Wlǔmɔ 5:2 - Nyesoaa Kuo Win Jajle

² Klě äa tè wlò popoɛ mǒ Jùsu bɛ̌ ä dbǐ mɔ̀ ä kɔn Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ ɛ̈ ä nyna lěe slè bo klě tǐà wlòmo. Ä ni le chǒn keǒ tè jǐ boaboǎa wlò je kunkuɛn mɔ̀ ɛ̈ Nyesoa mi ämoo nyema.

Wlǔmɔ 5:2 ပူးပေါင်းရင်းမြစ်များ

Matiɔ̌n 25:21

È kě ɔɔ chì kpa ämo dɛ̌a ɔ je ɔ je, ‘Pòě le kbě dɔ̌, mòo kàan sèn bo mǎ nyebajlo. Ke ɛ toon jleě mǒ bo è mǎ lěe sèn bo keǒ noǎ chěnchaǐi tè mɔ̀, ii tè Ě miì numa mì noǎà kɔn tè kmaa win kwa kɔn. Diě ä miǒ plɔɔ bloblɛ tàa do kɔn no.’

Jɔ̀ɔ̌n 10:7

Ii tè Ɔ kpɛɛa Ɔɔ win nya Ɔ je, “Kàan tèà Ě boɛ a je, Mǒà Mǒ Wànwuǒ ɛ nynaǒ pènmo bo keǒ blableǎ mɔ̀.

Jɔ̀ɔ̌n 10:9

Mǒà Mǒ moo Wànwu, nyuà ɔ̈ miǒ Mǒo jleě paeba, ɔ mi waba, ɔ mi pě pà numa ɔ mǐ kwlǎ jɔpě le pɔ̀n.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 5:24

Kàan tèà Ě tmɛɛ̌ amo, nyu wùɛ ɔ̈ pe Mǒo nɔkǔ jebo plě ɔ̈ poo Nyuà dbo Mǒo Ɔɔ tè kàan tè ɔ kɔn kmɔ̌ siee fònfno. Ɔmo nyuǒ ɔ seǎ blilǐ mɔ̀ tùtuɛ kɔnma mu, ɔ sɔn lě kmɔ̌ sie kǒla mǒ ɔ̌ kɔn kmɔ̌ sie fònfno.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:27

Tà u nynia lěe Ɛntìa wlòmo, u dala Tentǎn Jǔu wǎn ǔ bòa u le keǒ tàa do ǔ sèsaea u wlòmo ɛ̈ kwɛɛaǒo noǎ wùɛ Nyesoa nuaa klě u mǒ jleě mǒ bo plě ke Nyesoa nuaa kuodakwɛ̌ tè wlò popoɛɛ chnu je sèsa.

Wlǔmɔ 11:20

kàan tè nìǒ a boɔ, Ɔ bɛ̌ǒ u lu, kɛɛ Ɔ bɛ̌ǒ u keǒ uu se kàan tè popoɛ kɔn mɔ̀. Bo bǎ kɔn tè wlò popoɛ sosǒ, a miǒ tàǒ a neǒ bo nema. Tèǒ nì kɔn tè aǎ jɛɛ̌ě aa chɛ̀ le, kɛɛ bo tùtuɛ bɛ neě a mǒ.

Wlǔmɔ 12:12

Aa plɔ bɛ blo keǒ wlò je kunkuɛn mǒ. Bɛ̌ nu bo tǐ jakě bǐ diě, a kɔn wlò dbadbǎ tǐ wùɛ mɔ̀ a boɔě Nyesoa mɔ̀.

Wlǔmɔ 14:4

Mɔ mònoǒ kɛ è jɛɛ leě nyu tɔ̀ɔ tè ɔ̈ monoo Nyesoaa na wien po nyebajlo? Nyesoaa do sosǒ Nɔ̀ pe ɛ ble bɛ̌ nu bɔ̌ nyna bo klee bɔ̌ kplɛɛǒ. Nyesoa kɔn kpě Bɔ nu ɔ bɔ nyna bo, tèǒ nì kɔn tè ɔ mi bo nynama.

