Wlǔmɔ 9:3 - Nyesoaa Kuo Win Jajle

³ keǒ ně nyopò Ǐsòwɛ̌ kwɛɛn mɔ̀ ü moo ně chɛ̀ɛ kmɔ̌ wǒ nyo. Bɛ̌ nu bɛ̌ diiǒ u mɔ̀ mǎma, Ě mii ɛ kɛn wɔɔnma keǒ Nyesoa Bɔ bɛ̌ɛ̌ mǒ na slè mumuɛɛ wun kɛn plě Ě miiǒ Tentǎn Jǔ jleě mǒ sàe le.

Wlǔmɔ 9:3 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:26

Ně mɔ̀niapo ale, Eblɛ̌hɛ̀moo jlǔu jlǔ klee kuodakwɛ̌ ü nyeǒo Nyesoa bo tùtuɛ, amoà Nyesoa dbo tuposàà mɔ̀ ɛ̈ kwɛɛǒo wowa dɛɛ tè jleě mǒ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 22:5

Nyesoaa bodiɔ klee Jùwɛ nyoo tè tù nyo wùɛà nù wɔ̀le je bü moo ně sàse ɛ̈ moo kàan tèà Ě boɛ. Nù nyeaǎ chněenoǎ bo kpala i Tentǎn Jǔu wǎnʼǒ nea lěe Dimasèka diě wlòmo, klě Ě mia lě Ě mǐa u kme Ě mǐa u de ja kělɔ Jlǔsnɛ uu plɔ mǐaǒ tu kɛn bo maě ne.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 28:21

È kě Jùwɛ nyo dɛ̌a ɔ je u je, “Ä sěɛ chněenoǎ jě bï sɔn lěe nyopòǒ neěe Jùdǐa wakǎ kɛn mɔ̀ mǒ bï kwɛɛǒ mòo jleě mǒ bo plě äa bǐìǒ neěe uu nyu sěɛě mǒ sonwɛ bɔ̈ boɔɔ dɛ kukǔ wùɛ keǒò jleě mǒ.

Wlǔmɔ 1:3

Nyesoaa tuposà kwɛɛǒ Ɔɔ Jǔ jleě mǒ bo Ɔ̈ bea lěe tùonyuu tǔn wlòmo Ɔ̈ diia lěe klɔ̀ba Dèběsee tùgba slè.

Wlǔmɔ 11:1

Ii tè boǒ gbà ɛ wanʼò, Nyesoa po kɛě Ɔɔ nyopòà mǒ plǒ le? Sɛjesɛ ɛ se bò nu! Ně chɛ̀à Ě moo Ǐsòwɛ̌ kwɛin, Ě moo Eblɛ̌hɛ̀moo jlǔu jǔ, Ě sɔnʼě mǒ dakɔ̌ǒ moo Bɛ̀chemɛ̌ nyo slè.

Wlǔmɔ 11:14

Klě wakǎ tɛ̀ɛ wlòmo Ě kuun ɛ je wlò ɛ̈ moo ɛmoǒ nɛ̀ Ě ni ně chɛ̀ɛ Jùwɛ nyo ǔ ni chea keǒ a mɔ̀ klee Ě mǐ uu tìe wa.

Wlǔmɔ 16:11

Ě gbà Hɛwlodìɛn wan ɔ̈ moo něe bě Jùwɛ nyu. Ě gbà nyopò wùɛ wan le ü moo Tentǎn Jǔu wǎn ü neěe Nɔsesèe tùgba slè.

Wlǔmɔ 16:21

Timɛtě ɔ̈ klee mǒo sɔ̌n nii konkwa ɔ dbo wan le gbògba klě a mɔ̀. È dɛɛ doǒ nɛ̀ ně bǐì Jùwɛ nyo Lusiǎ klee Jesɔ̀n klee Sosepetà nu.

Wlǔmɔ 16:7

Wan le gbògba keǒ Andlonakà klee Juniasè mɔ̀ ü moo něe bǐì Jùwɛ nyo ü klee mǒo sɔ̌n u poaa wùlo. Tentǎn Jǔu tuposà kpa nyoo tàii pù tùo sɔ̌n ji ulu tɛɛ plě nù poa Jùsuu tè kàan tè seela plě ɛ mǐ ně tǐ kɛn jɛɛ le.

