Wlǔmɔ 10:9 - Nyesoaa Kuo Win Jajle

⁹ ɛ̈ moo bɛ̌ nu bɛ̌ diiǒ nè chɛ̀ wien ɛ̈ moo Jùsu moo nè Koɔn plě bò po i kàan tè klě dìe wlò jleě ɛ̈ moo Nyesoa Nɔ̀ sàě Ɔ kǒla mǒ, mì waba.

Wlǔmɔ 10:9 ပူးပေါင်းရင်းမြစ်များ

Lǔkù 12:8

Ě tmɛɛ̌ ane, nyu wùɛ ɔ̈ mii nyopò tùu tmɔɔ̌ma keǒ Ně tè mɔ̀ ɛ̈ moo ɔ po Ně tè kàan tè, ɔmoǒ nɔ̀ kɔn tè Jbɛjuu Jǔà Ɔ miǎ Nyesoaa najiǒpò je boɔba ɛ̈ moo Ɔ ji ɔlo ke.

Jɔ̀ɔ̌n 9:22

Tè kɔn tè ɔɔ naǎ klee gbeǐ dɛ̌a bòo nɛ̀ moo u pea Jùwɛ nyoo nyefòapoo fano. Mɛ̌oǒ joo nɛ̀ moo u chlàla ɛle ɛ̈ moo nyu wùɛ ɔ̈ mi ɛɛ boɔba ɛ̈ moo Jùsu moo Tentǎn Jǔ u kɔn bu sàě ɔ Nyesoa koǔ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 16:31

U tùa lɔ kɛ̀ɛn u je, “Mò klee nè koǔ bo kwɛɛn ba po Koɔn Jùsuu tè kàan tè, aa wùɛ a mǐ wowa dɛ kɔn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:24

kɛɛ Nyesoa dǔa Ɔ jemǒ Ɔ̌ gblàlaě Ɔ kokoɛ̌ɛ chnechně noǎa slè. Ɛ slě ɛ wɔ̀ bo kokoɛ̌ bɛ di Ɔ kwa blě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:32

Nyesoa Nɔ̀ dǔa Jùsu jemǒ Ɔ̈ sàlaě Ɔ kǒla mǒ, è äa pɛpɛ wùɛ ä moo sàse keǒ ɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:36

Tà u keaa je tèe le u keaa mi kaǒ, è nùǒ wǒaǒ ně wien. È kě nyefòɛǒ ɔ dɛ̌a Felɔ̌ je ɔ je, “Tanà le, deě dɛ tɛ̀ɛ siǐ jè kɛǒ ɛ̈ kɔn tè Ě se je blɛɛ le boǒ poo ně dlǒ le?”

Wlǔmɔ 10:10

Ii kàan tè popoɛ klě aa chɛ̀ wlè jleě nɛ̀ mi a jebo siǐn nyo mǒ numa plě ba sàě i wun mǒ nɛ̀ mi a waba.

Wlǔmɔ 14:11

wòje ke ɛ nuu chleěa klě Ɔɔ win wlòmo i dɛ̌ bòo ɛ̈ moo, “Kě Koɔn dɛ̌ Ɔ je, ‘Keǒ Ě nu ɛɛ jijiɛ tɛɛ ɛ̈ moo Ě ne kmɔ̌, kě nyu wùɛ miǎǒǒ kwne jemǒ bo kokɔ numa plě ɔɔ chɛ̀ miǎ ɛ boɔ ɛ̈ moo Ě moo Nyesoa.’ ” (Is 49.18, 45.23)

Wlǔmɔ 14:9

Tè kɔn tè Tentǎn Jǔ kǒo plě Ɔ dǔu jemǒ de nɛ̀ moo ɛ̈ di ɛɛ numa Ɔ mǐ kokǒ nyo klee kmɔ̌ ne nyo win kwa kɔn.

Wlǔmɔ 4:24

Nyesoaa win sɛ̀n ä nynɛ̌ ke ämoà Ɔ wɛ̀ɛ mɔ̀le Bɔ dae lee jebo siǐn nyo ü poo Nyesoaa tè kàan tè Ɔ̈à dǔaa Jùsu jemǒ äa Koɔn Ɔ̈ sàlaě Ɔɔ kǒla mǒ.

Wlǔmɔ 8:34

Mɔ miǐ kɛ ä kokǒ wun kɛn bɛ̌ba? Tentǎn Jǔ Jùsu kǒ keǒ ä mɔ̀ plě ɛ se ɛɛ do, Nyesoa sàě Ɔ kǒla mǒ. È klě tǐà wlòmo Ɔ neeě Nyesoaa dilǎ son mɔ̀ bo Ɔ̌ bɛ̀te keǒ äa tè mɔ̀.

1 Kwnɛtiɛ̌ 12:3

Tèǒ nì kɔn tè boǒ sèsae a wlòmo, nyuà Nyesoaa Sùsu neěe ja ɔɔ̌ boɔ dɛà ɛ̈ moo, “Chlǒ keǒ Jùsu kɛn,” plě nyu wùɛ nɔ̀ slě wɔ̀ bɔ dǎ bò ɛ̈ moo, “Jùsu moo ně Koɔn,” ɛ̀ sìnʼǒ Nyesoaa Ngmà Je Ne Sùsu Bɛ̌ neě ɔ ja plě.

Flepiɛ̌n 2:11

è nyu wùɛ kɔn bɔ boɔ lɛ ɛ̈ moo Jùsu Tentǎn Jǔ moo Koɔn ɛ̈ di ɛɛ numa Nyesoaǒ monoo Gbeǐ Ɔ mǐ tè jǐ boaboǎ kɔn.

1 Pitɛ̌ 1:21

Tentǎn Jǔ Nɔ̀ nu ɛ ǎ kɔn wlò kpaea klě Nyesoa mǒ Ɔ̈ dǔa Ɔɔ jemǒ Ɔ̈ sàlaě Ɔɔ kǒla mǒ Ɔ̌ nyea Ɔ tè jǐ boaboǎ ɛ̈ di ɛɛ numa a mǐ Ɔmo Nyesoa wlò kpae le klee a mǐ Ɔ wlò je kuun nu.

1 Jɔ̀ɔ̌n 4:15

Nyu wùɛà mi nii kàan tè poba ɔ̈ boɛ lii ɛ̈ moo Jùsu moo Nyesoaa Jǔ, Nyesoa neeě ɔ mǒ no plě ɔ̌ neeě Nyesoa mǒ.

2 Jɔ̀ɔ̌n 1:7

Nyopò fòfoa neɔ kmɔ̌ɔ mɔ̀ u gbee lee nyopò tùu mǒ. U tmɛɛ̌ u ɛ̈ moo Jùsu slě tùonyugbe tǔn wlòmo dii li. Nyu taeǒ kɔn ka ne bòo je ɔ moo nyopò mǒ boo nyu plě ɔ̌ moo Tentǎn Jǔu jlae nyu.