Wlǔmɔ 10:3 - Nyesoaa Kuo Win Jajle

³ U se ke Nyesoa nii nyopò jebo siǐn nyo mǒ nunuɛ ji, tèǒ nì kɔn tè u tɛ̀na ɛ mǒ keǒ bu nua uu chɛ̀ jebo siǐn nyo mǒ keǒ uu ble po dɛ mǒ, uǔ jlǎ bu kme Nyesoaa dɛà bo ɛ̈ mi nuu jebo siǐn nyo mǒ numa.

Wlǔmɔ 10:3 ပူးပေါင်းရင်းမြစ်များ

Lǔkù 10:29

È teteǎ tee nyuǒ ɔ jlɛ̌ bɔ teea lɛ ɛ̈ moo tèǒ ɔ gbàlaa wan i neaǒ mɔ̀ snǔ. Ii tè kě ɔ nia Jùsu wan gbògba de ɔ je, “Nyopò tùu tae boǒ noɛɛ neě kɛ mǒ?”

Lǔkù 16:15

È kě Jùsu dɛ̌a u je Ɔ je, “A tɛ̀n ɛ mǒ keǒ ba moo kàan nyo keǒ nyopò tùu jǐ kɛn, kɛɛ Nyesoa ji dɛ neě amoo wlò jleě le. Noǎà kɔn tè kmaa keǒ tùonyopo mɔ̀ i se dɛ nynɛ̌ sɛ̀n klě Nyesoa jǐ kɛn.

Wlǔmɔ 1:17

Nyesoaa tuposàǒ nɛ̀ tee ɛ ämo ke Ɔ nii tùonyugbe jebo siǐn nyu mǒ nunuɛ. Ɛ tùu ɛ tè wlò popoɛ wlò ɛ̌ chlàa ɛ tè wlò popoɛ dlǒ wòje ke Nyesoaa win dɛ̌ɛ ɛ̈ moo, “Nyuà Nyesoa nuu jebo siǐn nyu mǒ nɔ̀ kɔn tè wlò popoɛ, dɛǒ nɛ̀ kɔn tè ɔ mi kmɔ̌ sie fònfno kɔnma.” (Hab 2.4)

Wlǔmɔ 10:2

Ě wɔ̀le je boǒ nu ɛ sàse dɛ le ɛ̈ moo u nye uu chɛ̀ Nyesoa, kɛɛ u se dɛ u nii ji.

Wlǔmɔ 10:20

Nyesoaa wnɔsàɔ Aesaeǎ kunʼa jele ɔ̌ boɔla i ke, kě Nyesoa dɛ̌a klě ɔ mǒ Ɔ je, “Ě sɔnaǒ nyopòà mɔ̀ mǒ ǔ jěa Mǒ üǔ pɔ̀na pnɔ Mǒo le plě Ě poa Ně chɛ̀ pepě mǒ keǒ u mɔ̀ üà uǔ gbàla pnɔ Něe tè wan.” (Is 65.1)

Wlǔmɔ 11:7

Dɛ ɛ sɛ̀nʼɛ nynɛ̌ nɛ̀ moo Ǐsòwɛ̌ kwɛɛn se dɛǒ u pɛ̀nʼaa le jě, kɛɛ nyopòà Nyesoa sàǒo nù kɔn do kɔn jebo siǐanʼǒ. Nyopò tùuǒ siǒo uu dlě jakǎ le,

Wlǔmɔ 3:22

Nyesoaa jebo siǐan keǒ ä mɔ̀ ɛ diiě äa tè wlò popoɛ mǒ ɛ̈ ä kɔnʼɔ klě Jùsu Tentǎn Jǔ mǒ. Ɛ neǒ no keǒ nyu wùɛ mɔ̀ ɔ̈ po lii kàan tè. Mɔ̀le bebɛ̌ seǒ Jùwɛ nyo klee kuodakwɛ̌ pǎnpe ne.

Wlǔmɔ 3:26

Klě tǐǒ wlòmo Nyesoa kɔna wlò dbadbǎ ɛ̌ kpala ɛ kpa kpa ɛ̌ jɛ tǐà ä neěe wlòmo, tà Ɔ po ɛɛ pepě mǒ ke Ɔ nii nyopò jebo siǐn nyo mǒ nunuɛ. Dɛǒ nɛ̀ nu ɛ Ɔɔ chɛ̀ Ɔ̌ moo Jebo Siǐn Nyu plě Ɔ̌ ni nyopò jebo siǐn nyo mǒ ü kɔnʼɔ tè wlò popoɛ klě Jùsu mǒ.

Wlǔmɔ 5:19

Keǒ ɛ nuu nyuu doo seǒ Nyesoa bo tù kmɔ̌ nuu nyopò fòfoa ǔ monoo kpni kukwǐ nu nyo, kě Nyuu doo Nyesoa bo tùtuɛ kmɔ̌ nu nyopò fòfoa ǔ moo jebo siǐn nyo.

2 Kwnɛtiɛ̌ 5:21

Nyesoa nua Tentǎn Jǔà dɛ kukǔ slě mǒ ne keǒ Bɔ wǒa dɛ kukǔ nuɔ keǒ äa tè mɔ̀ ɛ̈ di ɛɛ numa Ɔmo Nyesoa Ɔ mǐ ä jebo siǐn nyo mǒ nu klě Tentǎn Jǔ mǒ.

Flepiɛ̌n 3:9

plě Ě mǐ tè wlò popoɛ kɔn klě Ɔ mǒ. Dɛǒ nɛ̀ bo nu, è Ě se ně jebo siǐan kɔn klě teteǎa ble tùtuɛ mǒ, kɛɛ Ě kɔn nɛ klě tè wlò popoɛ mǒ. A jě lɛ, Nyesoa nu ä mǒ jebo siǐn nyo klě tè wlò popoɛ ä kɔnʼɔ mǒ.

2 Pitɛ̌ 1:1

Mǒ Saemɔ̌ Pitɛ̌à chlě chněedɛ̌à ɔ̈ monoo na wien po nyebajlo klee Jùsu Tentǎn Jǔu tuposà kpa nyu, Ě chleě ɛ amo nyopòà mɔ̀ ü kɔnʼɔ kàan tè wlò popoɛɛ doà ä kɔnʼɔ ɛ̈ sɔn lěe jebo siǐn Nyesoa mɔ̀ mǒ klee äa Wowa Nyu Jùsu Tentǎn Jǔ.