Taetɔ̌ 1:10 - Nyesoaa Kuo Win Jajle

¹⁰ Ɛ kɔn nyopò fòfoa neěe, sɛjesɛ foeě bɛ̌ nyoo tàkpɛ̌ǒ ü wɛ̀nʼɛ Nyesoaa win je plě ü tɛ̀n ɛɛ mǒ bü boo loo nyopò mǒ keǒ bobo noǎ u boɛɛ mɔ̀.

Taetɔ̌ 1:10 ပူးပေါင်းရင်းမြစ်များ

Matiɔ̌n 23:14

Chlǒ keǒ amo teteǎ tee nyo klee Fɛlesǐi wǎn mɔ̀. Amo ä jěè kɛn ä daà kàan chènyɔ Nyesoa nyoà. Mɛ kɔɔ̌n tèǒ joo nɛ̀ moo a jlǐ koti nynoo keǐ plě ǎ tmɛɛ Nyesoa bàtea jleě mǒ bo ɛ̈ di ɛɛ numa nyopò mǐ a jě. Tèǒ nì kɔn tè Nyesoa miǒ aa plɔ tu kɛn bo maěma chɔɔ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:2

Kɛɛ tà Pitɛ̌ tbaeaa je klě Jlǔsnɛ, è Jùwɛ nyoǒ mooa Tentǎn Jǔu wǎn ü bɛ̌aa foeě ù jěa ɔ le tè keǒ kuodakwɛ̌ɛ tè mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:1

Ɛ kɔna tǐ tìi tà nyopò tùu nù sɔnaě Jùdǐa wakǎ kɛn mǒ ü tèea je ü mua Ɛntìa, nù teea Tentǎn Jǔu wǎnʼǒ nea lěe, kě u dɛ̌a u je, “Bɛ̌ nu bǎ se foeě bɛ̌ wòje keà Mɔ̀sěe tetě nu ɛɛ ble popoɛ, è a se wowa dɛ kɔn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:24

Ä wɔ̌n dɛ ɛ̈ moo nyopò tùu nù sɔn nɔ ä mɔ̀ mǒ u muě a mɔ̀ ü ä see kbě nye, nù jaě jale jejǎea klě a slè ɛ̈ po aa wlè wɔ̀ɔn, kě u dɛ̌ ɛ̈ moo, ‘A blɛɛ je ba bɛ̌ foeě ba tùǒ Nyesoaa tetě bo plě a mǐ wa.’

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:29

Ě ji ɛle bo sɔnʼà mǒ nyopòà kɔn kpni nymii jǐ le ü wǒo je chìa u miɔ a slè diba, u se aa nyu wɔle je jboba mu.

Kalesiɛ̌n 2:4

Kàan tè nyopòà ü ni nuu chɛ̀ Tentǎn Jǔu wǎn mǒ u jlɛ̌ bɔ bɛ̌a foeě. U chencheana ǔ dia wònwɛɛ mǒ u mǐa ɛ jě bä keaǒ Jùwɛ nyoo teteǎ ble tùi ï äa tè wlò popoɛ ä kɔnʼɔ klě Tentǎn Jǔ mǒ gblàlaě ämoo bobo. U jlɛ̌ bu nua ä kèiapo mǒ keǒ teteǎǒ mɔ̀,

Kalesiɛ̌n 3:1

Amo bobo Kalesìa nyoà, ɛ moo kɛ kwɛ̌ ǔ tù ɛ amo nɛ̀ kɔn tè aǎ jbo dɛ monoo mǒ slɛɛ̌ dɛ lee? Ɛ sèsaea le kɛn ɛ̌ pàea chnɛ̀ le ke Jùsu Tentǎn Jǔ nuaǒo pète bɛ̌ tu jleě kɔɔa.

Ifisiɛ̌n 4:14

Ii tè äa ka bɛɛ̌ wě je jlǔ klɔkwlěe kɛ̀ üà nyopò mǒ boo nyo booa mǒ ü nii nyopò tùu kplakplǒ kmɔ̌ jele plě ü pe ɛ ble bü po uu kenkan snǔ wan.

1 Timɛtě 1:4

Tmɔɔ̌ u bu bɔ̌ǒ uu chɛ̀ɛ tǐ de le kpokpa bu bɔ̌ tɔn noǎà see kàan tè klee ke uu gbeǐpò dlě nuu tèteɛ ii tè dlǒ mɔ̀le sìɛɛan. Imo noǎǒ i jɛě chɛtlǐia fòfoa klě a slè ɛ̈ see dɛ mǒ ne, ɛ̈ sìnʼǒ bu nu Nyesoaa konkwa ɛ̈ tè wlò popoɛ tee ämoo.

1 Timɛtě 1:6

Tìe tùu tbɛ noǎǒ kɛn ǔ chɛtlǐi noǎà see dɛ mǒ ne ii tè mǒ.

