Wlǔmɔ 3:2 - Nyesoaa Kuo Win Jajle

² Jùwɛ nyo nù sìnʼǒ klě wakě wùɛ wlòmo! Nyesoaa winʼǒ Ɔ po lě uu kwete mǒ nì kɔn tè u sìnʼǒ chɔɔ.

Wlǔmɔ 3:2 ပူးပေါင်းရင်းမြစ်များ

Jɔ̀ɔ̌n 5:39

A jě lɛ ɛ̈ moo klě Nyesoaa win chencheɛ̌n wlòmo klě a kɔɔnʼě kmɔ̌ sie fònfno, ii tè a chěn ni, è imo winʼi chɛ̀ǒ nì moo sàse keǒǒ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:38

Tà najiǒpòi boɔlaě ɔɔ mɔ̀ klě togbeeǒ moo Sanàe dlǒ, ɔ nyea ɔ win bɔ tmɔɔ̌a ämoo ke bä nuu kmɔ̌ neneɛ. Tǐǒ jleě ɔ neaě kpatekpǎ blǒ kɛn ɔ klee Ǐsòwɛ̌ kwɛɛn tàkpɔ̌ ü moo äa gbeǐpò.

Wlǔmɔ 1:2

ɛ̈ klě Ɔɔ ngmà je ne winʼǒ wlòmo Ɔ peea lěe seela tǐ jleě klě Ɔɔ wnɔsàɔpo mǒ.

Wlǔmɔ 2:18

jì dɛ Nyesoa jlɛ̌ bò nuu nu plě è chěn ɛ klě Ɔɔ teteǎ wlòmo keǒ bò sàǒ kàan dɛ.

Wlǔmɔ 3:1

È ii tè ke Jùwɛ nyo nuǔ kɛǒ kuodakwɛ̌ mǒ sìnsiɛn keǒ Nyesoa jǐ kɛn? Bo jě kàan dɛ tae neěe foeě bebɛ̌ wlòmo?

Wlǔmɔ 3:3

È bɛ̌ nu uu tìe bǔ sea kɛ wlò kpae dɛ keǒ Nyesoa mɔ̀, è ɛ sɛ̀n kɛ nynɛ̌ klě tǐà wlòmo Nyesoa se wlò kpae nyu ke le?

Wlǔmɔ 9:4

Nyesoa nu u mǒ Ɔɔ jlǔ Ɔ̌ nye u tè jǐ boaboǎ Ɔ̌ po kuo win keǒ u mɔ̀ Ɔ̌ nye u Ɔɔ teteǎ plě Ɔ̌ tee u ke bu nu Ɔɔ wɛ̀ sèsa plě Ɔ̌ pooě u noǎ.

1 Kwnɛtiɛ̌ 9:17

Bɛ̌ nu bɛ̌ moo noo mǒ bo chlàa li keǒ bo poo ɛmo tuposàà, Ě blɛɛ lee je bo jlǎa snǒ sàe dɛ. Bɛ̌ nu baǎje bɛ̌ se mǒ bo se konkwaǒ jlǎ keǒ bo nu ɛ, Nyesoa nye ɛɛ̌ ne keǒ bo nu ɛ.

2 Kwnɛtiɛ̌ 5:19

Ke ɛmo tuposàà ɛ dɛ̌ɛà ɛ̈ moo, Nyesoa sàǒ kmɔ̌ ne tùonyopo klee Ɔɔ sɔ̌n kwɛna slè le plě uu dɛ kukǔǒ Ɔ se ɛɛ tè ù kwa bleě le. Tuposà Ɔ nye ämoo nɛ̀ moo ke bo nyu bɔ nuu ɔ klee Ɔ mii mɔ̀niapo dɛ nu.

Kalesiɛ̌n 2:7

Kɛɛ u jbo ɛle ɛ̈ moo Nyesoa Nɔ̀ nyeě konkwaà keǒ bo po Ɔɔ tuposà klě kuodakwɛ̌ mɔ̀ wòje dɛɛ doǒ Ɔmo Nyesoa nuu Ɔ̌ nyee Pitɛ̌ konkwa keǒ bɔ po Ɔɔ tuposà klě Jùwɛ nyo mɔ̀.

1 Timɛtě 6:20

Timɛtě, tù tuposàǒ Nyesoa poě mòo kwete mǒ jǐ mɔ̀. Tmɔɔ plɔ kokoɛ̌ɛ kpni kukwǐ dɛ boɔboɔ mɔ̀ klee chɛtlǐia ɛ̈ moo kenkan dɛ nyopò dɛɛ lee tɔ̀n konkɔn.

Hiblǔ 5:12

Klě tǐà ä neěe wlòmoo chɛ̀ a blɛɛ je ba monoo tee nyo keǒ Nyesoaa winʼà mɔ̀, kɛɛ a sòɛɛ̌ jè nyu bɔ tee a kàan dɛà ɛ̈ sonwɛ lěe Nyesoaa win wlòmo ɛ̈ see mǒ kma. A blɛɛ je ba kun klě winʼǒ mǒ wòje nyefòapo ü dii digbaǐ jakě, kɛɛ a wǒ je jijlǎi ü sòɛɛ̌ jè uu naǎpòo nyia ně.

1 Pitɛ̌ 4:11

Nyu wùɛ bɔ̈ ke win boɛ, bɔ boɔ Nyesoaa win. Nyu wùɛ bɔ̈ ke nyopò tùu konkwa mɔ̀ nii ni, bɔ nu ɛmo konkwaǒ klě kbě Nyesoa nye ɔɔ mǒ ɛ̈ di ɛɛ numa dɛ wùɛ ɔ mii numa klě ɛ mǒ Nyesoa mǐ baea jě ɛ̈ diiě Jùsu Tentǎn Jǔ mǒ. Nɛ bo tè jǐ boaboǎ klee kpě bi kɔnʼǒ Tentǎn Jǔ mɔ̀ ke ɛ mii jleě mǒ bo tonma, kě bɛ ne.

Wlɛ̀velesɔ̌n 19:10

È nɔ̀ǒ Ě kɔaǒ kwne jemǒ bo Ě mǐa ɔɔ wɛ̀ sà, kɛɛ kě ɔ dǎlaǎ je ɔ je, “Bɔ̌ ɛ nunuɛ! Ě moo Nyesoaa nyebajlo wòje keǒ mò klee bìì Tentǎn Jǔu wǎn aa ka nee je ü tmɛɛ̌ nee Jùsuu tè nyopò tùu. Sà Nyesoaa wɛ̀, nè sɛ̀ ně wɛ̀. Dɛ kɔn tè wnɔsà winʼà i sàa lee wan nɛ̀ moo keǒ bo Jùsuu tè bi mǒ nyopò tmɔɔ̌ no.”

Wlɛ̀velesɔ̌n 22:6

È kě najiǒpòiǒ ɔ dɛ̌aǎ je ɔ je, “Win wùɛà chlèe i moo wlò kpae dɛ plě ǐ moo kàan. Koɔn Nyesoaà nye Ɔɔ Sùsu Ɔɔ wnɔsàɔpo Nɔ̀ dbo Ɔɔ najiǒpòià bɔ tee Ɔɔ nyebajle klee nynejlu noǎà mii tùɔn kpaba pase.”