Wlǔmɔ 10:2 - Nyesoaa Kuo Win Jajle

² Ě wɔ̀le je boǒ nu ɛ sàse dɛ le ɛ̈ moo u nye uu chɛ̀ Nyesoa, kɛɛ u se dɛ u nii ji.

Wlǔmɔ 10:2 ပူးပေါင်းရင်းမြစ်များ

Jɔ̀ɔ̌n 16:2

U mi a Jùwɛ nyoo Nyesoa keǐ bo ble le sàba. Ɛ kɔn tǐ miěe dibaa chɛ̀ nyu wùɛ ɔ̈ mi amoo dbǎba ɔ mǐ ɛɛ jě ɛ̈ moo Nyesoaa konkwa nɛ̀ǒ ɔ ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:20

Tà u wɔ̌naa tèǒ, è nùǒ pea Nyesoaa nynɛ̌ le, kě u dɛ̌a Pɔ̀ɔ̌ je u je, “Äa nenawai po nɔkǔ bo, Jùwɛ nyoo taslěwɛ nù po Jùsuu tè kàan tè plě nù poě uu kmɔ̌ neneɛ Nyesoa kwete mǒ keǒ bu tùǒ Ɔɔ teteǎ bo ï Ɔ nyeaa Mɔ̀sě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:28

ǔ pnɛ̌a le, kě u dɛ̌a u je, “Ǐsòwɛ̌ kwɛɛn ale, a mǎǒ ä mɔ̀! A jè jbɛju tee lee nyopò klě tà wùɛ bu wɔ̀n äa nyopò je klee äa blětà teteǎ plě klee kǎ fòɛà nɔ̀à! Klě tǐà wlòmo ɔ jaɔ kuodakwɛ̌ɛ tìe kělɔ kǎ fòɛà bo ǔ wlǎ ngmà je ne tùɔnʼà ɛɛ ngmà!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 22:22

Diblɛ̌ǒ u poa Pɔ̀ɔ̌ nɔkǔ jebo ɛ̌ kpala ɛ kpa ɔ̌ boɔa ɛmo dɛǒ. Jùwɛ nyo poa ɛ kàan tè ɛ̈ moo nù kɔna Nyesoa, Ɔ seaǒ kuodakwɛ̌ mɔ̀ kɔn. Tèǒ nì kɔn tè tà u wɔ̌na imoo tèǒ, è nùǒ bea jlo měne u pnɛ̌a dɛ jleě le ke u nuaě ɛɛ wòwɔ u je, “A dbǎ nyuà! Ɔ se kmɔ̌ ne dɛ!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 22:3

“Ě moo Jùwɛpoi, Ě kɔnʼě dě fòɛǒ moo Tasà wlòmo ɛ̈ neěe Selesìa wakǎ kɛn. Kě Ě kuunʼɔ Jlǔsnɛ plě Ě cheěnʼaě jbɛjuǒ moo Kamilìa bobo ɔ̈ teea mǒo äa gbeǐpòo teteǎ kàan wɛ̀. Ě poaě ně chɛ̀ Nyesoa kwete mǒ keǒ Ɔɔ konkwa nunuɛ mɔ̀ wòje keà aa nyu wùɛɛ ka ne kekɛɛ je.

Wlǔmɔ 10:1

Ně bǐì Tentǎn Jǔu wǎn ane, dɛ ně wlò blɛɛ lee mɔ̀le chɔɔ plě ɛ̈ kɔn tè Ě bɛ̀te lee kɛn klě Nyesoa mɔ̀ nɛ̀ moo bo Nyesoa Bɔ gblà Jùwɛ nyo klě uu kpni kukwǐi plɔɔ tu kɛn bo maěa bobo.