1 Timɛtě 1:9

Ä ji ɛle ke ɛ̈ moo Nyesoa se Ɔɔ teteǎ po keǒ kàan nyo mɔ̀, kɛɛ keǒ tè wlǎ nyo mɔ̀ klee nyopòà slě Nyesoa dɛ mɔ̀ kɔn klee Ɔɔ dɛ slěe mǒ ne ü moo kpni kukwǐ nu nyo klee nyopòà üǔ tù uu chɛ̀ ngmà je klee nyopòà üǔ nuu Nyesoa dɛ plě klee nyopòà dbɛ̌ uu naǎpò klee gbeǐpò klee mnùngma po nyo tùu klee

2 Timɛtě 3:13

È dɛ kukǔ nu nyo klee nyopò kɛn jlǐ nyo mi uu kmɔ̌ǒ dlǒ mɔ̀ kpaba chɔɔ, u mǐ nyopò mǒ boo lo klee u mǐ uu chɛ̀ mǒ boo lo ke.

2 Timɛtě 4:4

U mi uu nɔkwǐ kàan dɛ mɔ̀ sàba, u mǐ tɔn tè ja chè ï see kàan tè.

Taetɔ̌ 1:6

Bi beěè wlòmo ɛ̈ moo Tentǎn Jǔu wǎnʼa bòlibopoi bɔɔ̌ kwɛn tè jɛɛa keǒ ɔɔ chɛ̀ jleě mǒ klee bɔ kɔn nynɔɔ do sosǒ plě ɔɔ jlǔ bu moo Tentǎn Jǔu tè kàan tè po nyo, uǔ kwɛn kmɔ̌ taeǒ moo nyu bɔ seǒ ɔɔ chɛ̀ɛ wlò mɔ̀ kwa bleblɛ̌ ji klee seǒ nyu tùtuɛ kɔn.

Jìmǐse 1:26

Bɛ̌ nu nyuà ɔ̈ kɔn lě ɛɛ wlò jleě ɛ̈ moo ɔ moo Nyesoa nyuò plě ɔ̈ɔ̌ tù ɔɔ chɛ̀ɛ boɔboɔ win jǐ mɔ̀, ɔ gbee ɔɔ chɛ̀ mǒ no, è ɔɔ Nyesoa wɛ̀ sèsaǒ ɛ moo flo.

1 Jɔ̀ɔ̌n 2:18

Ně jlǔ ale, demǒ bɔɔ̌ tǐ nìà ä neě wlòmo. A wɛ̌na i ni ɛ̈ moo Tentǎn Jǔu jlae nyu diě le, uu fòfoa ne kɛn tùɔn ɛ̌ wɛ̀ mɔ̀le. Dɛǒ nɛ̀ kɔn mǒ ä jiiě ɛ ɛ̈ moo demǒ bɔɔ̌ tǐ nìà ä neě wlòmo.

1 Jɔ̀ɔ̌n 2:4

Nyu wùɛ bɔ̈ nu wiěn ɔ ji Nyesoa le, kɛɛ ɔ̈ɔ̌ tùǒo dɛǒ Ɔ boɛɛ bo, ɔɔ moo sen le tmɔ̌ nyu plě ɔ slě wɔ̀ bɔ boɔ kàan tè.

1 Jɔ̀ɔ̌n 4:1

Ně mǒ noɛɛ nyopò ane, aǎ pe nyu wùɛɛ tè kàan tè ɔ̈ dɛ̌ bòo ɛ̈ moo ɔ kɔn Ngmà Je Ne Sùsu, kɛɛ ba tɛ̀n ɔ mǒ a mǐ ɛ jě bɛ̌ nu bo Sùsuǒ Bɛ̌ sɔnʼě Nyesoa mɔ̀ mǒ. Dɛ ɛ nuu nɛ̀ moo sen le tmɔ̌ wnɔsàɔpo fòfoa nù neɔ kmɔ̌ɔ mɔ̀.

Wlɛ̀velesɔ̌n 2:14

Kɛɛ Ě kɔn mòngmɛ noǎa ï moo kɔɔ̌ dɛ keǒ a jleě mǒ. A kɔn nyopòo tìe neě amoo slè ü blěǒo Belìanʼa teea mɔ̀ kwa ɔ̈ teeaa Belɛ̀ ke bɔ nuaa Ǐsòwɛ̌ kwɛɛn nunuɛ u mǐaa kpni kukwǐ nu keǒ bu dia digbaǐà u sàea nǔkpuǐ bɔ̀ je klee bu nea se wòn mɔ̀ɔ wɛ̀ kmɔ̌.

Wlɛ̀velesɔ̌n 2:6

Kɛɛ a kɔn kàan noǎ ï moo a se noǎ kukwǐ mǒ noɛɛ ne ïǒ Nikaplɔ̀ kwɛɛn nii wòje ke Ě nuu Ě se ii mǒ noɛɛ ne.’