Wlǔmɔ 15:13

Nɛ bo Nyesoaǒ nye mòo wlò je kunkuɛn Bɔ nyeè chǒn fòfoa klee ně bo wnawna klě nè tè wlò popoɛ mǒ ɛ̈ di ɛɛ numa Ngmà Je Ne Sùsuu kpě mǐ nè wlò je kunkuɛnʼǒ nu ɛ mǐ kun.

Wlǔmɔ 2:7

Nyopòà peěe kbě le ü kwɛnʼɛ wlò dbadbǎ keǒ bü nuu kàan dɛ keǒ tè jǐ boaboǎ klee bo tùtuɛ klee ně sɔ̀n fǒo tè mɔ̀, nù Ɔ miǎ kmɔ̌ sie fònfno nyema.

Wlǔmɔ 3:23

Nyopò wùɛ nu kpni kukwǐ, ii tè u seǒ je blɛɛ le keǒ bu nyniǒ Nyesoa jemǒ.

Wlǔmɔ 5:5

Ɛmo wlò je kunkuɛnʼǒ ɛɛ̌ boo ä mǒ. Nyesoa poě Ɔɔ mǒ noɛnoɛ klě äa wlò jleě ɛ̈ moo Ɔɔ Ngmà Je Ne Sùsu Ɔ nye ämoo.

Wlǔmɔ 8:1

È dɛ äa wùɛ ä jboo le nɛ̀ moo nyopòà poo Jùsu Tentǎn Jǔu tè kàan tè, Nyesoa se u gbè sùeba mu.

Wlǔmɔ 8:24

Wlò je kunkuɛnʼà nɛ̀ gblà ämo. Wlò je kunkuɛnʼà jěe dɛ plě ɛ̈ kwɛnʼɛ wlò je kunkuɛn ɛ se wlò je kunkuɛn. Mɔ jeě kɛ dɛ ɛ̌ wɛ̀ɛ̌ mɔ̀le plě ɔ̈ kwɛnʼɛ wlò je kunkuɛn?

1 Kwnɛtiɛ̌ 15:1

Ně bǐì Tentǎn Jǔu wǎn ane, Ě jlɛ̌ bi beě a wlò jleě Nyesoaa kàan tuposàà Ě poa amoo je plě a blěaǒo mɔ̀ kwa ɛ̈ a nynaa kɛn bo klě tǐà wlòmo.

2 Kwnɛtiɛ̌ 3:18

Ä se äa jigbè tata je kaen ne, ii tè ä jě Koɔnʼɔ tè jǐ boaboǎ le, ɛmo tè jǐ boaboǎǒ ɛ̈ǒ sɔn lěe Koɔn mɔ̀ mǒ Ɔ̈ monoo Sùsu nɛ̀ sɛ̀ äa kmɔ̌ de le, ä wǒ Ɔ je chɔɔ plě ä kɔn Ɔɔ tè jǐ boaboǎǒ ɛɛ kpɛntɛɛ̌.

2 Kwnɛtiɛ̌ 4:17

Äa sònwɛ jejeɛ̌ chěnchaěà ɛ se mǒ tmɔ ɛ̈à ä jěe kělɔ kmɔ̌ɔ mɔ̀, ɛ se dɛ mono ɛ seǒ kmɔ̌ siee tè jǐ boaboǎ fòɛǒ ɛ̈ nyee ämoo mǒ sìn.

Ifisiɛ̌n 2:18

Tentǎn Jǔǒ Nɔ̀ kɔn tè Ngmà Je Ne Sùsuu doǒ Ɛ nu ɛ ämo Jùwɛ nyo klee kuodakwɛ̌ ä wɔ̀le ɛ keǒ bä boɔě Nyesoa mɔ̀ Ɔ̈ moo äa Gbeǐ.

Ifisiɛ̌n 3:12

Keǒ dɛǒ Tentǎn Jǔ nuu ɛɛ tè mɔ̀, bɛ̌ nu bä kɔn tè wlò popoɛ klě Ɔ mǒ, ä miě ɛ wɔ̀ba bä boɔě Nyesoa mɔ̀, è ä mi wlò kpaea kɔnma kpǎkpǎ ɛ̈ moo Ɔ mi ä nɔkǔ jebo poba.

