Wlǔmɔ 7:4 - Nyesoaa Kuo Win Jajle

⁴ Ně bǐì Tentǎn Jǔu wǎn ane, dɛɛ doǒ nɛ̀ nu amo klě Tentǎn Jǔu kokoɛ̌ mǒ ǎ bɔ̌ě Nyesoaa teteǎ bobo neneɛ ɛ̈ di ɛɛ numa a miě Tentǎn Jǔ mɔ̀ kɔn Ɔ̈ Nyesoa sàla lěe kǒla mǒ, è ä mǐ Ɔmo Nyesoaǒ konkwa mɔ̀ nuu nu.

Wlǔmɔ 7:4 ပူးပေါင်းရင်းမြစ်များ

Matiɔ̌n 26:26

Tà u keaa dɛ di, Jùsu dǔa flɔ̌ɔ tìe mǒ Ɔ̌ poa ɛ ngmna mɔ̀ Ɔ̌ klǎla ɛ wan le Ɔ̌ nyea nɛ Ɔ̀ɔ mɔ̀ cheěn nyo Ɔ je, “A dǔ ɛ mǒ a di ɛ, dɛà nɛ̀ moo Ně fǒ.”

Mǎkè 4:20

È ɛ kɔn nyopò tùu neǒo ü wǒo je jɔ̌ǒ ï beǒo kàan blǒ kɛn, bǔ wɔ̌n ni, u pe ii tè kàan tè ǔ nee i kmɔ̌, nù wǒ je jɔ̌ǒ ï toee wlò tùo pù pù klee wlèe tanʼa tan klee wlèe m̀m m̀m.”

Jɔ̀ɔ̌n 15:8

Bɛ̌ nu bǎ ke noǎ fòfoa ni keǒ Nyesoa mɔ̀, è a nye Ně Gbeǐ tè jǐ boaboǎ plě a tee ɛ ɛ̈ moo a moo Ně mɔ̀ na nyo.

Jɔ̀ɔ̌n 3:29

Nynejajloǒ ɔ kɔnʼǒ ɔɔ jbe mɔ̀, è jbeǒ ɔɔ nenawai nynaǒ u gbàa bo ɔ̌ pe ɔɔ win nɔkǔ jebo, è ɔɔ plɔ ble le bɔ̌ ke ɔɔ win wɛ̌n. Dɛɛ doǒ nɛ̀ ɛ mono, mǒà ně plɔ blo lo klě tǐà wlòmo. Mɛ̌oǒ joo nɛ̀ moo Ě ji ɛle Nɔ̀ moo Nyesoaa Tentǎn Jǔ.

Jɔ̀ɔ̌n 6:51

Mǒ moo Kou Ɛ̈ sɔn lěe jɔkɛn mǒ Ɛ̈ nyee nyopò fònfno. Nyu wùɛ ɔ̈ mi Ɛɛ diba ɔ mi kmɔ̌ nema tǐ wùɛ mɔ̀. Ně fǒà nɛ̀ moo kou Ě mi nyema ɛ̈ di ɛɛ numa nyopòà neɔ kmɔ̌ɔ mɔ̀ u mǐ kmɔ̌ sie fònfno kɔn.”

Wlǔmɔ 6:11

Kě ba nu aa chɛ̀ jejeɛ̌ klě wakǎa doǒ wlòmo ɛ̈ moo a see kɛ̀ lě kpni kukwǐi kpě bobo ne, kɛɛ a kɔn tè wlò popoɛ klě Tentǎn Jǔ Jùsu mǒ ɛ̈ nu ɛɛ ǎ nii Nyesoaa konkwa.

Wlǔmɔ 6:14

Tè kɔn tè kpni kukwǐ ně kwɛn aa kmɔ̌ neneɛ win kwa nɛ̀ moo a slě teteǎ bobo ne, a neeě Nyesoaa wlòo jlajlǎ dɛ bobo ɛ̈ɛ̌ sà Ɔɔ wlò kǔ mǒ keǒ a mɔ̀.

Wlǔmɔ 6:2

Ɛ se bò nu! Bɛ̌ nu bo kpni kukwǐ bǐ see kɛ̀ ä win kwa kɔn, è mɛ kɔɔ̌n tè ä neě kɛě i slè bo kaǒ?

Wlǔmɔ 6:22

È klě tǐà wlòmo Nyesoa sà a kpni kukwǐi kpo bo Ɔ̌ gblà amo ǎ moo Ɔɔ kèiapo. Bɛ̌ nu bǎ ne ngmà je ne kmɔ̌, ɛ miǒ a dɛ bo poba ɛ̈ kɔn dlǒ chlɛ̀chlɛ mi amoo kmɔ̌ sie fònfno nyema.

