìnʼǒ se kàan tè po nyo mǒ.

2 Timɛtě 3:17

Nyesoaa win ni nyuà ɔ̈ nii Nyesoaa konkwa ɔ̌ wɛ̀ mɔ̀le kpǎkpǎ ɔ̌ wɔ̀le ɛ keǒ bɔ nu kàan konkwaa doědoe wùɛ.

Taetɔ̌ 3:1

Pooě i Tentǎn Jǔu wǎnʼǒ neěe wlò jleě bu tùǒ blǒo win kwa kɔn nyo klee nyefòapo. Bu po uu win nɔkǔ jebo plě bu wɛ̀ mɔ̀le u mǐ kàan dɛ wùɛ nu.

Taetɔ̌ 3:3

Bi beěè wlò jleě ä moo pnɔ nyopòà kɔn plɔ kǒaa klee üǔ tùaǒo Nyesoa bo. U booa ä mǒ no plě ä mooa kèiapo keǒ kmɔ̌ kukǔu jlajlǎ dɛ wùɛ mɔ̀ klee ɛɛ plɔɔ bloo noǎa doědoe. Ä nea pnɔě kmɔ̌ kukǔ slè klee chea nunuɛ, ä fonfaea ne plě nyopò tùu faenʼa ämo ke.

1 Jɔ̀ɔ̌n 2:4

Nyu wùɛ bɔ̈ nu wiěn ɔ ji Nyesoa le, kɛɛ ɔ̈ɔ̌ tùǒo dɛǒ Ɔ boɛɛ bo, ɔɔ moo sen le tmɔ̌ nyu plě ɔ slě wɔ̀ bɔ boɔ kàan tè.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:4

Mɛ kɔɔ̌n tèǒ joo nɛ̀ moo nyopòo tìeà ü Nyesoa bɛ̌aa kokǒ wun kɛn seela nù dlee le ü pɛ a slè. U moo se Nyesoa ji nyo, nù sìnsiɛɛ teeaà mɔ̀ ɛ̈ kwɛɛǒo Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ ä mɔ̀ jleě mǒ bo ɛ̈ di ɛɛ numa u miě ɛ wɔ̀ keǒ bu moo nye kukwǐ. U sà Jùsu Tentǎn Jǔ mɔ̀ jleě Ɔ̈ moo äa Chì Kpa Ämoo do klee Koɔn.

Wlɛ̀velesɔ̌n 21:27

Dɛ kukǔ wùɛ slě diěǒ wlòmo paba mu klee nyu wùɛ ɔ̈ nii tònwe noǎ le klee ɔ̈ tmɛɛ̌ sen, ɛ̀ sìnʼǒ nyopòo doǒ ü kɔn nyneǎ chleě lee klě Blajǔu fònfno chněedɛ̌ǒ wlòmo.

Wlɛ̀velesɔ̌n 21:8

Kɛɛ nyopòà kɔnʼɔ fano klee nyopòà moo nyu bo demǒ sà nyo klee ü kmɔ̌ sòan neěe ja klee mnùngma po nyo klee se wòn mɔ̀ɔ wɛ̀ kmɔ̌ nyo klee sàlesa nu nyo klee nǔkpuǐi wɛ̀ sà nyo plě klee sen le tmɔ̌ nyo wùɛ u miǎ u blěe wakǎ kɔnma klě wnewne seɛ̌ɛ na wulǒ mǒ ɛ̈ moo sɔ̌n nenɛ kokoɛ̌.”