Ifisiɛ̌n 6:13

Tèǒ nì kɔn tè Nyesoaa wɔ̀ɔn noǎ wùɛǒ nì ba nu ɛ̈ di ɛɛ numa a miě ɛ wɔ̀ keǒ ba wɔ̀n noǎ kukwǐǒ je klee a miě ɛ wɔ̀ keǒ ba nynaě aa tè wlò popoɛ mǒ bo a mǐ měne tèntɛn wùɛ jebo nyna.

2 Tɛseloniǎ 2:16

Äa Koɔn Jùsu Tentǎn Jǔ klee äa Gbeǐ Nyesoa noɛɛ ä mǒ no plě Ǔ kɔn Uu wlòo jlajlǎ dɛ ɛ̈ɛ̌ sà Uu wlò kǔ mǒ keǒ ä mɔ̀. Ii tè U mii nya Ǔ pe ä kbě ja le klee Ǔ nye ä kàan wlò je kunkuɛn.

Hiblǔ 3:6

Kɛɛ Tentǎn Jǔ mǎě bo sèn wòje Nyesoaa Jǔ Ɔ̈ kɔnʼɔ Nyesoaa nyopò win kwa. Bɛ̌ nu bä ke nya mii ni bä ke wlò kpaea klee kponkpɛ kwɛn klě Tentǎn Jǔu do mǒ, è ä moo Nyesoaa nyopò.

Hiblǔ 6:18

ɛ̈ di ɛɛ numa ɛ mǐ noǎ kplěe sɔ̌n kɔn ï see de wowoɛ̌ kɔn, ï kɔn tè Nyesoa slě wɔ̀ Bɔ tmɔɔ̌ sen. Tèǒ nì kɔn tè ämoà diɔɔ Nyesoa mɔ̀ keǒ mǒ sɛ̀ɛa mɔ̀, dɛǒ nɛ̀ bɛ po ä kbě ja le ä miǒ äa wlò je kunkuɛnʼǒ Nyesoa nye ämoo klě Tentǎn Jǔ mǒ mɔ̀ kwa blě kpankpa.

1 Pitɛ̌ 3:18

Tentǎn Jǔ kǒa waěe do keǒ kpni kukwǐ wùɛɛ tè mɔ̀, Nɔ̀ moo Jebo Siǐn Nyu Ɔ̈ kǒa keǒ ämo se jebo siǐn nyoo tè mɔ̀ ɛ̈ di ɛɛ numa Ɔ miě ä Nyesoa mɔ̀ kpa. U dbǎla Ɔɔ fǒ, kɛɛ Ɔɔ Sùsu neě jè kmɔ̌.

Wlɛ̀velesɔ̌n 21:11

Nyesoaa tè jǐ boaboǎ neaě ɛ wlòmo, ii tè pepě wnea klě ɛ wlòmo wòje jǐlenmɔ kpnekpně noǎa ï jleě nymɛɛ nee mǒ wòje daemɔ̀.

Wlɛ̀velesɔ̌n 21:23

Dě fòɛǒ ɛ sea wɛn klee sòbae sòa keǒ bi fɔna klě ɛ wlòmo. Nyesoaa tè jǐ boaboǎ nɛ̀ fɛna klě ɛ wlòmo plě Blajǔ Nɔ̀ mooa Nǎpe keǒ ɛ mɔ̀.

Wlɛ̀velesɔ̌n 21:3

Dɛ tɛ̀ɛ kɛnaǒo nɛ̀ moo Ě wɔ̌na win ï jɛ̌a lěe ï sonwɛa lěe klɔ̀ba gbèsɛɛǒ kɛn mǒ, kě i dɛ̌a i je, “Klě tǐà wlòmo Nyesoaa tùɔn ɛ neɔ tùonyopo slè! Ɔ miɔ u slè nema u mǐ Ɔɔ nyopò mono, è Ɔɔ chɛ̀ miě u mɔ̀ neema wòje uu Nyesoa.

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’