Wlǔmɔ 8:3 - Nyesoaa Kuo Win Jajle

³ Teteǎ seaě wɔ̀ bi nyea ä kmɔ̌ sie fònfno. Mɛ̌oǒ joo nɛ̀ moo äa tùonyu kmɔ̌à ɛ seaě wɔ̀ bɛ tùaǒ i bo. Tèǒ nì kɔn tè Nyesoa dbo Ɔɔ Jǔu do kělɔ kmɔ̌ɔ mɔ̀ Ɔ̌ poě Ɔ blǒ fǒo tǔn wlòmo wòje keà äa kpni kukwǐi blǒ fǒà ɛɛ ka nee je ɛ̈ di ɛɛ numa Ɔ mǐ chɔ̀no tù keǒ dɛ kukǔ mɔ̀, dɛǒ nɛ̀ kɔn mǒ Nyesoa sùeeě dɛ kukǔ gbè

Wlǔmɔ 8:3 ပူးပေါင်းရင်းမြစ်များ

Mǎkè 15:27

È u mǎna Ɔ kɛn bo jlǐ nyoo sɔ̌n u kɔaǒo pète bɛ̌ ti jleě ke, do neea Lɔɔ dilǎ son mɔ̀, è do tɔ̀ɔ neea Lɔɔ gbàpe son mɔ̀.

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 9:24

È Jùwɛ nyoo je si nyo dala jbɛjuǒ dɔaa de, kě u dɛ̌a ɔ je u je, “Nye Nyesoa tè jǐ boaboǎ. Ä ji ɛle Nyuǒ kna nèe jǐǒ Ɔ moo dɛ kukǔ nuɔ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:39

Teteǎǒ Nyesoa nyeaa Mɔ̀sě i slě wɔ̀ bi sàě a kpni kukwǐ slè bi nu a jebo siǐn nyo mǒ, kɛɛ nyu wùɛ ɔ̈ mii Jùsuu tè kàan tè poba, Nyesoa mi ɔ jebo siǐn nyu mǒ numa.

Wlǔmɔ 3:20

Tèǒ nì kɔn tè ke ɛ toon jleě mǒ bo Ɔɔ teteǎ nu ämoo ä jbo ɛɛ le ɛ̈ moo ä moo kpni kukwǐ nu nyo, nyu wùɛ nɔ̀ slě wɔ̀ bɔ̈ nu ɔɔ chɛ̀ jebo siǐn nyu mǒ klě Nyesoa jǐ kɛn keǒ Ɔɔ teteǎ bo tùtuɛ mɔ̀.

Wlǔmɔ 6:6

È ke ä nu ɛɛ jijiɛ nɛ̀ moo ä jaě äa kpni kukwǐ kmɔ̌ dakěà ǐ kɔɔǒ pète bɛ̌ tu jleě i klee Tentǎn Jǔu sɔ̌n ɛ̈ di ɛɛ numa ä mǐ kpni kukwǐ fǒ měne sà äǎ dii kɛ̀ kèiapo tù keǒ i mɔ̀.

Wlǔmɔ 7:18

Baǎje boǒ chlà lɛ keǒ bo nu kàan dɛ, Ě slě wɔ̀ bo nu ɛ. Tèǒ nì kɔn tè Ě ji ɛ ɛ̈ moo kàan dɛ tɛ̀ɛ nɛ̀ slěě mǒ ne, Ě sɛ̀n nynɛ̌ klě ně kpni kukwǐ kmɔ̌ slè.

Wlǔmɔ 8:32

Bɛ̌ nu Bɔ̌ sea Ɔɔ chɛ̀ɛ Jǔ son kɛn bo mǎ, kɛɛ Bɔ̌ nyea Ɔ ämo Bɔ̌ kǒa keǒ äa wùɛ mɔ̀, è ke a je Ɔ slě wɔ̀ Bɔ poǒ kɛ Ɔ klee ämoo sɔ̌n ngmna mɔ̀ keǒ noǎ wùɛ Ɔ kɔnʼɔ mɔ̀?

Wlǔmɔ 9:3

keǒ ně nyopò Ǐsòwɛ̌ kwɛɛn mɔ̀ ü moo ně chɛ̀ɛ kmɔ̌ wǒ nyo. Bɛ̌ nu bɛ̌ diiǒ u mɔ̀ mǎma, Ě mii ɛ kɛn wɔɔnma keǒ Nyesoa Bɔ bɛ̌ɛ̌ mǒ na slè mumuɛɛ wun kɛn plě Ě miiǒ Tentǎn Jǔ jleě mǒ sàe le.

