Wlǔmɔ 2:9 - Nyesoaa Kuo Win Jajle

⁹ Ɛ miǎ sònwɛ jejeɛ̌ klee chnechně noǎa mooma keǒ nyopò wùɛà ü nii dɛ kukǔ mɔ̀. Klekle ɛ miǎ Jùwɛ nyo jebo beeba klee kuodakwɛ̌ ke.

Wlǔmɔ 2:9 ပူးပေါင်းရင်းမြစ်များ

Matiɔ̌n 16:26

Bɛ̌ nu nyu bɔ̌ kɔn kmɔ̌ wùɛà, kɛɛ bɔ̌ mǎ ɔɔ sùsuǒ neě ɔɔ mǒ, mɛ ɛ miǐ kɛǒ ɔ bo poba? È plě mɛ tùonyugbe wɔ̀le je bɔ sìnsiɛɛ neě kɛ ɔɔ sùsu mɔ̀?

Lǔkù 24:47

È kě imo winʼǒ i dɛ̌a ke ɛ̈ moo, ‘Ba boɔ Jùsuu tè dakɔ̌ wùɛ je, ba tmɔɔ̌ u bu bitǐ uu wlè bo, Nyesoa mǐ uu kpni kukwǐi tè wlò le poo lo.’ Ɛmo dɛǒ klě Jlǔsnɛ klě bǎ tùuě ɛ wlò.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:18

Tà u wɔ̌na imoo tèǒ, ù bɔ̌a Pitɛ̌ tè le jejeɛ̌ le, è nùǒ pea Nyesoaa nynɛ̌ le u je, “Ii tè Nyesoa nye kuodakwɛ̌ fɔ̌ ke keǒ uu wlè bi bitǐ bo u mǐ kmɔ̌ sie fònfno kɔn!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:26

Ně mɔ̀niapo ale, Eblɛ̌hɛ̀moo jlǔu jlǔ klee kuodakwɛ̌ ü nyeǒo Nyesoa bo tùtuɛ, amoà Nyesoa dbo tuposàà mɔ̀ ɛ̈ kwɛɛǒo wowa dɛɛ tè jleě mǒ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:21

Ě tba Jùwɛ nyo klee kuodakwɛ̌ saěn keǒ bu bitǐ uu wlè bo u mǐ tè wlò popoɛ kɔn klě äa Koɔn Jùsu Tentǎn Jǔ mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:20

Klekle Ě boɔa Nyesoaa win klě dě fòɛǒ moo Dimasèka wlòmo plě klě Jlǔsnɛ klee Jùdǐa wakǎ wùɛǒ kɛn klee klě kuodakwɛ̌ slè. È dɛ Ě boɛa uu je nɛ̀ moo bu bitǐa uu wlè bo bu chèa Nyesoa ja, è bu nua noǎà mia ɛɛ teeba ɛ̈ moo uu wlè bitǐa bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 28:17

Tà ä nyniaa ɛɛ chnɛ̀ jlǒ wěe tan sìnʼaa, è Pɔ̀ɔ̌ dala Jùwɛ nyoo je si nyo snǎ mǒ. Tà u bòaa le, è kě ɔ dɛ̌a u je ɔ je, “Ně bǐì Jùwɛ nyo ane, kàan tè Ě se dɛ nu ɛ̈ moo jǐlenymi dɛ keǒ äa nyopò mɔ̀ plě Ě seǒ äa blětà noǎa tè snǔ mɔ̀ sà ï äa gbeǐpò sie ämoo, kɛɛ u kmea mǒ klě Jlǔsnɛ ǔ poa lěe Wlǔmɔ nyo kwete mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 28:28

È Pɔ̀ɔ̌ pea ɔɔ win wɔ̀ɔn ɔ je, “Tèǒ nì kɔn tè Ě jlɛ̌ ba ji ɛ ɛ̈ moo ke ɛ toon jleě mǒ bo amo Jùwɛ nyo ǎ sàa Nyesoaa wowa dɛ jleě mɔ̀ ɛ̈ kɔnʼǒ amoo mɔ̀, Ɔ nye ɛ kuodakwɛ̌ le ke ü mi ɛɛ tè kàan tè poba.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:26

Nyesoa sàlaě Ɔɔ Nyebajlo Jùsu kǒla mǒ Ɔ̌ dboa Lɔ klekle kělɔ a mɔ̀, Ɔ mǐ a ngmna mɔ̀ po ɛ̈ Ɔ nii keǒ Bɔ bitǐ aa do doo wlè ble bi tbɛ dɛ kukǔ kɛn.”

