Taetɔ̌ 1:12 - Nyesoaa Kuo Win Jajle

¹² Uu chɛ̀ɛ wnɔsàɔpoi nɔ̀ dǎ bò ɛ̈ moo, “Nyopò wùɛǒ sɔn lěe blǒ tìeǒ moo Kwliì kɛn mǒ u moo sen le tmɔ̌ nyo klee kpnii jǐlenymi soa plě klee fnàfna nyo ü kɔnʼɔ wnɔwnǔ.”

Taetɔ̌ 1:12 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:28

wòje ke aa dǎtè chlě nyoo tìe nu ɛɛ chlechlɛ̌ ɛ̈ moo, ‘Ä ne kmɔ̌ ä nɛ le klě Ɔ mǒ.’ È uu tìe je, ‘Ämoà ämo moo Ɔɔ jlǔ.’

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:11

Jùwɛ nyo klee nyopòà po uu chɛ̀ Jùwɛ Nyesoa dɛ slè klee nyopòà sɔnʼě dě fòɛǒ moo Kwliì mǒ plě klee klě blǒǒ monoo Awlebìa kɛn mǒ nù neà, plě kaǒ äa do do ä wɛ̌n u äa blětà win wan ǔ boɛ noǎ fòe ï Nyesoa nuu ii tè!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 27:12

Wàǒ ɛ sea kàan nu keǒ bä sìnʼaǒ wìdli tǐǒ, ii tè jbɛjluǒ uu fòfoa jlɛ̌ bä muua nya bä tɛ̀na ɛ mǒ ä mǐa diěǒ u dɛɛ Finì kɛn nyni, ä mǐaě wìdli tǐǒ sìn. Finì kɔna wà ɛ̈ neaǒo blǒ tìeǒ u dɛɛ Kwliì kɛn ɛ̈ chèaa togbea klee batle wakěe wɛnʼɛ pala mǒ ja, ii tè ɛ nua tɛɛ keǒ kpǒ je bebeɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 27:13

È fèflɛà sonwɛa lěe batle wakǎ kɛn mǒ ɛ̈ seaa kbě kɛn ne nɛ̀ tùngmaea le didiɛ, ii tè u jěa lɛ ɛ̈ moo dɛǒ u poaa ble u miaě ɛ wɔ̀ba keǒ bu kpala ɛ dlǒ mɔ̀. Tèǒ nì kɔn tè u sàla du ǔ nɛa blǒ tìeǒ moo Kwliì ɛɛ jbǒ wien.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 27:7

Klě chnɛ̀ jlǒ wě fòfoa wlòmo měeǒ ɛ nɛa kàan doɛɛ doɛɛ ɛ̌ mooa wan kma dɛ keǒ bä nyniaě diěǒ mooa Senadò kɛn. Fèflɛǒ ɛɛ̌ wɔnʼa ämo bä muua nya, ii tè měe kpaeaě ä blǒ tìeǒ u dɛɛ Kwliì wakǎ mǒ ɛ̈ ně poěe gbàe mǒ, ä sìinʼaǒ blǒo kotoeǒ muě jbǒ wlòmo u dɛɛ Samonì gbàa.

Wlǔmɔ 16:18

Nyopò doǒ uǔ nu Tentǎn Jǔu konkwa Ɔ̈ moo äa Koɔn. U ni uu chɛ̀ɛ wlòo ble po dɛ ǔ bee nyopò mǒ klě uu chɛtlǐi boɔboɔ win mǒ klee mǒ boo nynɛ̌ kɛn popoɛ win mǒ.

Flepiɛ̌n 3:19

Klě ɛɛ dlǒ chlɛ̀ɛa mǒ u mi gbè sùeba. Mɛ̌oǒ joo nɛ̀ moo uu nyesoa nɔ̀ moo dɛ uu wlè jlɛ̌ɛ. U jɛɛě uu chɛ̀ le keǒ dɛà kɔn tònwe blɛɛ je bɛ̈ nu nuu mɔ̀ plě dɛ wùɛ u sìɛn nee dlǒ mɔ̀le nɛ̀ moo kmɔ̌ɔ noǎà ii tè sosǒ.

1 Timɛtě 4:2

Ɛmo teea taeǒ ɛ sonwɛě mǒ sen le tmɔ̌ ä jěè kɛn ä daà kàan chènyɔ Nyesoa nyo mɔ̀ ü kɔn tèe de jbojbɛ sǔnʼu wòje keà pneě smunǔ siɛnʼɛ dɛ.

Taetɔ̌ 1:5

Tè kɔn tè Ě siaě mòo klě blǒ tìeǒ moo Kwliì kɛn ɛ̈ ně poěe gbàe mǒ nɛ̀ moo keǒ bò mìa Tentǎn Jǔu wǎn dɛǒ wlò tù klě wakě tìiǒ siǒo kɛn klee mìa uu bòlibo tba klě deě wùɛ kɛn wòje ke Ě nua mòo tmɔɔ̌a.

2 Pitɛ̌ 2:12

Kɛɛ nyopòǒ u cheɛɛ̌ dɛ wùɛ le ɛ̈ u see le jbo. Bǔ ke dɛ ni, uǔ sìɛn dlǒ le wòje kwlǎ slè soa ï kɔɔn noo kělɔ kmɔ̌ɔ mɔ̀ keǒ nyu bɔ kmee bɔ dbǎa. U mi gbè sùeba wòje keà soa.

2 Pitɛ̌ 2:15

U sɔnʼǒ mǒ slɛɛ̌ snǔ mɔ̀ mǒ ǔ nɛ dɛ kukǔ de wòje dɛǒ Belìan nuaa ɔ̈ mooa Beɔ̀ɔ jbɛjuju seela tǐ jleě ɔ̈ noɛɛa wlě mǒ ï bɔ̌ nuaa dɛ kukǔ u mia nɔɔ nyema.