Wlǔmɔ 7:3

Tèǒ nì kɔn tè bɛ̌ nu ɔɔ jbe bɔ̌ neě jè kmɔ̌ plě bɔ̌ kɔn jbɛju tɔ̀ɔ, u mi ɔ wlawle nynɔ daeba. Kɛɛ bɛ̌ nu ɔɔ jbe bɔ̌ kǒ, è nynɔǒ ɔ gblàe le klě teteǎ bobo, bɔ̌ kɔn jbe tɔ̀ɔ u se ɔ wlawle nu nynɔ daeba mu.

Wlǔmɔ 7:6

Kɛɛ ke ɛ toon jleě mǒ bo ä see kɛ̀ lěe teteǎ bobo ne ï pìn pnɔ ämoo ble, ä jle bo keǒ ɛ kɛn ä mǐ Nyesoaa konkwa nu klě sùsuu kmɔ̌ neneɛ jajlo mǒ ɛ̈ see kmɔ̌ dakǎǒ moo pnɔɔ teteǎ bo tùtuɛ.

Wlǔmɔ 8:2

Dɛ ɛ nuu nɛ̀ moo Nyesoaa Sùsuu win kwa konkɔnʼà nye ämoo kmɔ̌ sie fònfno klě Jùsu Tentǎn Jǔ mǒ Nɛ̀ gblà ämo Ɛ̈ sàě ä kpni kukwǐi win kwa konkɔnʼà bobo ɛ̈ nye ämoo kokoɛ̌.

1 Kwnɛtiɛ̌ 10:16

Mǒ naě kàeǒ ä naee mǒ keǒ Koɔnʼɔ wìti dɛ dila mǒ ɛ̈ kɔn tè ä pee Nyesoa tàto, a se kɛ i ji ɛ moo Tentǎn Jǔu nymɔǒ ä sèsɛɛ ɛ kwete měne le? È flɔ̌ɔǒ ä waa ä dii, a se kɛ i ji ɛ moo Tentǎn Jǔu blǒ fǒǒ ä sèsɛɛ ɛ kwete měne le?

2 Kwnɛtiɛ̌ 11:2

Ě kɔn chea keǒ a mɔ̀ wòje keǒ Nyesoa nuu. Ě jlɛ̌ ba nye aa chɛ̀ Tentǎn Jǔ sosǒ wòje keǒ nynejuà ɔ̈ see jbɛju tè ji ɔ̈ tùiǒ ɔɔ chɛ̀ bo keǒ jbɛjuu do sosǒ mɔ̀ ɔ̈ miǎ nɔɔ tǐn koǔ bo paeba.

Kalesiɛ̌n 3:13

Tentǎn Jǔ Nɔ̀ gblàlaě ä chlǒǒ bobo ɛ̈ neaǒ ämoo kɛn ɛ̈ Nyesoaa teteǎ mǎna ämoo kɛn bo. Ke Ɔ nu ɛɛ nunuɛ nɛ̀ moo Nɔ̀ chlǒǒ ɛ pooa mɔ̀ keǒ ä pènmo wòje ke ɛ nuu chleěa klě Nyesoaa win wlòmo ɛ̈ moo, “Nyu wùɛà ɔ̈ kɔɔǒo pète bɛ̌ tu jleě ɔ poo mɔ̀ chlǒ.” (Deut 21.23)

Kalesiɛ̌n 5:18

Kɛɛ bɛ̌ nu bo Nyesoaa Sùsu Bɛ̌ ke a nɛɛ ne, è a slě Nyesoaa teteǎ bobo ne.

Ifisiɛ̌n 2:15

Nɔ̀ kan teteǎǒ je, jà noǎà Ɔ tmɔɔ̌a ämoo bä nuaa klee ngmè ɛ̈ di ɛɛ numa Ɔ miě ně bo wnawna ja keǒ ä slè Ɔ miǒ äa kplěe sɔ̌nʼà nee dɔ̌ɔdɔ̌ le tàa do po, ä mǐ tàkpɔ̌ jajlo nu ɛ̈ mi Ɔɔ konkwa numa.

Flepiɛ̌n 1:11

klee a mǐ mǒ slɛɛ̌ dɛ nu ɛ̈à Tentǎn Jǔ Jùsu nu amoo a wɔ̀le ba nuu ɛ̈ di ɛɛ numa Nyesoa mǐ de bìsee le klee Ɔɔ tè mǒ jǐ boaě le.