2 Kwnɛtiɛ̌ 5:21

Nyesoa nua Tentǎn Jǔà dɛ kukǔ slě mǒ ne keǒ Bɔ wǒa dɛ kukǔ nuɔ keǒ äa tè mɔ̀ ɛ̈ di ɛɛ numa Ɔmo Nyesoa Ɔ mǐ ä jebo siǐn nyo mǒ nu klě Tentǎn Jǔ mǒ.

Kalesiɛ̌n 3:13

Tentǎn Jǔ Nɔ̀ gblàlaě ä chlǒǒ bobo ɛ̈ neaǒ ämoo kɛn ɛ̈ Nyesoaa teteǎ mǎna ämoo kɛn bo. Ke Ɔ nu ɛɛ nunuɛ nɛ̀ moo Nɔ̀ chlǒǒ ɛ pooa mɔ̀ keǒ ä pènmo wòje ke ɛ nuu chleěa klě Nyesoaa win wlòmo ɛ̈ moo, “Nyu wùɛà ɔ̈ kɔɔǒo pète bɛ̌ tu jleě ɔ poo mɔ̀ chlǒ.” (Deut 21.23)

Kalesiɛ̌n 3:21

Deě ɛ sɛ̀n kɛ nynɛ̌ Nyesoaa teteǎ wɛ̀n kɛ Ɔɔ pee dɛ je le? Ɛ se bò nu! Bɛ̌ nu Nyesoa Bɔ̌ nyeea ämo teteǎ ï wɔ̀le je bï nyea ämoo kmɔ̌ sie fònfno, è ii bo tùtuɛ mii ämo numa ä miǐě Ɔ jǐ kɛn le wɛɛn ne.

Flepiɛ̌n 2:7

Kɛɛ Ɔ tìeaǒ Ɔɔ chɛ̀ Ɔ̌ poaě Ɔɔ chɛ̀ kèi tǔn wlòmo plě Ɔ̌ wǒa tùonyopo tùu je Ɔ̌ woǒa ä je klě tùonyu tǔn wlòmo.

Hiblǔ 10:12

Kɛɛ Bodiɔà moo Tentǎn Jǔ Ɔ nyeea chɔ̀noo do ɛ̈ nuu kàan ke ɛ mii jleě mǒ bo tonma plě Ɔ̌ ne bo klě Nyesoaa dilǎ son mɔ̀ ɛ̈ moo tùɔn ɛ̈ kɔnʼǒo tùtuɛ fòɛ.

Hiblǔ 10:14

Chɔ̀noo do nɛ̀ Ɔ nu Ɔ̌ snǎě nyopòǒ Ɔ tùu ngmà je mɔ̀le ke ɛ mii jleě mǒ bo tonma.

Hiblǔ 2:14

Nyesoaa jlǔ kɔn fǒ klee nymɔ, ii tè Jùsu wǒ u je ke Ɔ̌ kɔna tùonyu fǒo doǒ ɛ̈ di ɛɛ numa Ɔɔ kokoɛ̌ Ɔ kǒaa Ɔ mǐa ɛ nu Ɔ mǐa kǔu kpě gbè sùe ɔ̈ kɔnʼɔ kokoɛ̌ kpě win kwa

Hiblǔ 2:17

Tèǒ nì kɔn tè Jùsu kɔn Bɔ wǒa Ɔɔ mamǔpò je klě wakǎ wùɛ mǒ ɛ̈ di ɛɛ numa Ɔ mǐa Nyesoaa konkwa nu keà Bodiɔ Ɔ̈ kɔnʼɔ wɔle je jbojbɛ klee Ɔ̈ moo Wlò Kpae Nyu keǒ u mɔ̀ ɛ̈ di ɛɛ numa Nyesoa mǐ uu kpni kukwǐi tè wlò le poo lo.

Hiblǔ 4:15

Äa Bodiɔ se nyuà ɔɔ̌ jěe nyopò wɔle je keǒ äa kbě ja le wòwɛ mɔ̀, kɛɛ u tɛ̀naě Ɔ měne klě wakě wùɛ wlòmo wòje keà äa ka nee je ǔ tɛ̀nʼě ämoo měne, kɛɛ Ɔ sea kpni kukwǐ nu.

1 Pitɛ̌ 2:24

Tentǎn Jǔu chɛ̀ Nɔ̀ blěa äa kpni kukwǐ gbɛ̀ɛ keǒ pète bɛ̌ tu jleě ɛ̈ di ɛɛ numa ä mǐ dɛ kukǔ nunuɛ bɔ̌ ä mǐ jebo siǐn kmɔ̌ ne. Noǎǒ tbaea Ɔɔ le nì pean ämo.