Wlǔmɔ 15:2 - Nyesoaa Kuo Win Jajle

² Kɛɛ äa do do bä bloo nyopò tùu plɔ ɛ̈ di ɛɛ numa uu tè wlò popoɛ mǐ kbě ja le be.

Wlǔmɔ 15:2 ပူးပေါင်းရင်းမြစ်များ

Wlǔmɔ 14:19

Tèǒ nì kɔn tè a nɛ bä wɔ̀nʼɔ dɛà kɛn ɛ̈ miǒo ně bo wnawna klee měne sèsɛɛa tà jaba äa tè wlò popoɛ mǐ kun.

1 Kwnɛtiɛ̌ 10:23

È kě a dɛ̌ ɛ̈ moo, “Fɔ̌ nyee äne keǒ bä nu dɛ wùɛ,” kɛɛ ɛ se noǎ wùɛ i se kàan nu keǒ nyopò tùu mɔ̀. I moo kàan tè fɔ̌ nyee äne keǒ bä nu dɛ wùɛ, kɛɛ ɛ se noǎ wùɛ iǐ sɛ̀ɛ nyopò tùu mɔ̀ keǒ bu kun klě tè wlò popoɛ mǒ.

1 Kwnɛtiɛ̌ 10:24

Nyu wùɛ se je blɛɛ le bɔ wɔ̀ɔn ɔɔ chɛ̀ɛ kàan dɛɛ tè kɛn. Ɔ blɛɛ je bɔ wɔ̀ɔn nyopò tùu tè kɛn.

1 Kwnɛtiɛ̌ 10:33

A nu dɛɛ doà Ě nii. Noǎ wùɛà Ě nii Ě tɛ̀n ɛ mǒ keǒ bo bloo nyu wùɛɛ plɔ. Ně wɔ̀ɔn ně chɛ̀ɛ kàan dɛɛ tè kɛn, kɛɛ Ě wɛ̀ɛn kàan dɛɛ tè kɛn keǒ nyopò tùu mɔ̀ ɛ̈ di ɛɛ numa u mǐ wa klě kpni kukwǐi plɔɔ tu kɛn bo maěa bobo.

1 Kwnɛtiɛ̌ 13:5

Seǒ nyu wùɛ tùtuɛ kɔn slě ɛ mǒ ne plě ɛɛ̌ tɛ̀n ɛ mǒ keǒ ɛɛ do bɛ kɔn noǎ wùɛ, ɛɛ̌ poě jlo le klee ɛɛ̌ po dɛ kukǔ ble keǒ nyopò tùu jleě mǒ.

1 Kwnɛtiɛ̌ 14:26

Ně bǐì Tentǎn Jǔu wǎn ane, mɛ a je Ě sɛ̀ɛ̌n kɛ nynɛ̌? Dɛ Ě sɛ̀nʼɛ nynɛ̌ nɛ̀ moo bǎ wɛ̀ de keǒ ba sà Nyesoaa wɛ̀, aa wùɛ a wɛ̀ mɔ̀le a mǐ ble klee a mǐ Nyesoaa win tee le klee a mǐ tuposàà ɛ̈ sɔn lěe Nyesoa mɔ̀ mǒ kɛn le sèsae le plě a mǐ dɔ̌ɔdɔ̌ win po klee a mǐ imo winʼǒ kɛn le sèsae le. A nu noǎ wùɛǒ i mǐ Nyesoa nyopò wùɛɛ tè wlò popoɛ měne kunkuu nu.

1 Kwnɛtiɛ̌ 14:3

Kɛɛ nyu wùɛ bɔ̌ ke Nyesoaa tè boɛ, ɔ boɛě tùonyopo mɔ̀, noǎǒ ɔ boɛɛ ǐ pe uu tè wlò popoɛ kbě ja le ǐ pe u kbě ja le ǐ tùiě u wlò wlòmo ble.

2 Kwnɛtiɛ̌ 12:19

Aa wlò je tǐ wùɛ mɔ̀ ä wɛ̀ɛn kɛ äa chɛ̀ kɛn keǒ a jemǒ le? Ɛ se bò nu, äa dɛ wùɛ ä boɛɛ ä boɛǒ ɛ Nyesoa jemǒ ɛ̈ kɔn ämo moo Tentǎn Jǔu wǎn. È ně mǒ noɛɛ mɔ̀niapo ale, dɛ wùɛà ä boɛɛ ɛ moo aa kbě ja le popoɛ tè.

2 Kwnɛtiɛ̌ 13:9

Bɛ̌ nu äa kbě ja le wèwɛ bɛ̌ nu amo bǎ be kbě ja le, è äa plɔ blo lo keǒ bä wɛ̀ kbě ja le. Dɛ kɔn tè ä bɛ̀te lee kɛn chɔɔ nɛ̀ moo keǒ ba snǎě mɔ̀le kpǎkpǎ.

Ifisiɛ̌n 4:12

Dɛǒ nɛ̀ kɔn mǒ Tentǎn Jǔu wǎn wɛ̀ɛě mɔ̀le keǒ bu nu Nyesoaa konkwa ɛ̈ di ɛɛ numa Tentǎn Jǔu wǎn ü moo Ɔɔ fǒ u mǐ kun

Ifisiɛ̌n 4:29

Aǎ boɛ dɛ wùɛ ɛ̈ mii nyopò tùu mǒ bo sǐba, kɛɛ a boɔ dɛǒ sɛ̀ɛ lee tùonyopo mǒ sosǒ ɛ mǐ u měne kunkuu nu ɛ̈ di ɛɛ numa nè boɔboɔ winʼǒ i miě nyopòǒ wɔ̌n nii dɛ bo po.