Wlǔmɔ 10:3

U se ke Nyesoa nii nyopò jebo siǐn nyo mǒ nunuɛ ji, tèǒ nì kɔn tè u tɛ̀na ɛ mǒ keǒ bu nua uu chɛ̀ jebo siǐn nyo mǒ keǒ uu ble po dɛ mǒ, uǔ jlǎ bu kme Nyesoaa dɛà bo ɛ̈ mi nuu jebo siǐn nyo mǒ numa.

2 Kwnɛtiɛ̌ 4:4

Kmɔ̌à ɛɛ dɛ kukǔu nyesoa ɔ̈ moo kǔ ɔ kan uu tè le jbojbɛɛ jǐ kɛn ɛ̈ di ɛɛ numa uǔ di pepěǒ sonwɛ lěe kàan tuposà mǒ jě ɛ̈ kwɛɛǒo Tentǎn Jǔu tè jǐ boaboǎ jleě mǒ bo Ɔ̈ wǒo Nyesoa je teěn teěn, ii tè uǔ po i kàan tè.

2 Kwnɛtiɛ̌ 4:6

Mɛ̌oǒ joo nɛ̀ moo Nyesoaa doǒ Ɔ̈ nuaa pepě ɛ̌ fɔnaa klě kwijlě slè Nɔ̀ fɛn klě äa wlè jleě ɛ̈ nu ɛɛ ä kɔnʼɔ pepě ɛ̈ monoo Nyesoaa tè jǐ boaboǎa tè le jbojbɛ ɛ̈ fɛɛnʼǒo Jùsu Tentǎn Jǔ je.

2 Kwnɛtiɛ̌ 8:3

Ně chɛ̀ mǒ moo sàse keǒ noǎ fòfoa u nyeeaa mɔ̀ ke u nuaě ɛɛ wòwɔ ɛ̌ sìnʼaǒ le ɛ̈ see nyu bɔ kpaea u kbě.

Kalesiɛ̌n 1:14

Klě ämo Jùwɛ nyo slè ämoà moo tùgbɔɔ äa bě tɔ̀ɔ wùɛ nɔ̀ seě kɛn jɛɛ le keǒ Jùwɛ nyoo Nyesoa dɛɛ tè kmakma mɔ̀. Plě sɛjesɛ Ě kmana äa gbeǐpòo blětà noǎa tè.

Kalesiɛ̌n 4:15

È mɛ kpaǎ kɛ tùɔn de keǒ aa chǒn le nunuɛǒ mɔ̀? Ně chɛ̀ mǒ moo sàse keǒ a mɔ̀ ɛ̈ moo bɛ̌ nu bɛ̌ wɔ̀ɔa lě ɛ, a miia lě aa chɛ̀ɛ jǐ sàba a miǐa i mǒ nye i miǐaǒ mǒ mɔ̀ mǎ.

Flepiɛ̌n 1:9

Ě bɛ̀te Nyesoa a mǐ měne nonoɛɛ ne ɛ mǐ kɛn le bebee le klee a mǐ dɛǒ monoo kàan dɛ ji plě klee a mǐ tè tù klě mǒ slɛɛ̌ tǔn wlòmo kpǎkpǎ.

Flepiɛ̌n 3:6

Ě nea kbě kɛn Ě mɛ̌aǒ Jùwɛ nyo mɔ̀ ǔ tèa Tentǎn Jǔu wǎnʼa tè mɔ̀. Ě wɔ̌na jebo siǐn tè, nyu wùɛ ɔɔ̌ jěa mǒ keǒ bo tè bi kmea mǒ keǒ Nyesoaa teteǎa dɛɛ doo chɛ̀ wlawlǎ mɔ̀.

Klasɔ̌n 4:13

Mǒà mǒ moo sàse keǒ Ɛpaflɔ̀ mɔ̀ ɛ̈ moo ɔ peě kbě ɔ̌ ni konkwa keǒ aa tè mɔ̀ klee keǒ Tentǎn Jǔu wǎn mɔ̀ ü neěe Lodisìa klee Hawlapolè deě wlòmo.