Wlǔmɔ 2:3 - Nyesoaa Kuo Win Jajle

³ Ně mɔ̀niapo ale, bɛ̌ nu bò jɛɛ nyopò tùu tè ü nii noǎ kukwǐ, è imo noǎ kukwǐi doǒ nè chɛ̀ bò ke i ni ke, è nè wlò je Nyesoaa tè jɛɛa mi kɛɛ̀ kɛn tàanma le?

Wlǔmɔ 2:3 ပူးပေါင်းရင်းမြစ်များ

Matiɔ̌n 23:33

Amo chì nyeǎ ngmɛ̀ɛ smeaa jlǔà, bo jě kɛ ke a mii na slè mumuɛ je plùua numa aǎ diě poo lo?

Matiɔ̌n 26:53

Sè kɛ i ji ɛ̈ moo Mǒà Ě wɔ̀le je Boǒ poě Ně Gbeǐ wun mɔ̀ tǐi doo tǐ jleě Bɔ dbo Ɔɔ najiǒpò fòfoa ü sìnʼi taslěwɛɛ wlèe tan tùo pù (70,000) kɛn kělɔɔ̌ mɔ̀le?

Lǔkù 12:14

Kɛɛ kě Jùsu dɛ̌a ɔ je Ɔ je, “Ně nenawai, mɔ sàǎ kɛ Mǒ Bo monoǒ tè tùɔ̌ ɔ̀ɔ̌ Bo monoǒ aa dɛ ploɔ?”

Lǔkù 22:58

Tà ɛ kpalaǒo tǐ gbei nya, è jbɛju tɔ̀ɔ jěa ɔlo de ɔ je, “Mòo Jùsuu mɔ̀ cheěn nyoà u nyuu do ke.” Kɛɛ kě Pitɛ̌ dǎla ɔ je ɔ je, “Jbɛjuǒ, Ě se u nyuu do!”

Lǔkù 22:60

Kɛɛ kě Pitɛ̌ dɛ̌a ɔ je, “Jbɛjuǒ tèǒ bòɛɛ Ě seǒ i dɛ fǒ mǒ ji!” Tà win kɛ̀naěe Pitɛ̌ wan bo, è keà jǐ kɛpǒo è kokɔ̌ nɔ̀ǒ slòa.

Wlǔmɔ 1:32

Kàan tè u ji ke Nyesoaa teteǎ dɛ̌ɛ le ɛ̈ moo nyopòǒ ni imoo noǎǒ, kmɔ̌ sie kokoɛ̌ nɛ̀ blɛɛ u je plě ɛ se bu nu imo noǎǒ ɛ doo tè, kɛɛ imo noǎa doǒ nì u pe nyopò tùu kbě ja le keǒ bu nu ke.

Wlǔmɔ 2:1

Tèǒ nì kɔn tè ɛ slě ɛ mɔ̀ kɔn nyu tae bò moo no, nyu wùɛ ɔ̈ jɛɛ lee nyopò tùu tè, kanfinǎ tɛ̀ɛ seǒ ɔ kɛn ne. Bɛ̌ nu bò jɛɛ nyu tɔ̀ɔ tè plě dɛǒ kɔn tè jɛ̀ɛ ɔɔ tè bò ke ɛmo dɛ kukǔu doǒ ni, è nè chɛ̀ǒ jɛɛ tè ke.

Wlǔmɔ 2:2

Bɛ̌ nu Nyesoa Bɔ̌ jɛɛ nyopòǒ ü ni imoo noǎ kukwǐ taeǒ tè, è ä ji ɛle ɛ̈ moo mǒ slɛɛ̌ dɛǒ Ɔ ni.

Wlǔmɔ 9:20

Kɛɛ mòà monoo tùonyugbe, à kpě tae kɔ̀ɔ̌n kɛ è jɛɛ leě wun de kělɔ Nyesoa mɔ̀? Dɛ̌ɛ̀ jagbee ɛɛ̌ gbà nyuǒ nu ɛ wan ɛ̈ moo, “Mɛ kɔɔ̌n tè nùǔ bo mǒ nunuɛ?”

1 Tɛseloniǎ 5:3

Tà nyopò miǎ bòo dǎba ɛ̈ moo, “Noǎ wùɛ i nu tɛɛ, tè se tà neò,” bǔ muǎ jǐ kapǒba, è gbè sùesuɛ nɛ̀ǒ palǎ u bobo wòje keà kwlě jɛɛ lee kmàe nynɔ. U seǎ ɛ je plùuba mu.

Hiblǔ 12:25

Ba jě lɛ ɛ̈ moo aa wlè biǐ jɛkɛ̌ keǒ ba po Nyesoaa win nɔkǔ jebo. Tǐǒ jleě Ɔ boɛa Ɔɔ winʼǒ klě kmɔ̌ mɔ̀, nyopòǒ je ü sea Ɔɔ nɔkǔ jebo po, Ɔɔ plɔɔ tu kɛn bo maěaǒ u sea ɛ je plùu lu. Bɛ̌ nu bä tbɛ Ɔ kɛn Ɔ̈à sèsɛɛ ämoo wlòmo jɔkɛnʼɛ tè, a mi plɔɔ tu kɛn bo maěa fòɛ kɔnma.

Hiblǔ 2:3

Ii tè bɛ̌ nu bä sà tuposà taeǒ nɔkǔ mǒ ɛ̈ kɔn tè boǎa jǐ ɛ̈ kwɛɛǒo äa wowa dɛ jleě mǒ bo, è ke ä wɔ̀le je bä nuǔ kɛ Nyesoaa plɔɔ tu kɛn bo maěa je plùua? Koɔn Jùsu Nɔ̀ moo klekle Nyu Ɔ̈ tmɔɔ̌ ɛɛ tè ämo plě nyopòà kɔn chɛ̀ poaǒo Jùsu wien nɔkǔ ǔ poo ɛ kòo kɛn keǒ ä mɔ̀.