Wlǔmɔ 1:16

Nyesoaa kàan tuposà moo Ɔɔ kpě ï wɛɛ nyu wùɛ ɔ̈ po ii tè kàan tè, tèǒ nì kɔn tè ně pe ɛ popoɛɛ tònwe. Klekle ɛmo tuposàǒ ɛ poo lo klě Jùwɛ nyo mɔ̀ plě ɛ̌ poo lo klě kuodakwɛ̌ mɔ̀.

Wlǔmɔ 10:12

Mɔ̀le bebɛ̌ seǒ Jùwɛ nyo klee kuodakwɛ̌ slè ne. Mɛ kɔɔ̌n tèǒ joo nɛ̀ moo Jùsu moo Koɔn keǒ ämo Nyesoa nyo wùɛ mɔ̀ plě Ɔ̌ pe nyopò ngmna fòfoa mɔ̀ üà dɛ Lɔɔ.

Wlǔmɔ 2:10

Kɛɛ keǒ nyu wùɛ mɔ̀ ɔ̈ nii kàan dɛ, ɛ miǎ tè jǐ boaboǎ klee bo tùtuɛ numa plě ně bo wnawna, klekle keǒ Jùwɛ nyo mɔ̀ klee keǒ kuodakwɛ̌ mɔ̀ ke.

Wlǔmɔ 8:35

Mɛ miǐ kɛǒ ämo Tentǎn Jǔu mǒ noɛnoɛ jleě mǒ sàba? Feanfeǒ kɛ le, deě tǐ jakě? Tèe mɔ̀ tèteɛ kɛ le, deě dodopà? Sònwɛɛ nunuɛ kɛ le, deě jǐlenymi dɛ? Deě kokoɛ̌ kɛ le?

Wlǔmɔ 9:24

Nyesoa se ämo Jùwɛ nyo do sosǒ da, kɛɛ klee kuodakwɛ̌ ke keǒ bu moo Ɔɔ nyopò

Kalesiɛ̌n 3:28

Tèǒ nì kɔn tè mɔ̀le bebɛ̌ seǒ Jùwɛ nyo klee kuodakwɛ̌ slè ne klee keǒ kèiapo klee nyopòà see kèiapo slè ne plě keǒ jbɛju klee nynɔ slè. Aa wùɛ a moo dɛɛ do klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ.

Klasɔ̌n 3:11

Klě aa kmɔ̌ jajlo neneɛ wlòmo, ɛ slě ɛ mɔ̀ kɔn bo nyu bɔ̌ moo kuadakɔ̌ nyu ɔ̀ɔ̌ Jùwɛ nyu ɔ̀ɔ̌ bɔ̌ bɛ̌ foeě ɔ̀ɔ̌ bɔ̌ se foeě bɛ̌ ɔ̀ɔ̌ bɔ̌ moo dakpǎi klě a slè klee bɔ̌ moo klìgba mǒ sɔn nyu ɔ̀ɔ̌ bɔ̌ moo kèi ɔ̀ɔ̌ bɔ̌ se kèi. Kɛɛ dɛ kɔn tè kmaa sɛje nɛ̀ moo dɛ wùɛ a mii numa bɛ moo Tentǎn Jǔu konkwa nunuɛ tǐ wùɛ mɔ̀.

2 Tɛseloniǎ 1:6

Nyesoa ni mǒ slɛɛ̌ dɛ, tèǒ nì kɔn tè nyopòǒ ü tè aa tè mɔ̀ Ɔ miǒ uu plɔ tu kɛn bo maěma.

1 Pitɛ̌ 4:17

Ɛ nu tǐ keǒ Nyesoa Bɔ tù Ɔɔ blilǐ tùtuɛ wlò. Ɔɔ chɛ̀ɛ nyopò nù Ɔ mi nya kɛɛnma Ɔ mi blilǐ mɔ̀ tùba. Bɛ̌ nu Bɔ̌ tù ä tè mɔ̀ klekle, è ke aa wlò je ɛ miǐ kɛ dlǒ chlɛ̀chlɛ numa keǒ nyopòǒ mɔ̀ ü see Nyesoaa tuposàà ɛɛ tè kàan tè po?