Flepiɛ̌n 4:17

Ɛ se aa nyee dɛǒ ɛɛ tè i seě kmaa ne chɔɔ, kɛɛ Ě jlɛ̌ bo jě kàan dɛǒ miǒ ɛɛ dlǒ mǒ beba keǒ a mɔ̀ ɛ̈ miěe Nyesoa mɔ̀ mǒ sɔnma.

Klasɔ̌n 1:10

ɛ̈ di ɛɛ numa a mǐ kmɔ̌ ne wòje keǒ Ɔɔ nyopò blɛɛ je bu nuu klee a mǐ Ɔɔ wlò bloo lo klě wakǎ wùɛ mǒ klee a mǐ Ɔɔ konkwa nu ɛ̈ monoo kàan noǎ wùɛɛ nunuɛ klee a miǒ Ɔ noǎ fòfoa jleě mǒ ji kaǒ.

Klasɔ̌n 1:22

Kɛɛ klě tǐà wlòmo Nyesoa ja a de kělɔ Ɔɔ chɛ̀ mɔ̀. Ɔ nuuě ɛ Ɔ̀ɔ Jǔu kokoɛ̌ mǒ ɛ̈ di ɛɛ numa a mǐ ngmà je ne klee a mǐ sìnɛ wɛ̀ plě klee tè jɛɛa ɛɛ̌ diǒ a jleě mǒ ne keǒ Ɔmo Nyesoa jemǒ.

Klasɔ̌n 1:6

dia lɔ amoo mɔ̀ ɛ gbɛ̀tɛɛ kmɔ̌ wùɛà kɛn le ɛ̌ ni dɛɛ doǒ ɛ nuaa kělɔ a slè sɔɔnʼě chnɛ̀ jlǒ waěǒ kɔn wlòmo a wɔ̌naa Nyesoaa wlòo jlajlǎ dɛà ɛ̈ɛ̌ sà Lɔɔ wlò kǔ mǒ keǒ a mɔ̀ ɛɛ tè plě ǎ jboa ɛɛ le dɛ wlòo jlajlǎ dɛǒ sɛje ɛ monoo.

Klasɔ̌n 2:14

Ɔ̌ sàǒ plɔɔ tu kɛn bo maěaǒ blɛɛa ämoo je snǔ mɔ̀ wòje ke Ɔɔ teteǎ dɛ̌ɛ ï bɛ̌a ämoo kokǒ wun kɛn. Ke Nyesoa nu ɛ nunuɛ nɛ̀ moo Ɔ kɔǒ äa plɔ tu kɛn bo maěaǒ pète bɛ̌ tu jleě.

Klasɔ̌n 2:20

Bɛ̌ nu sɛjesɛ a klee Tentǎn Jǔ bǎ koǒaǒ tàa do ii tè bǎ tmɔɔa kmɔ̌ɔ kpni kukwǐ noǎa mɔ̀, è mɛ kɔɔ̌n tè a neěe jè kɛ kmɔ̌ wòje keà a tùiǒo kmɔ̌ɔ ngmè ble?

Hiblǔ 10:10

Ii tè klě Nyesoaa kɛn wɔɔn dɛǒ wlòmo Jùsu Tentǎn Jǔu chɔ̀no nɛ̀ nu ä ngmà je ne nyo mǒ ɛ̈ Ɔ nuu waěe do.

1 Pitɛ̌ 2:24

Tentǎn Jǔu chɛ̀ Nɔ̀ blěa äa kpni kukwǐ gbɛ̀ɛ keǒ pète bɛ̌ tu jleě ɛ̈ di ɛɛ numa ä mǐ dɛ kukǔ nunuɛ bɔ̌ ä mǐ jebo siǐn kmɔ̌ ne. Noǎǒ tbaea Ɔɔ le nì pean ämo.

Wlɛ̀velesɔ̌n 19:7

A nɛ bä nu chǒn le plě äa plɔ bɛ blo klee bä nyeǒ Ɔ tè jǐ boaboǎ. Mɛ̌oǒ joo nɛ̀ moo ɛ nu tǐ keǒ Blajǔu blě popa mɔ̀ plě Ɔɔ tǐnma nynɔ wɛ̀ mɔ̀le keǒ Ɔ mɔ̀.

Wlɛ̀velesɔ̌n 21:9

È najiǒpòo nyiɛtaǒ blěaa fuii nyiɛtaǒ ï jǐaa sònwɛ jěe noǎa nyiɛta je nù kɔn nyuu do dia lěě mɔ̀, kě ɔ dǎlaǎ je ɔ je, “Diě, Ě mǐì tǐnma nynɔà tee le ɔ̈ moo Blajǔu nynɔ.”