Wlǔmɔ 9:2

bo ke bò dɛ̌ ɛ̈ moo ně wlò be wɔ̀ɔn chɔɔ plě Ě kɔn chnechně dɛ ɛ̈ see dɛ bobɔ̌ kɔn klěě wlò jleě

1 Kwnɛtiɛ̌ 12:3

Tèǒ nì kɔn tè boǒ sèsae a wlòmo, nyuà Nyesoaa Sùsu neěe ja ɔɔ̌ boɔ dɛà ɛ̈ moo, “Chlǒ keǒ Jùsu kɛn,” plě nyu wùɛ nɔ̀ slě wɔ̀ bɔ dǎ bò ɛ̈ moo, “Jùsu moo ně Koɔn,” ɛ̀ sìnʼǒ Nyesoaa Ngmà Je Ne Sùsu Bɛ̌ neě ɔ ja plě.

1 Kwnɛtiɛ̌ 16:22

Bɛ̌ nu bo nyu bɔ̌ se Koɔn mǒ noɛɛ ne bɛ moo chlǒ keǒ ɔ mɔ̀! Äa Koɔn diě le!

2 Kwnɛtiɛ̌ 12:15

Tèǒ nì kɔn tè Ě mi ně konkɔn noǎ wùɛ ploba klě plɔɔ bloblɛ mǒ keǒ aa kàan dɛɛ tè mɔ̀, jà ně chɛ̀. Bɛ̌ nu bo noɛɛ kɛ a mǒ chɔɔ dɔ̌, è aa mǒ noɛnoɛ a kɔnʼɔ keǒǒ mɔ̀ ɛ mi mǒ chɛɛ̌nma le?

Kalesiɛ̌n 1:8

Kɛɛ bɛ̌ nu ämo ɔ̀ɔ̌ najiǒpòi bɔ̌ sɔnʼě jɔkɛn mǒo chɛ̀ bɔ̌ ke dɔ̌ tuposà pe ɛ̈ see tuposàà ä poa amoo je, è ɔmo nyuǒ bɔ bɛɛ̌ wun kɛn keǒ na slè mumuɛ mɔ̀.

Kalesiɛ̌n 1:9

Ä tmɔɔ̌a a dɛɛ doǒ lo de plě nɛ̀à Ě wɛ̀ sɔ̌n kɛn, bɛ̌ nu nyu bɔ̌ ke dɔ̌ tuposà pe ɛ̈ see tuposà ä poa amoo je a blěǒo mɔ̀ kwa, è ɔmo nyuǒ bɔ bɛɛ̌ wun kɛn keǒ na slè mumuɛ mɔ̀.

Kalesiɛ̌n 3:10

Chlǒ keǒ nyu wùɛ mɔ̀ ɔ̈ mi ɛɛ mǒ tɛ̀nma keǒ bɔ̈ tùǒo Nyesoaa teteǎ bo ɔ miěe Nyesoa jǐ kɛn le wɛɛn ne. Mɛ kɔɔ̌n tèǒ joo nɛ̀ moo ɛ chleě le klě Nyesoaa win wlòmo ɛ̈ moo, “Chlǒ keǒ nyu wùɛ mɔ̀ ɔ̈ see noǎ wùɛà chleě lee klě Nyesoaa teteǎ wlòmo ii nunuɛ nya kpaaba mu.” (Deut 27.26)

Kalesiɛ̌n 3:13

Tentǎn Jǔ Nɔ̀ gblàlaě ä chlǒǒ bobo ɛ̈ neaǒ ämoo kɛn ɛ̈ Nyesoaa teteǎ mǎna ämoo kɛn bo. Ke Ɔ nu ɛɛ nunuɛ nɛ̀ moo Nɔ̀ chlǒǒ ɛ pooa mɔ̀ keǒ ä pènmo wòje ke ɛ nuu chleěa klě Nyesoaa win wlòmo ɛ̈ moo, “Nyu wùɛà ɔ̈ kɔɔǒo pète bɛ̌ tu jleě ɔ poo mɔ̀ chlǒ.” (Deut 21.23)

Ifisiɛ̌n 6:5

Amo nyebajle, a tùǒ aa chì kpa ämopò ü neɔɔ kmɔ̌ɔ mɔ̀ wòje keǒ a miiǒo Tentǎn Jǔ tùtuɛ kpɛntɛɛ̌ nyenyeɛ numa klee a mǎě sèn bo.